野玩田店 (已搬遷) 新店位置

原本想試lunch, 但最後3點只趕得切tea, 有驚喜芝麻鮮奶又香又滑~😍大菇意大利飯好味~💖卡邦尼意粉味道好~ 亦見師父手搓麵團再用意大利粉機分割! 所以卡邦尼口感一流💖

呢間係k11嘅餐廳 都係第一次食 標榜有機 健康呀咁 好清新同家人一齊食冇影晒所有相叫咗兩個pizza 分別係芝士味同火箭菜巴馬火腿味 都好好食 另外仲有千層麵 意粉 意大利飯一定要介紹嘅鹽焗魚 十分好味 又滑又香 用香茅一齊焗 好似泰國菜咁飲品好多款👍🏻👍🏻可以慢慢簡好多類似五青汁嘅飲品 例如紅菜頭 梨 等等生果果汁最後 當然要食埋甜品啦

朋友升職請食飯，雖然我說不用請，但她堅持，多謝哂之前計劃食tea， 可惜我打電話去，餐廳話要walk in，點知去到又問我地有無bk位，所以到這間碰碰運氣，睇下又無位，點知發現左這裡有午市自助美食沙律吧buffet裝修清新簡潔，一貫田野味道侍應生領我地去坐後，就遞上餐單， 原來可以加錢叫個main course，包甜品、 飲品我地最後加錢點左鮮蟹肉蟹籽燴意大利飯同煙鴨胸蕃茄莎莎醬三文治配薯條自助沙律吧，食物款式多，材料都新鮮，冷熱盤都有，以健康食才為主，如秋葵、藜麥……侍應生送上麵包同餐湯: 麵包質地較嚡，不過有健康的亞麻籽餐湯很淡味，起初以為是粟米忌廉湯，不過細問侍應生之下， 答案竟是龍蝦湯實在令人匪夷所思蟹肉蟹籽燴意大利飯:蟹肉蟹籽份量不少， 意大利飯軟硬適中煙鴨胸蕃茄莎莎醬三文治配薯條:最初看中文名以為是三文治，不過一上枱再睇返menu就知佢無上錯，因為英文餐牌是 pita bread材料足，勁多煙鴨胸肉粒、蕃茄粒、洋蔥粒，好不惹味，沙律菜新鮮，陳醋酸甜，pita bread薄脆，不過最正是暑條，外脆內軟，大大條甜品:草莓藍莓朱古力慕絲，朱古力味濃，不過很怪的地方是紅莓醬放左匙羹

之前看過電視節目介紹這店，今天放假便相約友人來吃午餐。餐廳是日洋式的佈置，感覺簡單舒適。我們被安排坐在半梳化位置，枱上有一高身玻璃水瓶供食客自助斟水。我們點了午市套餐Set B: 自助沙律美食吧+主菜+餐湯、茶及甜品。侍應先送上餐湯和包，餐湯是南瓜忌廉湯，麵包的質地也很軟腍。接着，我們便出去沙律吧取沙律，沙律款式很多，蔬菜很新鮮，用小碟子裝着的前菜亦很別緻。結果我取了一大碟回座位吃，有菜、火腿、豆、車厘茄、豆腐和枝豆等。然後侍應端來我們點的主菜，首先是拿破崙長通粉，賣相一般。茄汁味不太出，長通粉質較硬身，伴著橄欖粒和豆苗，味道相當一般。至於另一份主菜是黑松露野菌意大利飯，賣相也是一般，雖然有黑松露的香味，但飯質很濕很黏一舊舊的，吃了幾口已覺得味道很膩。我們吃主菜吃得十分苦悶，最終也頂不順太齋，友人於是從沙律吧取了些雞翼和豬扒條回來，加餸後的主菜才較易入口。餐茶方面我們只點最簡單的熱檸水和檸茶，最後吃甜品。吃畢平平無奇的主菜後，想不到甜品給我們一絲驚喜，是冰涷的朱古力慕絲，不但賣相不錯，而且味道很好，甜度適中，給我們圓滿的感覺，也為這頓午餐畫上完美的句點。

今日落住黃雨去尖沙咀，去咗同地鐵站接駁住嘅K11。個度有好多fashion小店，連餐廳都好多特色。 既然咁岩係星期一，就黎番個green Monday，試下野玩田店。 一入到去右邊就係open kitchen，唔算太大，但五臟俱全。 餐廳入面係田園設計，好refreshing。 免費嘅小點，好食到想叫佢黎多份 紫薯湯有d似南瓜湯Garlic bread 係呢餐嘅亮點 配埋黑松露，yummy 仲有個藜麥香草伴意大利飯，唔記得左影

星期二下午四時，一個人諗住食Tea，第一次幫襯野玩田店全場共三枱客，人數加埋10個都冇，三枱人各據一方。有五張冇人嘅二人枱，但職員偏偏叫我去死角位嘅二人枱坐，旁邊係雜物櫃同埋1個滅火筒，當堂O晒嘴，感覺非常非常之差，出聲要求希望轉過其他位置，佢一面無奈，我更加無奈。最後我坐咗喺中間位置嘅四人枱，但優優閑閑享受下午茶嘅心情已經冇哂。環境好，但食物普通，service 差，冇興趣再幫襯。（第一次寫食評）

野玩田店 - 好特別嘅店名, 令人好奇. 準時7點到達, 大概有3-4成客人. 店內裝修及擺設簡潔, 一大排玻璃窗, 很小間隔, 亦有放一D 盆栽植物點綴, 令人感覺開揚及清新.  奈何枱與枱之間距離非常之近, 傾計都唔敢太大聲, 以免騷擾到隔離枱.  另外, 店內中間位置有張長方型大枱, 大細約如一張大會議枱, 眼見大部份2-3個人一組組坐, 而中間沒有間隔, 抬頭就望到對面食客, 面對面有D尷尬. 食物方面, 選擇唔算太多, 但種類都平均, 而且份量唔小. 飲品及甜品選擇好多, 而且都比較特別. 今次我地2個女仔叫左3樣嘢, 食完真係好飽, 份量足夠3個女仔食.  下次可以叫多D朋友試其他款式.服務都好好, 招呼快亦有禮貌.

Book位唔困難，因為餐廳顧客不多，餐廳內有很多吉位。一來到，門口的侍應小姐黑口黑面帶入座位，問多兩句，塊面再黑啲。以為淨係一個侍應嘅問題？錯啦！點菜嘅時候另一位男侍應再示範一次木口木面，而且眼見四周圍的顧客要叫侍應是何等艱難，但侍應們都站在一邊談笑甚歡，服務方面就是這樣。講返食物，上菜速度奇快。溫泉蛋芝士焗大啡菇，似乎每一位食客都會點，質素還不錯，但是一切開蛋，感覺太水，調味不足，味道偏寡；如果菜式入面加返少少肉味或者肉碎，整體感覺可能比較圓滿。蟹肉忌廉汁寬條麵，蟹的份量不多，蟹味都算濃郁，似係罐頭蟹肉。白汁算light，食落去唔覺得好肥膩。整體分量偏少，如果share嚟食每人得三四條麵⋯Side dish 牛油焗雜菇，呢味幾好食，啲菇夠肉地又夠入味，感覺新鮮。Side dish 黑松露甜薯，一陣黑松露油味撲鼻，感覺不太良好，薯仔切得太大件，而且不夠熱，所以整體感覺不是太好。甘筍、青瓜、薑鮮榨果汁，呢杯野先特別，用k11 kclub 會員優惠券兌換， size比鄰座循正常途徑點的同一杯飲品細一倍。你送得咁鬼鼠就不如唔好送啦，感覺公司很小氣。杯野味道用料都算新鮮，薑味好濃，幾乎蓋過了其

與友人聚會，第一次來這間隱藏在K11裡的綠色餐廳，以田園、新鮮為賣店，餐廳裝潢亦綠意濃厚，坐在窗邊，偶有陽光射入，完全不覺置身於尖沙咀這個鬧市中。食物方面，以價錢看，Salad bar 的款式不少，而且款款沙律菜都很新鮮，還有些日式小食和會不定時轉款的熱食，如青口、雞翼、雞肉腸等，味道亦不差，有誠意餐湯反而有點遜色，簡單忌廉湯，但不夠濃稠，味道亦過分清淡，其實可考慮配點味濃的蔬菜或香料吊味餐包也有兩三款，上桌時仍暖烘烘的，很好主菜，其中兩位朋友點了豬扒意大利飯，聽說味道不錯，可惜豬扒偏韌～ 另一位朋友則點了牛排，肉味夠，不韌～本人點的，是雞肉意大利包，原來是雞的cold cut，沒有多大驚喜，不過意大利包夠外脆內鬆軟，不錯 伴碟的脆薯條香脆不油膩，薯味夠，少吃多滋味眼看特飲名字很特別，不過實在太飽了，而且還有香蕉朱古力蛋糕作為餐後甜品，所以我們沒有加錢升級餐飲，只要杯熱檸茶配蛋糕、消消滯 

同朋友在沒有訂座, 沒有期望既情況下, 選擇了這間餐廳。由於時間不多, 叫了三個食物, 沒想到竟先送來餐包。係我最愛既黑糖包~ 水準比outback只差少少, 不過都香甜軟熟, 十分好食。另外個支麵包條就覺得硬左少少。芝士蘑菇釀雞亦: 芝士十分香口! 夾埋蘑菇既問題真係一流,啖啖肉!泰式豬頸肉: 有肉汁, 一點都唔乾! 又香口又美味, 加上特別調製既辣醬,真係十分好食!鹽 焗盧魚配芝士焗蔬菜: 侍應小姐會係你面前敲碎個鹽殼, 之後就可以自己拆魚肉黎食。不過呢兩樣都一般, 魚肉唔算鞋, 不過無咩鮮味, 反而味道似泰式明爐盧魚, 不過鹽 焗冇汁冇湯, 一d都唔入味。中午佢有個semi-lunch,下次一於黎食下先!

我哋兩個人食lunch set，原來K11裏面有個叫Natural嘅地方，賣健康食物、lifestyle產品，同埋有間野玩田店。我哋揀咗洋蔥豬扒包、牛油果醬燒雞胸兩個套餐，包括餐湯、咖啡或茶、甜品，自助沙律美食吧，有蔬菜、雞翼、青口、羽衣甘藍、紫薯、甜品等等。其中有香草、迷你菜係呢間店裏面自己種植嘅，有農場嘅新鮮感。喺尖沙咀食飯，百幾蚊一個套餐係抵食，K11地點方便，而唔係太逼人，陽光窗口位坐得舒服，有文青feel。

Staff遊雲無service可言都算一開頭個磨菇湯同焗菜都ok但個risotto連熟都未熟就拎出尼比人食要係香港搵倒咁難食既risotto汁都幾難咁既價錢係K11大把選擇😅

同老友麵包班同學仔約食飯由3月約到依家先成事，3月小弟去咗旅行，4月就輪到佢去，跟住老友病咗一輪，啲時間夾嚟夾去，所以，先搞咗咁耐。老友嘅病未叫痊癒十足，仲要戒口，咁由佢負責搵餐廳，揀咗以健康食材入饌為理念嘅「野玩田店」，咁就當然好啦，況且，我自己都未食過。雖然餐廳地7寫住Shop 201，行到鋪面唔似餐廳，原來喺一個以Natural為主題嘅區域，裡面由多家鋪頭組成，好彩門面有水牌指示。晌門面，最留意到喺「逢星期一，全日89折」嘅優惠牌，所以，我哋無啦啦變相唔使加一。由於要就一就老友飲食，所以，今晚食咩就由佢同佢老婆搞掂，我就一於等食，慢慢影吓東、影吓西。先講環境，晌門口睇唔出餐廳都頗大，入門口處有開放式「柴房」，頂位「簷篷」真喺放咗唔少柴枝架，下面則有唔少竹製器具，帶出餐廳主題。再走入啲啲，就已經喺用餐區，全以淺木系作為主調，裝修頗為簡約，無咩花巧，由於樓底有留番咁上下高，空間感強。如果再多放少少植物，感覺更強，更有郊野嘅感覺。就連餐墊、餐巾，都極盡田園氣息！主餐牌封面，大大隻字印住「Tastes of Nature」，再次表達餐廳嘅理念。翻開第一版，有餐廳嘅自我介紹……自然山野風味

另一間系K11 Natural 新開的食店，以水耕種植的野玩田店。這晚有6個人，可以試多幾款了。餐廳門口有自家栽種的蔬菜和盆栽。Pappardelle with crab an d Asparagus $158豐富的蟹肉忌廉汁Black Truffle and Mushro om Risotto $138味道淡淡的，但亦有松露香氣。Seafood Deluxe Risotto $168這個味道豐富，帶有海鮮鮮美，不自覺地吃多兩囗。Smoked salmon Large $178煙三文魚pizza ，皮較厚，但份量很多，吃不完。Loaded Nachos $78很好吃的前菜，粟米片配上牛油果醬及酸忌廉，絕配！The Farmer Salad $108味道清新，加入了健康的藜麥，特別在於加了用蕃茄汁造出的果凍薄片！Pandan Waffle with Vanilla Ice Cream $88甜品以要了一份waffle，不是硬身的口感很好，和微溶的Vanilla 雪糕同吃很美味！整體環境及食物很讚，餐牌上還有很多想吃的！

尋晚去咗Something Wild - The Farm, 裝修觀塘環境舒適。 佢嗰theme 係the Farm, 見到有不同嘅盆栽。 感覺好Organic.叫咗個 Farmer's Salad, 個tomato paste 係啫喱狀。 或者我唔鍾意食生蛋的關係， 個配搭有點奇怪。but 感覺好Fresh & raw。 細Parma Ham Pizza, 都唔算細， 都有六吋。 兩個女仔食pizza and salad 都夠飽。 味道都算OK同其他Pizza店差不多。