野川拉麵 (已結業)

大約有半年無黎野川拉麵,突然想食佢既豬軟骨拉麵,好回味,軟骨彈牙,湯底濃郁,一吃愛上,老媽子話元朗最好食呢個拉麵現在三更半夜寫食評,睇返相真的好肚餓,除左拉麵重叫左好多食物,雞軟骨,炸雞奕,雞奕外脆內滑,油温度够熱,所以炸起唔太多油,食落乾身脆口,尤魚亦好好味,最特别就係有泰色生蝦供應,能比美泰色餐廳加酸辣醬,好開謂,爽口彈牙重有個燒牛舌,燒得好香,味道配搭恰到好處燒生蠔1O元一隻,有兩種味道,芝士和蒜蓉,老媽食蒜蓉,我選芝士,芝士味香帶小小酸味,兩個食左咁多野,都只不過三百多元,正所謂低食夾大件

中伏，以為寫評高就好，誰知中了伏，不會再光顧1.店內地方窄。2.開了冷氣，但一點都不察覺有半分涼意. 令我全身濕透。3.點了牛手打烏。冬地獄湯地，相片明明指示有紫菜，可昔是假4.碗大，卻份量細，配菜料少得很，收費$81碗，不值得再光顧。5.靈魂的糖芯蛋完全無糖心！給我的是全熟的普通全熟蛋，無味，衰過自己屋企整6.啤酒選擇多，卻貴，不值，普通的日本綠茶可樂賣$22，applecider賣$4x/支，手工啤酒$5x/支

睇完openrice好多好評就去試下啦平時見唔係假日都見幾多人去咁點知一試先知咁多打手湯底同個拉麵係好食燒汁煎雞扒拉麵，塊雞皮一陣魚腥味究竟係煎完魚再煎塊雞扒，定係燒汁係咁既味？我搞唔清叉燒拉麵，有四塊，面個塊好靚，有廋有肥，食到好入味，點知另外個幾塊，好明顯係係第二舊切出黎，全部肥黎，用一塊好既遮住其他全部肥比人食，咩玩法？真心一次已經夠曬，機會都唔想比多次去

路經野川拉麵，再次抵受不住誘惑，入內品嚐這裡我的至愛 和牛烏冬。湯底選了番茄湯，濃郁得來帶點酸甜味，手打烏冬煙靭彈牙，吸收了湯汁後，口感及味道俱佳。和牛片有7，8片，牛肉經燒過後很，香口得來又有牛味。溏心蛋真是十分溏心，用筷子打開，溏心蛋黃立即流開，混合烏冬和 牛肉片吃，入口嫩滑。每碗麵食都送一份可口沙律作前菜，小蕃茄加生菜，芝麻醬點綴。另外點了幾款小食，燒牛舌，28元3片，牛舌不硬；燒安格斯牛肉，42元，两款都有很濃的黑椒味。金菇牛肉卷串燒（39元），份量頗大，4大件金菇配牛肉卷，口感和味道都穩妥，燒汁略甜，提議將燒汁分開上桌。飲品方面，有啤酒，汽水，酒類。 我選了支千賀壽梅酒，配串燒小食，特別甜蜜好飲。

無可否認，元朗嘅美食真係多到不得了上次泥野川好似差不多一年前，當時仲算係新店，今日行過，見到門口排哂隊，似乎當初真係無介紹錯等左一陣位有得入座，依舊係果陣日式拉麵小店的風味，menu食物比之前更多，乜都想食好難揀😛(問題噤抵嘅價錢令人好想乜都嗌)朋友話食芝士年糕同香芋丸，我例牌嗌左我最愛的燒鯖魚同蒜蓉扇貝，另外店員推介豬軟骨拉麵芝士年糕好煙韌，一啖咬落去好香芝士味，又咸又甜我最喜歡🤤🤤香芋丸一上枱朋友已經讚炸得好靚(的確好多地方都炸到over 哂又唔靚😛) 入面香芋料好足，不太甜，好脆好脆好脆，正丫！😛😛🤤🤤燒鯖魚穩陣，燒得剛好，仲好多肉豬軟骨我本身真係少食，因為怕難咬，但呢個確係正嘢！忟到好淋，入口即溶好正丫，仲要好入味，豬軟骨爽得泥唔使用力咬好啱我口味，補補骨膠原

周末當然要好好待自己，所以相約知己好友在元朗找特色的餐廳開餐！我們來到了專吃日式串燒的「野川拉麵」。我們點了一瓶梅酒和一瓶綠茶氣水！綠茶氣水很特別！意想不到在此日式餐廳連飲個氣水也有日本的綠茶成份！真是驚喜也！朋友點了吉列豬排湯拉麵。欣賞即叫即炸的吉列豬及全隻的半熟溏心蛋！很好的佐酒菜－雞泡魚乾、燒牛舌和燒帆立貝。雞泡魚乾很惹味！燒牛舌較重黑胡椒味，偏辣，喜好spicy的我覺得味道剛好！啖啖肉的安格斯牛串和燒羊架。燒半架配上燒汁，不錯！甜點也來十分日式的炸紫薯球！各人吃3球，剛剛好，完美的一頓午餐！餐桌上整潔的擺設。菜單上燒物的選擇很多。

今日行左去元朗搵野食，聽就聽到人講過啦，有間出名既拉麵鋪「野川拉麵」，結果我地就去呢間拉麵店醫肚先。餐廳裝潢好有日本風味，黃白既射燈射落黎好有感覺。湯底係血池地獄湯底，湯底比較稠身，飲下去有好香濃魚湯味和豚骨湯味，辣味出色，而湯底配料有粟米、蔥、糖心蛋，配上大塊厚既豚肉豬骨，脂肪比較高，食落好有口感。我一向愛吃軟硬的麵的拉麵，而這野川的麵條與那經過細心炙燒過的豬骨一樣，放在嘴巴輕輕一咬，除了能夠感受到麵的爽朗、豚肉的甜美外，還有著入口即溶的爽快感，不失鮮味之餘口感更是十足，實在難得。那精緻的溏心蛋，實在令整碗拉麵有著使人百感交集的意味。今晚的NO.1 菜式, 焼雞翼-表皮香脆, 內裡的雞肉非常滑溜多汁, 剛剛好熟, 技巧好高超!生蝦刺身-晶瑩光澤半透狀的生蝦煞是迷人, 味道出奇地鮮甜, 肉質很有彈性, 膠質重, 蝦味在口腔中徘徊不散。簡單的鹽燒菇, 效果是如此動人, 咬下去流汁, 水份相當高, 充滿菇香, 清新又新鮮的味道, 忍不住要來多一客。廣島燒蠔在這裡就試一試燒蠔, 用蒜容一起燒蠔，蒜味香濃，蠔隻夠大, 保持鮮嫩多汁, 蠔味濃郁, 充滿心機的燒蠔。

夜晚去叫左個豬骨湯底叉燒稻庭烏冬 ，湯底竟然同出前一丁隻豬骨湯底味道一樣，係一樣! 用左7x蚊食出前一丁，真係好失望。叉燒味道中下水平。店內又多蚊滋仔飛來飛去，環境麻麻。

今日陪老婆去元朗行街，當然係元朗搵埋食啦。一向都鍾意食啲日式地道feel嘅拉麵,於是今日揀咗呢間試吓。店舖非常的色，只有幾張枱，真係幾有日本街頭食店嘅感覺。燒汁極上和牛拉麵芝士辣湯底，正常你對一般街頭食店嘅和牛應該不會大期望的。點知依度非常有驚喜，和牛真係做到有點入口溶化嘅口感，非常嫰滑，燒汁亦好入味，而且啱啱上枱時以為和牛只得3塊，食落原來有5塊，$75一碗來講算幾抵。另外必要讚嘅係佢嘅芝士辣湯底，呢個湯底都唔係咁容易搵到，辣係香辣嗰種，芝士味香濃，作為芝士控，呢個配搭實在好滿足。糖心蛋淡淡的稍為不夠濃。叉燒拉麵豬骨湯底，叉燒真係做得好有水準，軟硬度適中，肥瘦均勻，味道一流。拉麵係屬於中軟度，但軟得來係爽口彈牙，唔會太林。芝士年糕- 芝士滑身香濃，做到爆醬嘅效果，外皮炸得剛剛好，非常好食。安格斯牛肉串燒- 肉質比較鬆，醬汁入味。黃金蒜蓉燒扇貝- 一共有四隻，兩隻係用芝士燒帶點沙律醬，另外兩隻係用蒜蓉燒，各有各好味，不算大隻入口剛剛好。本身今日諗住唔想飲汽水，叫咗罐果汁，不過原來都炭酸飲品並唔係果汁，OJ味的。總括嚟講，和牛同叉燒做得非常有水準，比我預期中好，店員服務態度也好，值得下次

呢兩日落雨天,落雨令氣溫下降唔洗又熱又焗,但今日全日天陰陰去左元朗周圍遊下搵下有咩食,去到西菁街後面既金祥坊大約有40多個咪錶,好幸運等左一陣有位,諗住泊好車再搵下有咩食,點知咁近就有間野川拉麵仲有串燒行返去前面正門望下,門口放左重芝味推介餐牌!拉麵,稻庭,讚崎手打烏冬有血池地獄湯底(個名咁特別仲有得要求少辣),蕃茄,豬骨,芝士,芝士辣湯底!*汁燒極上和牛稻庭烏冬-芝士辣湯底少辣$85,濃而不油膩既湯底,唔系好食得辣既我,覺得芝士辣湯超正辣度剛好,辣辣地好過癮,芝士鋪在湯面上,攪一攪好快就溶入湯同麵,每啖爽彈滑溜既烏冬都要夾埋湯一齊食,和牛汁燒後仍保存美味肉汁,油脂分佈唔錯,肉質嫩滑,配料有木耳,京蔥,粟米,仲有糖心蛋呀!炸蒜片同七味粉*極上牛肉拉麵-血池地獄湯底少辣$65,肥牛佔左碗面一半,牛肉吸左辣湯底好味,呢個湯底較辣,可先叫少辣唔夠辣可叫侍應加的,配料比烏冬多左紫菜同荀。*日本果汁,橙汁/哈蜜瓜/提子$15,食辣野飲個提子汽水gur一gur,唔太甜好味。*燒雞皮$13,好耐無食了,好多居酒屋都無,燒得好脆呀!*蒜蓉燒扇貝$52,鋪滿蒜蓉既扇貝肉質爽口鮮甜。所有食物都超抵食呀!!

同朋友諗緊食翠華定係呢間餐廳，跟住就試下呢間拉.朋友點左豬骨湯海鮮稻庭烏冬，我點了辣味湯芝士燒雞拉麵☺️真係估唔到都幾好食唔會太辣，又有一只半唐心蛋蛋！另外叫多十只生蠔，尚算ok

與朋友在元朗買完波鞋， 行到很肚餓，在附近找到了這間拉麵店。店內的環境很有格調，以木色為主題，讓人心廣神怡。點餐後，會有沙律提供。 菜很新鮮， 呈鮮綠色， 不會是黃黃的。麻醬份量 亦很多， 令到沙律不會味道很寡。主食上，我點了 汁燒極上和牛烏冬芝士湯 $89。 和牛入口即溶，一點也不鞋，肉的質感 嫩滑。而味道上，除了有新鮮牛肉的鮮甜味，配上甜中帶點鹹的燒汁，簡直一流！十分值得一試！溏心蛋的烹調時間剛剛好， 不會太熟不會太生，能夠做出流心的效果，而又不會是完全固狀或水狀。烏冬是讚岐烏冬，很滑很彈牙。而芝士湯的龍度剛剛好不會很稀，芝士味十足，同時亦不會很溜很濟。而朋友點了午市的 set,  鮮茄雞肉拉麵 $48配料十分多， 有粟米、芽菜、糖心蛋。 蕃茄湯底十分濃郁，味道有蕃茄的酸甜味，很開胃。 而雞肉十分入味， 不會鞋，很易咀嚼吞下。小食上，我們點了 芝士年糕 （$29 ）、流心芝士蝦丸 （$38）、忌廉蟹肉薯餅 （$29 ）和金菇肥牛卷（ $39）。芝士年糕 $29皮很薄， 一咬開，入面的芝士汁已湧出來，十分多白芝士！流心芝士蝦丸 $38皮炸得金黃香脆。可以一口進食，在口中咀嚼，會感受濃

今日約左個好多年無見嘅舊中學同學食飯，事關佢份工收9點半，仲要喺元朗。所以我就約左佢10點鐘食飯。佢話有間野佢食開，覺得好味，所以就帶左我去嗰度聚下舊，其實老老竇竇，要成10點鐘仲要搵好野食真係好難，但估唔到真係俾到驚喜我。間餐廳喺元朗，近住B仔涼粉嗰邊，再行入D就會見到。真係估唔到到呢個鐘數，間鋪嘅人流仲係一個接一個。原來間野晏晝12點先開，開到凌晨2點。裡面麻雀雖小，但係都好有日式燒烤屋嘅特色。呢間野主要食拉麵同其他炸野嘅小食。負責落單嘅員工好有禮貌，笑容十足，似足我之前去日本餐廳嘅風格，我問佢有咩介紹，佢都好細心介紹左幾樣，我聽左佢嘅推介，揀左流心芝士蝦丸，呢度多謝佢的推介。事關我地兩個都係鍾意食炸野小食，所以我地點左好多小食黎share：第一樣係流心芝士蝦丸：切開粒丸，D芝士已經流緊出黎，見到佢仲係好creamy狀態，浪下浪下，非常吸引。D丸即叫即炸，拎到出黎仲有煙。但食落口又唔係太熱。個芝士味夾到個蝦味，食完非常開胃。跟住就到個蟹肉薯餅：個蟹肉薯餅軟硬適中，睇個樣以為係普通薯餅，但咬落去真係食到蟹肉，製作係有誠意。燒牛舌：牛舌其實係好難燒嘅食物，因為燒得耐會韌，燒得唔夠時間又

今日天氣太熱！同朋友行完街睇完戲，又唔知食咩好？行經元朗舊B仔這條食街，我就建議不如食野川拉麵！因為除咗拉麵出名😋、其小食及炸物都做得非常出色👍🏻炸物及小食方面選擇亦多除咗啤酒汽水仲有梅酒及其它飲品！仲要九點後啤酒及其他飲品第二杯做半價👍🏻仲有分享Facebook可以用優惠價＄32飲到Hoegaarden西柚橙味及檸檬青檬味天氣咁熱梗係唔少這支飲品👍🏻叉燒辣芝士手打烏冬，叉燒超淋，烏冬非常彈牙，再配上熱騰騰芝士辣湯底🉐️照燒雞扒豬骨湯拉麵，雞扒入口細滑，湯底濃郁👍🏻燒安格斯牛肉芝士/蒜容燒扇貝

今日好想食碗拉麵 搵到元朗呢間野川拉麵小店雖然是小店 但食物選擇多拉麵烏冬之外 小食 串燒同樣吸引小店環境不大 但座位舒適 不算太迫主食分3類 有稻庭烏冬 拉麵 同讚崎手打烏冬 湯底選配有血池地獄湯底 蕃茄湯底 豬骨湯底 芝士湯底 同芝士辣湯底小食 有多款日式小食 炸物燒物都有 我們點了份流心芝士蝦丸 爆谷雞 同燒牛舌仲有其他人氣之選 泰式 西式都有 好采留意到做緊Promotion fb like有得平!先來支綠茶可樂 選用靜岡茶葉 味較淡 又不太甜 岩哂我這碗係極上和牛稻庭烏冬蕃茄湯底 配料已有京蔥 粟米 筍 糖心蛋濃濃蕃茄湯 酸酸甜甜好開胃 烏冬軟滑 而和牛很淋 賣85元 定價合理自家製义燒拉麵豬骨湯底 一樣配備紫菜同糖心蛋 份量十足 拉麵質素平平 但义燒肥瘦平均 每塊都充滿肉汁燒牛舌 是厚切 肉質彈牙 惹味 流心芝士蝦丸 要趁熱吃 流心芝士香濃~~這個咁Colorful 係7彩爆谷雞 唔同顏色但味道是一樣的 但依然吸引 脆卜卜既新鮮炸雞配沙律醬 雞肉滑滑的 滿足~2個人點了2款主食 3款小食 2支飲品共$280多 性價比不錯~~