金鳳大餐廳

营业中

休息中

忽然想食下港式鋸扒 懷舊一下誤打誤撞入咗嚟其實佢門面都係咁懷舊即係少少殘舊門口嘅燈都係熄左D入面環境晚市餐牌係咁比起太子/ 其他區 懷舊鋸扒餐佢價錢唔貴先有一個港式羅宋湯同預期一樣唔錯我叫左$141 招牌牛柳餐三成熟牛味夠 肉質都可以好似呢度午餐幾扺下次可以試Lunch

可能我嗌錯咗關係啦，我叫啲嘢真係又乾又柴，我同事嗌咗牛扒就比我好啲嘅， 係個羅宋湯同餐包算好D, 我嗰份午餐我真係食唔落落去， 我俾咗一大半我同事， 我諗呢度嘅菜式真係唔係好啱我😞雖然坐得舒服同埋較平但係我都應該唔會再返嚟食😅

我地兩個人食用電話掃二維碼點左什扒同安格拉西冷。之後都可以漏單。薯條同黑椒汁以為漏左，再追問原來係放埋左一齊，個份量真心好小。食物真係一般，味道有d怪。食過就算，希望冇下次

金鳳大餐廳 坐港鐵銅鑼灣站 C 出口, 步行約4分鐘 ,容易找到,看到行車天橋,步行過橋低就是!下午茶餐頭盤: 羅宋什菜湯, 買相非常好味, 放在面前湯味濃郁,什菜多,湯和什菜放入口,飲完想再飲!!牛油餐飽, 合到柔軟, 切開加入牛油, 食入口感受到溫熱和羅宋湯最好配搭^^火腿扒沙津餐, 蕃茄,青爪加什果沙津好好食,食入口清甜,火腿煙燻口感也不錯,易入口牛扒薯條, 牛肉厚度容易切,入口有汁, 有口感. 薯條炸得好趣,有薯味,食完一口又再一口,好想繼續食落去^^最後送上一柸精緻檸檬茶, 望住精緻小柸心情也會開心微笑

午餐時間又到!銅鑼灣食午餐其實也尚多選擇,見到有間金鳳餐廳,入面裝修相當懷舊feel😏見到午餐得4款選擇,就選了煙三文魚配油醋什菜沙律加薄餅！其實唔多地方食到甘既配搭，也尚難得，而且味道也佳！先有個餐湯(我叫了忌廉湯)配上微熱餐包！再有個細细餐飲！58元(連加一)也是超值！

細個個時最開心就係阿媽肯帶去食鋸扒大過左今日我就帶返阿媽去鋸扒，鐵板鋸扒就緊係揀金鳳大餐廳啦！一嗌完餐就即刻有羅宋湯 比你飲，仲有好大件嘅餐包，主餐我地叫左羊扒餐 (配蒜蓉汁)羊扒 144蚊，薯菜墊底，而羊架都有羊味，大大件好抵食！招牌牛柳餐(配黑椒汁)$137 呢個牛柳好林，但都有鬆肉粉，不過都可接受！薯條係粗薯條，好味！另外值得一提係檸檬茶好細杯，要加大先夠飲！今日阿媽都食得好開心，佢話呢到好食又好feel！

每次嚟食都係食牛扒同豬扒餐包柔軟好食9/10蘑菇湯同雜菜湯一如既往嘅出色 10/10牛扒火候好正，嫩滑 9/10豬扒煎到表面焦脆👍肉質嫩滑 10/10平時久唔久都會嚟食一次佢都可以keep住水準

起灣仔行行下街，見到近銅鑼灣有間地下鋪，好舊式風味既西餐廳，所以吸引左入去。扒餐Menu-好多都係一百$頭就食到，相當平民價錢。一開頭前菜有餐包（牛油另上），餐包比一般大DD，個包又仲係熱的。餐湯-叫左個中式羅宋湯，個湯好濃，仲有好足料，料都差不多多過湯，值得一試。招牌牛柳餐-一黎到，見到好厚，同好大塊，叫左個黑椒汁，太熱既關係，落黑椒汁既時候係甘跳d汁「炸」一聲，叫左5成熟既牛，食落口好嫩口，牛下面仲配薯條起底，薯條吸曬黑椒汁，好好食，經過灣仔銅鑼灣的朋友，值得一試。

一個月總會來一次呢度鋸扒，每次必點西冷牛扒加蒜蓉，牛扒配上蒜蓉真係絕配，去其他餐廳鋸扒好少可以配上蒜蓉，就係呢樣嘢令我心思思成日想黎食🤣不過嘢飲方面佢有分大杯同細杯，如果想要大杯嘅話就要加錢，嘢飲方面如果可以畫一份量咁就完美

從來唔知道謝斐道有間金鳳据扒，不單只完全唔起眼，門面仲殘殘舊舊，經過幾次都唔想入去，同事神神秘秘話帶我地去闊落地方食 lunch，竟然帶我地去已經褶埋多時嘅財記辣蟹! 激Q氣! 結果佢死死氣話轉場去金鳳，先敢話入去幫襯.仲好期待有咩好地方𠻹! 激氣!推門入內，餐廳氣氛好似亞飛正傳年代，古典又氛暗，如果我返工嘅寫字樓係咁我一定訓著! 仲訓到扯哂鼻鼾𠻹!氣氛環境唔理想，服務同樣唔理想，人手明顯不足，想落單都無人理.Menu 只得枱面一張紙，得四個選擇，本想叫焗芝士豬扒飯，驚佢人手唔夠攪好耐，點個A餐黑椒鑊仔牛柳算.只幫襯過山林道金鳳，質素唔差，絕對好過太子果間花園餐廳，哩間金鳳嘅質素同樣唔錯，首先牛柳無古古怪怪肉鬆粉味，落刀已經感覺到肉質鮮嫩，唔點黑椒汁已經非常入味，配上黑椒汁係錦上添花更惹味，配菜薯條脆口，美中不足無用上三色豆.另外餐包唔夠熱，白湯夠濃郁滿意.食完之後推門離開，外面柔和陽光，即刻感覺由60年代返到20世紀! 推開金鳳大門好似玩緊多啦A夢隨意門！

等老公收工,同我去呢間經典扒房鋸扒,因為老公比較鍾意有汁既嘅扒,所以我耐不耐都會就佢嚟呢間餐廳一齊食☺️我哋其實每次除咗杯嘢飲唔一樣之外,其他都食同一樣嘢,一個食鐵板香燒羊扒,一個食鐵板招牌牛柳,每次都係五成熟,每次都係黑椒汁,另外一人一份蒜蓉；湯都係一樣,每次都係一個忌廉湯,一個羅宋湯😂 今次加多個（法國香草焗蝸牛）,其實明明兩個餐都食唔曬,又係都要加多個蝸牛🤣實在太貪心了！今次嘅水準,都係好似平時咁,令到我哋滿意,下次會再嚟食過☺️

𝟘𝟠.𝟘𝟙.𝟚𝟘𝟚𝟚📌金鳳大餐廳 (灣仔)灣仔謝斐道415-421號地舖🔎#hkfoodieat_灣仔 #hkfoodieat_銅鑼灣 💸人均消費: $50-100📚評分: 3/5🈶加一服務費餐廳分類🔖 #hkfoodieat港式🫖 爸爸突然話想食扒所以佢就帶咗我哋嚟呢度😲呢度標明係平民價格星級食品🌟雖然係港式扒房但以扒房嚟講價錢的確好平😳如果想食扒但又到糧尾呢度會係絕佳選擇🎉𐂂假日午餐: 黑椒西冷扒 ($50)呢個套餐真係超級抵食🥹有超濃超好飲又多料嘅羅宋湯或忌廉湯之餘仲超軟熟嘅牛油餐包🍞至於主食除咗可以揀薯菜仲可以揀飯或麵🍚扒嘅份量好大同埋汁都好夠多🐮牛扒好鬆化不過冇乜牛味甚至係淨係食到黑椒汁味🎃不過呢個價錢有咁大塊扒食而呢個質素都好合理👍🏻𐂂假日午餐: 洋蔥豬扒 ($50)媽咪話豬扒都好多汁幾鬆化😼我自己冇試過所以實際上好唔好食就要自己試吓先知啦👻唔記得咗講佢仲有餐飲添☕️餐飲味道正常但偏細杯咁啦😗𐂂蘇格蘭牛扒餐 ($127)蘇格蘭牛扒啫係肉眼扒🥳我同爸爸想試吓佢哋嘅西冷同肉眼有咩分別所以就嗌多個鐵板😋雖然價錢貴一倍有多但份量相對應地多咗咁多🤣呢份嘅肉味重啲同時都係鬆化嘅肉質嫩滑嘅

我諗起碼15沒有光顧，今日響灣仔要過去銅鑼灣，途經，1:09竟然不用排隊，相比附近茶餐廳人山人海，都驚有伏，但是好奇心驅使之下還是坐下了。30年如1日的裝修。環境比較暗，唔衛生程度還可以吧。A餐紅湯。上菜的速度係即時。個羅宋湯又唔水，都有幾多蔬菜，但是吃不出有牛肉。味道其實不錯了。看看碟意粉，份量也不少，黑椒汁比想像中辣，竟然食到出汗。食得出有洋蔥，蒜頭味道。汁不算油膩，跟 pasta食也不錯。塊牛肉，我估計六安士倒。應該Process過，但是不至於去到入口即溶。還需要用刀堺幾下。在沒有得選擇生熟情況之下，我估計大約這是七成至八成熟。凍檸茶比較細杯，味道正常。離開嘅時候，總算坐滿了人。當然未好食到我會好快又再嚟，但以50蚊來說，今時今日，在銅鑼灣，算做交足功課。

距離上次食都已經係一年前，今日經過附近就食多次。裝修同以前一樣都係復古殘舊，幾十年不變。但是比平時多了一份難聞的霉味。實在令人不太開胃。同朋友分別點了五成熟的肉眼和三成熟的西冷。麵包率先上菜，麵包籃鋪滿厚厚的塵灰，像是開業到宜家都沒有清洗過。然後第二上菜的是羅宋湯，但還未品嚐時，牛排已經上菜。看到牛排第一個反應，好細。牛排比以前細份了很多，而且更薄了。蒜蓉也比以前少。第一刀切下去，看到內裡的肉，就有種中伏啊的感覺。根本唔係3-5成熟，而是全熟。肉質比起以前差了10倍。好似香口膠，咬不開，無肉味。超級失望，最後沒有食完就離開了。埋單要400元，實在令人乍舌。如此質素收咁的價錢。400元可以食很多好味的餐廳，老實講M記的漢堡排都好食過佢。最後，很多人說支持老店。但如此差劣的餐廳就讓它結束。如需要懷舊打卡的有許多更好的選擇或是在門口拍照就可。 拒絕情緒勒索，遠離劣食。

餐廳環境多年都不變，超復古，連佈置同塵埃都保存得好好不過嚟呢度都係想體驗情懷居多，所以咁多間金鳳都係呢間最有feel餐包微暖軟綿綿， 係港式西餐歷史悠久款式，羅宋湯熬盡精華，好濃稠，蔬菜都已煮得糜爛，味道帶蕃茄酸同辣味惹味港式黑椒汁份量超大，意粉應該有調過味， 但黑椒汁味道實在太霸道，意粉煮得偏軟身，仲有椰菜同紅蘿蔔絲伴碟牛扒厚薄相宜，無預期嘅極端尚算粉嫩易入口 除咗是日午餐，仲有假日午餐，呢個假錢喺銅鑼灣區真係好抵食