重慶劉一手火鍋店 (已結業)

話說呢間過江龍一路都好想試，終於今日約齊腳，成班同事收工去食！叫咗個鴛鴦鍋，一邊係BB麻辣、一邊係酸菜魚🐟個人就比較鐘意個酸菜魚，啲魚好夠滑！好好食，差啲唔夠分添🤷🏻‍♀️最好食係個和牛拼盤！無論係厚薄定還是脂肪分佈都好均勻👍🏻唯獨有個問題就係，整體嚟講，價錢唔夠抵...呢盤牛雖然份量算係多，但盛惠$1488，也算有點少貴了😣其他火鍋配料嘅整體質素都算唔錯！每樣嘢都覺得好新鮮👍🏻👍🏻

係內地食重慶火鍋就食得多，反而無試過係香港食，因為太多選擇，太花多眼亂喇。聽朋友講有間內地好紅既重慶火鍋店都係香港開左分店，決定要同最近愛上左食麻辣鍋既樹葉小姐一齊去試下🤣是日係平日，我放半日去到樹葉小姐公司附近等埋佢一起去，6點幾去到屯門。一去到見到係內地舊式裝修就知有料到啦，同內地既火鍋店格局差唔多。由於時間尚早，我地係第二枱入座，不過之後越黎越多人，我地八點左右走既時候，都差唔多滿座，想去食既朋友盡量早啲去，唔係就要等位喇。我地叫左麻辣湯底拼山珍雜菇湯底。麻辣程度係小辣（因為有人唔食得太辣但又要食辣野😂），大驚喜，好香好惹味，完全拍得住內地既麻辣湯底。雖然呢度主要係做麻辣火鍋，不過個山珍雜菇湯底我地兩個讚不絕口，望落去金黃色唔會好油，一飲落去係濃濃既菇味，真係估佢唔到，大讚呀，我地後尾直情當蘑菇湯咁飲。另外要特別提一提呢度竟然有老干媽辣醬，係香港真係比較少見到呀。半份牛頸脊 $198我地兩個唔大食，半份就啱啱好，不過如果同男士或者牛魔王一適食就一定唔夠喇。啲牛上得幾快，係係新鮮手切既，入口即溶，唔錯唔錯。蘭花乾$48餐牌介紹係台式豆腐，比較大件同厚身，煮左好耐超入味，吸哂湯底既精

係香港先得2，3年歷史，但已經草左一班麻辣粉絲，連城城都係一分子對佢愛愛愛不完！雖然我唔係話食得好辣，不過今次都跟朋友去左食鴛鴦鍋底，食得好滿足keke！我地差唔多宵夜時間去食，嗌左個宵夜套餐B，入面包左好多野食，但有個勁中意食牛既朋友心思思嗌埋個和牛極品特選B，成餐突然高級晒，牛肉好新鮮食落有好重既牛味，不過真係唔好淥咁耐會好硬口就會浪費左😔另外佢既脆肉鯇都算厚切亦食到鮮味，不過如果可以起到條骨就好🥰 而丸類就中規中矩啦，不過我地都好中意食佢既鵝腸，覺得佢好爽口配埋自己調配既醬汁，真係一淥落去個個都爭住要😌初時見到個鍋咁紅都嚇襯，雖然我都逐漸食得辣，但呢個顏色我真係唔敢，雖然最後都忍唔住食一啖，不過我一食就咳到死所以應該真係好辣，不過見我朋友愈食愈興奮😂連我都開心埋一份

每日都係打邊爐既吉日，今日就去左試下尼間劉一手。一入到去成個鼻都充滿住好刺激既麻辣香料味，口水已經留晒出黎啦！咁講得咁香，我同朋友就當然叫左個正宗重慶麻辣鍋試下啦，不過因為都有朋友係唔食得辣既，所以就叫左少辣，同埋仲叫左個椰子滑雞鍋中和下。一上堂真係比佢個麻辣鍋個色嚇左一嚇，超級紅，再加上頭先入門口戈陣香料味係放大左10倍！然後因為我地係宵夜時段9點後先入座，佢仲有個抵食火鍋套餐，4人餐包左招牌劉毛肚、老重慶鮮鵝腸、海鮮拼盤、蔬菜拼盤、丸類、牛豬雞、同埋2個麵。咁我地就再另外叫左2份脆肉鯇同埋和牛極品。我地本身諗住佢每一份都唔會好多，所以先叫咁多，但點知一上台戈陣真係比佢嚇左一嚇，樣樣都勁多舊，劇透好彩我地最後都唔係淨左好多姐，冇做大晒鬼哈哈。咁多野食最想特別講既就當然係個和牛拼盤啦，唔單只勁香牛味，戈啲脂肪分佈真係好靚，令到塊肉好好食。然後仲有個寬粉都係想提一提，本來我有個朋友真係唔喜歡食薯粉戈啲麵，但佢食完寬粉之後真係愛上左，仲包埋底。不過個人黎講，我覺得寬粉用麻辣鍋煮真係正勁多，如果食唔到辣既朋友都可以去調味料區拎兜麻醬撈黎食咖。一個4人餐咩都有齊晒，真係好perfect好飽。

劉一手在屯門開店大半年，一直想找機會一試終於約到兩位友人今晚放工齊齊來食好西店內中國風裝飾感覺，中式燈籠高高掛竹和一條條的辣椒裝飾形成屏風，別具風格鴛鴦鍋 (椰子滑雞鍋+重慶麻辣鍋) $198椰子滑雞的椰味清香，當湯飲用無問題而且雞件量不少，足料的重慶麻辣真不惹小，即使點了小辣仍是辣到噴火剛上枱聞到都忍不住咳，真正重慶風味認證食不到太辣的朋友，建議馬上把湯中的花椒和辣椒全部撈上來，避免湯越煮越辣匈牙利鵝肝 $168不會很肥膩，過下口癮是不錯的尤其是等候淥食物時，可醫一醫肚炸響鈴 $38即炸即起，質感乾身夠脆，不會很油膩齊天大聖子 $78/隻火鍋海鮮少不了，蟶子很鮮甜桶蠔 $208有5隻，桶蠔肥美，價錢合理珊瑚蚌 $148珊瑚蚌其實是海參的肌肉，不是真的蚌所以價錢會較蚌低，而口感亦是較爽脆爽脆黃喉 $108黃喉是家畜的主動脈管，口感脆爽是特色但要好好掌握時間，淥一分鐘便可，過時便會韌團圓鴨血 $6８麻辣火鍋必備，口感軟硬適中，不錯羊肉片 $108肉片厚實，羊肉帶點羊羶是無可厚非的所以配上麻辣鍋便適合不過唐生菜 $38最後當然是要食點蔬菜清一清生菜新鮮清爽竹笙 $38不是大辣王就建議不要將

好耐冇同過朋友一齊食好嘢，星期四晚一齊約咗去食劉一手火鍋鬆一鬆👭，雖然只係平日但都幾多人，所以想去時嘅建議要預先book定位！餐廳環境佈置得幾靚，座位有寬躺，唔錯唔錯👍🏻唔食辣嘅朋友，建議可以試吓椰子雞湯底，雖然頭啖湯唔太濃味，但越打得耐湯底越濃🤤而且飲落唔會太湯，我覺得幾真材實料👏🏻食物方面有幾款推介，首先係牛骨濃汁牛肉丸，味道超香超濃🐮同平時係酒樓打bino食嘅牛丸完全唔同🙅🏻‍♂魚皮餃都好好味，塊皮超~級~彈牙❤我地仲有食到蝦滑，都不會令你失望😆內臟方便，我哋叫牛柏葉，但係唔係染咗色嗰隻，而係未染色黑色嗰種，有時染咗白色嗰種牛柏葉食落會有一種臭味💩，但呢到嘅黑柏葉好新鮮同彈牙（餐牌仲會寫明建議煮幾耐，好貼心）。另外，我哋仲有嗌芋絲、寬粉、油炸條。買單七百幾蚊，我覺得性價比唔錯，得閒可以試一試！

呢間黎自大陸既過江龍劉一手，早兩年先黎香港開分店，依家已經有四間分店了（灣仔好似裝修中）！重慶麻辣火鍋迷唔洗再過關都可以試到正宗既重慶火鍋，簡直都係一大樂事！我同朋友今次黎到屯門既分店，一入到去就見到部電視係到播旺角店開幕時既精彩片段，城城話日日都食可以喎，認真盞鬼。湯底就一定要揀佢地既招牌正宗重慶麻辣鍋啦，另外再拼左個椰子滑雞鍋。經過上次食麻辣火鍋既教訓，驚佢愈煮愈辣，我地一開始就撈走左大部分既辣椒仔，咁就食得安心啦。不過其實一上枱果下就已經好夠辣味，唔食得辣既朋友真係唔好挑戰！我地係正式食之前都每人不左碗椰子滑雞湯黎，岩哂平時冇咩湯水既打工仔呢，啲雞肉的確係煮得幾嫩滑，一啲都唔差呢。首先點左個熟食既匈牙利鵝肝，都幾香，不過太肥膩了，雖然還年輕都不能多吃，輕輕試過就好了。海鮮類我地點左齊天大聖子、珊瑚蚌同桶蠔，全部都好夠新鮮而且大大隻，我覺得都對得住呢個價錢了，煮完肉質都非常鮮嫩又多汁呢。個人就最中意聖子，好鮮甜彈牙，唔洗點醬汁都已經好好味了。肉類只係點左一份既羊肉片，好彩一啲都唔羶，唔錯呢！放係麻辣果邊煮夠哂惹味暖身！一下就比人清哂。另外仲點左啲竹笙、鴨血同響鈴，基本上都係我地食火

三點幾未食午餐餓到死之際，係屯門市廣場見到劉一手麻辣火鍋！見到佢地既套餐又幾抵就入左去食！同朋友叫左個套餐C鴛鴦鍋，分別係正宗重慶（小辣）同埋椰子滑雞！另外叫埋脆肉鯇同埋試下佢個鮑魚😋。重慶麻辣食落已經好夠麻，見到入面好多花椒同辣椒，諗住小辣唔會太勁，但結果愈食得耐就愈出味，辣得好過癮！椰子雞鍋本身已經好多雞係入面，雞肉嫩滑，椰子味重，湯好好飲。食物份量好多，夠曬2-3個人食。豬頸肉半肥瘦，雪花肥牛質素有保證！海鮮都好鮮甜，毛肚同黃喉爽脆，索曬麻辣火鍋既湯，好入味！醬料選擇極多，亦有推薦唔同調配方式，可以比我地試下調個最岩自己口味既配料～最後食到咁熱梗係叫返杯沙冰！沙冰外形又靚份量又大，Feel到全部係水果打出來，好Fresh。

行屯門見到間裝修幾靚既火鍋店，但似乎如果單點價位都唔低，決定食佢4點前有既2-3人火鍋餐。我地簡左麻辣同椰子雞湯底，麻辣叫左小辣，少少辣都幾易入口😋，而椰子雞既湯好香、濃淡適中，忍唔住飲左幾啖啲湯！入面仲有啲雞配架，所以都幾抵食～呢個套餐配有一般打邊爐會叫既餸～真係配左幾多野，兩個人黎食都幾飽下！我特別鐘意佢既豬頸肉同美國雪花肥牛😋，豬頸肉好彈牙、肥牛重牛味😋又唔會太肥另外單叫左脆肉鯇、鮑魚😋鮮美單點既哈密瓜、蜜瓜鮮果沙冰賣相同味道都好好😝總括而言，呢間劉一手食物質素、服務態度、環境都唔錯，值得一試😝

雖然價格唔便宜，但係味道不錯。我點了一個象拔蚌$1300，一個海鮮船又$1300，其他嘢都唔離地嘅，招呼就的確唔錯，好有禮貌推介食品，屯門區之中幾出色嘅火煱之一。

路經屯門就黎試下呢度既午市，間餐廳位置唔係係當眼位置，人客唔算多，基上係完全唔需要等位。午市有湯麵、飯或打邊爐，唔想中午就食得咁heavy，就叫個麻辣小麵食，每個麵揀3個餸，揀左招牌墨丸、鵝腸。毎湯底都幾辣，餸係幾出色，價錢都合理，下次可試下唔辣湯底。

今日一共四個朋友去左打邊爐,我地好早去到,差唔多晚上六點,所以唔洗等位,不果大家可以預先預約,咁就實無死!我地有朋友唔太食得辛辣,所以叫左個鴛鴦煱,一邊係小辣,一邊係羅宋湯底.本人比較中意蕃茄湯底,所以一直好期待,點知味道比較淡,好一般,無咩驚喜.反而小辣果邊幾唔錯，好香,唔太辣,有朋友唔太食得辣都接受到叫左牛肉,羊肉同豚肉，都好新鮮,唔錯唔錯叫左唔同菜類,丸類，都好好食😝😝😝總括都唔錯,可以再試

放假同老公去食好野，去左食劉一手既火鍋套餐，中午時間無乜人，可以慢慢嘆。叫左個$550套餐，點左鴛鴦湯底，麻辣加雜菌。麻辣湯底聞落都感受到麻辣既香味雜菌有好多菇係裡面好濃既菇味個套餐係2-3人餐，都有唔少野食，有牛肉、雞肉、豬肉、菜、丸、牛栢葉等等。。。都好豐富。最好味係個牛丸多汁又好有肉味牛同雞無特別的牛栢葉爽口牛喉我自己就麻麻地，無乜味道蔬菜份量都唔少，有冬瓜可以吸麻辣湯底有好多枝麻油點醬黎食我地2個人食個套餐係食唔哂，食到好飽。個麻辣湯底都幾麻，都唔錯，但食完係會勁口渴。可能唔好多客人，職員好積極加湯，岩岩開始無耐職員就黎加湯。可翻食既火鍋

推薦指數：🤩🤩🤩🤩劉一手係屯門開左啦! 係6PM左右已經去到，大部分枱都已被預訂，好彩仲有少量枱可以WALK IN。嗌左個雙拼鴛鴦鍋🍲，麻辣拼皮旦莞茜，我當然係比較鍾情麻辣多Ｄ啦！🔥🔥🔥兩個人好大食😅仲嗌左海鮮拼盤、響鈴，蔬菜拼盤，魚豆腐等等！食響鈴係打邊爐必點呀，索哂啲麻辣汁，真係辣得過癮！🙈而劉一手都有同少爺手工啤合作，自家手工啤酒！配麻辣火鍋，你話爽唔爽？😎另外一讚的係貼心服務，食火鍋總會彈到件衫一達達汁，而呢到會提供即棄圍巾，帶住放心食啦😋

一路都唔知道原來劉一手係有lunch食嘅，個日去到見佢有類似車仔麵嘅配料加唔同湯底嘅麵食，58蚊。仲有鴛鴦係有哂飯同麵揀，都有唔同嘅選擇可以自己配搭，仲有杯酸梅湯送68蚊total。另外可以散叫其他牛肉飯。佢仲可以加12蚊叫個甜品，佢嗰個糍粑好好食，甜甜地岩岩炸好，熱辣辣，外脆，裏面嘅糯米糍又軟淋淋，真係好好食。另外試咗佢嗰個冰糖唔知咩真係不得了!!!! 仲好食!!!好似啲啫喱定蘆薈咁樣，有啲冰糖，甜甜地糖水，冰粒，仲有桂花，花生碎同埋杞子仲有啲提子乾添，成個配搭都好好!!!簡直係絕配!!真係好好食，宜家都好回味，下次我一定會再食。 講番個鴛鴦飯麵先，叫咗個牛肉飯佢個麻辣啱啱好，同埋個份量一半都唔少㗎。另外仲有米線可以揀酸魚麻辣同埋豬骨食完每樣一半都已經好飽。