金鳳大餐廳

营业中

休息中

夜晚突然想食据扒，就去咗金鳯今晚服務態度又唔差喎呢個新西蘭牛扒配燒汁，5成熟，又大件又juice上台時個份量嚇親我，大塊過鐵板位食落仲有好香濃牛味呢間都算係由細食到大，不過依家選擇多咗，唔知下次又會幾時再嚟了

今餐走入灣仔金鳳扒房，絕對係一場老香港滋味之旅。冇咩裝修花巧，燈光微黃，加埋鐵杯冰水同牛油包，一秒穿越返80年代。1. 鐵板西冷牛扒（配蒜蓉）：一上枱就聽到「滋滋」聲，夠晒氣勢！牛扒厚身但唔鞋，重點係嗰坨生蒜蓉加落熱辣辣嘅肉面，蒜香爆晒出嚟，香到想起身拍枱。黑椒汁鹹香濃郁，帶少少甜，係嗰種只有港式西餐先有嘅味道。2. 洋蔥圈：炸得超脆，外皮金黃唔油膩，一咬落去仲聽到「卡滋」聲。最驚喜係洋蔥本身夠甜，唔係雪藏貨色，值得加單。3. 焗酥皮湯：經典出場，酥皮脹卜卜，撕開嗰下最有快感。入面湯底濃稠，味道介乎粟米湯同忌廉湯之間，好傳統，好親切。總結：金鳳唔係講究精緻，但就係勝在情懷同味道。呢啲豉油西餐，愈嚟愈少見，愈嚟愈珍貴。推介指數：4.5／5老派味道，滿分回憶，去一次你就會明。#灣仔美食 #金鳳扒房 #豉油西餐 #老香港風味 #牛扒控必試 #打卡唔止睇樣仲要食味

偶然行到灣仔附近，睇到附近有間懷舊西餐廳，專門行過去食，份量都幾大，就係環境有啲昏暗，有啲夜場feel點左個雪花牛扒餐，兩塊大牛扒拎上來我就知道食唔晒哈哈哈哈哈哈，最後都係勉強食完平民價西餐裡面都算唔錯，值得來試一試推薦選羅宋湯，湯底都算可以冷飲加左超大凍奶茶，個麵包食唔落要打包帶走，實在太大份量了

#20250213 🤍📍 #金鳳大餐廳 灣仔謝斐道415-421號地舖➖➖➖➖➖➖➖➖➖➖➖➖➖➖➖➖➖ 🥢 #餐包 💭 呢度每個lunch set都會跟個湯同包，食晏呢啲繁忙時間店員姐姐都唔理究竟叫左野食未，一坐低就放左個包先，可以一路食住一路諗下食乜，呢啲軟熟餐包幾時都咁好味🍞. 🥢 #餐湯 💭 白湯係屋企風味，雪櫃有咩就放落去果隻，今次有生菜火腿粟米，係好豐富既金寶湯🌽紅湯同樣好豐富咁有好多蔬菜係入面，樣樣都煲到好淋，加上啲茄膏既酸酸辣辣，係港式茶記既味道🥫.#黑椒鑊仔牛柳 #薄餅 $54.6💭平時叫呢啲扒通常都係飯、意粉或者薯菜，呢度有薄餅都好吸引🤩叫之前仲疑惑係印式既薄餅定pizza果隻薄餅🍕有兩大塊點黑椒汁又唔會唔夾，牛柳夠淋絕對係鬆肉粉既功效，唔使驚會咬唔到，而且都有啲牛味，係唔錯既～.#紅酒牛脷 #薯餅 $54.6💭 除左薄餅，佢仲有其他出面唔常見到既配菜，例如螺絲粉、薯餅、烚菜、黑醋沙律等等🥗試左薯餅，炸得香脆而且大塊，同紅酒洋蔥汁既牛脷一齊食真係飽到上心口🐮. 🥢 #熱檸茶 #熱朱古力 💭 Lunch set跟湯同包仲跟埋餐茶，普通熱野唔使加錢，好似加錢就有啲紅豆冰

冇記錯大約十年前食過一次感覺一般😌諗住咁多年，佢都仲屹立喺度應該有進步🤦🏻‍♀️但可惜沒有進步之餘仲令我決心唔會再嚟今晚我仲要食招牌牛柳😞”招牌”呢兩個字真係令我好*費解*食入口感覺好奇怪唔係韌, 而係好林林到你唔想咬想吐返出嚟嘅感覺🤮另外佢凍飲加$5可以加大咁我就試吓加大睇吓佢有幾大😵omg 侍應攞到嚟放低話加大檸茶我真係O咗嘴高度係同舊式茶餐廳膠水杯一樣高杯口比舊式茶餐廳杯闊少少

去到門口以為佢執咗笠 誤信網上嘅好評 去到啲餐具仲未完全清潔乾淨 肉眼七成熟用盡全力都切唔開 價錢唔係特別平 肉質鞋到好似煲完湯啲瘦肉咁 完全唔值200蚊一塊 永遠都唔會再光顧 。。。。。。。。。。。。。。。。。。。。。。。。。。。。。。

第一次試係星期日午餐時段黎食 唔算多人位置上由於唔喺大街都要搵一搵分別叫咗蒜汁雞扒印度薄餅同黑椒豬手飯$60有凍飲餐湯餐包 我覺得係性價比係好高餐廳好懷舊 張枱係用膠膜鋪嗰種叫完野食好快就上餐湯同餐包 餐包係熱正常嘅羅宋湯好 忌廉湯係有埋火腿粒係入面 幾好味個雞扒好厚身大塊 味道都ok 連埋薄餅食好飽 跟餐嘅司華力腸就差啲 似係就咁烚熟豬手都好食無骨 啖啖肉凍飲嘅size比較細 但整體而言 好飽好抵食

很久沒去銅鑼灣了, 今天約朋友去吃晚飯, 發覺整個銅鑼灣都變化很大, 很多空置舖頭, 晚上8點多便人煙稀少. 朋友提意去5年前我們同學聚餐那金鳳餐廳. 我兩一進去, 嘩!跟以前完全不同, 以前人山人海, 現小貓三四, 那爤木大門已換新的, 裝修一樣沒變, 老板還在. 我朋友叫了羅宋湯, T骨. 我也叫羅宋湯, 但主食叫安格斯肉眼. 湯到發覺跟以前一樣, 甜,酸,辣層次分明, 朋友的T骨超大,帶有牛柳, 鬆化易入口,有肉味. 我的安格斯肉眼口感甘香, 濃郁的牛肉味, 真正穀飼牛肉. 食完跟老板聊天, 他說現環境, 生意大跌七八成. 但我看到他們很努力去倣好每樣出品,希望他們能渡過此寒冬. 我會繼續再去的. 大家一起努力.

抱住當年情嘅感覺，入到裏便，十分之昏暗，所有侍應叔叔及婆婆都係木無表情丶沒有制服°用QRcode點餐以為先進左，但要五成嘅牛柳，出嚟三成都冇，唔止自己張枱連隔離都係一樣。有人倒瀉茶，睇到你自己用紙巾抹枱都係掂行掂過，沒有意識要幫你抹枱。侍應們就好似趕收工，不停喺你左右穿插幾十次。個麵包食咗兩啖，已經即刻收走牛油同麵包籃，由送餐到食完，只係30分鐘，不停喺身邊收嘢，感覺非常之奇怪，並非一般茶餐廳價錢。全間餐廳職員都冇溝通，個個黑口黑面。完全感受唔到受歡迎，雖然食物質素同當年變化不大，但係都唔會再有下一次。十分之失望。

以前大學嘅時候拍拖已經食金鳳，今日諗住舊地重遊，但係質素真係差左好多。首先，湯同包都未黎到，羊架已經黎到。要我地催幾次先黎。其中一舊羊架仲要係生嘅… 係超市紅色凍肉嗰隻生… 鐵板都整唔熟😰🤮羊扒都係好普通，多鬆肉粉又多肥膏，真係食到嘅無幾啖之後黎嘅包同嘉頓方包無分別，乾爭爭，好似無reheat過，黎到凍冰冰…. 😶同行嘅大學朋友都覺得好麻麻。我地臨出餐廳嘅時候仲見到角落有隻死曱甴。就算有幾多回憶都好都唔會再返黎啦🥲

之前見佢烏燈黑火，以為執咗，後來知道未執立刻去幫襯，但最後只有人面全非四宇，裝修係有翻新，都有保留以前面貌，牛扒都同以前一樣，但侍應無問要幾成熟（以前有問嘅），好彩我唔介意食熟啲嘅，或者特別同佢講佢會做！啲汁以前係用個兜裝著，上枱先淋落去，現在淋咗汁先，攪到凍晒，好彩我唔食咁熱嘅嘢啫！

If you're in Wan Chai and looking for a satisfying meal after a long day at work, you should definitely consider King Phoenix Restaurant. This restaurant is renowned for its nostalgic sizzling plate dishes, which embody the unique flavors of Hong Kong.During my visit, my partner and I opted for the sizzling plate steak meal, accompanied by a delectable garlic and black pepper sauce. We were pleasantly surprised by the generous portion size, which left us feeling completely satisfied. The steak i

諗起鋸扒就諗到去舊金鳳，今次叫左牛柳餐及什扒餐。先黎餐飽，餐飽暖暖地，係一個櫃桶度拎出嚟，算ok啦。餐湯，白湯內D粟米蓉一堆堆怪怪地，白湯同紅湯都算ok啦。牛柳方面，冇乜味，牛柳應該有2cm厚，叫左5乘但睇落7乘，但絕對唔關鐵板事，因為牛柳底有薯條及菜隔住鐵板，D菜都唔見得燶咗，算ok啦。什扒就伏伏地，牛扒、朱扒、火鷄扒及腸仔，全部扒都無乜味，但勝在大大件（除咗火鷄扒）。最後杯飲品，杯飲品超細杯，熱飲的話一啖都冇左三分一，凍飲唔知有冇250ml，絕對絕對唔可以解渴。價錢方面都唔係平，所以性價比算中中間間。每次入去都係想食個環境，同埋易搵位。

今晚老公提意去食金鳳，聽就聽得多但自己都係第一次。一進入去見到好殘破又暗完全冇氣氛，一坐低就放低包籃但包係凍嘅。再睇價錢都唔平，叫咗焗蝸牛，煎鵝肝，鐵板牛柳，凍菜蜜。見到杯菜蜜真係打個凸，预咗要加錢但用個水杯装份量十分小😤😤😤茶餐廳凍飲都係加$3啫，佢要加$6但得杯仔咁小。焗蝸牛跟2隻小碟同义仔，但細碟同义仔係濕嘅好似用水冲一冲就比客用咁。鹅肝煎到好鞋仲加燒汁奇怪。牛柳要求燒汁和黑椒汁另上，有位老婆婆傳菜但每枱都叫邊個叫xxx, xxx, xxx . 明明汁另上但牛柳上面又有汁，仲話"小小汁啫，食住先"😵‍💫😵‍💫😵‍💫咁使乜叫另上呀！牛柳質素好似用咗一斤鬆肉粉去浸到梅哂。咁差嘅餐廳仲話自己歷史由久......總之唔會有下次。 😡😡😡😡

//🇭🇰金鳳大餐廳 //細個嘅時候最開心就係全家一齊鋸扒可以話每一次鋸扒都係會去呢度😽咁啱我媽咪生日話想食鋸扒當然要去返呢度懷緬一下餐廳環境禁多年都冇變好復古同埋發現呢度已經乾淨過以前好多😂(以前好多塵😂😂)不過咁多間扒房嚟講金鳳都係最有情懷♡̴招牌牛柳餐 $88跟餐會有餐包，湯同野飲由細到大都係飲紅湯(羅宋湯)係偏濃稠同埋偏酸嘅湯勁足料有好多菜起入面扒係用鐵板上可以揀燒汁，鴛鴦汁同黑椒汁份量極大 多數我一個人都食唔晒😂😂每次都係食牛柳5成熟肉質好嫩口牛味好香我仲中意加$4有一大pat生蒜夾埋一齊食簡直絕配！絕對係平價而質素好高嘅餐廳👍🏻⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️⭐️ ⭐️