金鳳大餐廳 (山林道)

营业中

休息中

鋸扒！鋸扒！好耐冇鋸扒啦🥩！今次我地去咗尖沙咀嘅金鳳大餐廳！一開始係路過就俾呢間餐廳嘅懷舊風格吸引，行到入去發現即使唔係lunch時間都非常之熱鬧！另外，佢地店員都非常nice，倒汁嘅時候會好貼心咁拎紙巾比客人擋住！今次食得好滿足呀！一齊睇下我地食咗啲咩啦！🍞餐包+牛油- 餐包松軟，上臺嘅時候係溫熱嘅，再搽埋牛油，香氣瞬間散發出黎！🍲羅宋湯- 酸酸甜甜，清爽可口，用黎開胃就最啱啦！🥣忌廉湯- 濃郁順滑，有微微嘅香草味，非常暖胃！🍛金鳳皇牌焗豬扒飯餐 $118(加一前價錢)- 賣相吸引，豬扒外脆內嫩，肉質鮮嫩多汁！🥩招牌牛柳餐 $152 (加一前價錢)- 牛柳叫做七成熟，口感嫩滑，完全冇牛筋，入口即溶嘅感覺，再配買黑椒汁，簡直無得彈！🍓紅牛(士多啤梨雪糕+利賓納) $18,正價$35 設加一服務費🥭金牛(芒果雪糕+忌廉) $18,正價$35 設加一服務費- 兩款飲料味道清新，唔會有甜膩感，氣泡飲加雪糕非常特別，而且顏色夢幻，一望落就好有食慾！呢間餐廳簡直就係平民扒房，味道絕對唔輸其他餐廳！而且餐廳歷史夠曬悠久，係信心嘅保證!👍鐘意鋸扒嘅朋友快啲黎試下啦！

金鳳真係由細食到大，以前每年聖誕節都會一家人嚟鋸扒慶祝真係老字號嘅平民扒房，1969年創立，主打懷舊鐵板餐，每日晚飯時間都坐滿，有時仲要排隊添各式各樣嘅扒都有，好多選擇，套餐包括牛油餐包、餐湯、餐飲等好鍾意佢嘅羅宋湯，大大碗真材實料，加少少胡椒粉，將個牛油餐包浸落去，小時候侍應阿叔教我嘅食法貴族牛扒，五成熟牛柳餐五成熟喜歡鐵板上嘅牛柳餐，一上枱聽到「吱吱聲」香氣十足，特別係冬天可以保持溫度同埋鎖住肉汁每款扒餐都有薯條同蔬菜，加埋黑椒汁，好滋味牛柳色澤紅亮，外面烤得有點焦，內裏粉嫩Juicy，油脂分布均勻，我個人更喜歡貴族牛扒，肉味香濃最後仲有餐飲，如果鍾意食蒜蓉嘅可以配埋蒜蓉更惹味

呢間老字號創立於1969年，以平民價格取勝，提供多款港式鐵板牛扒餐，牛柳、西冷、鴛鴦扒、香煎魚柳、吉列魚柳、大蝦、帶子等，仲有小食、炸物、焗飯等供應，老少咸宜，難怪大受歡迎，適合家庭或朋友聚會。套餐跟牛油餐包，餐湯及飲品。包雖然唔熱但夠鬆軟，搭配牛油更滋味、餐湯有中有西，羅宋湯超足料，勁多雜菜，酸甜可口，忌廉湯質地濃稠，味道偏清淡、飲品則有金牛同紅牛，前者為芒果忌廉，後者係士多啤梨利賓納，各有千秋。肉類方面分別要咗牛柳同西冷牛扒，私心喜歡前者，牛味出，肉質嫩滑，咬落多汁，令人一試難忘、後者薄身但好大塊，脂肪低，油花唔多，分佈平均，口感有嚼勁，適合減肥人士。熱辣辣鐵板上，再配合惹味香濃嘅黑椒同蒜蓉汁，正😍

今日特登過嚟尖沙咀「金鳳大餐廳」懷舊！呢間1969年開業嘅「平民扒房」真係勁，創辦人阿叔（林生）當年喺五星級酒店學師，仲成日嗌「Follow me!」帶位，用港式手法將高檔西餐變到「人人食得起」！當年亦得已故美食家蔡瀾點名讚揚。而家俾兩個女接手，但人情味一樣咁濃，仲成日見老伙記同熟客吹水。 叫咗招牌 「貴族牛扒餐（美國牛肩肉）」，一上枱就「滋滋」聲！鐵板滾燙，塊扒厚身又大塊，阿叔獨門醃法果然勁——肉質爽滑唔韌，牛味濃得嚟帶微微甜，仲有啲蒜香！淋晒黑椒汁上去，「啲啲喳喳」响到爆，香氣撲鼻！配埋懷舊「黑牛」（朱古力雪糕溝可樂），冰火交融，甜中帶汽，爽到震！ 二百零蚊有扒餐連湯同餐包，仲保留住六、七十年代港式西餐嘅靈魂。老字號果然有料到，抵佢紅足半世紀！

細個長輩👵帶過我去金鳳大餐廳， 所以幫襯了好多年😆！創立於1969年「平民扒房」的老字號，我還記得「阿叔牛扒大王」呢！老熟客們一邊吃牛扒，一邊和老員工聊天，是一間充滿人情味的餐廳！今次我與同事一起到品嚐港式牛扒，肉質爽滑、肉香濃郁，搭配熱騰騰的鐵板，再淋上香濃的黑椒汁，令我垂涎欲滴喔！🤤除了皇牌牛扒餐，我都點了金鳳焗豬扒飯，同樣熱騰騰出爐，大大塊豬扒外脆內軟，香味俱全！金鳳大餐廳尖沙咀山林道9A號地舖

🔥50年港式鐵板傳奇！ 💥「滋滋聲」一響，回憶全返晒嚟！老伙記托住滾燙鐵板衝場，蒜蓉汁一淋😌——白煙伴住肉香炸裂，仲有街坊喧鬧聲，夠晒地道！ 🍞 熱辣軟熟牛油餐包點濃郁羅宋湯🍜，酸辣開胃；識食要食🥩雜扒餐，「大堆頭」好抵食，火腿腸仔雞翼+焦香牛扒豬扒最搶鏡；面🐮招牌牛柳厚切多汁，肉質粉紅色又軟嫩！ 🍹紅牛特飲（利賓納+草莓雪糕）冰甜解膩，完美收尾～ 📍人均$170｜懷舊氛圍滿分｜建議早排隊

美式雜扒餐 ($138)（用碟上）美式雜扒餐我揀左用碟上，扒類整齊排放，有豬扒、牛扒、雞翼、香腸同火腿，份量依然超大，豬扒食落鬆軟入味，而且好大塊，牛扒軟腍，雞翼香脆，配埋黑椒汁帶微微辛香，好惹味，配菜有懷舊炸曲薯條，香脆可口，同蔬菜配搭，解膩又飽肚金鳳皇牌焗豬扒飯 ($82 + $25跟餐)焗豬扒飯熱辣辣上枱，豬扒肉質同樣鬆軟，配上濃郁嘅茄汁同芝士，非常惹味，而且飯底係傳統蛋炒飯底，粒粒分明之餘索晒啲醬汁，眨吓眼就清晒成碟飯，加$25可以跟餐，包括餐湯、餐包同餐飲，份量啱啱好餐湯-忌廉湯懷舊港式忌廉湯嘅味道，稀杰適中，配埋熱辣辣鬆軟嘅餐包完全係童年回憶餐飲-凍檸檬茶凍檸檬茶茶底香濃，甜度適中，中和鐵板菜嘅油膩感📌金鳳大餐廳 (尖沙咀)地址：尖沙咀山林道9A號地舖

#20250630 📝📍 #金鳳大餐廳 尖沙咀山林道9A號地舖 🍽️荃灣｜九龍城｜荔枝角｜太子｜將軍澳｜屯門｜啟德均有分店➖➖➖➖➖➖➖➖➖➖➖➖➖➖➖➖➖ 🥢 #牛油餐包 🥢 #紅湯 #白湯 💭 有一種香港美食叫豉油西餐，呢間野就有呢種情懷，一叫完野食就有餐包送上枱，暖暖地食最軟熟🍞餐湯少不免都係果兩款，白湯係粟米忌廉湯，小朋友最鐘意飲🌽紅湯就係好香青椒味既雜菜湯，酸酸地係香港人熟悉既味道🫑.#貴族牛扒餐 $225💭 個名咁高級點都可以叫尼試下食啦，唔係唔做貴族呀😜佢係用美國牛肩肉既扒，叫五成熟切開真係有靚靚既粉紅色，食到好重既牛味，再加埋底下啲索晒汁既薯格同埋啲好juicy既翠肉瓜，好正🇺🇸.#招牌牛柳餐 $152 💭 當望住個menu唔知食乜好既時候，揀招牌就永無死啦，講起据扒識食一定係食鐵板，可以揀黑椒或者蒜蓉汁，店員姐姐淋汁果下咋咋聲先係精粹！牛柳齋切果下已經feel到勁淋，底下有啲扭紋粗薯條更加有股情懷🐮. 🥢 #熱檸茶 #熱檸水 💭 港式餐茶都不外乎係檸茶、檸水、咖啡、奶茶果啲，但呢度係懷舊到有紅豆冰、唂咕、杏霜等等，有啲可能真係gen z聽都未聽過😂仲有四牛、雜果賓治呢

最近我去咗尖沙咀山林道的金鳳大餐廳，呢間中式鐵板餐廳環境寬敞，氣氛輕鬆，非常適合家庭聚餐或者朋友聚會。我哋點咗幾樣招牌菜，首先上嘅係芝士焗大蝦西冷牛扒，牛扒煮到四成熟，肉質嫩滑，搭配上濃郁嘅芝士，味道非常豐富，大蝦亦係新鮮美味，真係一個好享受。接住嚟就係帶子牛柳餐，牛柳煮到五成熟，肉質鮮嫩，帶子亦非常新鮮，配上蒜茸，味道更加出色。這道菜口感層次分明，食落去十分滿足。然後，我哋試咗羅宋湯同忌廉湯。羅宋湯酸酸甜甜，湯底清新，十分開胃；而忌廉湯則非常濃郁，滑順可口，讓人感受到滿滿的幸福感。飲品方面，我叫咗熱的阿華田，味道香濃，暖心又解渴；而檸檬茶則清新爽口，完美平衡整頓餐的油膩感。最後，餐後甜品亦唔可以錯過，甜品口感輕盈，甜度適中，為整頓餐劃上完美句號。總體而言，金鳳大餐廳的菜式質素高，味道出色，服務態度友善，環境舒適，絕對值得一試！我會再返嚟，期待再試其他菜式！

之前有明星介紹過這家老字號“平民扒房”！知道尖沙咀有家，下班就趕緊試一試！餐廳氛圍很復古，座位也很寬敞，主打就是鐵板牛扒。服務員很熱情地過來介紹，很有人情味哈哈。我們選了兩款牛扒，一款是招牌牛柳餐，一款是西冷牛扒餐。可以點套餐：麵包+餐湯+主食+飲品。餐前面包好好吃，上來的時候稍稍熱，配上牛油一起吃；餐湯可以選擇羅宋湯和忌廉粟米湯，羅宋湯是酸酸辣辣的，很開胃，忌廉湯甜甜的。記得，鐵板牛扒可以加蒜蓉，好香！上牛扒的時候能聽到滋滋的聲音，然後淋上醬汁，香味迸發！我們選的兩款肉，一款會比較有嚼勁，另外一個款肉質軟嫩，兩款各有特色！都好好吃呀！果然是很經典的港式牛扒，特別香

今日收工經過山林道，唔經唔覺比牛扒嘅香味拉咗入嚟呢間金鳳大餐廳。本來天氣熱無咩胃口諗住隨便醫下肚，點知畀兩個牛扒套餐吸引咗！一睇門口就勾起細個每次慶祝都會黎扒房嘅溫馨回憶。 首先上嚟嘅係鬆軟嘅小餐包配上香濃嘅忌廉湯同埋酸甜嘅羅宋湯。先講安格斯肉眼扒餐，上枱嗰陣鐵板仲滋滋聲，叔叔提醒我哋用餐巾擋住自己，然後淋上濃濃嘅黑椒汁，肉香撲面。一刀切落五成熟嘅肉眼度，肉汁流曬出嚟，外層焦香，入面軟嫩。配埋脆卜卜嘅薯格同清爽時蔬，真係停唔到口！ 另一道帶子西冷牛扒套都超有驚喜！係今個月精選晚餐，包括前菜沙律+餐湯餐包+主菜+餐飲+甜品。西冷牛扒紋理清晰，咬落肉香四溢，帶子鮮甜彈牙，一啲腥味都冇。甜品係朱古力雪糕，雖然冇味道揀，但都勁滿意丫。 環境充滿港式牛扒餐廳風味，服務員熱情親切。人均200+就食到咁高質嘅牛扒晚餐，喺尖沙咀真係好抵！

金鳳餐廳我已經食咗好多年最抵食一定係食下午茶餐凍飲唔使加錢 炒粉麵超級大碟而且唔使加一雖然而家已經唔再喺附近工作但間唔中經過都會入嚟食下午茶乾炒牛河依然好夠鑊氣牛肉同河粉量多 性價比極高一大碟現點現炒 大胃王岩哂 肚餓入嚟食絕對可以清盤唯一不變，呢間餐廳車水馬龍 人流不絕店員態度不一定友好 食完就好快啲走啦

🔥 **美國安格斯肉眼扒（四成熟）鐵板上** 厚切200g安格斯牛，粉紅肉心鎖滿肉汁，鐵板「滋滋聲」上桌，garlic汁另上保持肉味～ 🍖 **什扒餐** （豬扒、牛扒、雞翼、香腸、火腿）大集合，抵食之選！肉量堆滿鐵板🥣 **是日忌廉湯** 濃滑corn湯，飲到粒粒corn碎，懷舊港式西餐風味 隱藏食法!鐵板餘溫and garlic source 煎脆麵包邊 🍹 **套餐飲品** ▫️ 凍檸茶（少甜少冰）茶底甘香 ▫️ 凍阿華田（少甜少冰）童年回憶 📍人均$150｜附餐包+薯菜 +drinks#鐵板扒餐 #安格斯牛 #港式西餐 #懷舊風味 #港女食記

今晚同朋友去咗呢間港式嘅扒餐，份量十足嘅鐵板餐真係令人回味無窮👀✨ 大蝦牛扒餐 $182美國牛扒厚切多汁，大蝦新鮮彈牙😋鐵板上枱滋滋作響香氣撲鼻，可以揀黑椒汁/蒜蓉汁，個人比較鐘意黑椒汁！配菜有薯條、雜菜等😋 ✨ 美式雜扒餐 $138超抵食！一次過試勻五款肉😼豬扒鬆軟唔乾柴🤞🏻牛扒細嫩有嚼勁，雞翼外脆內嫩，火腿香腸鹹香惹味，選擇困難嘅人揀呢個就啱哂🤙🏻✨ 套餐包含▪️ 牛油餐包：熱辣辣外脆內軟 ▪️ 是日餐湯：忌廉湯/羅宋湯 ▪️ 餐飲✨鐵板保持高溫夠熱辣，份量十足大胃王都夠飽🤙🏻呢度嘅鐵板餐性價比超高，絕對係食肉獸天堂 😋

【油尖旺區】【金鳳大餐廳】之前幾次想去呢間餐廳，都因為太多人，要排隊，所以食唔到。適逢復活節假期嘅星期一晚，我都諗住打定輸數，可能都係食唔到。點知入到去，得啲卡位有人，中間嘅枱櫈全部都係吉嘅，任我坐。咁我就梗係把握機會，好好咁嘆吓金鳳大餐廳呢間扒房啦。我就叫 $206 嘅「美國安格斯肉眼扒餐」，首先有「餐包」，都算港式西餐必備。之後餐湯我加 $20 轉「龍蝦湯」，都冇乜期望㗎喇，所以飲落冇乜特別都唔會太失望。跟住到主菜「美國安格斯肉眼扒」，我揀咗五成熟，鐵板上，就係要佢咋咋聲咁先過癮。本身個味道都可以，加 $2 要埋「蒜蓉」，就為呢啲本身質素唔係太高嘅牛扒加上好重要嘅元素，如果本身塊扒好靚就唔建議落。嘢飲我加 $18 飲「雜果賓治」，正正常常啦，冇乜特別嘅。加一之後係 $271 埋單，都係當食個港式情懷，感情嘅分數佔多。。。（地址：尖沙咀山林道9A號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：