金仔米線

营业中

休息中

金仔米線下午茶點了金仔的雞絲米線, 味道比想像中濃郁。首先座位舒適, 價錢實惠, 包凍飲都只是34元, 上次去另一間店只是點了冷麵都要50元, 所以實在很抵食。凍朱古力很大杯, 朱古力味濃郁, 味道不假, 冰塊也適中, 沒有過多, 挺良心的。米線也很大碟, 足夠二人份下午茶了。看到配料很多, 醬料足, 足以拌勻所有米線都均勻上味。花生香口, 沒有油膉味, 用料新鮮, 青瓜亦翠綠, 沒有發黃, 清爽。雞肉煮得很好, 都有細心撕開方便食客食用, 而且沒有煮到又乾又嚡, 已經很不容易。米線一如所料, 爽口彈牙, 夏天吃一流。推介一試。

🍲 花膠濃湯雞鍋飯湯底真係超濃郁！一上枱已經聞到好香嘅雞湯味，飲落去好順喉，仲有少少花膠嘅膠質感，滋補感滿滿～雞肉份量都算多，煮得啱啱好，唔會太鞋。不過「少飯」對我嚟講都夠晒，因為個湯本身已經好夠味，撈飯食好正！ 🥩 追加肥牛片（$29）肥牛片嘅質素唔錯，雖然唔係超高級嗰種，但勝在夠薄切，浸落熱湯幾秒就熟，吸收晒湯汁精華，好惹味！追加價錢合理，推薦鍾意食肉嘅朋友加配～ ❄️ 凍奶茶（少冰少甜）解膩之選！甜度調得剛好，飲落清爽，同濃湯飯好夾。 總評： 性價比高，尤其係個花膠濃湯真係值得試！環境同服務都OK，晚市一個人食飯嘅好選擇。會再encore～ #新蒲崗美食 #金仔米線 #花膠雞湯 #打邊爐 #OpenRice食評 #香港美食

花膠雞煲米線或者飯個湯好濃好足料花膠都有好幾舊都好腍我就叫咗飯撈啲花膠湯，一路食都真係好入味好好食成碗飯都食晒不過啲雞就冇想像中咁滑都比較嚡但係都覺得可以接受嘅，同埋佢都有好多嘅菜配搭落去食都非常之惹味

上次趕時間 得半個鐘食飯我就求其入左呢間米線鋪 因為見佢無咩人 唔洗等😹嗌左佢個金牌金湯 一個字 咸！咸到食完成碗面真瘋狂飲水🙂‍↔️🙂‍↔️🙂‍↔️無論你叫咩餸 都係得一隻味 就係咸😂😂😂不過佢好就係可以揀米線既軟硬度 有時啲鋪會煮到啲面太淋 不過佢就無呢個問題 同埋夠平 三十幾蚊😂

有時食得多乜仔乜哥既米線，有時都會想試下唔同店鋪既米線，咁就可以比較下😂今日同朋友出街，發現佢原來冇食過金仔米線，所以就同佢試一試🤭😋豬扒玉子豆腐米線沙嗲湯沙嗲湯底唔錯，唔會太辣，但有香濃既沙嗲味😀米線又係我最鍾意既米淋😛索哂啲湯🤗豬扒唔會咬唔開，夠哂淋🤭欣賞佢有玉子豆腐呢個餸，因為出面唔係間有😀對我嚟講有味同夠滑就已經好夠，咁呢間係做到既😂舔舔脷指數👉🏻5😋/10😋滿分 可以一試😋

湯底偏鹹 米線ok 炸醬超級超級超級喊 同店務員講返唔好意思太鹹 食唔到 點知個黑色衫姐姐係收銀隔離檯大聲同我講 我哋嘅炸醬一直都係咁鹹...亦都冇幫我轉其他配菜 感覺上姐姐嘅意思就係食到就食 食唔到就算出品都係麻麻哋就算 個服務態度實在一言難盡咁嘅質素希望你哋間舖做得長久 生意興隆...

本身想去隔籬樂天食飯，但排太多人就走去試吓呢間米線!!!點知就大中伏😥😥😥入去唔知食乜…就叫咗個招牌五花腩米線米線有三舊仔五花腩，兩舊全肥得一嚿有一忽仔瘦肉…當堂呆咗🥹🥹大佬！你唔好叫五花腩啦全肥點樣叫五花腩？點食呀40幾蚊食碗肥肉加肉碎米線點解可以拎得出手比客食㗎！湯底已經好鹹好味精…同啲阿姐講，搞咗好耐先拎返舊瘦肉俾我🥲仲同我講下次唔會俾返…下次都唔嚟啦😃差到冇人有食到一肚氣！!

經過新蒲崗大有街，看見一間米線餐廳，餐廳空間大，座位也很多。午巿提供米線餐和飯餐。米線餐價錢由45元至66元，飯餐價錢由55元至58元。冬天想吃一碗暖笠笠的米線，於是點了米線餐-肥牛金菇米線另加2元轉沙嗲湯底。等了不久，熱辣辣的米線來到我面前，先喝一口沙嗲湯，湯底不是濃稠，沙嗲味一般，帶點辣。米線份量適中，肥牛數片，金菇份量也不多。配菜有芽菜、韭菜及腐皮，份量也是不多。一碗簡單的米線。

晚上同朋友系附近體育館打完羽毛球後想吃小小野，行到出嚟見到呢間有米線吃就入咗嚟試。我哋唔算勁餓，於是就揀咗一份佢嘅招牌花膠濃湯雞鍋配米線，依家天氣涼個鍋keep住慢火煮啲米線嚟吃好暖身，而且味道唔差，簡簡單單食一餐😛💚招牌花膠濃湯雞鍋 配米線 $68份量都足夠，我哋因為唔太餓兩個人吃剛剛好花膠都見到有4-5小片，雞肉都滑同嫩，個雞湯都夠濃味，米線亦軟腍，整體吃落唔差🌟Encore 指數：6.8/10——————————————————————Total HK$68 （2人）

今晚食得非常飽，我同我朋友叫咗-花膠濃湯雞鍋湯底濃郁，美顏花膠讓整體口感更加滑順，米粉吸收了湯汁精華，吃起來特別香濃。雞肉鮮嫩，與花膠口感搭配恰perfect -白胡椒豬肚雞鍋白胡椒香味十分突出，帶有一絲辛辣感，豬肚脆口感與雞肉鮮嫩形成絕佳對比。-椰子濃湯雞鍋椰子香氣非常濃郁，湯底清新又不油膩，讓人感覺十分舒適。雞肉鮮美與椰子甜味配搭得10分合適。雞絲粉皮雞絲鮮嫩，配搭芝麻醬整體口感輕盈。椒鹽玉子豆腐椒鹽鹹香與豆腐細膩，外脆內嫩涼涼黑白配冰粉超鍾意食冰粉，甜而不膩，必食甜品飲品我就叫咗百香果水果茶。餐廳後來都非常多人，而且員工服務非常之好Tonight, I’m very full. My friend and I ordered:- Fish Maw Chicken Hot Pot with Rice Noodles The soup base is rich, and the beautiful fish maw makes the overall texture smoother. The rice noodles absorbed the essence of the bro

喺荷李活廣場行完街，去咗間同地鐵站超近嘅米線鋪食雞鍋。性價比真係極高！🌟招牌花膠濃湯雞鍋$68🌟白胡椒豬肚雞鍋$58🌟椰子濃湯雞鍋$58雞鍋可以配米線/飯/米粉。鐘意傳統鮮甜雞湯嘅揀花膠雞，鐘意清甜嘅椰水味一定要試椰子雞😍。但到咗冬天，胡椒豬肚雞真係特別暖胃，而且加埋豬肚呢款其實係最多餸🤣。🌟雞絲粉皮$38完全抗拒唔到香濃麻醬+滑滑粉皮嘅誘惑🤣。基本上係一啖雞鍋，一啖粉皮咁食。同埋呢個雞絲粉皮最特別係有大量蓉泥，撈埋真係香到不得了。🌟酥香原塊豬扒$23邊有諗過會係咁大塊（大塊過我手掌😆），仲要好腍好多汁。🌟蒜泥韭菜餃子$28韭菜味道好香，肉餡本身已經好甜，加埋佢哋嘅蒜泥（蒜泥白肉醬汁，唔止得蒜泥）味道香好多！

呢間嘢學人整打邊爐，但係完全冇站喺顧客嘅立場去諗。啲湯勁少，又無得俾人加湯或者加水。咁我寧願去南記或者譚仔，起碼好食啲。反正我個人唔會再嚟幫襯。我見隔籬枱，仲要個喎乾晒水。

見完工， 路過就睇下， 見到有烤魚， 火鍋， 米線。 就行去試下， 無諗過會唔好食，基本嘢黎咋。 真係唔ok 。點咗個水煮魚飯，轉薯粉。完全唔好食。薯粉還是薯粉味， 木耳還木耳味， 魚片就咁。 完全係所有材料， 白灼完之後， 擺落個湯度， 冇煮過。嗰個口水雞， 啲雞件係垃圾， 雪藏味道不得了。 都係一pat醬到面頭， 雞食落就係原本的雪藏味， 醬就係一般般。水煮魚紅薯粉 $58 ， 加配重慶口水雞$45加咗個凍咸檸樂， 10蚊。總共 $113我相信第時就算成個新蒲崗執曬餐廳， 我都唔會嚟嘅度食飯

晚上9點多打算吃晚餐，本來想點烤魚，入座後才知道9點15後就不能點魚了。最後點了兩個小吃和一個米線。點了招牌金仔米線配生菜，一個涼拌拍青瓜和一個雞絲粉皮。最意外好吃是雞絲粉皮，調味料有點蒜蓉很開胃。粉皮容易咬開，不會感覺難消化。

經過很多次，因為很常經過都是有位的狀態，一直都沒進去吃過，今天終於找到朋友和我一齊嘗一下。晚餐時間後來，點的金仔招牌米線，標配的金仔湯，其實就是豬肉湯，味濃咸香，米線配料有軟嫩的三花肉，另外配上肉燥青菜。我覺得味道還是不錯的，不過性價比不算高。朋友就覺得湯和肉燥的豬味太濃了，反而米線軟滑很好吃。