醉藥雞 (福榮街)

营业中

休息中

自細就好鍾意飲雞湯，一發現雞湯米線就會即刻去食，但係冇一間個味道夠濃。今日去深水埗諗住搵嘢食，見到呢間醉藥雞咁多人食就入去試下。呢度唔止有雞湯米線，佢仲有好多唔同口味嘅雞湯米線選擇，又有人參，又有胡椒豬肚，仲有翅🤤🤤🤤。最後我揀咗胡椒豬肚雞米線，迫朋友叫砂鍋雞湯翅米線🤣試晒兩個口味。另外叫咗啲小食，食到勁飽勁滿足！佢啲嘢真係冇味精，因為我飲晒個湯底都冇頸渴既感覺👏🏻👏🏻砂鍋雞湯翅 $68個湯底真係好正，真係飲到雞嘅甜味，同埋佢個口感好濃厚，唔知係咪用黃油雞呢？d雞塊皮好軟滑，雞肉都唔鞋❤️佢都比幾翅，一D都唔吝嗇☺️砂鍋胡椒豬肚雞 $68我諗呢個都係同一個雞湯底再在胡椒豬肚去煮。佢都係可以飲到雞湯嘅甜味，再加上胡椒嘅辛辣味，係另一種吸引🤤感覺呢個抵食啲，又有雞又有豬肚，啲豬肚索左啲雞湯好好味，有咬口但唔會in!!醉三寶 $52呢個三寶入邊有牛舌、豬肚、薰蹄酒味都幾濃烈，個人比較鍾意牛舌同豬肚，入味之餘口感唔會太鞋！如果有醉雞翼會更理想🤣皮蛋豆腐 $28呢個其實幾抵食，因為都幾大碟我哋最後尾都食唔晒。佢個汁係甜甜地咁樣，同d豆腐好糖心醉蛋 *叫米線加$10就有一隻有酒糟既味道，但係又唔會遮蓋

女人唔補好易老！！呢日約埋閨蜜一齊去進補，搵到呢間係深水埗好出名嘅醉藥雞～深水埗真係多美食，仲要好抵食，我地係醉藥雞呢餐，每樣食物都大大碟，份量都好足！最鍾意係醉三鮮，有鮑魚、蝦同花螺，全部都好入味，鮑魚夠淋、蝦好鮮，花螺有驚喜～醉乳鴿都好正，加埋蟲草花好match，濃濃藥膳味，真係好大碟，食極都仲有，抵食！藥膳醉雞刀削麵，湯底好濃好正，雞肉又嫩滑，食完成身都暖笠笠，好補身啊！呢餐堅係食到飽一飽，$250就晒3樣sgnature，高汁～

話說近排想試下酒味既小食，呢間餐廳就夠哂特別、有酒味之餘材料又足料，過曬口癮。-勁推砂鍋胡椒豬肚雞米線豬肚有咬口之餘，同胡椒味配合十足，唔會喧賓奪主，兩者夾到十足，令人想一啖接一啖。一定要加溏心醉蛋，除左味醂，仲有港式杞子調味呢！-推介中意食海鮮既醉三鮮醉三鮮有鮮蝦、花螺、鮑魚、份量適中、最推蝦、蝦頭入味又容易脫殼。-泡淑雞腎由於我就唔太食得辣、但又想食麻辣、問左店員後決定試泡淑、新手食辣可一試，雞腎口感較為軟身。-芝麻醬愛好者雞絲粉皮青瓜絲爽脆、雞絲咬落唔會太老、剛剛好。環境方面，餐廳佈置有種古代酒瓶年代既味道、陶瓷碟撞色有種新奇的感覺呢！

最近愈來愈多藥膳砂窩雞煲米線店，知道深水埗有間「醉藥雞」 佢地主打 "醉 Drunken" Style，即刻帶鍾意試新嘢既媽咪TRY TRY！  店內環境整潔，枱數未算好多，夠闊落坐舒服，坐低之黎就見到門口要排隊了。 主要以砂窩雞麵配上不同湯底，大概5-6款， 配米線外仲可以選配其他，連好少見嘅銀針粉都有。 而且除左多款砂窩雞湯麵主食之外，仲有大量醉/藥膳小食，連燉湯都有好想試。  最後就同揀左2煲米線＋幾款小食。砂窩醉藥雞(煮雞酒) $68 砂窩胡椒豬肚雞 $68  醉藥雞功效：行氣活血，湯底鮮甜藥材夠濃郁，夠正宗， 其他配料如紅棗、杞子、雲耳都有齊絕不馬虎，而且用上新鮮淮山，有驚喜。 胡椒豬肚雞功效：補中益氣，雞湯既鮮甜加上胡椒入口嘅辛辣感，比例剛好， 不會令你因太刺激/太辣，然後咳個不停。整個胃同人都即時暖起來， 而且並無加入酸菜，更得我歡心。 雞件夠嫩滑大概1/4隻雞，米線份量剛好， 眼見每枱客人到最後都會飲哂個湯，証明湯底真材實料，真的很讚！  溏心醉蛋每隻$10 橙黃色既蛋黃令人食慾大增，溏心蛋被濃濃既醉汁包圍著， 酒香濃郁帶點桂花跟杞子的香甜。  醉豬手$58 無骨！無骨

近排食得多熱氣野，想食得清淡啲又好難一日三餐都係屋企食，於是就揀咗間出名藥膳雞湯試下。門口有塊好eye catching嘅牌匾，入到去都幾多擺設，環境唔錯。餐牌有好多唔同款式嘅雞鍋，不過我比較鐘意凍食嘅醉雞，就嗌咗半隻試下。賣相一流，上面鋪滿對身體有益嘅杞子同蟲草花，隔離仲有啲花生做陪襯。食落雞都算滑，不過酒味唔太重，有啲失望。不過如果就咁飲啲湯汁，就酒味極濃，可能只係啲雞浸得唔夠耐，唔夠入味。跟住跟嗌咗個人參雞鍋配瀨粉，個賣相冇乜特別所以就冇特別影低。好難得餐廳有瀨粉可以叫，食落好有懷舊嘅味道。個湯都幾好飲，見到都幾多人參絲，算係足料！川辣皮蛋粉皮上碟幾靚，食落唔太辣，啱晒我呢啲唔食得辣嘅人。最後仲叫咗個豬耳，咬落夠爽口彈牙，稍微比皮蛋辣少少，但都頂得順。呢間鋪雖然出名藥膳雞湯，但佢啲小食都唔錯，可以嗌下。

聽日係難得嘅紅假，holiday mood太興奮所以就約咗個friend去深水埗搵好嘢食👯‍♂️醉藥雞顧名思義真係好多雞嘅菜式🐤好多都標榜有藥材，可以滋補養生。譬如幾款砂鍋生滾麵就每款都有各自嘅優點（滋補養生、補中益氣、行氣活血etc）😛雖然大部分人都會叫米線，但見到賴粉買少見少，最後都係忍唔住揀咗童年回憶嘅賴粉😋最後點咗四碟餸😙🍲砂鍋人蔘雞配賴粉（$68）🐓（半隻）花雕冰醉雞（$108）🥚川汁皮蛋（$28）🐖麻辣豬耳（$36）花雕冰醉雞嘅花雕酒味好濃醇，啲凍雞喺碟花雕酒入面浸到入曬味，而且每塊雞都大大舊，肉質鮮口嫩滑，配埋啲杞子同蟲草花可以滋陰潤膚，邪惡得嚟又有種養生嘅feel，徹底抵銷曬啲罪惡感🥰係罕有嘅賴粉啊！食到懷舊嘅味道❤️而湯底一樣好不得了，少少輕微嘅澀味，見到落得好足料嘅人蔘，真係佩服佢完全冇偷工減料😍食咗咁大煲健脾益肺嘅人蔘湯，調養下身體非常適合😚川汁皮蛋嘅粉皮唔係好辣，個人希望可以重味道少少，但調返轉咁諗都幾適合唔食開辣嘅朋友，算幾體貼😝豬耳非常爽口！每一條都夠曬煙韌，話就話麻辣但同樣覺得唔係好夠辣，反而麻味比較出，我就幾鍾意嘅，都幾推介呢款菜式😻

位於深水埗福榮街既呢間醉藥雞開左都有一段時間，主要係以砂煲雞為主打，遞上黎既時候都係熱辣辣既，所以都吸引到好多人食既～而今次去食都係中午時段去食，好彩咁岩就唔洗排隊，而店鋪既坐位都算多，而呢間既特色既就係可以揀返唔同既湯底，有人參雞，醉雞湯，胡椒豬肚雞等等，而今次就揀左砂鍋雞湯，也可以揀埋飯或者米線等等，而今次就揀左飯～但因為係落單時個侍應落錯左，所以佢落左米線落砂鍋度，最後就變左又有米線又有飯😂😂而佢既砂鍋雞一拎出嚟嗰時已經係熱辣辣，個鍋係滾到好熱先拎出嚟，入面既雞都好足料，而佢既湯底好鮮甜，感覺係真料實料無味精既，要嚟送飯做湯鍋實在好正，而雞既份量亦都好多，件件都有肉，而味道都唔錯，總結呢間既食物全部都係真材實料，絕對係誠意之作👍🏻

路過醉藥雞，被貼著街外雪櫃中不同醉物所吸引，看一下門外菜譜，砂窩雞湯頗合心水，就入內試試。本想點胡椒豬肚雞湯跟主食，詢問辣的程度，店員說好辣，怕自己不能接受，只好無奈放棄。改點砂窩雞湯翅 $68，跟米線。 其實魚翅已是被我拒絕的食物，今次破例，罪過罪過 ⋯熱騰騰的湯鮮甜無比。雞件都是雞胸肉，翅邊爽口，湯中有一小片金華火腿。湯頭雖然稍鹹，喝後沒有覺得口乾，不錯。醉物是這店的主打，加了溏心醉蛋 $10。蛋煮得過熟，蛋黃只有少許流質，扣分！ 伴有花生粒，覺得不太夾。這店沒收加一，味道好，cp 值高。 離店見門外很多人，有在等位，有的等外賣，相信有不少捧場客。

同事特地帶路推介這餐廳，所以由公司過來一試。我點了胡椒豬肚雞湯米線，上菜的時候我嚇了一跳，居然用砂鍋盛着，滿滿的雞湯蓋着米線和豬肚，濃濃的胡椒味傳入鼻中平時最愛喝胡椒湯，這個湯沒有令我失望，喝的每一口都刺激着喉嚨，非常過癮胡椒煲雞，感覺非常養生～吃完之後沒有口渴的感覺，相信沒有下味精，配着米線非常好味，豬肚亦爽口。不過美中不足反而是雞件有點老，可能熬過時，而且雞味略淡，但仍值得一試～同行同事點了藥膳雞湯刀削麵，看見滿滿的紅棗，決定下次過來試試😆

最近香港多咗好多砂鍋雞湯粉面有d以花膠主打有d以雞湯主打今次同大家介紹呢間則以醉藥為主打砂鍋雞湯刀削麵份量十足湯底鮮甜不死鹹聽說沒有味精的令人忍不住一口一口灌入嘴中雞的部分滑嫩入味但稍微嫌煮得有點柴但雞的味道很濃應該係靚雞刀削麵個人覺得口感有點不夠彈牙其他都很不錯翅作為加農湯底的配菜還好豬耳爽脆感覺很足而且不會有那種粘粘der感覺辣和麻都令人爽快很推薦醉鵪鶉蛋黃酒味撲鼻而來酒香深入蛋的中心很特別的感覺必食

You would see a crowd once you turned into this street at Sham Shui Po, and I must say, it was kind of worth the wait at this restaurant.They boast on Chinese “medicinal/well-being” soups (a rich chicken soup as the base for all soups). I didn’t get any MSG after effects so the soups seemed legit. The actual chicken, however, was plain and slightly overcooked so just focus on the noodle soups.I had tried dine-in and takeouts. Besides ma la spicy dishes (esp. chicken gizzard = yum), pretty much e

《香港深水埗·醉藥雞》近期最推介的餐廳之一！一開始係比佢個名吸引，因為好鍾意飲藥材雞湯，所以決定去試吓！醉藥雞仲要主打雞湯米線，米線一定好入味，諗起都流口水🤤晚飯時間需要排隊，大概等咗15分鐘，等待時間可以接受，可以順便睇吓餐牌諗食乜。隔離飯香嘅關係，見到隔離枱叫砂鍋雞湯翅米線我都跟住order左，再叫多碗醉藥雞湯同埋溏心醉蛋。1. 砂鍋雞湯翅 $68: 內心都好掙扎叫唔叫 食魚翅好唔環保 但見到隔離枱果煲咁正受唔住引誘都係order咗 對唔住呀鯊魚🥲飲咗一啖湯，好味都嘩一聲！雞湯加埋魚翅煮到d湯白黃色 米線軟硬度啱啱好，夾埋雞湯真係冇得頂！2. 醉藥雞湯（煮雞酒）$45: 好香藥材味，但雞味冇雞湯翅咁濃郁，料都好多，唔係好肚餓嘅話叫個湯都夠飽3. 溏心醉蛋 $10: 隻蛋$10係有啲貴，但一定要叫！🤩睇蛋黃顏色就知道一定係靚雞蛋，煮到溏心加上藥材紹興酒，超級好食！醉藥雞仲有好多款小食，不過今次冇試，留返下次再試！環境就同普通茶餐廳差唔多啦，唔算特別好坐，不過食物取勝，會再幫襯！

最近多咗出街食飯，有時難免都會想飲番啖湯水，養一養身💪🏽行開深水埗見到呢一間鋪名好得意，原來主打係用醉物，藥材，雞😋砂鍋雞湯翅配米線🐥$68食落真材實料！湯底同配料用咗雞湯，真翅😍，金華火腿片，連同五至六舊雞去整成！飲落去味道非常濃郁，完全冇味精🙊除咗有金華火腿嘅鹹香味，仲有濃濃嘅骨膠原🧏🏻‍♀️即刻要成碗湯飲曬佢😛陳醋雲耳 $24雲耳爽口彈牙，陳醋微酸，係醒胃之選！呢間一定會再回頭😍 性價比得黎又養生！但店舖面積唔大，建議要早小小去☺️😉

食物普普通通，但店員親切有禮本來猶豫緊要外賣定堂食，但見店裏有位就選擇糖食。叫咗砂鍋雞煲翅米線，成張餐牌裏面都冇話可以轉雞髀，就冇為意到。後來見人哋嗌外賣原來可以轉雞髀，仲只差$6真係有啲谷氣。因為我成碗都係雞胸，雖然個湯好唔錯，但係全部啲雞都好鞋，連雞翼都鞋，可能因為啲湯太熱，第一次來感覺有啲失望，同埋都唔知會唔會再嚟，雖然佢仲有其他醉雞、仲有唔同醉食物，但係食咗咁鞋嘅雞真係幾失望，趕客。店員就真係幾親切有禮，呢樣加分。

第一次來這裡吃雞，門口客人都不少，去到見到明星，我們點了一個砂窩胡椒豬肚雞米線同一個招牌藥膳雞刀削麵，另加隻糖心蛋。一上枱成窩熱辣辣，好滾，胡椒豬肚湯超推介，好濃郁胡椒味，冬天食好爽，夠暖食佢d雞都唔少，而且好嫩滑，夠雞味藥膳湯方面都唔錯，有落酒，醉醉雞咁，加上佢有木耳配搭，刀削麵夠彈牙。糖心蛋整得好好，甜，流心。下次會繼續幫襯，深水埗數一數二靚雞。個人感覺評分：食物味道 - 食物賣相 - 餐廳環境 - 店員服務 - 性價比 -