醉鍋 (V Point)

营业中

休息中

火鍋湯底方面，我哋就揀咗五格嘅醉火入鍋🍲分別就係獨特木瓜鍋、蕃茄波士頓龍蝦鍋、清湯蘿蔔牛腩、四川麻辣鍋同埋馬來肉骨茶鍋。我阿妹同埋我最鍾意就係蕃茄波士頓龍蝦湯底、我媽咪同埋爸爸最鍾意竟然係馬來西亞肉骨茶湯底😱佢哋話藥膳湯底真係好味好多喎！海鮮方面，我哋叫咗四人份量精選海鮮拼盤，其實都幾抵食㗎 ！又有扇貝、聖子、海中蝦、大蜆同埋是日海鮮！我自己最鍾意呢就係佢哋嘅蜆肉！因為全部都肥大肉厚🤭鮮味十足。其他食物方面，我爸爸就話一定要食呢個新加坡胡椒蝦風味脆炸鮮魚片，佢話上網有勁多人推介！果然好重胡椒味！而且魚片真係炸得好酥脆。👍🏻最緊要嘅係竟然唔會食到成口油。唔知有冇人同我媽咪一樣咁奇怪打邊爐鍾意食油炸鬼呢？好多地方都唔會有呢個配搭，估唔到呢間餐廳竟然有🤣佢真係食得好開心，而且仲要不停同我哋講下次要再嚟添。

天氣突然轉涼，好想食啲暖笠笠既野，咁岩要出旺角買野，於是就搵吓附近到底有咩好嘢食，結果就比我搵到呢一間火鍋店！見到佢好評如潮，所以我哋就打算去試一試睇吓係咪真係咁正！我哋去到就已經揀好咗「🌊揚名四海」呢個湯底！其實佢係一分為四嘅湯底嚟㗎 ！好彩我哋同行嘅四個人各自喜歡唔同嘅湯底，所以可以話叫做係一人一鍋！分別呢就有黑松露雜菌錢鍋，我自己都幾鍾意佢黑松露味好濃郁。我朋友就最鍾意食濃湯豬骨鍋，佢話鍾意清淡啲喎！咁先食得出湯底嘅味道！我另一個朋友就好食得辣嘅，所以佢就揀咗一個四川麻辣鍋，最後佢辣到流晒汗呀，真係好搞笑我男朋友就揀咗鹹酸菜胡椒豬肚鍋，佢話因為胡椒豬肚湯底，平時飲一碗嘅話都好貴㗎啲材料，佢話呢度可以當湯底嚟打邊爐仲要有湯渣真係好抵食喎。湯底到咗之後我哋就着手揀吓食啲咩啦！我哋主要呢就揀咗一個「🐃招牌牛魔王」。叫得做牛魔王就梗係有幾款唔同嘅牛啦！最好食呢就係佢嘅牛柳粒！牛肉好香濃㗎！除此之外，仲有安格斯牛同埋頂級手切肥牛。放喺湯底到淥好快就食得。最後我好鍾意食辣嘅嗰個朋友，竟然話唔夠喉單點咗一個醉鍋麻辣鴨血，我試咗一舊之後竟然控制唔到瘋狂咁同佢爭😂估唔到原來鴨血係咁好食一啲都唔腥

約咗一班朋友出嚟一齊食飯，大家都決定打邊爐，所以就去咗呢間舖頭度試吓佢哋特色嘅湯底！💁🏻‍♀️抗疫先鋒💜呢一個湯底真係好啱，而家疫情嘅時候食！可以達致強身健體嘅功用1️⃣胡椒豬肚花膠黃金雞湯:滋陰養顏2️⃣杏汁白肺木瓜雪耳湯: 潤肺、益胃、補腦3️⃣蕃茄洋蔥紅蘿蔔豬展湯: 預防呼吸道感染4️⃣四川麻辣湯:驅風散寒💁🏻‍♀️真係每一個湯底都有唔同嘅作用‼️建議大家中咗招之後好返可以嚟呢度食返餐好嘅賀一賀佢之餘仲可以補下身體😂💁🏻‍♀️頂級牛切本地肥牛💜手切嚟講性價比真係好高！雖然肥牛嘅油花較少，不過肉味較重，打邊爐🍲唔會變韌，而且十分有牛肉鮮甜味！最緊要係佢切到每一片嘅厚薄都差唔多，好快就可以淥熟食得。💁🏻‍♀️金沙鹹蛋脆炸鮮魚皮💜鹹蛋味濃郁同時魚皮鬆脆美味，大家鍾意空口食又得，放落湯底入邊煮熟食都得！點食得咁滋味，而且因為有鹹蛋作調味，所以增加咗鹹香味。💁🏻‍♀️酥炸油炸鬼💜入口帶點脆口，偏向硬身 ，亦唔會太油膩。 估唔到攞油炸鬼黎打邊爐係咁特別。💁🏻‍♀️醉鍋麻辣鴨血💜純鴨血透過廚師古法熬煮，所以可以保留鴨血鮮味同埋嫩滑嘅口感，完全唔會有腥味。💁🏻‍♀️牛柏葉💜經處理過嘅牛柏葉吃起上黎冇咁韌而且口感好爽脆。

❤️醉鍋食咗好多次啦，食物質素同樣高質，上菜速度快得黎又唔會漏單，食物款式又多，真係次次想打邊爐都首選醉鍋！！❤️黑松露蝦蟹餃嘅餃子皮呈黑色，初頭同朋友一齊估到底係乜嘢材料導致到餃子皮變成黑色，最後果然冇估錯，原來係黑松露！ 一咬開，黑松露香氣撲鼻， 蝦肉爽口彈牙，蟹肉鮮香十足！❤️頂級牛切本地肥牛比起機切，手切能夠保留牛肉本身的筋，食落口感更佳。肥牛嘅肥瘦好均勻，油脂分布好平均。食落口好重牛香味。❤️炸雞軟骨$78炸雞軟骨，非常之好味。不過提提大家記住趁熱食！凍咗真係冇咁好味㗎！❤️醉生夢鍋$418湯底方面，我哋就揀咗五款mix🙈，因為真係咩湯底都想試吓！。呢一個湯底就分別有酒燒黑松露芝士鍋、花膠黃油雞鍋、馬來肉骨茶鍋、四川麻辣鍋同埋鹹酸菜胡椒豬肚鍋。我自己覺得最特別嘅就係肉骨茶湯底！冇諗過肉骨茶都可以攞嚟打邊爐🤣

-胡椒豬肚花膠黃金鮮雞湯🙌🏻胡椒豬肚湯鍋底用咗黃金雞與花膠熬製，另外再加入黑白胡椒、西芹、老薑、紅棗、枸杞等燉煮，職員上菜嘅時候仲提醒我哋一定要試吓佢哋Q彈厚切豬肚、花膠同埋鮮嫩雞腿肉，真係滿滿嘅膠質與精華！ 🤵🏻職員仲好識講笑：想變靚，就一定要飲呢個湯！🙈香濃咸蛋黃配上炸魚皮香脆可口簡直就係冇得彈！同我哋平時一般喺市面上買到嘅根本冇得比。呢一個即叫即炸真係爭好遠😆 😱呢一個大size就係四人拼盤，如果冇咁多人嘅話，可以叫二人拼盤，相對上分量會減半！我覺得呢個都幾抵食！有扇貝、聖子、海中蝦、大蜆同埋是日海鮮🦞，我最鍾意就係佢嘅扇貝好大粒肉㗎！［酒糟鴨舌］$58😚鴨舌以酒糟、花雕酒及秘製調味等烹調入味，皮滑、肉質彈牙扎實，鹹淡適中，散發著淡淡酒香，令人吃唔停口。

🔱醉生夢鍋$418分別有黑松露芝士鍋、花膠黃油雞鍋、馬來肉骨茶鍋、四川麻辣鍋、鹹酸菜胡椒豬肚鍋推薦💁🏻‍♀️:如果好多人一齊食嘅話，就可以試吓叫呢個湯底！真係叫做咩都有得你試吓！我自己最鍾意就係黑松露芝士鍋同埋花膠黃油雞鍋🤭芝士鍋就夠晒邪惡！花膠雞就夠晒滋補！我啲朋友食得辣嘅就會好鍾意四川麻辣鍋😎🔱台式酥炸花枝丸$108另外真係要推介佢哋呢一個小食‼️花枝丸中間嘅墨魚粒好煙韌，成個花枝丸彈牙，成個外皮炸到金黃酥脆。🔱掛架頂級安格斯牛小排$318(大)呢一個牛小排佢哋嘅招牌菜式！我見好多枱都有叫！大家統一動作就係等呢個牛小排上到枱之後一齊拎起電話影相🤣呢個掛架，好似掛衫架咁🤣咁樣嘅設計，可以令到啲牛肉唔會黐住，一片片分開好容易夾起。🔱酒糟鴨舌$58鴨舌皮薄肉少，「脷胎」已經清潔好，所以食落口好嫩。而且皮肉緊緻，爽滑不膩。