金亞淶泰國餐廳

营业中

休息中

餐廳位置好方便，行幾分鐘便到。雖然位於工廈樓上鋪，但都好多人食，幾乎滿座。［二人套餐］泰式全蝦餅份量好足，每件到好大塊。切開睇入邊除咗有黑膠愛仲有蝦肉粒，好彈牙！咖喱軟殼蟹🦀️咖喱非常香濃，不過係唔辣嘅。可以用咖喱撈一碗飯食😜。軟殼蟹係即炸嘅，好邪惡👿。d軟殼可以一齊食，口感豐富。豬頸肉湯船河湯頭非常之濃，顏色係呈深啡色。配上又滑嘅河粉好正，🍜食到嗦嗦聲。豬頸肉非常爽口。跟餐飲：青檸梳打，酸酸甜甜好開胃椰皇三重奏呢個甜品好好食底下係果凍、中間係椰奶、表面係啲炒過既椰絲。好重椰子味，我鍾意食果凍啊QQ彈！

朋友喺荔枝角返工，就佢放工喺荔枝角食飯，我想食亞洲菜，朋友就帶咗我去食泰國菜餐廳唔係好大，不過都幾光猛，有陣時好怕啲工廈餐廳黑麻麻，成日會形住唔乾淨，所以入到去夠光，感覺環境都清潔啲坐低睇餐牌，老實講，我嚇咗一跳，2人餐$245?????? 唔係per head 喎仲有一個2人餐貴少少，$358。咁第一次試就試個平啲嘅先啦，諗住$245嘅嘢，應該都唔會食得飽，如果啲嘢好食先再加其他嘢第一個上嘅菜係串燒，我一睇，點解咁多肉嘅，一串嘅肉嘅份量係我平時食開嘅泰國餐廳嘅接近兩倍。食入口，呢個價錢當然唔expect係黑毛豬質素，但都有肉味，最正嘅係個沙嗲汁，佢嘅調味食得出唔係現成沙嗲汁開嘅，而係用好多唔同嘅香料調出嚟跟住嘅柚子沙律就正常一啲，雖然冇咁驚為天人，但係同樣足料泰式炒生菜，生菜係平嘢，本身真係冇咩期望，但係又係另一個意外，佢嘅調味真係令到普通嘅生菜一啲都唔普通，食完呢味菜之後，我終於confirm呢間嘢最出色嘅應該係調味最後係泰菜裏面我嘅飛佛菜式生菜包，同樣都係份量足調味正，我真係冇諗過百幾蚊per head已經可以食到又好食又飽肚嘅泰菜朋友雖然都已經飽咗，但係佢話呢度嘅椰皇甜品出名好

看到朋友在吃這個泰國菜 他拍照出來的效果很浮誇 我便決定過來試試看 俾我手擘長的火山骨 就是一個豬肋骨 賣相相當震撼 有點像北方的大棒骨 個人很喜歡吃這種類型的東西 可以拿着骨頭一直在吃 豬助肉也做得相當軟熟 沒有那種煲湯肉的感覺 相當好吃 而且份量相當驚人 其實建議四個人分享着吃 菜式是完全沒有問題的 其他小食也非常好吃 就是位置比較神秘難找一點 而且裝修的格局比較簡單 很難可以和朋友聊天聊很久 但是餐廳吧 享受食物最重要 特色菜給予好評

金亞萊係一間以泰國菜為主題嘅餐廳，位於荔枝角區，之前已經聽過佢朋友推薦，今日經過特登嚟試下！餐廳環境唔算好大，簡約裝修不過座位寬敞舒服！朋友推薦一定要試佢嘅招牌菜式係泰式火山骨。一上枱不禁哇咗一聲！超！級！大！份！佢嘅豬肉骨質鮮嫩多汁，每一口都能品嚐到濃郁嘅泰式香料，呢道菜色香味俱佳，絕對係令人回味無窮！另外一款必試嘅菜式係海鮮黃咖哩配蒜蓉包。呢道菜結合咖哩嘅香辣味道同新鮮海鮮，再加上蒜蓉包作伴，味道更加豐富。每一口都能感受到海鮮嘅鮮甜和咖哩嘅香氣，而蝦肉亦尤其爽口彈牙～泰式肉碎生菜包以新鮮生菜包裹著香炒肉碎，再加上泰式特製醬汁，輕盈健康又美味！如果你鍾意甜品，就絕對唔可以錯過甜品椰皇三重奏！佢係完個椰子殻上，入面結合咗木糠椰子糕、底層係椰果肉，每一口都帶來不同嘅層次感，令人愛不釋口🥰而飲品方面泰式奶茶濃郁香滑，帶有茶葉嘅香氣，又唔會好似平時飲開嘅泰式奶茶咁死甜，不錯不錯～

好耐無約亞姨食好野，就佢地點我哋去左荔枝角一間工廈既泰國餐廳，超有驚喜😁招牌泰式火山排骨🌋依度嘅signature dishes, 賣相已經非常吸晴，佢係豬肉，人哋話黐住骨嘅肉係最好食，有少少肥肉、肉嫩又帶酸又帶辣。加上佢嘅特色醬汁，有辣椒粉、芫荽，蔥等等，睇得出花左好多心機和時間先會咁好食。佢大大份唔使驚佢膩，因為佢既酸辣會令你食慾大增😁黃咖喱海鮮配蒜蓉🥘有青口，魷魚（係超多）、薯仔、魚柳、紅椒、蝦、青椒、洋蔥等，咖哩帶著香茅既香，好有特色有清香、唔會非常辣。配蒜蓉包，絕配呀！魷魚同蝦彈牙，魚柳咬落好香嘅魚肉味！蒜蓉包面平均塗上滿滿既蒜蓉同牛油已經超香又帶點甜，加上帶有香茅嘅咖喱，層次感非常豐富！👍🏻👍🏻👍🏻泰式肉碎生菜包🥬用左特別既調味，豬肉味濃郁，瘦肉中帶少少肥肉令口感豐富、香味倍增，咸咸辣辣好惹味。加上粒粒微脆脆，蔥頭、蔥粒。再配爽脆生菜，正呀！亞姨點左熱泰式青檸蜂蜜；我呢就點左我最鐘意既青檸梳打🍋最後仲有甜品 - 椰皇三皇奏，今日有bonus,係4重奏，平時只會有自己炒既椰絲（超級香脆）、椰奶啫喱（好滑）、椰皇啫喱（超香椰青味、第4重）仲有椰肉（爽滑）🥰 加埋真係無得頂👍🏻

今日去荔枝角傾野朋友搵左間泰國野在億利工業大廈樓上室內裝修簡單但俾到人一個舒服既感覺晚餐價錢經濟實惠星期一晚都可以座無虛席很不錯門口重點推介招牌泰式火山排骨一定要試超打卡able//泰式火山骨 $168//由排骨堆砌成一座小山賣相吸引點都要打張卡先份量超多 數條超大條的排骨可以2-4位用餐廳仲會提供埋手套及骨桶好細心排骨肉燉煮至腍身入味輕輕一撕即可骨肉分離面上舖有芫荽同酸辣泰式汁排骨浸在酸辣香料醬汁好入味呢個特製濃郁酸辣泰式汁超惹味入口味道就是少少酸好開胃而且食到中段會越來越感受到辣勁雖然看似好似好多肉但幾個人share 又唔會覺得太飽 //黃咖哩牛腩牛根 $75////蒜蓉包 $15//另外點了個黃咖哩配有牛腩牛根伴碟有紅椒、洋蔥、薯仔夠豐富黃咖喱椰奶味很香濃牛腩牛根煮得好淋好入味另外咖喱配上蒜蓉包蒜蓉包熱辣辣香噴噴入口外脆內軟 蒜蓉味道好突出咖喱係要配埋蒜蓉包一齊食先夠滋味//泰式蝦餅4件 $78//蝦餅每件都好大件外層炸得脆卜卜一啖咬下就發現好足料蝦滑有起膠口感之餘入口仲夾雜著蝦肉粒十分彈牙配上泰式酸辣醬味道更加惹味 //椰皇三重奏 $42//最後食埋個甜品就滿足三重奏呢個名唔係

荔枝角嘅億利大廈有好多臥虎藏龍嘅餐廳今日我哋去到嘅就係一樓金亞淶餐廳因為之前米紙有介紹過佢佢哋嘅火山排骨成座山咁高所以今日就去試下喇餐廳食物都好多元化我哋就揀咗一個咖哩，一個生菜包最緊要係試佢嘅火山排骨火山排骨一上碟嘅時候可以話係好震撼佢個size真係唔係講笑份量相當大而且個價錢真係好平，只係$168火山排骨嘅肉質相當之淋身而佢嘅醬汁亦都好惹味酸酸辣辣咁樣好開胃咖哩牛腩配蒜蓉包咖哩牛腩香得只有微辣但咖哩汁配上蒜蓉包食就相當之夾牛腩牛筋亦都炆得相當入味肉碎生菜包肉食嘅份嚟都唔講得笑真係可以多到拎嚟撈飯食肉碎亦都比較濃味和較辣配上生菜咁食就剛好中和佢嘅酸辣味道椰皇三重奏呢個有少少似係椰子布甸再加啲啫哩咁樣但食起上嚟又相當清甜美味，清新解膩建議可以叫一個做甜品椰汁珍多冰椰汁味好香濃配料亦相當有咬口泰式奶茶真係同泰國飲嘅一模一樣茶底較濃，飲落亦甜甜的相當解渴食咗咁多嘢人均只係200蚊可以話係相當抵食真係推介大家嚟試試

今次同男友去荔枝角食泰國菜，呢間金亞淶泰國餐廳，地點好方便，好近地鐵站，款式選擇多亦幾抵食👍🏻！咖哩軟殼蟹份量都幾足料，軟殼蟹炸得香脆，咖喱唔算好辣，但味道好香，好啱我口味！手工泰式春卷一份有4件，餡料豐富，亦好香脆😉菠蘿海鮮炒飯以菠蘿殼裝住滿滿嘅菠蘿炒飯，除左有菠蘿，仲有肉鬆，蝦，魷魚等配料，好豐富呢！椰皇三重奏呢個甜品見差不多每枱都有點，以原個椰子殼裝住一層梛皇凍，一層椰奶凍，面頭仲有椰絲椰絲，味道香濃又夠滑，正呀😍！椰汁珍多冰清爽的椰汁配上珍多冰，口感豐富，冰涼又美味金鑽鮮菠蘿冰以香甜的菠蘿肉搭配冰涼的冰沙，口感酸甜又可口，仲有粒粒菠蘿肉呢！

向度食野真係火都黎.....翻工日子中午12點黎食飯諗住都係靜靜地食個LUNCH...碗面黎到(12:10)，因為食得慢飽得滯又要食下停下......店員黎左我個位問左3-4次食完未可5可以收走，但我碟豬扒仲有大半碟...第1-2次我都由您，禮貌地話未食完.....第3次又黎問..我都開始嬲嬲地話未......我都火屎大聲話.......我食碗面食完但我豬扒仲有大半碟都未食完.......都未夠30MIN您地就不停咁問我食完未......您話您門口排曬隊既我都理解您要多做一ROUND生意........但枱大把係桔既要5要咁走黎趕客走呢...............第4次黎話您隔離果個位陣間有客人會入黎坐比個籃我叫我放手袋........即刻撻著我....我話..您真係有客人黎無曬枱既我5介意攞走..但您全間食店有5-6張桔枱向度您叫我拿拿聲執走...大佬我5係食左個幾鐘..由坐落至食完都係講緊12-12:37.....37分鐘意您黎4次....您會5會覺得太過份呢.........呢間野絕對5會再去....再者.....食完碗面好口喝.....絕對無下次.....翻工節奏巳經好緊湊.

這店不是第一次光顧，想起了泰菜就是這間了，朋友都說頂瓜瓜👍🏻「咖喱軟殼蟹」 外貌美觀，咖哩以甜味為主，軟殼蟹脆口👍🏻「蒜蓉包」我專登為咖哩點了它，脆口香香蒜茸味配上咖哩🥰 我連續食了2件「菠蘿海鮮炒飯」以新鮮菠蘿炒上，我差點連個殼都食埋了🤣 甜美！而且足料！「泰式蝦餅」這款炸蝦餅絕對係足料，內裡多隻大蝦，而且新鮮炸出😋「椰皇三重奏」這款甜品店主聲稱是限量製😌 有椰肉，椰醬膏，椰青水啫喱，仲加了炸脆椰絲，多層口感♥️「椰汁冰」 是以椰槳做成，內有椰肉，唔太甜👍🏻備注：🔺工廈地方敞大，而且樓下就是巴士站🔺泰國師父主理，第二次光顧水準仍在

今日同同事一起过来附近食泰式美食，聽聞呢間泰國餐廳係隱藏喺工廠大廈，抱住好奇既心態過來，一入來都見到好多人.坐低嗌咗幾個招牌美食.🦐泰式全蝦餅：四個好大個蝦餅，一定要趁熱食好脆口，每一個蝦餅咬落去可以見到粒粒蝦子💯🦞黃咖哩海鮮配蒜蓉包：泰式料理一定離唔開咖哩美味，今次就揀著黃咖哩海鮮搭配新鮮出爐既蒜蓉包 海鮮有青口，魷魚🦑鮮蝦🦐蔬菜有薯仔🥔青椒🫑🍽️招牌泰式火山排骨：每一次見到火山排骨都忍唔住驚嘆火山排骨既份量，今次都唔例外，好適合家庭分享，同咪味道酸酸辣辣，好開胃 🤤 一定唔可以錯過🐷泰式豬脾：豬脾本身膠原好多，經過烹調之後 已經變得好軟嫩 將調味的香氣激發出來 鍾意食豬脾一定要試下🥥椰皇三重奏：一次可以食到椰子既三種口味，椰奶凍，椰子水凍以及椰子本身果肉.🥥係我今次食到好意外既驚喜，可以食的出一間餐廳既人情味 唔鍾意食甜品既朋友都話好食😋 🌟：4.5/5 金亞淶泰國餐廳 (荔枝角)🚇荔枝角地铁站D1出口步行一分钟就好快到达荔枝角長沙灣道883號億利工業中心1樓102號舖

「金亞淶泰國餐廳」，店舖位於億利工業中心，由正宗泰國人主理。門面好易認，大大個紫色底「金」字招牌，內在環境寬敞，裝修走小清新路線。我哋點咗泰式蝦餅、咖喱軟殼蟹同菠蘿海鮮炒飯。蝦餅外形圓碌碌，炸至金黃色，入口香脆彈牙，配酸酸甜甜嘅泰式醬汁吃，令人停不了口！泰式咖喱軟殼蟹，軟殼蟹炸得很香脆；咖喱唔辣，椰漿味重，入口甜滑，配軟殼蟹吃，滋味滿分。原個菠蘿海鮮炒飯，賣相好吸引，配料非常豐富，有蝦仁、魷魚、雞肉、新鮮菠蘿和肉鬆等。大蝦爽彈、魷魚煙韌有咬口、菠蘿甜美多汁，加上乾身又夠蛋香嘅米飯，味道一流！飲品點咗杯金鑽鮮菠蘿冰，用上新鮮菠蘿肉炮製，入口清新香甜。椰汁涼粉冰味道亦唔錯，涼粉軟滑、椰汁飄香撲鼻。最後食埋甜品先走，客椰皇三重奏分成三層，由上至下分別為烤香椰絲、椰汁布甸及椰青啫喱，三重椰香融為一體，入口清爽帶椰子甜香，椰子迷必食之選。

📍 金亞淶泰國餐廳——————————————————🍚｜辣豬肉碎溫泉蛋飯 💰50——————————————————幾抵食 經過可以試下 味道唔差調味唔算特別濃 酸味唔係太特出肉沫豆角偏淋 但係飯粒粒分明 不過隻蛋太熟唔夠流心——————————————————🍚｜泰式豬頸肉飯 💰57——————————————————呢個要叫！豬頸肉肉質幾嫩 上面本身調味已經好夠 甜甜燒烤味道加埋個黎秘製辣醬汁 非常惹味——————————————————🐣性價比： 8.9/10🫨回頭率： 7/10👅味道： 7/10——————————————————地址：荔枝角長沙灣道883號億利工業中心1樓102號舖

約左朋友食飯，佢話想食特色泰國菜，我喺下晝食果陣覺得啲船麵唔錯，但未試過散叫，所以睇完餐牌之後，夜晚就去金亞淶試下啲打卡泰國菜。呢度雖然係工廠區，但交通方便，鄰近地鐵，所以唔會太難去。睇下餐牌有咩食先 睇完就用QR Code落單啦！因為工廠大廈網絡唔係好好，所以呢度有裝WiFi 可以睇下環境 泰式春卷 4件 $58呢度嘅春卷好多料，除左豬肉之外，都有木耳、紅蘿蔔等等，外面皮脆，但無咩油，食落真係好開胃。 菠蘿海鮮炒飯 $88飯炒得乾身，粒粒分明，飯除左黃薑之外，都有少少香辣嘅咖哩味。材料有好多，肉鬆下面有蝦球、魷魚、雞肉，同味道好似豬肉乾嘅泰國臘腸，缺點係菠蘿殼太細，好容易倒瀉飯。 泰式火山骨 $168好多舖頭都有呢個菜式，但第一次有舖頭係大到夾唔起嘅。唔好話筷子，就算用手套攞，都放唔到落碗，真係超適合打卡。都真係食，撥走上面嘅芫茜，見到裡面係泰式酸甜汁，點豬肉食好正。睇賣相係煲湯肉，但又無一般煲湯肉咁鞋，點汁配合排骨本身近骨嘅油花位，成件事會變得好正。 青檸梳打$20青

自從上次食過金亞淶既椰皇三重奏，身為超級椰子控既我一直念念不忘♥️今次兩個人去食，叫左泰式拼盤，無骨海南雞半隻，馬拉盞粉通菜，豬頸肉船河，椰汁冰，椰汁珍多冰，仲有一定要食既椰皇三重奏。推介炸蝦餅超足料又爽口，啖啖蝦肉。船河湯底鮮甜，河粉索哂湯味，最重要食完唔會口乾，去骨海南雞都份量十足。下次要試埋招牌菜火山排骨同埋椰子雪糕先得，今次叫得太多野食嚕🤤最後食埋椰皇三重奏，滿足的一天。店員亦都好nice，店舖亦都好乾淨，食得開心又放心🥳