金二少冰室

营业中

休息中

今日帶婆婆同阿囡黎食開心果特色下午茶。因為阿囡同婆婆都好鍾意食開心果。我哋黎到佐敦白加士街附近，這邊設計及裝飾都好特別，有唔同顏色嘅圖畫及古典電器，坐位舒適又光猛。見到佢個開心果西多士，開心果控必點之選。宜家仲有菠蘿豬扒蛋包，我都好想試下。最近婆婆話好耐無飲紅豆冰，所以點了一杯開心果奶茶紅豆冰同開心果阿華田，更有不同優惠。（開心果奶茶紅豆冰同開心果阿華田）（開心果奶茶紅豆冰）奶茶味濃郁香滑、紅豆好軟腍、開心果有粒粒咬口，都幾香又唔會太甜（開心果阿華田）原來開心果加阿華田都幾好飲，阿華田香滑配上開心果粒粒（菠蘿豬扒蛋包）菠蘿包微熱鬆軟，太陽蛋金黃色好靚，豬扒軟腍入味，中間有沙律醬、生菜，豐富美味（開心果西多士）好震撼！一切就爆開心果漿，西多士好鬆脆，即點即製，內面軟軟，配上開心果漿及開心果碎，真係好爽！阿囡食得好開心

這兩三年真的可稱得上開心果美食的天下！只要有新推出、用開心果製成的美食定必成為受歡迎的食物～ 自己也是很愛吃開心果（但未成癮，哈）也很想試試不同的開心果美食；最近就吃了在網上有不少人分享的開心果西多士終於吃到這個在網路上洗版的開心果西多士啦！實物比想像中還要更多更多的開心果份量啊～ 西多士厚厚的又炸得夠金黃色，表面鋪滿開心果碎跟開心果醬，散發著非常濃郁的開心果香氣；切開更是讓人瘋狂！因為是滿滿的流心開心果醬！以開心果醬代替傳統的花生醬，其實別有一番風味，喜歡吃開心果的朋友就當然是不能錯過啦～ 因為實在是太濃厚的開心果味道，完全是大滿足啦！店家還推出了兩款開心果特飲，是混合了茶餐廳的經典跟新派飲品：開心果華田和開心果紅豆奶茶！沒想到阿華田跟開心果出奇地夾，香甜之中帶果仁香；而後者更是層次豐富，茶醇夠滑，滲出淡淡的紅豆味，再配開心果的堅果味道，不會太甜啊！滑蛋叉燒飯 $62 除了開心果系列美食外，這裡的滑蛋叉燒飯也是挺不錯啊～ 大大碟的份量，食量相對大的男士絕對會飽足；滑蛋叉燒多得覆蓋所有白飯，蛋夠嫩叉燒件數也是挺多的，每一口都是口感豐富！店家是一間港式茶餐廳，最廣為人知的是它的得獎奶茶，

金二少將經典港味重新演繹，主打健康同美味兼具既概念，大家係回味童年回憶既同時，都能享受無負擔美味。💪 無論你係追求健康飲食GenZ，還是熱愛港式風味老饕，都可以搵到屬於你既心頭好！💯#mochicouple_hk佐敦搵食團⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 1️⃣ 阿華田開心果呢杯阿華田開心果簡直係miss mochi既童年回憶殺！😭 濃郁阿華田麥芽香氣，Oatly開心果奶獨特堅果香💖 唔會蓋過開心果堅果味🥹滑順醇厚燕麥基底！💥 植物基配方低負擔😝2️⃣開心果西多士$55套餐包開心果西多士同阿華田開心果😜 開心果西多士絕對顛覆你對傳統西多士既想像！🤯 少有餐廳做到超流心嘅效果！😝外層採用獨創的「煎炸雙攻」秘技，四邊香煎鎖住酥脆口感，再經高溫油炸定型，呈現出完美金黃色澤。✨ 滿滿既開心果碎粒，再加上煉奶既加持，有蛋香同堅果香，簡直係爆餡驚喜！💣 而且「拱橋造型」設計，令西多士唔會塌陷！💯 如果有埋濃濃開心果醬就更好！3️⃣開心果奶茶紅豆冰($40)係經典港式紅豆冰的完美升級版！🤩紅豆粒差唔多有成半杯🤪開心果燕麥奶順滑口感，搭配港式奶茶濃郁茶香，再加上

係尖沙咀同佐敦附近整嘢 男朋友突然話想食焗豬扒飯轉角就見到呢間咪試試男朋友食焗豬 我話唔知食咩佢叫我試吓海南雞咩料點知一嚟到就出事首先我第一次見有骨嘅海南雞其次隻雞啲皮巢晒仲要勁多雜毛食落仲要又鞋又難咬我邊食邊講粗口 真係未食過咁難食嘅海南雞 明明就係切雞咁上下 （可能切雞都滑過佢但夾硬話海南雞仲要加埋飲嘢收我$71先嬲我食咗一兩嚿已經話忍唔住要寫食評提人千祈咪叫海南雞再夾咗嚿俾男朋友試試 佢咬咗少少發覺𡁻唔爛就吐咗佢個焗豬正正常常 食完飯行返廣東道發現大X樂係附近當堂覺得自己蠢咗要辛苦自己食咁難食嘅雞

本身比d相同店舖吸引住同frd去食，特登抽咗lunch嘅時間，行多幾步黎食下，點知果然中曬伏！！嗌咗個銷魂叉燒蛋飯 ，點知個叉燒乾到銷左魂一樣。下午茶 set更加唔洗講，難食就算。仲要未食晒，就比店員問都唔問收咗d食物，係2次！！2次！！係2次！！（重要嘅事情要講3次）真係好離譜，收我frd食物（比我frd截左之後）仲要收埋我嘅，問都唔問一句：仲要唔要就直接收走！！其實係咪應該問一聲仲食唔食？？明明個碗度都仲有咁多就直接收走？我真係唔明總言之體驗感非常之差！！！

茶餐廳竟然有開心果系列嘅嘢食，真係估佢唔到！即刻比佢吸引左，就入左去食個 Lunch！係佐敦同柯士甸之間嘅「金二少冰室」，帶有懷舊冰室嘅感覺，就點了佢哋嘅皇牌「黯然銷魂叉燒飯」！食香港茶記叉燒煎蛋飯真係一定要食，佢個靈魂一定係個隻燶邊蛋，一篤開蛋黃見到佢流出嚟，再將佢同蔥油、甜豉油撈飯，真係勁香甜，配埋半肥瘦叉燒，食完真係勁滿足！🌟 開心果多士大熱哪開心果食品，一上枱就令我嘩一聲嘅開心果西多，超濃又多到滿瀉嘅開心果醬，再加上大量開心果碎鋪滿整塊西多士，真正每一啖都係濃厚嘅開心果味道！🌟 阿華田開心果阿華田配開心果味嘅堅果奶，入口微甜，又唔會太膩，帶有陣陣嘅堅果香！🌟 開心果奶茶紅豆冰絲滑奶茶加入開心果堅果奶及紅，層次豐富，下午茶飲返杯就啱哂！

今天去佐敦，朋友約食lunch，話發現到一間必食嘅茶記，仲要有邪惡甜品食，講到咁正點唔去食！呢間茶記位於佐敦，入到去嘅感覺就好似家庭式經營，幾有家的感覺！聽講呢度有我哋最想食嘅大熱開心果食品，一於食埋！黯然銷魂叉燒飯黯然銷魂叉燒飯真係好夠地道本土風味，一塊塊肥瘦分明嘅叉燒，配搭脆香邊煎雙蛋，加上秘製的蔥油拌飯，太香了！開心果多士黎到呢間冰室就係為左呢份多士😍濃濃的開心果醬充斥整份西多士，怕唔夠開心果？上面還鋪滿了開心果碎！切開西多士，香濃的流心開心果醬流出來喔，不誇張，真正感受到被開心果包圍着的西多士，大大的滿足！另外我們點埋新推出開心果飲品，兩款飲品每人一杯可品嘗不同口味！阿華田開心果～阿華田的濃濃可可味添上開心果的堅果香味，入口甜而不膩！開心果奶茶紅豆冰～茶記奶茶夠香滑，奶茶內仲充滿紅豆🫘同開心果味道，層次感豐富，冰冰涼涼很合適！

我媽媽好鍾意食開心果見到金二少冰室新推出開心果多士套餐即刻同媽媽嚟食個下午茶先🍞 開心果西多士+ 開心果奶茶紅豆冰 $55睇落都好吸引🤤開心果碎鋪滿咗西多士既中央表面一切開個西多士 入邊嘅開心果醬流曬出嚟其實可以叫做熔岩開心果西多士呀🤤食落好重開心果味上面嘅開心果碎都令到口感更加豐富而開心果醬偏甜 所以完全唔需要落其他嘢添🧋開心果奶茶紅豆冰比例上大概各三分之一左右成功將奶茶紅豆冰同開心果融合在一齊開心果紅豆冰比較重紅豆味上面用加咗少少碎開心果鍾意食紅豆冰同開心果既人真係一次過滿足兩個願望呀🧋 阿華田開心果 $19阿華田同開心果比例50:50比較上呢杯開心果味重啲上面嘅開心果碎都增加咗個香味可能因為冇紅豆味搶左出黎～🍳 豬扒煎蛋菠蘿包 $45可以揀煎蛋或者太陽蛋添我就揀咗太陽蛋嗰啲蛋汁咬落去嘅時候流曬出嚟而豬扒都唔錯啦 都算幾Juicy香港特色菠蘿包包住豬扒、煎蛋、菜同千島醬又估唔到幾好食Wor好欣賞金二少呢類型既冰室咁努力保存香港既飲食文化 又會搞搞新意思呢排開心果產品咁熱門佢地又整個開心果西多士 同 開心果特飲鐘意開心果既人都可以黎試下

對於一個好鍾意食開心果嘅人黎講真係好正😂Order左佢哋嘅開心果系列， 有開心果紅豆冰同埋toast套餐！你feel到佢入面係真係好足料， 個toast一切落去入面流心 全部都係開心果！ 面頭啲粉同埋脆脆都勁有口感！入到去餐廳基本上見到全部人都食緊呢個開心果餐同埋佢哋嘅黯然銷魂飯！大推！✨杯嘢飲本身我係預計佢會好漏 但結果唔會係好有fresh嘅感覺 toast就相對漏dd 但中和番都係perfect！ 唔錯唔錯！

成日聽朋友推介開心果，今日終於到我食咗開心果系列，熱辣爆汁西多配開心果奶茶紅豆冰！🥪 開心果西多士：酥脆麵包包裹濃郁開心果醬，切開一刻如熔岩傾瀉，煉奶與果仁碎交織，香氣濃郁不膩，完美保留港式經典靈魂！🧋 開心果奶茶紅豆冰：醇厚茶底配綿密紅豆，Oatly開心果奶增添堅果餘韻，層次豐富，乳糖不耐也能輕鬆享用！🍚 銷魂叉燒飯：微焦瘦叉燒，蜜糖甜香混炭燒風味，搭配流心太陽蛋與甜豉油，每一口都超滿足！😋有冇人都食過呢？

🌟開心果多士超級爆醬真係😚一切落去果下啲開心果醬就爆哂出嚟🤭流到好似瀑布咁澎湃 超開心！岩哂同小c妹一樣既開心果控豬仔開心果醬＋煉奶＋西多士就係咁邪惡💕🌟黯然銷魂叉燒飯賣相真係夠哂吸引🤤尤其係果兩隻煎蛋 好流心啲蛋黃撈埋落啲飯到真係好滋味🤭真係飯都食多左兩碗🌟開心果奶茶紅豆冰飲落有啲似係抺茶紅豆冰口感幾得意 紅豆有咬口😋🌟阿華田開心果整體嚟講阿華田味大過開心果偏甜 岩哂鍾意食甜野嘅朋友仔🤭

上網睇到有見茶餐廳做緊開心果主題套餐，身為開心果控嘅我，當然唔會放過。首先要咗個$55嘅開心果套餐，當中有一個開心果西多士同埋一杯開心果特飲，呢個套餐非常抵食！ 開心果西多士外脆內軟，搭配香濃的開心果醬，讓人一口接一口。接著是阿華田開心果，呢個飲品既有阿華田嘅濃郁，又有開心果嘅清香，簡直係完美結合，口感層次分明。我朋友就叫左銷瑰叉燒飯，呢個係香港經典中的經典，叉燒肉質鮮嫩，醬汁香甜，加上兩隻大大嘅煎蛋，加上豉油，與白米飯相得益彰，令人回味無窮。最後當然要試埋開心果奶茶紅豆冰，呢個係夏日的最佳選擇，龍龍嘅開心果味道融入紅豆的甜美，和奶茶的獨特風味，值得一試！

啱啱上完堂正值下午餐時間，想去搵間茶餐廳食茶餐。 行過見到金二少呢個名好似有啲印象，就入去試下。 見到有個tea set 係宜家好流行既開心果， 咁就點呢個set， 有開心果西多士，餐飲叫左開心果奶茶紅豆冰。 開心果西多士多士上有滿滿流動既開心果碎碎多士醬， 切開啲多士醬非常多，整片都係草綠既多士醬。多士熱辣辣送上所以係軟身，唔係唔會係放涼左硬掘掘果啲咁。 朋友就叫左銷魂叉燒飯加開心果阿華田。 銷魂叉燒飯份量都幾多。叉燒飯上有兩隻太陽蛋，我試左少少甜豉油配上叉燒味道都可以。 另外開心果飲品幾好，唔會太甜。 尤其開心果奶茶紅豆冰，雖然係紅豆底，但紅豆唔會過甜，奶茶味相對唔算好突出，紅豆配開心果碎幾特別。整體係好飲同埋有質感。 後話，發現原來金二少係出名奶茶，見周圍好多人都叫奶茶，下次真係要試下佢嘅奶茶。

今日下午出咗佐敦整嘢，行過一間冰室，見到外面有牌寫住開心果西多士套餐$55，見到真係好正，啱晒我呢個開心果控😍開心果西多士：終於可以叫西多士唔使再講話走花生醬😂我平時麻麻哋花生醬！估唔到西多士都可以有開心果味，食起嚟真係外脆內軟，而且係超級爆漿，一切開就好似湧泉咁爆出嚟，裏面有開心果碎，再加上開心果醬，真係超流心，極之邪惡！開心果華田：一上枱見到顏色有兩隻色已經好靚，當開心果遇上阿華田，就好似假如你喺街或者喺一間餐廳遇上我的那種驚喜一樣！嘩，乜咁啱嘅🧐呢兩種味道加埋又真係幾夾喎！黯然銷魂叉燒飯：相信大家如果睇到食神，就會知道點解叫黯然銷魂飯😜就係一碗叉燒飯，再加上荷包蛋，看似簡單一碗飯，但係做出好有心思！首先荷包蛋邊煎到好脆，夾開有少少流心，而叉燒都係半肥瘦，再配上甜豉油！

前排同朋友喺九龍公園做咗一陣運動做完路過試下金二少冰室💚 黯然叉燒飯叉燒加太陽蛋配埋甜甜嘅叉燒汁仲有兩條菜心令成件事清爽少少食食下勁快就清晒碟真係好滿足💚 開心果多士本身係見到呢度有開心果多士所以想試吓見到上枱嗰下已經覺得好多開心果碎而切開嗰下啲開心果醬即刻流晒出嚟唔會太甜仲有熱辣辣多士再加埋脆脆嘅開心果碎個口感真係好治癒💚 阿華田開心果阿華田加埋開心果嘅味道意外地又唔會太甜夏天咁熱運動完去飲勁啱呀～