金二少冰室

营业中

休息中

飯菜好食，店員有禮，坐得舒服，奶茶一絕！！裝潢有心思，菜式如果可以增加就最好了！！店鋪坐落於較方便地點，係佐敦地鐵C2出口，同埋柯士甸西鐵站F出口中間～～～～～

知道柯士甸道有間冰室以懷舊風主題佈置,有懷舊收音機📻唱片💿而牆上嘅懷舊📽️海報🎬都係餐廳嘅特色,可以去打下卡📸Lunch叫佐海南雞飯🐥雞肉都算嫩滑,油飯灑上乾蒜,有色香但不夠味！最可惜不是正宗海南雞嗰三種醬汁,只是薑葱蓉,有啲失色,有啲似食燒味切雞飯😅本想叫#樽裝熊仔奶茶🐻但今日想飲檸檬茶,店員話可以半價+$19轉熊仔冰底檸檬茶🐻🍋見熊仔甘可愛,忍不住叫佐熊仔冰底,但亦會放些普通冰係杯底,可能不會甘快溶🤔

天氣開始轉暖，又係開始游水減肥嘅日子啦。但係每次游完水諗食咩都係一大煩惱，唔想食快餐，又唔想食貴野。呢晚我游完水，一離開九公泳池，直望就見到呢間「金二少冰室」，裝修幾新淨，環境又乾淨，於是入去試一試。🍽️可能因為已經晚上8點幾，所以入面都有幾多空位，唔需要排隊。坐低之後望一望牆上嘅黑板，上面有推介今日嘅餐單，都係一啲基本嘅茶餐廳嘅Menu。正當我準備落單嘅時間，望入餐廳最入面見到有一張poster上面有熊仔冰凍檸茶。於是，我點左咖喱牛腩飯和熊仔冰檸檬茶。原來個凍檸茶仲有得走甜，開頭以為揀左熊仔冰之後，甜度會固定，所以呢樣嘢都令我覺得好神奇。整個點餐過程非常迅速，讓我感到非常滿意。🧸店員好快就為我送上一杯「熊仔冰凍檸茶」，之後我發現點解呢個熊仔冰凍檸茶可以走甜，原來係因為隻熊仔冰就係一塊無糖嘅紅茶冰。個凍檸茶唔會好澀，所以就算無糖都覺得OK容易入口。🥘跟住落黎就係「咖喱牛腩飯」，其實上菜時間得好快，約兩三分鐘就已經可以送上嚟。個咖喱牛腩飯上台嗰陣時有陣好香嘅咖喱味，但係就唔會太辣，好啱我呢啲唔太食得辣嘅人。食落又有少少椰汁嘅香味，口味少少偏甜，所以其實好惹味，個汁好好送飯。個牛腩就唔會話太

游完水🏊見到差唔多10點想食少少嘢先返屋企 見到有間新開嘅茶餐廳所以決定入去試吓~原本諗住普普通通嗌個常餐就算 因為佢哋好似就嚟閂門 都唔想阻住人哋收工點知俾我見到個原條豬筒骨粉🦴見佢好似好大嚿好抵食，咁所以就叫咗一碗試吓嚟到見到舊豬筒骨的確幾大嚿 可惜嘅係佢冇咩肉 只有少少骨髓喺個筒入邊 比較失色😿而配菜方面，我嗌咗煎雙蛋配公仔麵底 呢啲就不過不失同普通茶餐廳一樣值得讚賞嘅係雖然佢哋就嚟閂門 但係佢哋冇好趕住咁逼你食 而且落單各位姐姐都非常好禮貌 俾足時間你慢慢食 令到我可以好好享受呢碗麵🥳🍜🍜🍜🍜🍜🍜🍜🍜🍜地理 8/10環境 7/10味道 6.5/10服務 9/1🍜🍜🍜🍜🍜🍜🍜🍜🍜

港式絲襪奶茶🧋好多香港人都鍾意，而媽媽都係愛好者☺️，知道佐敦有間冰室售賣多款口味奶茶，一於帶埋豬仔包去食個下午茶☕️試吓先🤩冰室以懷舊風主題佈置，有懷舊風扇、收音機📻、冷飲櫃作點綴，而牆上嘅懷舊海報，全部都係餐廳招牌食品嚟🤣媽媽最期待嘅奶茶原來有7️⃣種口味，真係款款都想試🤭，最後豬仔包幫媽媽選了口味比較特別嘅「 #玫瑰奶茶 🌹」😍。由於下午茶餐轉特飲半價，梗係要叫「 #樽裝熊仔奶茶 」，加埋隻熊仔打卡先啦🤩奶茶有淡淡嘅玫瑰🌹味，香得嚟又唔會搶走奶茶味，奶茶亦都好滑又唔太甜，岩哂媽媽口味，非常推介😋。樽仔奶茶配嘅熊仔係用小杯裝著好可愛😍。本來熊仔冰用茶底製造，溶咗都唔怕會整淡個奶茶，但佢又放普通冰塊🧊響底，都係會整淡個奶茶😅由於豬仔包不適宜飲奶茶，但見到熊仔咁可愛一定搶住飲，於是媽媽就預備第二隻熊比佢🤣🤣🤣👉🏻「 #藍柑桔熊仔冰 」。藍色嘅熊仔好特別，飲品同樣地不太甜，有淡淡柑桔🍊味，豬仔包非常滿意🤣食物方面，我哋點了「 #一夜暴富劉華多士🀄️」同「 #冰火菠蘿油 🧊🔥」。「 #一夜暴富劉華多士🀄️」個名好得意，估計係店主睇完劉華嘅嚦咕嚦咕新年財構思出嚟🤣，西多士上面鋪滿朱古力方格脆脆同華田粉，

🐾金二少冰室# Tea is the magic key to the vault where my brain is kept- Frances Hardinge🐈不嬲都鐘意港式茶餐廳夠道地~今次有朋友知我鐘意飲港式奶茶所以帶我去試下✨蔥花玉子鰻魚丼飯成條鰻魚夠晒足料，厚身玉子配飯超正🫶🏼✨蕃茄餐肉湯米線湯底好濃郁之餘仲有一舊舊餐肉粒夠晒足料~就算一路食一路傾，食到最後個米線都唔會冧晒，值得一讚👍🏻✨劉華多士可可粉同可可脆粒超級吸晴👀熱辣辣食真係冇得頂，而且打卡一流✨瑞士雞翼一睇雞翼個顏色就知道夠晒入味，肉質嫩滑，必點小食✨玫瑰奶茶奶茶夠香滑，玫瑰味唔會太濃，個平衡攞得啱啱好🤩玫瑰味好自然，而且甜度適中非常推薦👍🏻Overall體驗: 餐廳裝修採取懷舊風格，食物份量夠大份但價錢實惠，CP值非常高👍🏻最正嘅係奶茶有唔同口味，而且佢仲有出花茶~搞到🐈好想再返去飲💓

係佐敦個頭做完野，諗住食返個tea.先返公司環境乾乾淨淨，似係新開無耐，唔會係枱面笠痴痴個d冰室。嗌左個樽仔絲襪奶茶，同雪糕西多士，又好夾喎！個雪糕係薑味，唔太甜，真係有一條條薑絲食到，真材實料。可以有下次！！試埋個棉花糖西多士，真係鐘意食甜野既人可以一試。。。個奶茶都好夠濃，隻熊仔先有誠意！！！！溶左都唔會影響杯茶個味，唔會變淡左，打下卡都ok ge價錢就一般尖沙咀冰室價錢，好合理。伙記都有禮貌，

一直想試呢間金二少冰室，終於有返晚市太好喇🤩餐廳懷舊裝修，其中一幅牆係二少大劇院，金光閃閃甘，其他牆上好多仿舊式既海報同埋食物相，色彩繽紛。可惜唔見左粉紅色電話亭，冇得打卡🥺黎到試左幾款賣相好吸引既食物🎃南瓜海鮮咖喱焗飯$68原個南瓜上，賣相正，可以挖南瓜肉黎食，正，不過咖哩汁唔夠，後來姐姐比多碗汁自己撈爆漿芝士豬扒包$38 豬扒較薄，芝士唔可以叫爆漿，38蚊正常豬扒包ok既藍柑桔熊仔冰，跟餐加+$19 熊仔好可愛，杯野超級藍色，開頭飲勁甜，不過飲落有微柑橘味都幾好😄態仔凍檸茶，跟餐+$19朋友這話得檸檬味一藍一啡兩隻小熊，一 齊影相一流，姐姐仲好好主動幫我地加冰話影相會靚d一夜暴富劉華多士$38😋原來係西多士，炸得夠鬆軟，蛋味香。煉奶上勁多華田粉同卜卜米，又甜又脆，用上粗粒花生醬，yummy西多士上放左隻麻雀「發」，勁有賭神feel,打卡一流

新式冰室✨比個熊仔奶茶吸引左🫢其他食物款式都幾特別鮮茄菠蘿焗豬扒飯$58 焗飯係即叫即整 店員都好好提我地可能要等15至20分鐘 呢個飯嘅醬汁係用新鮮蕃茄做嘅 味道會天然啲 冇咁鹹 食落冇咁大負擔 飯係炒飯底👍🏻 撈埋啲芝士洋蔥味道都唔錯 依家睇返先發現原來比漏咗塊菠蘿我哋😂🫢 一夜暴富劉華多士 $40個名好有趣🤣 西多超厚 食落有蛋香 但就略嫌唔算鬆軟 扁頭加咗好多脆脆同可可粉 都幾夾 金二少奶茶 $19杯奶茶真係唔錯 飲到好滑 茶味又夠濃 奶同茶嘅比例啱啱好 因為我唔飲咁甜 少甜版本仲啱我😉 熊仔冰奶茶好得意！ 而且個冰係用茶做嘅 但係因為都有加普通冰 所以變咗其實都會沖淡左杯奶茶

難食都嘔，食曬=挑戰到劣食底線！見到佢裝修唔錯，有啲懷舊的感覺，帶着期望入去試吓，點知玩自己同同事，難食都嘔電……今日食咗個暗然銷魂飯，啲叉燒有酸醙味😮‍💨仲要係廚師推介的食物，簡直係挑戰人類的底線🥲同事點左個沙嗲牛麵，難食到食唔晒，連沙嗲牛麵都可以難食，救命！😴同枱另外一位同事叫咗個海南雞飯，隻雞冇咩味，黃薑飯黃到好似假咁。由於叉燒有酸醙味，見到隻雞好白，令我覺得好似放左係雪櫃幾個星期咁。難食到打左人生第一篇食評😮‍💨

上次講咗佢地既樽仔奶茶☕️真係好香茶味😚😚今次講下佢地既茶餐廳🍴食物都好有心機整囉！🥹聽老闆講以前有間「大班」茶餐廳，所以呢間就叫「二少」🤣🤣👏🏼好得意原隻南瓜海鮮咖喱焗飯 $68呢個價錢真係太平了吧，因為整呢碟飯勁多功夫😩😩又要蒸又要焗，要差15-20分鐘先有得食，原隻南瓜上🎃食緊入面飯既同時都有d咖哩汁滲入去朱古力棉花糖焗多士 $30本身以為會好膩啦，但點知入面花生醬🥜所以又唔會太甜👍🏼👍🏼要小心d綿花糖絲搞到周圍都係🤣🤣🤣📍金二少冰室 (尖沙咀)尖沙咀柯士甸道71號地舖

早幾日同幾位朋友去新開張嘅金二少冰室港式樽仔奶茶有多種口味 香滑順口 仲可以配埋可愛嘅熊仔冰 消暑100分💯💯嗌咗原隻南瓜咖喱海鮮焗飯 （有驚喜）見到餐廳大部份人都比呢個🎃飯吸引😍😍另外仲叫咗蕃茄滑蛋飯水準係心目中嘅top 3 😍😍大大份好抵食味道啱啱好👍🏻👍🏻仲有唔同款式嘅多士都比較創新大人小朋友都啱食睇得又食得餐廳影相打卡都好靚 裝飾都睇得出有心思作為新開張嘅港式茶餐廳值得一試👍🏻

沙嗲牛肉米粉裡面有曱甴🪳大家仲食唔食就自己諗下嘔左我一包紙巾無影到相 已經唔想影唔係曱甴bb size員工仲問食唔食多士我都唔知講咩好有曱甴有曱甴有曱甴有曱甴🪳

「金二少奶茶」進軍冰室界於尖沙咀佐敦區開第一間新店啦!🎉介紹返先，金二少奶茶由本地製造全人手沖製，最近再出新款口味，全套已經總共有7款之多!由得獎奶茶師主理，冇添加冇人造色素冇防腐劑製作，如果去開Citysuper嘅街坊一定試飲過佢地嘅產品吧~金二少冰室沿用金大班家傳秘方，開發新打卡冰室路線值得支持!呢日下午茶時間同兩位朋友來訪，門面光猛，空間感足夠，店主特別為店面設計一系列打卡點，電話亭及懷舊冰室奶茶雪櫃等，用懷舊的包裝將食客帶入新款的打卡菜色之中👏由於新鋪仍然處於試業期，所以店主好樂意接受唔同意見從中改善，咩都未講點都要講左飲品先，下午兩點後奉送熱飲、凍飲+3 樽仔半價!🐻要打卡嘅話叫「樽裝熊仔奶茶」就係常識，推介:⭐️⭐️⭐️⭐️⭐️ $19 半價整隻冰熊仔用左二少奶茶茶底雪製，務必令奶茶又或者係凍檸茶都保持住那種冰茶交雜的耐用感，岩哂夏天的下午茶時間吹水傾下計Chill 下的漫長節奏。🥪香港傳統街頭小食系列:一夜暴富劉華多士 $38推介:⭐️⭐️⭐️⭐️玩味的名字，睇得出店主應該睇左劉華嚦咕嚦咕新年財N次吧~華田粉及方格脆脆佈滿整塊多士之上，切開有流心狀態，集合脆香鬆定三個口感，值得一試。🥪朱古

午餐時段 沒有太多選擇 常餐沙嗲牛麵 蟹柳炒蛋 多士 $48沙嗲牛肉麵正正常常 中規中矩麵較淋蟹柳炒蛋聽落比較特別 平時外面多數都係火腿炒蛋份量較少 而且炒得好乾但竟然常餐飲品加錢 （落完order見到張單先發現）跟餐 熱飲加6 凍飲加9一份常餐要 57蚊見到隔離枱 都係叫常餐 叫完野飲收到張單發現飲品要加錢即刻叫侍應取消杯飲品 比杯水就可以坦白講如果一份咁普通嘅常餐 要57蚊埋單以呢個價錢 呢個質素佐敦區有好多更好選擇既然新開 希望可以接受客人嘅意見