金利來食坊 (已結業)

上星期去了吃，人很多，個個食野前都拍照，很好笑。以為會好食，但樣樣野都咸到死，而且一款餸，最少兩至三枱叫，所以好流水作業式，吃了鼓椒聖子(d鼓椒汁ok，但肉就麻麻地)，蠔餅(好多油)，黃金蟹(好咸)，菜(最似樣呢個)，椒鹽白飯魚(咸到唔想吃)。真係有d失望。

以前細細個成日經過牛頭角下村，都不以為意有呢間野，剩係覺得呢條街成日都好旺，但從來都無嚮呢度食過野。直至到一個月前有個朋友話想食大排檔，帶左我黎呢度，先知原來走寶走左好多年。今晚係第二次黎呢度，六點幾黎到，等左大概１個鐘先有位，不過大家都等得心甘情願，因為就快拆，金利來Ｄ野又超好食，唯有等一等。我地兩個人首先叫左豉椒炒聖子、飄香雞、蠔餅、京都骨拼豬大腸，之後再追加一碟椒鹽賴尿蝦，聖子好入味，有好多肉，飄香雞又真係好香，肉質鮮嫩，個汁又好好味，蠔餅雖然Ｄ蠔唔係好多，勝在個蛋汁煎得好香，豬大腸就入口鬆脆，肥而不膩，賴尿蝦炸得好鬆好脆，齒頰留香。要一讚既係價錢平，伙記態度好，食完真係有物超所值既感覺。

今日放學約好男友仔去睇下就清拆既牛頭角下邨, 試完雞旦仔, 6:45去到呢間食坊, 點解揀呢間? 因為之前上來做功課, 見咁多人讚呢間好食~~去到排左大半個鐘, 叫左魚香茄子煲, 椒鹽鮮魷魚酥+雞軟骨, 生炒骨~~~好期待呀~~~結果:椒鹽鮮魷魚酥+雞軟骨: 尚可接受, 雞軟骨東一粒西一粒, 同d 魷魚痴埋~生炒骨: ok, d 汁幾酸, 我中意食酸魚香茄子煲: 不能接受的勁咸, 叫多碗飯黎送都頂唔順.....食完後好口渴, 咸到好唔舒服, 要拿拿聲周圍搵甜野食~~~真係唔掂

一行四人按原定計劃走到牛頭角下村九座吃飯，由於事前已做了功課，所以大部分叫o既都係大家讚過o既小炒。有 1)椒鹽魷魚+九肚魚 : 原本唔要魷魚要魷魚鬚，點知黎到都係魷魚!!! 炸得好好食，炸粉只係薄薄一層掛o係魚類上!!! 脆得黎又唔會有"界" 口o個種熱氣。2) 黃金軟殼蟹: 兩個字，超讚!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 伴碟o既粟米已無咩味，因為粟米味已融入蟹中，軟殼蟹好大隻，一咬入去咸蛋黃汁已滲出!!! 真係好好食，一碟係唔足夠!!! 3) 咕嚕蝦球: 呢碟係後加o既，menu 無，只因為唔想食雞或魚所以叫蝦。食完明白點解無，因為咕嚕根本唔match 蝦，無錯蝦係好新鮮但咕嚕係浪費左。4) 豉椒炒蟶子: 平!!! 以呢個價錢 (大約$50) 係好抵食!!!5) 金銀蛋豆苗: 呢個有少少失望，咸蛋味唔夠，可能叫清炒好食d。環境同服務係計算之內，waiter 哥哥好忙，好似麥兜咁，炒菜又係佢，上菜又係佢，落單、送啤酒、拎杯杯碟碟都係佢，好搞笑~~多d 人一齊黎可以試多幾樣~~openri

這日工友飯聚於牛頭角下村金利來﹗快要清拆的牛頭角下村，相信在這一頭工作已久的工友們都有0的唔捨得﹗10:00pm先來到，今晚又唔算多人喎﹗一行十四人訂左枱一來到已經可以入座﹗先來豉椒鵝腸，我就一向都唔食架喇，不過有工友說要添食，食完再來多碟，可以相信呢碟野都幾靠得住﹗右面的是黃金脆肉瓜，炒起脆肉瓜再加鹹蛋王炒，惹味濃香中有清甜﹗好食﹗左面的是粟米魚肚羹，為大肚婆而設，充滿蛋香不過我覺得淡左少少﹗呢碟豉椒蟶子我一拍完照食左一隻之後已經俾人搶哂，新鮮彈牙夠入味﹗好食﹗反而另外有叫炒蜆殼多過肉幾倍，搵極都搵唔到肉之下放棄了﹗辣酒花螺個汁唔多覺得辣，螺肉有嚼勁卻未算鮮甜﹗呢個雞係呢度名菜，叫做飄香雞，雞面先鋪上海蜇，再用大量豉油辣椒香蔥作汁﹗白切雞本身我一向都麻麻，小試一口之後發現雞肉相當嫩滑又肥美多肉，蘸0的醬汁食更覺微辣而惹味，工友個個搶住食，食完一隻之後再添多半隻﹗椒鹽雙扒及魷魚，呢度0的炸粉用得比較厚身，椒鹽味道適中，魷魚彈牙惹味﹗呢個肉片西蘭花我想食之時已俾人食哂﹗椒鹽軟殼蟹，對上一次來食過之後念念不忘﹗超大碟數下數下有成五六隻蟹仔，炸得鬆化脆口，熱辣辣半隻放入口慢慢咀嚼是人生一大享

2009.2.13是夜與舊同學好朋友飯聚, 因為呢度快要清拆, 就來懷緬一下吧。其實我未黎過牛頭角下村大排檔食飯, 今次係第一次; 亦希望係佢拆之前再黎多一次。我地有3個人, 2個男仔, 所以就點4個餸, 怕男仔唔夠飽。沙拉骨: 想吃這一個菜很耐了, 之前都未食過。不過上菜時同我印象中的有一點不同:應該是沙律醬薄薄的扣著肉排吧, 來到的是很多沙律醬鋪在肉排上。吃一塊, 很淋, 醃得很入味, 加上酸甜的沙律醬, 以為是開胃的菜式。不過吃多2 塊後, 很膩呢, 畢竟是一味很滯的菜。西檸雞: 賣相很好, 而且大大碟。 吃了一件雞, 咦? 檸檬汁帶有微微的苦味。剛看了一篇報導, 榨檸檬要用陰力才不會苦的。 我想, 他們用錯力道了。檸檬汁帶有苦味, 整個菜也大打折扣了。炸雞件的炸粉厚了一點, 而且炸到有一點肢離破碎。煎蠔餅: 很大的一個蠔餅, 比盛著它的碟還要大。 蠔肉是有的, 也不少的, 只是與雞蛋的比例看來, 會顯得不夠。附上魚露伴吃, 個人認為不點魚露更好。蒜蓉炒豆苗:夠鑊氣, 夠大碟, 夠抵食。與友人飯聚暢談, 真是一大樂事, 3個人食4個餸, 竟然飽到食唔曬。

黎過幾次，每次都係同前老公仔黎，雖然唔係樣樣都好好食，不過真係夠晒風味，香港既大排檔真係買少見少，最緊要都係一齊食飯既對手！我次次都會食北海道花皮，我諗係類似海蜇o既野，好爽口，好香．每一餐我都要食菜，今次炒左個西蘭花，炒得好香，菜都好脆．今次叫左個前老公仔唔多鍾意食既腊味籠仔蒸糯米飯，真係好大籠，食唔晒，水準可以，我諗花蟹籠仔蒸糯米飯會仲好食．兩個人食左三樣o野，無樣食得晒，仲有得打包返屋企俾屋企人食．所以雖然今次兩個人食左$140，但係其實夠三個人食到好飽．之前都有食過海鮮，都唔錯，價錢亦合理．環境係差少少，不過黎得呢度食飯就預左係咁，最緊要食得開心．睇到其他食評話呢度就黎拆，真係有D可惜，就由得呢間食店隨住失去o既感情離開啦，所有回憶都會留o係我心裡面！

牛頭角下邨將於年底清拆了, 很不捨得這裏的美食, 呢度有我和家人、朋友、同學一同開飯的回憶, 已經變成我們聚會吹水閒聊的飯堂, 一想到這裏快將清拆, 感觸良多, 惟有趁住仲有幾個月的時間, 黎食多幾次吧一行3人點了5道菜豉椒炒聖子: 太多沙, 食唔落惟有cancel左粟米魚肚羹(細): 細的份量已經好多, 平均每人3碗都仲有剩; 味道清甜, 魚肚有很多, 切成指甲大小, 很滑; 飲左3碗都唔覺口渴XO醬肉絲蒸茄瓜: 叫左少辣, 茄子蒸得很腍, 好易入口; 美中不足是油太多, 本想叫道菜清清腸胃, 得不償失沙拉骨拼窩貼蝦餅: 第2次叫這道菜就知佢有幾好味啦, 但份量比上次縮水了??通脹問題?菠蘿雞粒炒飯: 份量足, 很惹味, 禁不住添飯的意慾XO醬炒豬頸肉: 由於cancel左炒聖子, 換成叫炒豬頸肉, 但想不到落了這麼多菲菜, 而且好鹹, 結果無人問津連埋6罐汽水, 結帳$244這家my favourite的大排檔每次均沒有令我和朋友失望, 每次都食到肚腩現形, 要捧著肚子打道回府, 高質素的美食, 亦夠鑊氣; 若未嘗過的朋友要注意, 這裏的食物份量較大, 且很油膩, 吃得下才好; 環

小時候住在牛頭角下邨，家裡是無飯家庭。所以久不久便會到金利來吃飯。搬離下邨後，也經常回到這裡，算是懷念一番吧。今天跟家人到附近看電影，完場後又到金利來吃飯。7時左右到達時只剩三張台，吃至中途已經看見外面大排長龍。三個人叫了黃金脆肉瓜，滷水拼盤，椒鹽鮮魷拼椒鹽九肚魚，咕嚕鴛鴦球，魚香茄子煲。黃金脆肉瓜咸蛋黃份量少了點，多些效果會更好。滷水拼盤份量大，材料豐富。但滷水淡淡的。不太夠味。椒鹽鮮魷拼椒鹽九肚魚炸得鬆脆，不油膩。魷魚也夠厚身。不錯。咕嚕鴛鴦球即雞和魚。兩者炸得夠脆。炸粉不會過厚。可惜甜酸汁則甜了一點。魚香茄子煲獲氣十足，上台時香氣四溢，齋吃會咸了點。送飯剛剛好。連白飯三碗，兩支可樂。結帳268。需然菜式水準不可說得是十分好，但已經不錯。但自小吃到大，這感情分加埋。這笑面是不可不給的了。金利來的菜式的份量會比較大，食量小的人請注意。

星期日同我男友重有個friend，三個人食$2XX，真係正，叫左5個！有"椒鹽九肚魚"、"沙薑雞腳"、"炒蜆"、"黑椒牛仔骨"、"炒豬頸肉"，叫左2罐汽水同白飯清晒，重好包第三次，水準一樣好抵食.......

無論2個人又好，一大班人又好，我都鍾意去呢度食一黎我自己鍾意食seafood，二黎 呢度好有風味~~yummy今次得2個女仔一齊食，因為知道過左7點半黎就會排哂隊，所以我地 6點幾去到坐住等，叫左4 個菜，一個飯(純粹for 撈佢d 好味ge 汁食少少飯)，2枝藍妹beer，好飽，肚腩現曬。叫左: 辣酒煮花螺，椒鹽賴尿蝦，椒鹽九肚魚，魚香茄子煲辣酒煮花螺比較普通，唔係太辣，只係辣油多，但辣椒尚算惹味，螺口感都ok~但並唔係太入味，期望下次食更有進步~椒鹽賴尿蝦係我至愛，次次去都一定要食，加左價都係$40, 但3個人食會岩岩好，2個人食就有食極都未完ge 感覺，但我鍾意食，所以無所謂。最遺憾次次掛住食，唔記得影相，食到成手汁，不過食seafood就係最開心呢樣，咁先至原汁”完美”呢度係我食過最大碟最好味ｇｅ　椒鹽九肚魚第一次食，ｗａ　好好味，因為外脆，內裏入口即溶，連骨都溶埋，又熱辣辣～真係配合到所有野岩岩好（本身我唔係多食魚ｇｅ人）魚香茄子，純粹個ｆｄ　想食，達一般水準，無意見每次一想黎食，就即刻行動，因為都幾有保證，而且成日諗住牛頭角就黎拆，所以想食ｇｅ　都毫不留情就叫，飽飽地都照叫

19.6.2008 星期四牛頭角下邨就快清拆了，趁它還健在的時候，去多看它兩眼吧。同肥豬圍著屋邨兜了一圈，遇見兩隻健壯的老鼠，俾佢地嚇一嚇，雖則話預左有o者，但係都係驚架嘛。不過好彩有肥豬晌度jei~~晚上十時的金利來比較寧靜。看了餐牌一會便點菜：1.西檸煎軟雞 – 雞肉比較薄，粉漿也不算太厚，西檸汁酸酸的挺開胃，份量中等2.窩貼炸蝦餅(唔記得係咪個”炸”字) 　– 正呀!!!!!! 蝦肉彈牙，配上香香的紫菜一同炸香，吃罷又不會滿嘴是油，強烈推介的一個小菜~~~~3.蕃茄蛋花豬肝湯(細) – 細都咁大…兩個人真係夠晒!!! 料也足，味精當然有加 (之後頗口渴)，但都不算太嚴重的。4.兩碗靚仔食到好飽，總共$140。那兩杯茶的茶色和茶味真的淡得可以…不如直接給我兩杯清水吧。見到小強在桌上遊走…我知道這是無可避免的，但事實的確有點令人倒胃嘛，不過也無損我在這些地方的興致的。

食物都係一般, 唔值得排隊.2個人叫左4碟小菜, 1碗白飯, 1支啤酒, 1汽水, $230小菜 :1. 炒聖子 - 細粒, 有沙2. 滷水拼盤 - 份量好多, 好味, 但係d辣椒油唔得, 真係油, 唔辣唔野味3. 黃金炒翠玉瓜 - ok, 唔算好好味4. 沙拉骨拼蝦餅 - 買相同佢登雜誌既唔同. 蝦餅特別, 都好咪, 沙拉骨一般

等到夜晚既牛頭角下邨，燈火通明，就係大排檔既天下！喜歡鑊氣食物，也喜歡露天氣氛。 黃金軟殼蟹($70) - 炸粉厚了點，但鹹蛋味濃。軟殼蟹有八件，算大隻新鮮肉甜，仲有少少羔！ 鹽焗雞($60半隻) - 雞唔會太滑，但有雞味，靈魂係個沙薑醬，夠香，唔會淨得油。 沒有青島，要了燕京($13)。 告別下邨，想起四川大地震，更加學會了珍惜。

牛頭角下村.睇新聞話就會重新起過呢到...唔知呢間金利會點呢? 有毋人知佢地會搬去邊到..東山再起哎.曾經吃過鹵水拼盤,我記憶中的鹵水豆腐, 係超滑,後來再同朋友呢?食餐勁哎.可能四個女子,多到要打包走...叫左.四個餸大鱔煲, 茄子煲, 椒鹽懶尿蝦, 豆豉零鯪魚炒油麥菜大鱔煲同埋茄子煲.超多油,多到可以再用.不過份量係好夠,好夠食.一上枱仲好熱.上菜都好快.可以話樣樣都幾好味, 呢到好夠.WOK 氣...係D..煲太多油...食完唔夠一個鐘..我個肚勁痛,後來拉了肚子..唔知我係未唔受得噤油呢..定係有其它問題呢..點都好...我估下次唔係噤黑仔...掛.好在我D朋友毋事..大排檔格局,我對呢到環境毋要求,食物份量夠,唔係太過份都會去食..不過可能呢到大件又抵食,好多人等位..唔過左九點都唔洗指意可以好快搵到位..平日可能會好少少..星期六日都好多人哎..