醉辣鮮 (天空之城)

营业中

休息中

用餐體驗好到要特登黎寫食評，可惜無影低食物既相。.食物：海鮮都好新鮮，肉質鮮嫩，就咁蒸都好好食。而海鮮盤份量十分足夠，蔬菜類直頭可以任添，好抵食。.服務：服務員態度好殷勤，會好主動觀察我哋嘅蒸法、時間，並提供協助，勁專業。外賣啲粥走，都好用心講解之後點整返熱會好食啲。.環境：裝潢簡潔，空間舒適，令人感到放鬆同舒適。仲有live 表演，而表演者亦唱得好聽，唱完歌仲會去每張枱向我哋感謝掌聲。.整體感覺非常好，值得去！

呢間餐廳嘅海鮮蒸氣鍋，真係令我心思思！🦞🦐 首先，個生蠔厚實肥美，輕輕吸一啖，海水嘅鮮甜就喺口腔爆開，完全唔需要多啲調味。扇貝肉質細嫩，擺埋蒜蓉粉絲上去蒸，簡直係絕配！海蝦彈牙得黎仲保持住海水原汁原味，每啖都好滿足。🍤肉蟹就真係正到無話說，每個蟹蓋都滿滿蟹膏，肉又鮮又甜。講真，食素咁多年未試過咁滿足！再嚟個紅棗杞子蟲草花蒸雞，每一口都滲出滿滿滋味，雞皮啖啖滑，真心好入味。小籠包流晒湯汁，每個都包到爆，咬一啖熱氣騰騰，內餡鮮嫩仲帶啲甜。至於粥底，真係又一絕！湯底鮮甜，加埋海鮮出嘅味，啖啖都係驚喜，完全可以話係食到尾都唔單調。忘記唔到嗰碗滋補桃膠，甜度啱啱好，龍眼肉嘅香甜仲陪襯得桃膠更加滑潤。🍮總括來講，呢間餐廳嘅服務、環境都算得上一流，特別係跟住時間表蒸完嘅海鮮，食起上嚟真係正正地！下次揾食嘅時候，記得要再黎！😄👍

錦田新鮮自選海鮮粥底鍋老公中意食海鮮，經常搜羅全港新鮮海鮮雲集嘅餐廳，作為大西北嘅牛牛，俾佢發掘到近近地錦田有一間隱蔽蒸海鮮餐廳，於是我哋就揸車入去品嚐呢一間餐廳現場有音樂live ，幾有feel幾有氣氛，最特別嘅係，自選海鮮，龍蝦，鮑魚，蠔，蜆，蟹等等佢自己去夾返嚟，幾得意，自己揀當然最開心😆套餐包括多款精緻美食，龍蝦和肉蟹肉質彈牙爽口，讓人感受到豐富的鮮味。其中海鮮粥融合了所有海鮮的精華，滋味綿滑，都唔錯嘅。人氣龍蝦蒸氣火鍋+是日精選老火湯火鍋配料：（每人）龍蝦（半隻）日本元貝（1隻）肉蟹（半隻）鮑魚（1隻）本地生蠔（1隻）紅棗杞子蟲草花蒸雞最後食埋佢個煲海鮮大雜燴粥，好滿足🥰

夜晚行過一間非親民唔行得嘅海鮮鋪，首先撞入眼簾嘅係錦鯉蒸雞，就為飯局掀起咗一波口水戰。每一口蒸雞都爽肉鮮美，真係食晒都唔覺膩。跟住落場嘅係醉蝦同埋三黃雞，醉蝦醉得浪漫，三黃雞肉質緊實得嚟又多汁，正到話唔出！嗰陣時最期待嘅蒜蓉粉絲蒸扇貝登場喇，扇貝鮮嫩，蒜香撲鼻，跟住高潮迭起，蟹鉗肉厚彈牙，滿滿蟹肉兜著黃油和蒜蓉香味，真係講起都令人心癢癢。海鮮粥配料豐盛，鮮甜精華滲晒入粥，熱辣辣食落真心滿足。而家啲食評流行食得健康，呢間大賣食得營養，湯品一啖氣就知道係用心熬製出嚟。總括嚟講，兩手大拍，值得去試對嗮胃！😋💯👍

帶的時間同朋友選擇了這一間餐廳主要是因為現場音樂表演。因為是海鮮粥底，所以一進場的時候老闆就叫我們揀了海鮮是新鮮現場即足即食，而且也可以親手捉海鮮，啱晒拍照。到了八點左右開始有現場表演，大家都可以隨便點歌，哥的類型也是十分之啱聽的曲，無論你係90後定80後10首有八首歌都應該識唱😂😂🤣🤣蒸晒所有海鮮之後最尾會有個粥底個粥底先至係精華所在吸晒海鮮嘅所有味道非常之好食，食得非常之飽之後仲會有一個糖水送俾你，你係會捧住個肚走，但地點不太方便，除非自己有揸車過嚟😂😂

第一次滿意到要寫食評，氣氛超好，有live band, 服務人員勁有禮貌，因為其中一位病左，食唔到海鮮，可以就咁加50蚊食菜，貼心。海鮮自己捉，好玩。野飲超大杯，好難飲得晒🤣出面有埋車位，超方便

友人地膽帶我到訪元朗一處隱蔽但人氣高企的海鮮粥底火鍋，並高興地告知我他已光顧了數次，我密切期待🤣我們是次點了「人氣龍蝦海鮮餐」✅海鮮包括龍蝦和蟹等都是自己捉的，可以自行挑選最活躍和最大隻的海鮮，新奇又有趣✅老火湯🍵估唔到佢老火湯都好飲，是我喜歡的軟腍雞腳湯✅紅棗杞子蟲草花蒸雞🐓本人不太喜好吃雞，但是有人吃得很滋味，我吃了一舊，軟滑入味✅龍蝦🦞蒸得過火了些許，但也無損龍蝦鮮甜的味道，只是火候沒有拿捏好，「鞋」了些✅元貝🐚適合可以自行拿取旁邊的配菜加工扇貝，當中包括已經炮製好的蒜蓉和粉絲，我們加入點蒜蓉和粉絲一起蒸，味道很正✅肉蟹🦀我們到訪的時間太夜，所以肉蟹不是特別大隻，味道中規中矩，就是大家想像中的蒸蟹味道，勝在夠新鮮✅鮑魚🐚爽口彈牙，意想不到的好咬口✅本地生蠔🦪我很怕吃生蠔的腥味，這裏的生蠔完全沒有腥味，很容易入口，我加了醬汁和蒜蓉一起吃，很夾✅海中蝦🦐蝦肉爽口彈牙，蝦頭很多膏👍🏻✅ 沙白、蜆🐚味道沒有驚艷，經過我們多次蒸焗，部分也是沒有打開殼🤣✅海皇粥底🫕用南瓜芋頭混合海鮮湯汁熬煮而成，口感豐富味道甜美，雖然很飽也忍不住吃了一大碗✅精美甜品🧉桃膠糖水，不過不失❤️總結：這裏服務態度很

正所謂自己海鮮自己捉，這裡的海鮮是自己親自活捉，龍蝦，鮑魚，肉蟹，生蠔全部自己親手活捉！有多款套餐可以選擇，大胃王更多可以選擇放題套餐清蒸是最美味，蟹羔蝦羔多到你唔信，加上海鮮粥底，簡直是人間美食！是日菜單：老火湯，温泉蛋，原隻龍蝦（兩人一隻)，日本元貝，肉蟹，蟶子，鮑魚，生蠔，紅棗紀子蟲草花蒸雞，海蝦，沙白，花甲，蜆，任食蔬菜，海鮮粥底，甜品（以上是一人份量，試問你一個人食曬以上食物，你又怎會不心動呢！）

買openrice$268 coupon，會平啲啲，遠離市中心，以為會人小小，但都幾full，幾好食，蝦蟹好鮮甜，龍蝦半隻都好彈牙，其他食材都ok，海鮮粥也很好食，店員有禮貌，服務態度很好，因為係生日飯，有2位女店員還會主動講生日快樂，給人貼心既感覺。成晚都有live band，但就比較大聲，想同枱傾計要嗌破喉嚨先聽到小小，另外因為見openrice卷講明有免費泊車，但去到就要收取$40…整體不錯👍🏻

同屋企人慶祝生日 嚟咗錦田呢間天空之城嘅醉辣鮮😋呢間餐廳係pet friendly嘅 可以帶狗狗放喺檯側邊🐕我地嗌咗$298嘅套餐 有龍蝦同肉蟹🦞雖然唔係任食放題 但已經飽到爆 超級滿足😊✨️龍蝦龍蝦係喺外面嘅水箱即揀即劏即蒸 好新鮮🦞啲肉質好彈牙 而且蝦膏隻隻都滿晒出嚟咁🤩真係啖啖肉 好滿足😛✨️肉蟹同樣都係好有鮮味 而且蟹膏都係好多🦀蟹肉都多到好誇張🥹✨️扇貝外面自助bar可以任攞粉絲同蒜蓉🧄簡單自製蒜蓉粉絲扇貝 好惹味😆✨️蟲草雞好香蟲草花味 雞嘅調味都醃得啱啱好😛雞肉爽滑🐣同時啲蟲草雞嘅汁滴落下面嘅粥底 加上海鮮嘅鮮味 吸晒日月精華好好味🤩

喺元朗近近地諗住搵間餐廳食生日飯見呢間未試過，遠離元朗市感覺特別啲 蒸氣海鮮應該冇普通打邊爐咁熱氣掛去到佢嘅餐牌有唔同價錢嘅餐大概都係分半隻蟹定係一隻蟹 定係任食蟹 其餘嘅嘢大致一樣，蔬菜任食 包燉湯、蒸雞、甜品我揀咗每人一隻蟹嗰個餐揀完之後可以自己喺出邊個魚缸揀海鮮 🐠🦐🦞🦀幾新奇 因為我未試過😂揀完你想食嘅目標 交俾吧頭就會有專人幫你清洗切件 再送到你嘅台上👍🏻首先食個蒸雞，我覺得蒸雞係最令我記得，好好食😍😍 燉湯亦都係我好鍾意，有燉湯飲已經好驚喜✌🏻海鮮每一樣嘢都係新鮮，但係蒸雞真係令我最有印象 🐔🐔仲有其中一個原因我揀喺呢度食生日飯因為佢每逢星期五六日夜晚都有人唱live🎤質素一般般，不過勝在有心，因為實在太少餐廳有live聽 所以都唔好咁高要求 幾百蚊位 有新鮮海鮮，仲有人唱歌俾你聽，性價比高會推薦俾朋友

環境不錯，所有職員友善，樂於協助及介紹，點餐後自行在門口捉龍蝦🦞、鮑魚、及蠔、蟹🦀️，有得玩有得食，海鮮新鮮，選好海鮮回座位，職員已準備了燉湯及蟲草花蒸雞給我們享用，店內有自助bar,有各種蔬菜、菇類、調味料及配料，吃完海鮮，鍋底已煲好南瓜豬骨粥，再送糖水，4個人叫最貴既餐再每人加40轉大龍蝦，連飲品及加一，人均500元. 各理價錢，有機會會再去🤗🤗

今晚去探朋友，順便在他樓下食晚餐。我哋選了醉辣鮮 (天空之城)。這是一間海鮮蒸氣鍋專門店，我們可以自行在2米長池捉我們點餐的海鮮：肉蟹、龍蝦、鮑魚、本地生蠔等，第一次自己選海鮮的感覺很新鮮！之後就將我們選擇的海鮮交給水吧幫我們清洗及宰。是日精選老火湯是一道口感濃郁、充滿滋味的湯品，讓我們感覺溫暖、滿足，很有家的感覺。紅棗杞子蟲草花蒸雞：以雞肉為主料，再加入紅棗、杞子、蟲草花等食材，搭配清淡的調味，透過蒸的方式烹調而成，美味可口。之後我們就逐樣蒸我們之前選的海鮮，透過蒸煮，讓海鮮保持原汁原味，不失鮮美和營養，並且不需添加多餘的調味料，巳能夠保留食材自然的風味和口感。之後有預設的海鮮，日本元貝、海中蝦、沙白、蜆等，及任食時蔬，非常滿足。最後海皇粥底，由食材相結合的精華跌進粥底，濃郁鮮香，粥底鍋裡滾燙的湯汁散發出濃郁的香味，粥的口感滑順而有嚼勁。再配上南瓜粒及芋頭粒，還可把脆脆灑在粥面吃，火鍋粥底的味道豐富多樣，一試難忘。

好耐冇食過粥底火鍋，今日朋友介紹到醉辣鮮。交通不是太方便，但如果駕車人士，就非常吸引，因為餐廳門口便有停車場，更是不用收費的。我們點了人氣龍蝦海鮮餐，有八樣海鮮、老火湯，蒸雞、甜品，而且仍有蔬菜自助區。點餐後，店員會給你一張白色的紙仔，上邊寫了可以選擇的海鮮數量，你便拿起紙仔，到門外的魚缸，選取自己喜歡的海鮮。這個方法非常有創意。餐廳非常細心，附上每款海鮮需要蒸的時間，夠了時間後夠鐘便會停止，令海鮮蒸得恰到好處。另外，店員亦會介紹部份海鮮的吃法，例如會建議你取粉絲及蒜泥鋪上帶子，變成蒜蓉粉絲蒸帶子了。精華就就是覺粥底。內裏有南瓜、芋頭等，並吸取海鮮的鮮味，非常好吃。

第一次黎到天空之城氣氛好好 聽講星期六日會有live band我地叫左個$298既海鮮餐推薦個雞肉 滑到我再想叫好夠食 超飽 海鮮都好鮮甜 食曬海鮮後最厎有個粥底 海鮮既汁留曬落去 超好食最後太飽個粥要打包番屋企出面仲有啲蔬菜可以自己夾有張紙話比你知啲海鮮蒸幾多分鐘，非常好 唯一一樣失望既係店員無話比我地知原來可以自己出去夾食完睇番OpenRice既食評先知 ⭐️CP值;⭐️⭐️⭐️👩🏻回頭指數;👩🏻👩🏻👩🏻👩🏻👩🏻📸打卡比分;📸📸📸📸