影片
花胶鸡煲米线或者饭个汤好浓好足料花胶都有好几旧都好腍我就叫咗饭捞啲花胶汤，一路食都真系好入味好好食成碗饭都食晒不过啲鸡就冇想像中咁滑都比较嚡但系都觉得可以接受嘅，同埋佢都有好多嘅菜配搭落去食都非常之惹味
继续阅读
上次赶时间 得半个钟食饭我就求其入左呢间米线铺 因为见佢无咩人 唔洗等😹嗌左佢个金牌金汤 一个字 咸！咸到食完成碗面真疯狂饮水🙂↔️🙂↔️🙂↔️无论你叫咩𩠌 都系得一只味 就系咸😂😂😂不过佢好就系可以拣米线既软硬度 有时啲铺会煮到啲面太淋 不过佢就无呢个问题 同埋够平 三十几蚊😂
继续阅读
有时食得多乜仔乜哥既米线，有时都会想试下唔同店铺既米线，咁就可以比较下😂今日同朋友出街，发现佢原来冇食过金仔米线，所以就同佢试一试🤭😋猪扒玉子豆腐米线沙嗲汤沙嗲汤底唔错，唔会太辣，但有香浓既沙嗲味😀米线又系我最钟意既米淋😛索哂啲汤🤗猪扒唔会咬唔开，够哂淋🤭欣赏佢有玉子豆腐呢个𩠌，因为出面唔系间有😀对我嚟讲有味同够滑就已经好够，咁呢间系做到既😂舔舔脷指数👉🏻5😋/10😋满分 可以一试😋
继续阅读
汤底偏咸 米线ok 炸酱超级超级超级喊 同店务员讲返唔好意思太咸 食唔到 点知个黑色衫姐姐系收银隔离台大声同我讲 我哋嘅炸酱一直都系咁咸...亦都冇帮我转其他配菜 感觉上姐姐嘅意思就系食到就食 食唔到就算出品都系麻麻哋就算 个服务态度实在一言难尽咁嘅质素希望你哋间舖做得长久 生意兴隆...
继续阅读
本身想去隔篱乐天食饭，但排太多人就走去试吓呢间米线!!!点知就大中伏😥😥😥入去唔知食乜…就叫咗个招牌五花腩米线米线有三旧仔五花腩，两旧全肥得一嚿有一忽仔瘦肉…当堂呆咗🥹🥹大佬！你唔好叫五花腩啦全肥点样叫五花腩？点食呀40几蚊食碗肥肉加肉碎米线点解可以拎得出手比客食㗎！汤底已经好咸好味精…同啲阿姐讲，搞咗好耐先拎返旧瘦肉俾我🥲仲同我讲下次唔会俾返…下次都唔嚟啦😃差到冇人有食到一肚气！!
继续阅读