金仔米線

营业中

休息中

呢間金仔係屋企附近，所以都食過幾次，但係自從裝修完之後都冇去過。今日上完堂已經夜晚10點，大家都未食飯，所以就興致勃勃走咗去食雞煲同烤魚。可能太夜啦，我哋一行五人去到就即刻有位坐。我哋嘅目標非常明確，一坐低就叫咗一個雞煲(半隻$128)，可能因為已經10點幾，所以細魚中魚都已經賣晒，只係剩返特大嘅魚，所以係冇得揀嘅情況之下就叫咗特大京蔥鉗魚($238)。我哋當中有啲仲係學生，所以覺得貴冇乜點叫其他嘢，最後唔夠食就點左4個淨米線塞飽個肚($18一個)。等左15分鐘左右就上菜啦。個雞煲係失望嘅，因為叫咗小辣，唔係好辣之餘都幾鹹，而且啲雞仲好肥好多脂肪。個人最鍾意食嘅芫荽又比得唔多。至於個烤魚，味道都唔錯，個湯都幾濃幾有肉鮮。條魚係炸左先再烤，香口係幾香口，啲魚皮吸左啲湯汁好惹味，可以挑剔嘅位係魚尾魚鰭有啲炸燶左，冇得食埋果啲位。魚肉都算幾滑，煮耐左都都唔會話好散。啲配菜例如係芫荽，芽菜，洋蔥等都唔係幾多，一人兩三口就已經冇晒。最後我哋食唔飽就落埋啲淨米線落個汁度。咁樣食法，一人＄80左右，係抵食嘅。不過始終覺得佢裝修完之後冇以前咁好食，同期望有啲落差。

本人好鍾意食魚，食過幾間烤魚都係無金仔烤魚咁好食，每次黎到金仔一定叫條京蔥鉗魚！呢度既烤魚同出面有咩分別呢？唔講條魚住，先講配料！係我食過咁多間烤魚黎講最多配料！除左一大堆芫荽，大大舊京蔥，榨菜，仲有好多好多嘅芽菜係條魚下面，啲芽菜真係多到你唔信，仲有豆卜，最主要係全部配菜我都鍾意食，兩個人叫一條魚其實已經可以食到好飽，因為配菜多。到條鉗魚啦，係先炸左再烤，魚肉大大嚿，而且小，魚肉好實，就算煮得耐，魚肉都唔會散開，而且魚肉係非常之滑身，好嫩！個湯非常之濃味，就算加湯都係用豬骨湯。因因為本身條魚炸過，一路烤嘅時候都會出油，係非常之正常，所以唔好怕油太多，自己動下手整走啲油就可以啦。除咗食魚之外，仲可以叫其他打邊爐嘅餸，今次就叫咗肥牛，墨魚丸，芝心丸，油麥菜，水餃。我覺得呢啲都唔係重點，重點係個湯底真係好夠味，就算唔需要用豉油，都已經足夠。除咗烤魚之外，其實仲有雞煲同埋各式米線同小食。但都係果句，黎金仔識食梗係食烤鉗魚！仲有服務方面，係非常好，佢會同你講埋需要20分鐘嘅等候時間先至會有烤魚食，而且如果你去都唔識叫嘅話佢都會同你做個介紹，服務員禮貌亦都好好，而且都好有效率。同埋佢裝修完之後係

已經好耐冇黎長沙灣啦~今日過開黎就一定要再三回味金仔米線。香港人最鐘意食米線，米線店開到區區都有間在左近，但係唔係間間賣米線都識煮米線。米線最緊要係煮透而不過熟，食到底時都唔會過“淋”而太軟，咁就為之very good。第二係湯底，米線本身係冇味嘅，如果連個湯都冇味，咁真係食唔落，相反如果個湯底足料，就絕對加分！金仔嘅金仔湯底用花椒八角加秘方煮出黎，個人認為比連鎖米線店更用心、更香、更濃！以前金仔有4款特色湯頭，而家只賣1種，其他果d……冇乜特色嘅就沒興趣試。一如往常的好味道！十卜！

今日去食金仔招牌米線。下午茶時間加杯熱飲都係$28。米線好彈牙。個扣肉好嫩口。秋高氣爽食扣肉，易入口，暖入心。入口爽夾滑。個份量好足。茶記時間都交足料。個配菜好鬥鮮。杯熱奶茶香夾滑。

Lunch大熱天氣，唔想食飯，同事話長沙灣附近有米線幾好食，食上癮，所以決定帶我試一試。湯底有4款，同事強烈推薦沙嗲湯底，我見未食過，即管試下。叫左 招牌金仔米線$22 加$7熱檸水金仔米線=有炸醬同腩肉碟炸醬紅噹噹，唔知以為係辣椒醬😂但肉質太鞋口，食左小小無食。腩肉好食，亦好邪惡。😂湯底味濃，偏咸，有重既沙嗲味，鐘意食濃味既應該會幾鐘意，但唔岩我口味，試完個湯一啖已經無再飲。食完一定要叫野飲，會好頸渴。

天氣開始轉涼了，我同朋友咁岩經過，見到一台台客食緊烤魚，反正都係，就試一試。烤魚有得揀唔同size，我地就揀左較大既size，價錢就當然貴d。再加上其他配料，揀左響0，魚皮餃同紅薯粉。條魚都幾大，小辣下，魚既鮮味十足，肉質亦都相當嫩滑。其他配料，好似紅薯粉咁，吸收左湯同魚既精華，味道豐富。整體黎講，都算好食。但留意比起普通火鍋會貴d，但咁大條魚都算係咁。

天氣突然急降再下起大雨，呢個天氣最想食熱辣辣既拾下拾下，諗起長沙灣有間餐廳經常經過都坐滿人，所以就去試一試佢既魚鍋。等位都等左半個鐘，因為落雨又大風，今晚無人坐係室外，個個乖乖等位，不過間中都有唔想等位揀坐室外無懼風雨。點了小辣魽魚鍋，魚要中size, 再點了牛丸，生菜及米線。魚鍋黎到一滾即試魚肉，林滑，魚尚未吸收魚湯及辣椒的味道，所以較清淡，待魚鍋滾了一段時間，魚肉更見嘢味，越食越有味道，鍋內的配菜滾了一段時間更出色。其實餐牌有套餐另加選配豚肉或肥牛套餐，吃完更覺得自己的選擇沒錯，吃魚就不用再點其他肉類，嚐魚肉的鮮味更佳，另加點的米線吸收鍋內的精華，米線亦前後點了兩個，把剩下的湯也被米線吸收，剛剛好。牛丸也覺不錯，7粒收費35元，絕不是茶餐廳式的收費，一試就知龍與鳳。

金仔米線 就梗係唔只米線可以食啦,~~~中菜. 燒魚. 雞煲都出名架今次就黎到金仔米線. 就試下我好鍾意既海南雞飯. 每次去旅行. 可以的話我都一定會衝入馳名海南雞飯店架!!!!金仔的海南雞飯.hkd 44 係同一條街. 有3 間供應海南雞的餐廳中最經濟的 話明海南雞飯. 又點少得配油飯呢. 不過為左健康飲食. 我膽粗粗問可唔可以半油半白飯. 可能見果陣時間尚早. 唔算太多客. 服務員竟然可以安排到俾我!!!!! 好感動!!!!!! 上枱一睇. 雞脾黎. 正. 試啖飯先. 唔錯喎. 佢真係將油飯白飯俾我. 香口滿足食慾黎. 又比較健康. 5 舊雞. 每舊都有 一少少層肥膏. 習慣去皮去肥膏. 幸好肉夠多. 去皮去膏外都仲有肉食. 雖然入味的程度為中度. 但口感都不錯. 滑而香醬汁方面. 較為淡身少少. 另加左生菜走油. 好爽甜呀. 就算走油都煲得好香. 鮮甜. 唔錯 見到隔離枱晨早流流兩個女仔食椰子雞煲同燒魚. 甚為吸引.下次可以拉隊去試下!!!

平時食開B餐係金菇肥牛架嘛, 今日照舊電話落單叫B餐, 到俾左錢後先發覺個B餐變左做腩肉蟹柳. 唉. 只怪自己.個酸辣湯底真係冇得頂, 食到上癮, 好鐘意佢個陣麻同酸既比例, 唔會令你食完一啖之後放唔到入口.$27蚊下午茶連埋野飲, 真係好難搵. 

平時好小會食雞煲 因為真系太怕辣 但系就除左喱間 因為佢辣得黎有小小甜 岩哂啲中意食雞煲 但又怕辣嘅人 雖然佢啲雞吾算系好滑 但系啲汁補夠反甘 平時大約$198一隻雞 一啲都吾貴 甘岩佢做緊優惠價$99一隻雞煲做到5月31號

之前一向有食太子金仔嘅烤魚，覺得價錢合道，烤魚味道都唔錯，原來長沙灣都有金仔，因為住得近就轉移陣地經常食，差不多當佢係食堂，老實講，雖然價錢尚算合理，質素已不復當年了，我最愛嘅泡椒雞腳，每次到金仔必食一至兩碟，以前我覺佢係泡椒雞腳中做得最好味嘅店，但近呢半年多次食到d雞腳係起"汕"嘅，雞腳表面有一層滑嘟嘟嘅"汕", 口感好嘔心，諗起都想嘔，雖然都會換過比我，但好多次食都係咁，我已怕怕，而家唔敢食喇，其他食品嘅份量都縮水不少，蓮藕片一碟得8塊，連order一碟芫茜份量比鋪在烤魚上面的更小，以前就貪佢價廉物美，而家就只有價廉，物就⋯將貨就價囉，其實而家食烤魚，雞煲嘅店有好多選擇，款式比佢多好多，佢再唔進步，睇嚟我都要搬飯堂了。

最近令全城關注的議題非佔中莫屬, 這一晚正值學聯跟政府對話, 竟然跟兩個立場一致的朋友相約一起在家觀看直播, 除了足球賽事外實在少有電視辯論完了再加實後討論, 不知不覺肚子也響起警號, 原來已經差不多十點, 決定到附近的金仔再續其實最近一個月已經是第四次光顧了, 一來附近吃烤魚的選擇不多, 二來食物質素也不錯, 價錢當相公道.這是一條原價$218的魽魚, 其實足夠三到四個人吃, 加上泡椒惹味微辣, 也不會蓋過魚的鮮味另外湯底中的大量芽菜等配料, 其實也是主角, 盡吸湯頭的精華, 老實說我並不嗜魚, 吸引我的其實是這些不起眼的配角

見成日都咁多人食, 門口又排哂隊, 就唸住試一試係咪真係咁好食由於唔想等位既關係, 決定買外賣再返屋企打邊爐, 個雞煲108細煲, 加湯要加$15好啦, 無湯點打邊爐, 照加啦返到屋企打開盒, 唔算好香, 都OK啦, 點知一食落勁完全無味 明明叫左中辣, 但連我呢D唔食得辣既都覺得唔辣, 我唔明點解晚晚咁多人等位, 唔通呢區真係無好野食??

我有時都幾茂李，走入米線店不吃米線，反而柯打個飯。原本是想吃口水雞飯，可惜售罄，怎麼中午已經把四川涼菜賣完? 是但啦，因為選擇所餘無幾，改要了咖喱豬扒飯。賣相似乎不太對勁，亦欠缺咖喱的香，反而辣椒油的味道多一點。還好，豬扒是鬆化不韌，薯仔夠粉，才挽回一點分數。喝的是凍檸茶，偏甜，卻不夠凍。

第1 次 , 6點來到剛好過左下午茶時段 \ _ / 來了一個大碗招牌米($46) + 油拍青瓜($10) + 凍鴦($6)米線麻辣湯底 , 都幾大碗 , 味道ok油拍青瓜幾清爽好味飲品都ok , 佢地用黑白奶架~原先門外睇價錢比出名個d 好似略貴 再望入去覺得唔會好掂 , 結果都ok 可以接受不過都只係好普通