醍醐茶寮 (已結業)

自從太安樓間台式餐廳執咗笠，我就一直好期待西灣河可以開返另外一間台式餐廳！點知真係比我恨到啦！呢間餐廳其實係朋友推介的，佢極力介紹我飲佢呢度嘅咖啡，不過由於我唔係好受得咖啡，所以我就去試咗其他嘢。起初諗住淨係買杯野飲，點知原來餐廳都有不同的套餐可以選擇，所以我就提前食咗個晚飯。我覺得食物質素都可以，尤其係個鹽酥雞都幾好味！其他食物我覺得可以不試。另外我用套餐加錢飲咗杯白雪公紫！我覺得好好味！呢杯可以話係我試過飲咁多杯紫薯飲品最好飲嘅一杯！可能因為佢個奶蓋好飲！好滑同好厚！（飲完超級飽！）好可惜嘅係員工可能都係比較新，因為佢唔小心倒瀉左啲面，而啲湯就彈左落我個手袋度！所以呢餐飯我好快食完就走左，因為根本冇晒心情同扣晒分！

唔知原來西灣河開左間台灣餐廳，係朋友講話幾好先知，所以今次就黎試試。咸香乾拌刀削麵 配秘製手撕雞拌麵有滷肉、葱、乾葱、滷水蛋同青瓜。將所有材料撈勻，好夠味。刀削麵麵質彈牙，唔錯。手撕雞好香麻醬，份量都幾多。跟餐加$10配白雪公紫，即係紫薯奶加芋圓紫薯味唔係太出，芋圓口感一般整體味道唔錯，價錢大眾化。但佢既主菜全部都用即棄用具，唔係咁環保。

又係朋友嘅介紹，我嗌左佢個招牌蓋頂黎飲，其實係咖啡黎，收銀服務態度又好，沖得又夠快。當我一拎到杯野，飲一啖，嘩！真係超好飲囉，都係20幾蚊杯，好飲過Starbucks好多，性價比超高，以後行過一定會再飲。朋友就叫咗佢其他飲品，都話超好飲，睇嚟呢間野整體上都唔錯。另外，佢仲有啲麵、飯食，不過就未試啦。下次經過，一定會再買杯咖啡提提神，順便試吓佢啲嘢食。佢呢度有個好處，就係可以打電話送外賣，所以喺附近返工嘅人，一定要試啦。

見住呢間餐廳開業都一段時間了，不過而家先去試試(其實一直都唔識讀間餐廳名)店內裝修都好簡約店面唔大，只有3張枱，另有樓上一層不過應該都唔多枱唔太想食飯，所以叫左獨當一面餐， (個名稱都幾型) 全部50蚊揀左咸香乾拌麵，揀刀削闊麵餸菜就揀雞翼，雞翼都算幾大隻每款麵都有青瓜，半隻鹵蛋及蔥麵唔算多，但都夠食，配埋飲品岩岩好飲品可以揀珍珠奶茶系列，或百變特飲我就揀左巨蜂愛玉，有少量jelly，都幾甜下次再試下其他食物同飲品

西灣河新開台式食店，經過就試試吧！店內大約有5-6張枱，要等一下位。店內裝潢非常文青，掛了不少特色插圖，為店內添上温暖感。我和老公叫左2個套餐，包了一個主食、小食和飲品，飲品只可選介價22蚊的，否則要加錢。原味珍珠奶茶(跟餐)味道正常，沒有太大驚喜。茶味略嫌不足，奶有點過多，珍珠是偏細粒的，黑糖味也較出。冬瓜愛玉(跟餐)相比奶茶，這冬瓜愛玉做得非常好，喝下去清涼解暑，愛玉十分q彈，淡淡的冬瓜糖香清甜而不膩。擔仔麵配鹽酥花枝丸($50)擔仔麵湯底是清湯，清到沒什麼味道。肉躁不合格，不濃郁又沒有乾蔥酥香。滷蛋只有上色沒有滷香味。面條尚算彈牙，可以份量太少，我一個女仔吃完也不夠。敗筆的是芹菜，芹菜味道過濃蓋過湯底味道。花枝丸有5粒，新鮮炸起。可惜椒鹽味不足且很細粒。麻醬擔擔麵配鹽酥雞($50)擔擔麵湯汁濃郁，麻醬味極足，雖說是台式麵食但感覺像上海擔擔麵。失敗仍是青瓜和芹菜又改變了湯汁的味道。鹽酥雞大約有6件，雞肉乾鞋，鹽味不足，只夠脆沒有香。套餐份量偏少，性價比較低。味道也是一般，而且新店人手食物都非常混亂。

晚餐經過好耐冇嚟過西灣河區，買糖水嘅時候見到呢一間唔識讀個名嘅小店，就決定唔去買太安樓海南雞飯而試吓呢間野，叫咗三個外賣套餐: 手撕雞，花枝丸同鹵水雞翼，食物不錯，啲咸菜好好食😁，爽脆不太鹹，手撕雞不會乾乾的，個肉燥有啲鹹，嘢飲正常不會太甜啱啱好。以58蚊一個套餐有前菜，有滷蛋，有主菜，有嘢飲嘅價錢來講，佢喺西灣河嘅台式食品入邊都算係高質素。最重要係佢服務很好，渣車去買啲店員會送埋出嚟，抵讚！❤️btw 醍醐呢兩個字點讀？

星期六晚同朋友三個人行完街後，真係唔知食咩好，行到去西灣河街見到一間台式料理，門口貼咗張名為「獨當一麵套餐$50」，當我哋企係度睇嘅時候，店內有位女職員主動走出嚟問我哋幾多位，當時我哋見到店內座位唔多，眼見亦都已經坐滿食客，而店員就同我哋講閣樓有位，於是我哋就抱住試吓嘅心態，揀咗三個套餐，並先付款後，再行上幾級樓梯仔嘅閣樓坐，原來閣樓都係好細，只得一張大枱，可以坐到至少6個人，所以我哋都係同其他人一齊搭枱坐，不過唔會覺得唔舒服，反而感覺好坐過地下果層。坐低大約五分鐘，飲品就已經陸續送到，首先先嚟咗香芋珍珠奶茶(凍)，之後嚟埋另外兩杯原味珍珠奶茶(熱)及三個套餐，第一眼感覺啲湯麵好似好細碗，一路食，大家都覺得味道唔錯，其中一碗叫咗小辣，朋友鍾意食辣，所以覺得下次可以叫大辣，而我哋叫嘅三款小食都唔會太鹹，所以大家都食清哂，完全無浪費到任何食物，最估唔到嘅係，大家杯茶都未飲完，就已經覺得好飽，要去散步。當離開店時，見到門外已經有好多人排隊等緊位。而且有好多係食過嘅熟客。總結：我哋都覺得呢間店舖，雖然好細間，不過食物及飲品水準都唔錯，餐具用完即棄，雖然感覺好乾淨，不過就唔夠環保啦， 最值得讚賞

補完習發現呢間台式茶寮，見到價錢同其他連銷店差唔多，但款式就特別得多，例如火龍果沙冰係桃紅色，白雪公紫就係芋香...舖面設計清新，所以決定一試。叫咗杯薑母珍奶微糖，order唔多，但都等咗陣先有。可能薑汁本身有糖，微糖都仲幾甜，飲落似半糖。薑味幾香，但好易沉底，要攪多幾下。最欣賞啲珍珠！透明珍珠黏黏韌韌，好似食水晶包咁。而且唔帶甜味，味道來自珍奶，感覺即刻冇咁heavy。台灣奶茶茶底始終比較弱，但台式手搖杯嚟講係幾好飲。

<< 新開的台式料理 西灣河 >>店内環境比較迫，但有數不個座位，另有小閣樓不過因為店內較迫 不太好坐 晚上有機會兩人坐都需要撘位變成三人 有點👎👎而我今次點了的是醍醐台式肉燥飯(碗)套餐 手工秘製手撕雞 啖啖肉 配上旁邊的配茶👍味道不錯 推介的珍珠奶茶(少甜少珍珠少冰) 份量不錯👍女孩子剛剛好份量飯不會太多 又有配茶 吃得沒有那麼齋而家價錢合適 一個簡單的晚飯還是不錯選擇喔

「奶蓋火龍果沙冰」 ($30)評分：8/10.呢間鋪主打精品茶飲，以為佢地執咗，估唔到捲土重來開咗做間地舖頭仲做埋食肆堂食添其實呢間概念台式飲品店系設計品牌上都幾有心思🤗，醍醐源自日文 「DAIGO 」一詞，用嚟形容「食物至高精華之味」，係咪幾有 feel 呢奶蓋飲品都紅咗一排，奶蓋搭水果沙冰就真係未試過，都真係幾大膽嘅嘗試，本來都擔心會奇怪，但係!!!! 呢個組合係意想不到咁成功。火龍果因為本身味道唔濃，淨飲反而會寡，但係同明顯甜一度嘅奶蓋撈埋之後變得甜甜地其實幾特別。絕對推介一試!!! 反而有另一杯系以士多啤梨沙冰做底嘅就好伏，又酸又淡，有奶蓋係面都救唔番

地方唔太大，分2層，上邊是閣樓，所以寫明堂食人均最低消費$32。菜牌的名稱都有些搞作，例如：飯飯掂定食、獨當一面套麵，玩吓諧音呢！ 手撕雞套餐：小食3款：台式滷蛋，風味酸菜、刀拍青瓜，手撕雞絲和青菜，還配一碗肉燥飯。齋看份量和類別都很多，仲有杯台式飲品，承惠$58都幾抵。小食唔太鹹，風味酸菜似潮式酸菜。手撕雞絲是涼菜，雞肉唔嚡。肉燥較深色，可能是用的醬油顏色較深，但味道唔算好鹹，肉碎亦唔太肥，好入味，撈飯吃好開胃。原味珍珠奶茶正宗，甜度適中，你亦可自己決定甜度，唔稀有奶味，珍珠QQ。台風鹽酥雞麻醬擔擔麵台式擀麵，外觀明顯份量少很多，麵唔多，幼麵條都很彈牙，湯底有微微麻醬味，唔辣的。 鹽酥雞外脆雞肉畧乾唔juicy。男士來說，要靠喝奶茶才夠暫時飽肚了。 如果覺得吃飯都無問題的話，飯飯掂定食雖多8蚊，似乎較合經濟原則囉！

餐廳環境小,有大部份面積用左做廚房,位唔好坐,要同人搭枱。經過望下人地食咩,見雞扒好靚,心思思都想叫。套餐配一杯$22的飲品,如選奶蓋,另加$10。台灣腸肥美又有少許甜味,肉燥唔似平日食個D,唔會油膩,乾身但有陣茶香,青瓜酸菜新鮮,一啖飯配一粒青瓜一粒酸菜少許肉燥,再加一片腸,別有風味。拌好後秘汁,我估係燒汁加蜜糖,蛋冇味,雞脾扒煎得過火。用上度小月刀削闊麵果然好味,煙韌有口感,有麻油香,八角香,肉燥油左少少。店員話要等30分鐘先有白雪公紫,因奶蓋要打,又要即搓芋圓,未攪勻時,紫薯味濃不稀,奶都結結地,味道分開左。攪勻後,紫薯唔甜,仲有陣芝士香味,芋圓係紫薯做,有紫薯香味。但右邊個杯有好重的蜂蜜味,茶香滑,珍珠煙韌好好食。

次次番屋企都經過呢間台式店，今日終於黎食，門口有得外賣台式飲品，價錢就比其他連鎖台式飲品貴少少，店內座位數十個，還有小閣樓，不過地方唔算大，有少少逼飯飯掂定食 $58肉燥飯好大碗，不過肉燥味道偏咸，前菜3小碟有刀拍青瓜、酸菜、滷蛋，青瓜同酸菜酸酸地幾開胃，而主菜我點左台風鹽酥雞， 鹽酥雞小小咸，肉質鮮嫩多汁，切得細舊方便女仔食，呢樣係加分既，椰菜爽口，我中意和肉燥飯一齊食，多左一份口感。奶蓋四季春 (跟餐加$5)跟餐可以任選$22以下飲品，不過我想食奶蓋就加錢要呢杯，奶蓋份量係唔少，不過味道就比較淡，茶底四季春茶味都較淡，比較少有既係飲品冇得揀少甜度，台式飲品一般都可以揀，呢個位置就比較失望。

岩岩搬遷到呢個鋪位個陣，有經過過呢間鋪。見到佢既套餐menu都幾吸引，一直都好想試今日有機會經過就諗住一戰點知套餐已經冇得再配魷魚鬚 有啲失望不過都照叫左個台南擔仔麵(幼麵)配鹽酥花枝丸 本身想試下杯白雪公紫 點知冇貨收銀姐姐就介紹左 踏雪烏騅比我踏雪烏騅等左十分鐘左右 就拎返屋企開餐返到先發現出事首先 麵碗係未完全蓋好 啲湯洒左出黎其次 鹽酥花枝丸放埋落碗麵度點解會可以將炸野同湯麵放埋一齊架搞到冇左鹽酥既感覺 同普通花枝丸冇分別呢度真係減好多分🤦🤦

新開左一排嘅台式餐廳，大愛奶蓋嘅我見到就去試下奶蓋，佢改啲名好搞笑，我就揀左奶蓋四季春，一見到實物，冰多到落底，奶蓋好稀有少少化，一飲，奶蓋好怪，無平時cream cheese味，有陣椰漿味。。似係椰漿打發以成，完全唔掂重點係連茶底都唔得，無茶味，可能太多冰，似凍水very disappointed。。仲要價錢唔係平。中伏。本來諗住試下白珍珠同抹茶，但奶蓋始終係我最常飲，so I will never try again ..