影片
开饭介绍
于1969年创立的老字号港式扒房，以热腾腾的铁板呈上亲民价扒餐，再淋上香浓的黑椒汁或烧汁，非常惹味。
继续阅读
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
相关文章
金凤餐厅我已经食咗好多年最抵食一定系食下午茶餐冻饮唔使加钱 炒粉面超级大碟而且唔使加一虽然而家已经唔再喺附近工作但间唔中经过都会入嚟食下午茶干炒牛河依然好够镬气牛肉同河粉量多 性价比极高一大碟现点现炒 大胃王岩哂 肚饿入嚟食绝对可以清盘唯一不变，呢间餐厅车水马龙 人流不绝店员态度不一定友好 食完就好快啲走啦
继续阅读
🔥 **美国安格斯肉眼扒（四成熟）铁板上** 厚切200g安格斯牛，粉红肉心锁满肉汁，铁板「滋滋声」上桌，garlic汁另上保持肉味～ 🍖 **什扒餐** （猪扒、牛扒、鸡翼、香肠、火腿）大集合，抵食之选！肉量堆满铁板🥣 **是日忌廉汤** 浓滑corn汤，饮到粒粒corn碎，怀旧港式西餐风味 隐藏食法!铁板余温and garlic source 煎脆面包边 🍹 **套餐饮品** ▫️ 冻柠茶（少甜少冰）茶底甘香 ▫️ 冻阿华田（少甜少冰）童年回忆 📍人均$150｜附餐包+薯菜 +drinks#铁板扒餐 #安格斯牛 #港式西餐 #怀旧风味 #港女食记
继续阅读
今晚同朋友去咗呢间港式嘅扒餐，份量十足嘅铁板餐真系令人回味无穷👀✨ 大虾牛扒餐 $182美国牛扒厚切多汁，大虾新鲜弹牙😋铁板上枱滋滋作响香气扑鼻，可以拣黑椒汁/蒜蓉汁，个人比较钟意黑椒汁！配菜有薯条、杂菜等😋 ✨ 美式杂扒餐 $138超抵食！一次过试匀五款肉😼猪扒松软唔干柴🤞🏻牛扒细嫩有嚼劲，鸡翼外脆内嫩，火腿香肠咸香惹味，选择困难嘅人拣呢个就啱哂🤙🏻✨ 套餐包含▪️ 牛油餐包：热辣辣外脆内软 ▪️ 是日餐汤：忌廉汤/罗宋汤 ▪️ 餐饮✨铁板保持高温够热辣，份量十足大胃王都够饱🤙🏻呢度嘅铁板餐性价比超高，绝对系食肉兽天堂 😋
继续阅读
【油尖旺区】【金凤大餐厅】之前几次想去呢间餐厅，都因为太多人，要排队，所以食唔到。适逢复活节假期嘅星期一晚，我都谂住打定输数，可能都系食唔到。点知入到去，得啲卡位有人，中间嘅枱櫈全部都系吉嘅，任我坐。咁我就梗系把握机会，好好咁叹吓金凤大餐厅呢间扒房啦。我就叫 $206 嘅「美国安格斯肉眼扒餐」，首先有「餐包」，都算港式西餐必备。之后餐汤我加 $20 转「龙虾汤」，都冇乜期望㗎喇，所以饮落冇乜特别都唔会太失望。跟住到主菜「美国安格斯肉眼扒」，我拣咗五成熟，铁板上，就系要佢咋咋声咁先过瘾。本身个味道都可以，加 $2 要埋「蒜蓉」，就为呢啲本身质素唔系太高嘅牛扒加上好重要嘅元素，如果本身块扒好靓就唔建议落。嘢饮我加 $18 饮「杂果宾治」，正正常常啦，冇乜特别嘅。加一之后系 $271 埋单，都系当食个港式情怀，感情嘅分数占多。。。（地址：尖沙咀山林道9A号地舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：
继续阅读
🥢野菌西冷牛扒餐我嗌咗七成熟嘅西冷牛扒，配野菌同黑椒汁，仲特登叫咗加生蒜。首先，牛扒嘅熟度处理得几准确，外层煎得香脆，内里仲保持住啲肉汁，咬落去口感好有层次。黑椒汁味道浓郁但唔会过咸，啱啱好可以衬托出牛肉嘅鲜味。至于野菌，煮得啱啱熟，唔会太淋，仲带住阵阵香气，整体嚟讲系几满意嘅！加咗生蒜更加提升咗个味道层次，几有惊喜。🥢经典番茄蓉芝士肉酱焗意粉朋友嗌嘅系呢款焗意粉，睇落去已经好吸引，表面铺满咗金黄色嘅芝士，焗到微微焦香。番茄蓉同肉酱嘅比例几均衡，味道唔会过酸或者过腻，芝士亦都增添咗丰富嘅奶香。意粉嘅口感偏软身，但呢个都算系港式焗意粉嘅特色。总括嚟讲，呢个焗意粉系一个非常稳阵同怀旧嘅选择。🥢餐汤、餐包同饮品两个餐都包咗餐汤，我哋拣咗一红一白，结果都冇令我哋失望。红汤系罗宋汤，酸酸甜甜，材料够多；而白汤系忌廉汤，够滑够香。餐包就系典型嘅港式牛油包，热辣辣上枱，牛油溶化得啱啱好，咬落松软又香。金凤大餐厅果然系一间值得怀旧嘅港式扒房，无论系食物质素定服务态度都几稳定，绝对系物有所值。如果你钟意港式西餐或者怀旧情怀，呢度一定系你嘅首选！
继续阅读
您可能会有兴趣的...