重慶劉一手火鍋店 (已結業)

半鍋椰子雞湯，真材實料，雞件肥膏不多，所以湯底有香濃雞味但不油膩，仲有椰子既清甜味～另一半係麻辣湯底，見到浮喺面嘅辣椒就知道有幾辣，要趁未出味既時候食多d呢邊😂～極度推崇油炸鬼墨魚滑，其實就咁食都得不過浸落湯幾秒鐘之後更加好食～賴尿牛丸，原來真係有嫁，仲好彈牙好juicy Tim~另一邊係韭菜餃，不過不失～即炸響鈴，難得地一啲都唔油膩，非常香脆～要讚一讚呢度每一款肉類解凍都做得好好，同時亦都會冰鎮住保持新鮮度～牛肉口感同肉味都幾好，叫得過～

今日去左屯門同朋友慶祝生日，因為佢鐘意打邊爐，所以我地揀左呢間新開既重慶劉一手。銅鑼灣個間成日經過，但次次都好多人，所以一直無緣嘗試，而呢間新分店就唔同喇，閒日walk in唔使等位店面都幾大，四人枱會坐得舒服好多可以自行調配醬汁，應有盡有，枱面仲有包裝麻油～揀左麻辣拼椰子雞湯，兩個湯底都好足料，麻辣鍋既麻辣鮮香俱全，而椰子滑雞湯亦好鮮甜同椰香十足呀薄切牛舌($88), 不過不失。無論係邊度打邊爐都必叫既炸響鈴($38)響鈴後面既係娃娃菜($38)，竹笙($38)同凍豆腐($38), 都係索湯既料質素都合乎預期！油炸鬼墨魚滑($78)，呢個好推薦有我至愛既墨魚滑，好彈牙，加上油炸鬼之後口感好豐富！服務亦好好，侍應多次主動添茶水同換碟，加上價錢同食物質素都合理，值得一試

12/5/2019之屯門劉一手之慶一慶祝Happy Mother’s Day今日Mother’s Day 揀左同mommy daddy去劉一手試試個麻辣火鍋出面有醬料吧比客人自己溝專屬醬料仲有一樽樽獨立包裝的麻油仔比客人加入醬料到打邊爐.叫左燕餃$58（個餃好特別好爽口）重慶小麵$28（個面好滑好食）響鈴$38，爽脆黃喉$108叫左一份牛頸脊(幾靚的手頸脊.下次想試下佢個和牛Set )龍躉片手打墨魚滑老闆天梯(一架丸:有墨魚丸/菠菜魚蛋/迷你生煎包/芝士魚豆腐/馬蹄木耳貢丸/牛滑濃汁牛丸/幸運元寶)幾特別。個牛丸&芝士魚豆腐都幾好食Lee個油炸鬼墨魚滑.必叫之選個炸魚皮因為今日做緊promotion.同行人士2個人like佢個page.就有得送la.D炸魚皮幾脆幾好食ar個蒿荀$38(幾清新一D渣都冇好食),油麥菜$38仲叫左個寬麵$38 &炸重慶酥肉 $68員工服務一流.個個主動加湯.加湯個時仲會細心用手遮住一邊.怕湯彈到客人tim.最後食埋個糍粑做甜品(出面熱辣辣又脆口內面又軟點埋D黑糖醬別有一番風味)超豐富的一餐母親節大餐.一行四人都食得又飽又開心😃

初試朱古力🍫糍粑 通常去打邊爐都係食紅糖糍粑 點知依家有朱古力味 就梗係試下啦！ 食咗法國佢又幾好食喎🔅 佢個朱古力唔算好甜 點埋糍粑就啱啱好🤤🤤🤤🤤🤤-咁到熟食啦！我哋就嗌咗牛肉🐮🐮魚皮🐠鵝腸 同生菜🥬炸魚皮好薄身 浸一浸落個鍋底度拎返出嚟仍然係好脆 唔會好硬骨骨 一大舊咁😫-鵝腸都幾大份而且幾有咬口 牛肉肉質都唔錯 overall黎講呢間用料幾靚但價錢就有少少貴 就自己衡量返個價錢啦🥺🤣🤣-

近期復仇者大熱，我同朋友睇完戲都差唔多九點半，肚餓之際，就見到呢間想試好耐既重慶劉一手火鍋店。入到嚟就見到裝修好有中國風，店面乾淨，有提供圍裙比客人。menu有好多唔同既set可以揀，主要分左兩大類，就係牛同海鮮。當中有兩個set都由和牛組成，睇圖已經覺得好吸引。呢個時候，店員就走過嚟講有宵夜時段套餐，雖然佢寫住10點後先開始，但9點45分左右都比我地叫。雖然劉一手火鍋出名麻辣，但其實我同朋友都唔太食得辣，所以我哋就揀咗椰子畫雞鍋同滋補豬骨鍋，然後就要左一個套餐c。調味料吧設於鋪頭中間，客人可以出去自由調配，當中有較少見既蠔油&白芝麻。每枱仲有獨立包裝嘅麻油，開咗一枝兩個人分，果然自家調製既麻油非常香。我哋個餐有招牌劉毛肚，爽脆黃喉，腸灌豬紅，牛骨濃汁牛丸，豆卜魚腐，龍蝦沙拉丸。肉類方面就有豬頸肉，美國雪花肥牛同雞肉片，另外仲有個蔬菜拼盤同出前一丁。毛肚，黃喉，各淥10秒就食得，非常爽脆。美國雪花肥牛肉共6片，雪花分布平均，肉質鮮嫩。而雞肉片亦好滑，淥耐少少都唔會話太鞋。雖然宵夜餐睇落好似好少野，但其實每碟份量非常多，加上湯底已有半隻雞，兩個人都食唔晒，最後我哋仲剩返個出前一丁冇食。埋

老公講左好多次想黎食，好㕸，午餐就過黎試下啦！睇過menu，原來火煱午餐都唔平⋯⋯所以最後，都係先試下午餐先。（一來同小朋友黎食，火煱都唔係咁啱）不過自開張，我見人流其實都唔多，有可能因為店舖的地理唔太好，又或者價錢都幾貴。午巿有套餐選擇，不過唔算多。鴛鴦自選飯麵我地叫左： 京川炒豬頸肉飯配麻辣汁配酸菜魚小麵 $68呢個麻辣汁都真係幾辣，入口真係會令到你個口麻晒。豬頸肉條好爽口，而且好入味。不過呢邊既飯都幾少，食兩啖就冇了。而且越食越辣，可能因為辣汁完全浸晒落飯底。食到尾都會見到個碗底好油下。酸菜魚呢邊都好好食，個湯望落好清，但味道都好濃厚。我個人覺得，小朋友都啱食。什錦海鮮小麵 $88呢個就比較普通，因為係啱俾小朋友食。不過個湯睇落似淆過，冇味精。我係咁飲添。入面數落都叫幾多材料，包括：帶子、蝦、魚片、魚蛋、蟹柳等。我地之後再另加錢叫埋兩個甜品：紅糖糍粑就係好似糯米糍咁，不過入面冇餡料，外層甜甜的，都幾煙靭。重慶冰粉碗入面真係有塊冰架。所謂凍粉，其實就係一些透明的啫喱狀的東西，沒有味道的，就是靠入面的冰糖水，少許芝麻杞子桂花的味道混入一齊食，滑嘟嘟，幾得意竹蔗茅根，桂圓𣏌子茶自家煲製

重慶劉一手火鍋乃重慶火鍋店十強之一，全球過千分店！爪牙終於伸入新界西，在屯門市廣場莆田舊址開左一段時間，終於有時間來一試究竟，揀左下午和家人打邊爐🤣食完仲有半日消化～開門時間人唔多，食得好舒服，走的時候就開始多人了。裝潢一貫的高級漂亮，自助調味吧整齊乾淨，還附上醬料調製指引；桌子大張，冷氣好夠，還有格車仔放上香麻油和圍裙，鍋中有個可移動的長方型小籃子，一流的設計，勁方便呀！講起劉一手，除左諗起麻辣火鍋，就會諗起郭富城🤣本來點都唔會諗到養生呢個字，但係今次見到佢有個新menu，搵營養師設計左養生系列，店內的電視也一直在播營養師講解呢個餐既內容，最後我地就揀左呢個遼參花膠杞子淮山竹絲雞湯底！！好豪華呀！湯底內有大量花膠、還有遼參、竹絲雞和淮山。打邊爐之前先喝了碗湯，味濃但是清，唔會太咸，good!竹絲雞也想像唔到，原來是滑的！遼參爽，花膠就大件似魚肚。仲有出左一系列養生配料，例如蝦滑釀竹笙、薑汁豬肝、石蚌魚、菠菜魚蛋、抱子甘藍等，好補好健康的樣子🤤。點了幾款，石蚌魚（$288）好大條啊！！隔離個太太忍唔住係咁話在街市買都唔平，其實我就唔知街市買條呢些魚幾錢，不過我地覺得條魚好好肉，好滑同新

平時好小機會會在屯門市吃東西、今天我們不想煮飯、便近近地去屯門市中心吃過晚飯了。今日特別想食火鍋，於是就入去呢間重慶劉一手，呢間餐廳裝修都幾特別、好有心思佈置，放咗好多辣椒🌶️。佢呢度鍋底選擇特別多，有正宗重慶麻辣鍋，龍蝦海鮮鍋，椰子滑雞鍋，特濃沙嗲鍋，皮蛋芫茜鍋，花膠響螺雞鍋，番茄牛尾鍋等，我叫咗個椰子雞鍋配重慶辣鍋、個椰子雞鍋湯底非常之好飲！👍🏻不過我老公話好多味精、飲完好口渴。我見到有個霸王辣牛肉、唔知咩嚟諗住試吓、嚟到原來係系列牛肉上面放好多好多好多嘅辣椒😅、我唔係好食得辣、所以成疊我先生K.O.佢。油炸鬼墨魚滑啲墨魚如果再多啲就好啦！炸芋頭都幾好味！唔錯、我最鍾意就係打邊爐嘅時候食讚岐手打烏冬、因為感覺好似有嘢落肚。#劉一手重慶火鍋

身邊朋友個個都係火鍋痴，感染埋我每個禮拜唔食唔安樂，不過講真食完麻辣出一身汗又真係幾爽~~舒筋活胳~~今日成班朋友出黎飯聚，連Lunch都話去食火鍋，仲要唔優質唔食喎, 咁我帶路去銅鑼灣食渝味曉宇。 坐低叫左個大骨滋補鴛鴦鍋，麻辣湯底好香花椒辣椒味，精髓所在，未食已經唾涎三呎，配上杯洛神花茶，酸酸甜甜帶點山楂味，開胃醒神。跟住點左稻田毛肚，曉宇嫩牛肉，鵝腸，炸豆皮，美國安格斯肥牛。毛肚好新鮮，落煲上下涮8-10下就食得，心得係唔好超過15秒; 鵝腸好爽，快熟唔腥，同樣唔好煮咁耐，如果唔係就暴珍天物; 最讚係炸豆皮，即叫即炸，吸哂麻辣湯，個口麻哂，好刺激好過隱，哈哈係麻辣痴嘅情意結。

第一次見到張宣傳單張，就好想食好似好好味咁😋今日去食下午餐，叫咗一個酸菜魚小麵和一個京川炒牛肉飯（麻辣汁）同同事一齊吃。$68 酸菜魚小麵- 都尚算OK⋯⋯魚不會煮過老都好厚肉,唔會有腥味但係個湯底味道都是一般 😐$78 京川炒牛肉飯（麻辣汁）- 個麻辣汁完全冇味只係得個辣。一些鹹味都冇，其實都唔知自己食緊咩⋯ 或者係冇味飯 😢這個菜式極不推介🙅🏻‍♂️🙅🏻‍♂️。最後都冇食完過飯。這兩個餐都有一小杯甘蔗水餸最後埋單$160平均收費每人$80我就覺得唔係好抵囉⋯⋯冇下次多謝晒🤦🏻‍♂️

劉一手四川火鍋令我解饞，喜歡他們家的麻辣湯底不是太油膩但係有四川麻辣火鍋的刺激和獨特香料，配上他們的美味牛肉真係一試難忘，還有普通火鍋店食唔到的黃候、牛柏葉、肥美的鵝腸，都令你垂涎欲滴！

如果有選擇真係不介紹這一間 一坐低叫左個鴛鴦火鍋 呢到一加熱已經有陣燒燶味 同服務員 反映 他們只說教細火可以不用更換 更好的食材更好食材 一路食燶味 更加濃烈 食到一肚火 下次一定不會再去 味道一般材料一般般 價錢超貴 不去也罷

第一次食，7 個人食咗兩個鍋共 $3570，你以為食好多嘢？其實只叫咗幾碟牛，幾碟羊，一盤海鮮，幾碟蝦丸同墨魚丸，少少粉麵，仲有啲街市賣緊 $28 磅嘅難食嘅丸！一班朋友講明冇下次！唔會再來！今次食得好冇心機，相真係影得太少，又冇影到個海鮮盤，又冇影到羊肉片，等等，不過你見到幾幅相都會感到難食嘅！

食物質素可以，可惜幫襯當日尚未有酒牌。味道香濃，於大型商場內有此類型火鍋店，難得。服務生也非常熱情，也不時過來推介入會，享受折扣用餐。唯一批評是象拔蚌的性價比不合理，也許未有大牌處理刺身，見議熟食就已經失真了。價格走中高路線，於屯門區也不乏此客路。但是店鋪的位置不太顯眼，指示牌明顯不足這是商場的錯。但當你留意到門面的時候，給引眼球的程度也ok的。畀人煥然一新的另類享受，推介必食黃喉，爽到一個點，正。

見到新開一排既劉一手火鍋店出左午餐優惠，$68一客酸菜魚冒菜，好似幾吸引，就同朋友去試下。點知，埋單服務費要成$13.6，仲貴過加一。餐廳裝潢充滿中國風味，但係座位高度同檯高度吾符合比例，坐得自然吾係甘舒服。一上酸菜魚冒菜鍋同埋一碗飯，鍋裡滿滿酸菜，辣椒，但係魚肉就只有幾塊。價值與質量吾太成正比之餘，魚裡頭夾雜幼細魚骨，要小心進食，而且食到最尾嘴裡只有辣，魚既鮮味都未品嘗到。另外，加其他配料飲品價錢都偏貴，令人卻步。成個午飯時間，計埋我依檯，都只有3檯人食，可想而知，新店又少人食都係帶點伏。