野見拉麵

营业中

休息中

店員態度差，我地幾乎等咗成個鐘，仲要砰門好似唔歡迎我哋，係咪想做好服務㗎仲要入到去，枱面完全冇抹乾淨，冷氣機又滴水嗌完餐食埋個麵都未有嘢飲 要我提先肯俾 上餐速度都極慢 隔籬枱俾我哋遲遞紙仲早過我哋上 唔會再去

太子一間人氣很旺的低調日式拉麵屋野見，上週末路過看到這裏大排長龍，於是決定要來一探究竟🧐大概排了半個多小時終於可以入內，店面不算大，一個拉麵師傅hold住全場，食客可以近距離觀賞師傅整面，每一個碗都要事前預熱，每一道湯都是單獨溫熱，很有心思拉麵勁道有彈性，不會很軟爛，時間把握很好👍🏻 雞白湯湯底味道濃而不膩，味道鮮美😋叉燒薄薄一大片，鮮嫩多汁🙌🏻雞胸肉，一塊一塊的，非常嫩滑👏🏻 整體來說很不錯，好吃，繼續保持水準

排隊要等好正常 前面排左四張枱 呀金色頭髮店員哥哥喺帶我地前一張枱入去前 已經第二次confirm我地喺咪兩位見住有兩個客人行左出黎 諗住好快有位 點知企左10分鐘都有都未見店員身影 本打住係 爆場都攰唔催人執枱嘅心態 點知原來係double confirmed都比人遺忘左喺店門口 仲要係後面排隊嘅食客入去問 佢先發現原來有兩枱客仲喺門口。。。入到去 張枱冷氣機滴水唔緊要 滴到件衫張枱一滴二滴都唔緊要 但我驚滴到碗麵 同呀店員講 佢建議隔離兩個食客移一個位比我地 我已經成頭問號 個男食客無當局者迷 講左句「無分別架喎 咪一樣係滴」 係呀 移左一個位咪一樣係滴緊隔離嗰個 呢個時候店員好冷靜講左句「咁無辦法」。。。。要我哋主動提出有枱嘅話可唔可以調枱 佢先醒起有呢個option 係咩概念？？？到有枱調到 個店員仲不忘講左句「順手拎埋啲餐具」。。。。Ok 我有手我可以順手我都有唔岩 因為嬲到傻 所以喺位到都直接同我同伴抒發左幾句 可能店員都聽到 到我快快手食完想快啲比錢離開呢個鬼地方嗰陣 都依舊係無比好面色我睇：）好唔好食已經無所謂 我個醬油湯行死咸醬油味唔看雞果去左邊 雞白湯 湯麵分離 麵

無意之中行過呢間拉麵鋪，就咁睇門口真係估唔到係食啲咩野。成間鋪淨係賣三款拉麵，好方便有選擇困難症嘅大家。🍜雞白湯拉麵 - 個湯好濃好鮮，唔係飲得多會口渴個啲！配料都比得唔少，塊肉好薄好嫩，有啲後悔冇追加到。🍜醬油拉麵 - 湯底相比之下會淡味少少但唔會好淡，塊雞胸肉係我食過最嫩嘅雞胸肉！成日都以為雞胸一定會好柴好乾，呢舊完全唔會！如果口埋眼食，我真係唔知佢係雞胸！🥺---------------------野見拉麵 @nomi_ramen 📍太子柏樹街6號地舖💸~100HKD/pp

2023.12.27工作室既電腦mon壞左，咁啱朋友今日有時間出深水埔買，之前又有朋友紹，所以今日就決定試哩間店，寫埋今年最後一編食評。入到店餐牌上只有三款湯底既麵，雞白湯，鹽味，醬油味。我同朋友都點左雞白湯拉麵，🍲🍲湯底味道清甜，入口後有濃郁既雞肉味，但唔漿口，非常滑，好似飲緊濃郁雞味忌廉湯，唔會太鹹，真係唔似濃湯😯🍜🍜麵係細麵，麵身有小麥加入，冇特別冇叫硬麵，但食落軟硬適中，咬得越耐小麥嘅香味越勁真係好少食到咁好味既麵😃🍥🍥拉麵既配菜有1大塊豚肉叉燒，3塊雞胸叉燒，味玉，青蔥，蘆筍，粟米芯😯豚肉低温叉燒好大一塊，雖然好薄，有啲紅位但食落冇腥味，冇血水流出，一樣好嫩滑而且肥而不膩。低温雞胸叉燒既賣相真係好吸引，食落好嫩滑冇腥味，有好強既雞肉鮮味，哇！真係好正😃😃😃蘆筍好清爽脆口，接近根莖位都唔會硬粟米芯食落清甜，冇苦味，食過最好食既粟米芯味玉流心程度唔大，不過哩種好似啫喱既口感我真係幾鐘意😃青蔥切得好靚，不似港式麵檔既粗粒青蔥😃店內既裝修比較行現代簡約風，燈光比較昏暗，場內的牆壁有少少日式小擺設🎎🎎另有L形的吧枱，以及數張小方枱，雖然枱細，但總算坐得舒服😃枱面上除了基本餐具，另外提供

搵到間新開嘅隱世拉麵店門面完全唔似拉麵店呢度只有3款雞拉麵我食雞白湯拉麵湯底雞味濃但唔算誇張麵質偏硬似藜麥拉麵流心蛋好食但最驚訝係雞胸肉好嫩有3片雞胸肉加1大片叉燒想食雞麵會再嚟

今日係太子剪完頭髮，夜麻麻，想搵間日本菜食，係OpenRice揀揀下就見到依間極日本風既拉麵店。拉麵店既位置好近地鐵站，太子c2出口行一陣就到。我預先係OpenRice睇左menu，一入就去就揀好雞白湯拉麵。我個人覺得，濃杰既雞白湯比稀身既雞白湯更吸引。依間拉麵店正中我喜好🤤🤤佢既雞白湯相當濃杰，可見十分用心熬制。另外，拉麵軟硬適中，吸左湯汁之後十分好食，比大部分連鎖式拉麵店好食！今次既配料係片狀雞肉同叉燒，雞肉口感好正，好少見片狀既雞肉😂隻溏心蛋亦都好有驚喜，十分溏心。（我唔中意食粟米所以走左粟米）咁好食既濃雞白湯真係好少見🥺亦都係我少數會飲曬湯底既拉麵店，希望更加多人去幫襯～

我同朋友走在太子的街頭，偶爾見到一間鬧市中毫無裝修可言但又帶孤高嘅餐廳🌃再仔細望，是一間拉麵店🍜於是入去試下，店內依然帶有一種靜默嘅感覺，燈光偏黃，環境帶點昏暗，同門外的明亮仿似兩個世界🌚餐牌只有三個雞湯拉麵選擇：分別是雞白湯、雞醬油、雞鹽味🐓我同朋友分別叫了雞白湯同雞醬油拉麵。先說雞白湯拉麵（💵$98）湯頭很濃郁，入口是滿滿的雞骨味。相信有加上雞肉蓉在湯底，令口感更加濃稠。湯面上略有泡💭 比起城中一間著名的雞白湯拉麵而言氣泡略少。雖然它是一碗日式拉麵，奇怪的是，雞白湯給我是一種中式的感覺。雞骨的味道掩過了拉麵應有豬骨湯的味道🐔配上露旬和粟米🌽，頗為特別！個人而言，湯還是好飲的。麵就有點失色，只因不太掛湯，令湯和麵間產生一種“分離感”。再說到配菜，主角是叉燒🐖和雞胸肉🐓叉燒是慢煮叉燒，肉質嫩滑，中間筋部油香十足，爽口而不油膩。雞肉火候亦很出色，9成半熟僅僅熟🐓雖然是雞胸部位，但入口鮮嫩，完全沒有渣，十分出色✨蛋用的是溏心蛋，而非流心。味道酷似7-11的醬油溏心蛋，都非常出色，略嫌醬油味搶過雞白湯，兩者不是太和諧，不過單獨食是一流！！最後是我朋友的雞醬油湯拉麵（💵$108）湯底和我的不同

事隔一星期，d 餸全部縮哂水🤨野見試業時，湯底濃郁熱辣辣，雖然價格唔平，短短兩三星期都食咗四五次，因為個湯好味。坦白說，太子地段，$100碗叉燒細細既拉麵屬於貴價，如果唔要是旦一款肉，係唔會補番多啲另一款肉俾你，變相你碗麵會超少肉，但都唔緊要，我唔食雞肉我問題，所以你唔補叉燒，都可接受。可惜剛剛正式開業，就開始貨不對辦。原本厚叉燒（8mm)變咗薄薄叉燒片（1mm)，雞肉三塊變咗兩塊。原本肉已經唔多，而家仲要變薄又少左塊，價格仍然係$100 , 實在唔值$100. 如果只因為個湯好飲，甘我不如去湯鋪飲碗湯都唔洗$100.罷食！無下次最後，開左業甘耐，完全無位擺手袋或物品，籃都無個，你只可攬住個袋食麵。

本身係太子呢頭返工，近排lunch time時發現到呢間新開無耐既拉麵店，身為拉麵迷既我即刻bookmark左呢間店。今日遇著老公放假即刻拉埋佢去試一試！我自己點左雞白湯拉麵，而老公就點左雞湯醬油拉麵～兩個拉麵都好味道，鍾意濃味嘅人可以食雞白湯；而如果鍾意食清啲既話可以試下醬油拉麵。雞肉同豬肉片都經過慢煮過程，所以肉身好淋好味道！而佢地用既拉麵屬於幼麵，煮得啱啱好，好彈牙！真心推介大家去試一試呢間會keep住想返去食嘅拉麵店！

新開的拉麵店好像是大角咀夜見的支店這天吃了鹽湯拉麵🍜雞鹽湯頭雞湯味道清淡很溫柔舒服如果喜歡濃郁雞香感的朋友可能感覺略淡泊鹽味也不重覺得鹹味可以再重一分更顯主題另外有豚肉片叉燒薄切 油脂豐富 軟嫩雞胸肉略微生一點個人不太能接受溏心蛋偏甜 蛋黃色澤鮮豔很美細麵比想像中爽口軟一點 個人覺得可以整體喜歡可回訪

雞白湯拉麵，湯底濃而不膩，麵軟韌適中，雞肉嫩滑，溫泉蛋蛋黃是橙紅色是我喜歡的那種，有驚喜！師傅說叉燒改為較薄那種，之前第一次去的時候，店鋪還處於試業階段，當時的叉燒是厚而肥，本人是很喜歡，但不確定女顧客是否同樣喜歡。師傅表示聽到顧客反映後，改為較薄的叉燒，但由一塊改為兩塊！個人就兩種叉燒都OK。師傅之前曾專研過西湯，對湯底有心得。看著店鋪由一開始的晚上只有我一人，到現在同時有好幾枱客，感嘆是金子總會發光！

晚上8點去到 滿座 等左大概10分鐘-叫左雞白湯拉麵 同 鹽味拉麵-雞白湯幾濃 有d杰杰地 鹽味都唔錯2種麵係唔同既 雞白湯既麵係有小麥粒既鹽味就幼少少 白色冇粒粒係入面-但係上網openrice/社交媒體網站睇食評舊叉燒都係厚身既但係今日係變左豬肉片雖然係好食既但係如果叉燒賣哂 唔係應該通知聲嗎因為menu都係寫住叉燒

新開嘅拉麵店，仲係試業中店面唔算大，但裝修精緻，試左三款拉麵之中嘅其中兩款雞白湯拉麵個湯偏清淡，加少少胡椒味道會有層次啲。配料除咗味玉 叉燒 雞胸之外仲有蘆筍同玉米筍醬油拉麵比較雞白湯會濃味d，個人比較推介兩款拉麵分量都算大，配料豐富

男朋友係拉麵狂，所以我地食過好多拉麵。樓下竟然開左拉麵店，緊係即刻試食，短短兩三星期，已經食第4次，你話好唔好味🤣表面睇，價錢略高，位處太子。但食落就知湯底超濃超正，重要係次次碗麵都熱騰騰，我每次都飲哂d 湯。希望鋪頭再多客都堅持熱騰騰湯底☺️希望鋪頭再多客都堅持熱騰騰湯底☺️希望鋪頭再多客都堅持熱騰騰湯底☺️重要事情要講3次😆希望可加入幾款小食，止下口痕。希望上菜時間可縮短，特別人多時候。其待改進💪🏼