金二少冰室

营业中

休息中

開心果熱潮捲到去新派茶記食西多飲紅豆冰都有！😮特別套餐價$55(原價$85.5)可以嗌到開心果西多士同一杯開心果奶茶紅豆冰或者阿華田開心果～💚 西多士切開就有澎拜的開心果醬湧出 面頭仲有開心果碎，炸得好香脆唔會好膩 仲有微微蛋香，沾埋一齊食整體都冇過甜 非常平衡👍🏻 飲品方面推介大家試下開心果奶茶紅豆冰 一大杯裡面半杯都係滿滿的紅豆蓉 再配少量奶茶同埋oatly開心果奶 初頭好驚唔夾都估唔到飲落去好順 仲要微甜既紅豆咬下 好有口感🫘 食茶記除左甜點邊少得經典既黯然銷魂叉燒飯($62) 煎孖蛋撈飯果然一流 叉燒都唔會好乾 雖然相對比較甜身 略嫌鹹香度差些少

覺得唔開心，同朋友來食個開心果餐啦，希望食完飲完開心果會開心啲🥳講笑啫，我係開心果fans，總之係跟下風啦，呢排所有開心果系列都好多人食，係post度見到呢間推出開心果套餐，開心果迷當然唔會錯過開心果多士多士上面鋪滿開心果碎，開心果醬混入厚切多士入邊，個人覺得如果開心果醬再濃稠D會更好味，跟著輕輕撳一撳就有爆漿流心開心果醬，邪惡👿美食🧋開心果奶茶紅豆冰底層的紅豆綿密，有滿滿的紅豆🫘勁多，我最鐘意，吃得出入面放了開心果，如果可以再多啲開心果就更好，而且不太甜，配甜甜的開心果多士剛剛好🧋開心果阿華田淡淡既開心果味配阿華田想食咸咸甜甜的豬扒煎蛋菠蘿包都有店面唔系好大，有一個懷舊冰室奶茶雪櫃，牆面都好復古等，人好多，影相打卡就留返下次先

假期就是要放肆下😎❣️開心果套餐💚極度邪惡👿金二少x OATly milk 🥪流心開心果西多是我預期中的賣相，令人療癒的草綠色，西多上搽上大量開心果粒，用刀一切開澎湃的開心果醬迅間湧出來；西多口感軟熟，冇overcooked 而開心果醬是用煉奶調出來，吃到只有煉奶的甜味，開心果味不太出，但味道還可以。🧋OAT Ly Milk 紅豆冰最驚喜係紅豆粒佔咗差唔多半杯，紅豆入口非常軟糯，甜度亦啱啱好，煮得好好味；開心果味燕麥奶替代花奶作為紅豆冰底都OK😋整體而言性價比偏高，開心果控值得一試👍

在附近完活動，第一次食呢間餐廳，門面只有兩位侍應姐姐，大概夜晚七點入座，都多位坐。食物冇乜特別好食或難食，係個沙嗲牛肉麵的牛肉比較難食，另外送了一條橡筋在湯入邊找到；聲稱係黃金奶茶，但好難飲主要想表達兩位姐姐服務態度實在十分非常的差差，雖然其實不是去到十分惡劣果種，但如果係平時普普通通嘅服務我都唔會專登想在這裏表達，主要係黑面，十問九唔應，問一句答一句接住已經冇反應….下刪三千字，總言之這次用餐體驗十分差，之後絕對唔會再去。

踏入尖沙咀的「金二少冰室」，懷舊裝潢與新派美食的碰撞令人驚喜招牌「銷魂叉燒飯」選用瘦叉燒，燒得邊緣微焦，蜜糖甜香與炭燒風味交織，搭配流心太陽蛋與甜豉油，每一口都飽滿滿足，叉燒份量十足，絕對對得起「黯然銷魂」之名。 甜品「開心果西多士」是視覺與味覺的雙重享受——切開瞬間，特濃開心果醬如熔岩般傾瀉，外層酥脆的麵包裹滿煉奶與果仁碎，堅果香氣濃郁卻不膩，創新之餘保留港式西多士的靈魂。而「開心果奶茶紅豆冰」更顯「金茶王」功力，茶底醇厚，紅豆綿密，與Oatly開心果奶的堅果餘韻層次分明，乳糖不耐者亦能暢飲。 整體而言，金二少既能堅守港式傳統，又以開心果系列成功突圍，值得一試！

位於柯士甸同佐敦之間既新派冰室最近就推出全新限定開心果系列，以元素演繹港式經典，環境走懷舊風，光猛門面有特色坐得舒服開心果西多士西多士大家食得多，加左開心果既大家又食過未呢? 打卡靚又好食! 外皮煎香脆卜卜，入面係開心果碎粒 + 特濃開心果醬，配上煉奶一齊食甜度剛剛好，作為開心果控表示真材實料，帶啖啖蛋香，值得一試阿華田開心果細個既時候去茶記都好鐘意叫阿華田，呢款加左Oatly開心果奶，順滑既麥芽、燕麥基底配上美國開心果醬，啖啖滋味開心果奶茶紅豆冰鐘意奶茶既朋友要試下呢杯! 經典紅豆冰加上燕麥奶、港式奶茶，比例好，美國開心果醬為飲品充滿堅果香，植物基配方順滑低負擔，經典紅豆黯然銷魂叉燒飯叉燒係半肥瘦，外焦內軟，加上兩隻蛋更惹味，醬汁甜甜哋好滋味，值得一試

尖沙咀•金二少冰室】尖沙咀柯士甸道71號地舖加強推廣帖子銷魂叉燒飯銷魂叉燒飯真係名不虛傳，叉燒燒得外焦內嫩，醬汁濃郁香甜，淋在飯上簡直令人銷魂，忍不住一啖接一啖！開心果西多士開心果西多士口感酥脆，開心果醬帶來濃濃堅果香，甜而不膩，咬下去幸福感爆棚，早餐或下午茶都超正！開心果奶茶紅豆開心果奶茶紅豆好有驚喜，奶茶順滑帶著開心果的獨特香氣，紅豆甜度剛好，混在一起喝既豐富又有層次，好滿足！餐廳評分廳環境：8 服務質素：88888食物味道：性價比：消費：HKD 200#尖沙咀美食 #金二少冰室 #web3尖沙咀

琴日同朋友去咗尖沙咀科學館，見有啲肚餓就嚟咗金二少冰室食嘢～入到去裝修港式茶記風格，周邊都擺有港式懷舊家電！好似穿越咗80年代咁😍下午茶時間坐滿人😆見佢新出咗開心果多士😚開心果迷梗係唔會放過啦！美食⭐️⭐️⭐️⭐️⭐️🩵黯然銷魂叉燒飯銷魂叉燒飯點少得半流心嘅煎蛋🍳連埋豬油豉油嘅煎蛋真係好惹味😍可以食幾碗飯😆 叉燒半肥瘦😙我最鍾意呢個脂肪分布，整體都好出色！🩵開心果多士西多士炸到外脆內軟～切開滿瀉個開心果醬😋超多餡～表面鋪上脆脆嘅開心果！估唔到咁夾😍有驚喜一定要試🩵阿華田開心果阿華田開心果，估唔到幾夾！有啲似杜拜朱古力🍫味道～🩵開心果奶茶紅豆冰開心果味嘅奶茶紅豆冰都好好飲！淡淡紅豆🫘粒煮到好腍心綿滑～開心果同奶茶好夾😋唔會好甜啱啱好👍🏻📍 金二少冰室尖沙咀柯士甸道71號地舖

源自於金大班茶餐廳30年的家傳茶方，二仔將祖傳茶底加以改良，創造出以「茶香、奶滑、醇厚」的特式飲品。開心果系列創新登場，紅豆冰用上Oatly開心果奶製作，入口嚐到紅豆的綿蜜粉甜，繼而茶香回甘，還有濃濃的開心果味。西多士以特濃開心果醬混合煉奶製作內餡，切開會有爆漿流心效果，面層更撒上滿滿開心果碎，每一啖都有豐富果仁香氣。半肥瘦的叉燒肉質相當腍，微暖富肉汁，味道帶蜜味香甜，煎蛋焦黃香脆，外香脆內流心。

看到 電視宣傳而來，一邊坐車的 ，一邊查看openrice食評時，發現有 一個負評說不要因宣傳而來， 當時真想不要來試， 但是已經坐緊車，就試一次吧。侍應都是上年紀的女士， 但是服務態度和其他餐廳一樣 ，不過不失。 看到他有很多外賣的訂單 ， 又要顧及堂食的， 態度 ok。 後來有位侍應接到外賣人客電話說要加餐具 ，侍應都給他加，沒有加錢， 只提醒人客下次要在訂單內加購。 這服務算不錯吧。入正題， 紅豆冰來到的時候，滿滿的紅豆十分自癒。 紅豆夠冧 ，味道不太甜， 飲起來有堅果的味道。主角 開心果西多士， 放下來的時候，果醬在搖動， 有人說中間沒有餡，我專登切開，中間有黃色的餡料， 應該是牛油。 其實咁多果醬煉奶汁 ，切開後，把麵包沾上醬汁， 還是很好味的， 足夠的。總括來說，坐得舒服，吃得滿足， 一邊寫食評一邊嘆紅豆冰，不經不覺坐了一個多小時 ，都沒有hard time， 下次還要再來的。

港式茶記X開心果革命 真係到到都有開心果但港式茶記同開心果嘅配合都真係第一次試能夠保留傳統港式茶記特式 再巧妙加入開心果風味 的確俱備新鮮感講到港式一定會諗到奶茶同西多士🥢開心果西多士👉🏻西多士外皮炸得金黃 面層鋪滿粒粒開心果碎 和開心果醬 為普通西多士加上粒粒口感和鹹香🥢阿華田開心果👉🏻阿華田嘅甜配上開心果嘅香 形成一種新的味道 無想像中咁甜 都幾創新🥢開心果奶茶紅豆冰👉🏻 一款令人耳目一新嘅創意飲品 巧妙地將傳統嘅奶茶、紅豆冰和開心果結合在一起 茶香濃郁嘅港式奶茶、浸泡在其中的香甜軟糯粒粒紅豆 其中加入開心果香氣 味道十分配合🥢懷舊豬扒煎蛋菠蘿包👉🏻張經典菠蘿包與香煎豬扒和流心太陽蛋作結合 呢道鹹與甜結合的港式美食 結果不同層次口感 絕對係港式下午茶之選

經過見到金二少出咗開心果系列包括超搶眼嘅開心果流心西多士一於入去一試👌🏻✧ 開心果西多士（$45）少有餐廳做到超流心嘅效果！係有山泥傾瀉既視感😂開心果醬係有果味 但都係煉奶嘅甜味偏重而西多就係比較重牛油咸味 唔太膩一咸一甜咁都幾夾Toppings嘅開心果碎sss加咗脆脆嘅口感✧ 阿華田開心果（+$10）呢杯就唔太推了分層同埋攪嗰下都覺得幾靚但撈完發現味道好單一開心果味俾阿華田蓋過咗🥲

見網上人氣大推，趁放假去試下，星期六tea time都幾多人，keep住有人排隊，期待值又高咗黯然銷魂叉燒飯 (62hkd)採用了瘦叉燒，比較健康不油膩，食落不鞋口，蛋下面仲有好多塊叉燒，好似搵寶物😂加上甜豉油和流心蛋黃，正宗港式味道🫶🏻開心果多士 (55hkd)開心果迷必吃，超濃郁的開心果，一切開即爆醬流心，好似瀑布🌊外脆內軟，表面亦有果仁碎，炸得好清爽，碟底冇油，必須打卡📸阿華田開心果有華田香又不會壓過了開心果的味道，仲做到不太甜，幾出色開心果奶茶紅豆冰茶底好濃，是傳統茶餐廳的濃茶底，紅豆🫘綿軟，仲大大杯#foodiblum港式

行過見到好多開心果一於試下佢開心果西多士 $45跟埋杯開心果飲品加多 $10一上到枱已經見到成個面係開心果碎碎都好滿足，點知一切仲驚喜😍係流心架❤️ d開心果醬係咁湧出來滑蛋叉燒飯 $62個蛋係全熟但都好滑叉燒望落去瘦少少但都唔會好嚡😋個豉油調較過，唔會太咸或者太甜好夾白飯👍👍👍👍試哂2杯開心果飲品開心果奶茶紅豆冰🫘紅豆好夠淋開心果阿華田初頭都諗會唔會怪估唔到又幾夾可能個西多士好濃相對飲品淡味d

被社交媒體網站上的‘開心果西多士’所欺騙，本以為這種閉著眼睛做都不會難吃的東西，卻遠遠超出我的想像🙏如圖可見多士一整個白花花，既沒有被蛋液充分浸泡，也沒有給足牛油，總之就是一個寡淡無味，45蚊浪費了我的熱量值🙏意粉、全早都算得上是難吃，意粉很軟還有一股捂了的味道，唯有奶茶算得上是好喝。原本以為間間茶記都差不多，恭喜這間成功晉升超**茶記🙏奉勸大家千萬不要被鋪天蓋地的廣告欺騙🙏