醉潮館

营业中

休息中

每次同老表去街shopping,都會吃完晚飯才回家，每次都是老表提出去吃什麼，但每次我都心思思想食潮州菜，今回終於開口同老表講我心想吃潮州菜，老表哦了一聲，即刻上網查查有否？老表一聲跟我來便去了三陂坊，見到成條街都是潮州打冷館，跟住她入了這間醉潮館，店內全是木枱木凳，她跟侍應一輪嘴後，花膠螺頭燉雞湯清甜可口，牙簽雞皮脆肉汁多帶有一點香茅味，原板海膽炒飯、陳年果皮蒸鮑魚，最後上枱是必嗌鴨蛋煎蠔餅，看到真係不得了，鬆脆而蠔仔粒粒分明，真係打冷必嗌😋

三陂坊比人既感覺就係好多大排擋 但係我地今次食既呢間潮洲菜館就同以往食既好唔同 裝修幾靚有特式 又坐得舒服😌雖然裝修靚左 不過睇menu價錢又差唔多無特別貴👍🏻 我地就叫左幾個小菜同小食試下 先泥比較特別既小食 我地揀左紅燒籠中BB鴿子同小米餃😆 BB鴿放係籠入面上菜打卡真係幾得意😂 size的確較細 所以背部都入哂味唔駛再點其他調味 而小米餃幾特別 新鮮蒸好熱辣辣 外皮超煙韌 肉饀又夠濃味 連蠔油都唔駛點😋小菜我地就試左椒鹽九肚魚 蜜桃咕嚕肉同鐵板雙蔥燒豬腩肉🤤 3個餸都份量十足 九肚魚唔會好鹹 肉質嫩滑😋 咕嚕肉大大件啖啖肉 酸酸甜甜調味剛好好開胃👅 鐵板雙蔥燒豬腩肉用鐵板上 熱辣辣超夠穫氣 好香口惹味👍🏻 呢到岩哂想食打冷又想同朋友坐得舒舒服服既你地🌟

今日唔知點解好想食潮州嘢，上OpenRice search到呢間個名好特別，於是放工就決定黎探訪下。好少黎三陂坊，有少少蕩失路，兜左個圈先到呢條巷仔，原來呢度好多鑊氣小炒店😍醉潮館就係正巷尾。佢兩本餐牌好搞笑，中國風，最正係個名本草湯目😂先黎一盅燉湯，好清唔會多油，一盅兩個人分都夠，飲完成個人暖哂🥰呢個砂鍋卜卜蜆煲(小)，其實份量一啲都唔少。不過煲左好耐都唔滾，我地以為未熟唔敢食😂入面仲有蘿白同粟米，我地煲到入晒味，友人表示有啲辣😂嗜辣既我表示正呀😂有睇openrice做功課先黎，見個個都嗌呢個牙簽雞，就嗌番份。一黎到，熱辣辣勁香口咬落去仲有肉汁🤩食完個蜆煲，啲雞都凍咗諗住冇咁好食啦，嘩，好少會凍左都仲咁好食！😋明明好飽都好想食埋佢呀🤪必嗌嘅都仲有呢個紅燒乳鴿，啲肉好嫩滑，個皮又夠脆，讚！

今日到荃灣探朋友，晚餐時間同朋友到其樓下食晚飯，來到三陂坊的醉潮館。餐廳非常多人，等了約10分鐘，終於有位啦。餐廳裝修帶㸃中國古典風味，顯得雅緻整潔。menu非常多款式。紅燒籠中BB鴿子$48紅燒籠中BB鴿子連籠上，BB鴿皮帶小小脆，醃得非常入味，不但夠創新，而且鴿子醃得相當入味，皮脆肉嫩，價錢又夠平民，抵食之選。蜜桃柚子骨$82蜜桃柚子骨份量都算多，一條條的一字骨，足足有兩排，肉骨份量配搭很好，不會太多肉，又不會太少肉。面上一粒粒的蜜桃很香蜜桃味，汁的濃傑度調較得很好及帶甜味，掛著一字排骨，很可口惹味。花膠螺頭燉雞$68花膠螺頭燉雞，養顏美肌滋陰明目，見到這個湯，朋友已被吸引，不要看價錢平民，但料卻十足，湯底又夠清，飲得出的老火湯味道。蒜蓉椒絲炒通菜$68蒜蓉椒絲炒通菜，份量很多，炒得有鑊氣又入味。香辣魚仔炒蟶子$84香辣魚仔炒蟶子，蟶子很大隻又鮮甜，味道帶點麻辣，輿平時的蒸蟶子又是另一番味道。

之前跟好友第二次去荃灣三陂坊的醉潮館食潮州菜，在等位時見到是日燉湯就覺得吸引，我和好友今次點咗以下~~~ 醬滷鵝 $128，潮州菜必食，肉切得厚薄適中，下面的豆腐唔大件，個人覺得不錯~~~蒜蓉椒絲炒通菜 $68，兩個人食感覺大份咗，食落感覺幾爽口，唔會淋~~~家鄉粉絲兜亂 $78，呢個名夠特別，材料有蝦乾、菜、芽菜和豬肉，食落幾好食又唔油膩👍👍花膠螺頭燉湯 $68，裡面夠足料，有金華火腿切粒，可以分三碗多，勁好飲😋😋呢間小店值得一去再去，怪不得平日而又落雨的晚上坐滿人~~~

約咗朋友喺荃灣睇首映「掃毒2」睇戲之前當然要搵嘢食先啦我喺OpenRice搵到一陣，最後都係決定揀咗一間，之前媽媽生日嘅時候已經食過一次黑松露蟹膏蒸水蛋 $88成枱嘅時候好有驚喜，因為已經有一大堆嘅蟹膏。黑松露味幾香，而且水蛋蒸得幾滑溜潮式蠔烙 $88蠔餅嘅份量都幾多，而且蠔肉偏大隻，木柵大約至少一底蠔餅有10至15隻蠔肉。粉漿並不會太過厚，表面香脆，內裏煙韌。 小炒王 $88打冷之最強配搭！新鮮的韮菜花，加入五花肉絲，爆香豬油來炒餸，令到整碟餸會更香口！呢間餐廳平日都爆場，如果去嘅話建議最好要預先訂位。

上網俾佢嘅淩波魚吸引咗黎，之前係深圳嘅探魚度食個淩波魚一食愛上，但係香港就冇再見到過，果然，魚質超級嫩滑！魚腩邊仲啲魚油，好香好好味，$238大大條，性價比真係好高，唯獨係覺得湯底唔夠辣，下次要叫佢加辣但都相當入味，正！呢個竹簽無骨鳳爪($48)，將一串串雞腳浸係佢哋秘製嘅辣汁入邊，一支拎起啖啖肉好爽！個辣到唔會相當嗆喉，惹味再仲少少酸，非常開胃！入面仲有青瓜絲同洋蔥絲塞晒啲味，我同朋友秒速清哂！最後介紹呢個係黎到必必必必食既黑松露蟹膏蒸蛋($88)原本見到個價錢以為佢會冇乜蟹膏同黑松露，但嚟到我真係好驚喜，蟹殼入邊有好多蟹膏多到瀉晒出嚟，食落去水蛋超級滑！每一啖都有好濃郁嘅黑松露味！一碟真係可以送到兩碗飯！必試！呢間餐廳主要係食潮州野，menu入面有砂窩粥有小菜仲有雞煲烤魚，好多選擇！

絕對係荃灣區入面我食過最好味嘅小菜😍同鋪頭名一樣俾人嘅感覺唔係普通嘅小炒店枱凳新淨加上燈光好夠俾人一種好乾淨嘅感覺我哋兩個人食叫咗四碟小菜+1個燉湯.💜花膠響螺燉雞, 一盅$68夠哂兩個人飲, 絕對係物超所值! 所有嘅湯料嘅味道都融入喺個湯水當中而且用筷子夾一夾啲湯渣完全係散晒嘅證明燉得非常夠火侯👍🏻👍🏻👍🏻.💜紅燒BB夾雖然份量偏細但係非常入味😋配埋淮鹽非常惹味.💜椒鹽鮮油炸得剛剛好外脆內有咬口食得出佢個魷魚係非常新鮮唔係一般嗰啲偏淋偏霉嘅口感加上面頭嘅炸蒜, 好香口!!😁.💜香辣魚仔炒花甲王又係好惹味, 辣度剛剛好重點係花甲非常大隻!而且係一啲沙都冇😍必叫!.💜黑松露蟹膏蒸水蛋♥♥♥個蛋蒸得啱啱好就不在話下食落去有好濃郁嘅黑松露香味配上一大堆絕對唔孤寒嘅松葉蟹膏😍根本係想自己一個人獨食🤩謝絕分享!! 呢間餐廳絕對值得再encore!!😍

成日經過三坡坊啲大排檔, 都冇機會試下, 朋友介紹話呢一間潮州菜館非常特別, 我哋一行2人特登係收工即刻遠道而來 呢間都有啲多人, 去到都仲要等5幾分鐘先有得入去影下個大門口先真係坐無虛席㗎, 應該唔會有伏, let's see!個餐牌富有中國功夫特色, 睇落其實都唔太貴, 潮州菜關係,  款款菜式都好吸引, 呢間價錢都合理, 唔似一般大排檔好貴最後經過店員介紹介紹, 我哋點咗四樣撚手小菜:花膠雞煲翅 ( 太吸引了, 不看價錢就點了)紅燒bb乳鴿鐵板黑椒手豬仔肉牙籤雞先嚟嘅係小食牙籤雞超級香口好食, 送酒一流, 份量都好多!推介然後紅燒bb乳鴿來了, wa有個雀籠嘅, 非常新鮮生猛我覺得好食過酒樓, 非常金康, 脆皮沒有油膩感最後係鐵板黑椒手豬仔肉兩個人份量簡直太多了, 建議做多些朋友一齊分甘同味最後就係重點中嘅重點!!!花膠雞煲翅!!最大嘅缺點係貴, 不過...不過...真係超級好飲, 花膠魚翅非常足料, 香甜可口!!!真係不得了, 超級推介!!整體嚟講呢間潮州菜館水準非常之高, 不過就有啲唔太就腳, 有車嘅朋友可以帶埋一家大細親戚朋友品嚐最潮嘅潮州菜館!

荃灣三坡坊一帶都係食肆，成條街都係小菜，行到最尾揀咗呢間 "醉潮館"，比入面裝潢吸引咗😂環境舒適，唔會太嘈又可以傾到計😆晚餐兩個人叫咗5樣...蒜蓉椒絲炒通菜68，份量十足，夠鑊氣！勝瓜白蜆湯68，好多蜆所以好鮮甜，每人飲左3碗👍🏼推介醉潮口水雞68，外表平平無奇，但係醃料好好味，辣度恰到好處👍🏼推介紅燒bb鴿$58，籠中鴿賣相好掂，好特別呀！黑松露蟹膏蒸水蛋$88，蟹膏勁香但又冇搶走松露味，蛋好嫩滑...淨食同撈飯都係咁好食！餐廳上菜快又夠鑊氣，服務仲好細心（食食吓跌咗筷子🥢正想遞手要攞，好貼心嘅侍應姐姐就已經攞緊比我）下次一定再來！

屋企人喜歡周圍試中菜好耐無食潮州野 見網上咁多好評就試下這間餐廳又係一間要預早訂枱的餐廳環境佈置幾有心思 古色古香🦀黑松露蟹膏蒸水蛋（$88）蛋好滑 上面有隻大大的蟹蓋同鋪左好多蟹膏 蟹膏味道幾濃 有少少蓋過黑松露味如果可以有埋蟹肉 我會更滿足🐚砂窩卜卜蜆煲（小）（$168）原來細份都已經咁大煲的卜卜蜆鍋差不多張張枱都有人叫除左蜆 仲有玉米 粉絲蜆算滑得幾乾淨 沒有沙粉絲完全吸晒玉米的甜 蜆的鮮味整個湯都有濃濃鮮味 忍唔住飲左幾口🐤牙籤雞（$58）一淡一口雞 岩晒女仔外脆內軟 同泰式酸辣醬係絕配🥦雪裏紅蝦干菜心煲 （$88）本身係芥蘭 可以轉做菜心配左少少辣椒 非常惹味侍應好有禮貌 會主動清理桌上的碟值得再來一試其他菜式

荃灣三坡坊 大排檔 打冷 小菜館 街頭開到街尾 今次同朋友試下開飯毫無劣評既潮州打冷環境古色古香 幾有風味 好彩六點就黎到 六點半開始已經滿座餐牌有特色 有好多靚湯 小炒可以揀砂鍋卜卜蜆仲煲 小卜卜蜆煲雖然叫左細 但係份量十足 蜆既底下仲有粉絲同粟米🌽 煲中有少量辣椒🌶️ 蜆鮮甜更惹味 完全食唔到有沙 粉絲仲索晒啲精華 唔怪得每枱都會叫一個卜卜蜆煲🍲小米餃小米餃細細隻一口size 外皮好煙韌 入面包左肉餡 口感特別 有驚喜白果胡椒豬肚湯豬肚湯一大鍋 份量應該足夠分到6碗 胡椒味很岀 豬肚厚切份量足 但略微偏硬 紅燒bb鴿 $48 一隻連雀籠上 賣相好適合打卡 bb鴿外皮燒得脆 食落香口 不過偏細隻 冇得啖啖肉 不過勝在肉質夠嫩整體環境整潔有風味 食物質素中上 價錢合理 係同朋友開餐既好地方

荃灣有好多嘅大排檔小炒舖頭三坡坊有好多食肆雖然醉潮館位於角落 但裝修新潮 以及十分爆場黃金秋葵 $78黃金即咸蛋 通常叫啲黃金乜乜嘅菜式 都會覺得好膩但係呢個黃金秋葵 一啲都唔膩 外層脆卜卜 香味濃郁冬菜粉絲蒸九肚魚 $78個菜式相對比較清淡 九肚魚滑嘟嘟可以試到魚嘅鮮味 砂鍋卜卜蜆煲 $168卜卜蜆 聽就聽得多 試就第一次睇住一隻又一隻陸續開口 都幾治癒雖然係(小)嘅卜卜蜆煲 但係蜆嘅份量 遍佈整個砂鍋 蜆 雖然唔算大隻 但隻隻肥美 鮮甜黑松露蟹膏蒸水蛋 $88黑松露同蛋果然係絕配 有好多蟹膏 連蟹蓋底都佈滿蟹膏炒蛋食得多 用黑松露蒸水蛋味道都唔錯 水蛋都係蒸到滑嘟嘟 黑松露香 水蛋滑 配上蟹膏 送飯一流下次再嚟試其他菜式

今晚又同男友出去食野嚕🤤喉嚨痛盡量食清啲啦🤒入正題✍️🔺砂窩卜卜蜆煲❣️滿滿既蜆🤩湯底用左粟米➕白蘿蔔➕辣椒仔🌶️仲有粉絲✅蜆肉處理得好好👍🏻一粒沙都冇👍🏻可以食到本身蜆嘅鮮味❣️粉絲同白蘿蔔完全吸收左鮮味同埋辣椒味越食越開胃🤤2個人叫個細已經好夠食👍🏻🔺牙籤雞🐔呢個我最愛❣️粒粒都好大舊👍🏻真係名副其實嘅牙籤雞因為每一粒都用牙籤串着😂方便食❣️炸到外層好脆肉又唔會太硬同乾仲好嫰有汁😊點埋泰式辣椒漿簡直係Perfect match❤️酸酸甜甜好啱而家咁嘅天氣食🤤🔺涼拌魚皮🤭呢個男朋友最愛👍🏻爽口彈牙又冇腥味❣️而且啲鱗片亦都處理得好好完全冇癡咗喺魚皮上面❤️點埋個Wasabi好似食緊刺身咁😂🔺蒜蓉椒絲炒通菜🥬夠火候炒得好靚👍🏻調味剛好唔會太咸👍🏻送白飯好正😆

果晚我地全部人都食得好開心！都係130埋單，超抵！荃灣人就知道，去三陂打冷，如果食開果一兩間就次次都食，好少試新野，今晚度度都full，醉潮館相對等得冇咁耐，所以就食左，下次都會再食！特別推介先寫：椒鹽九肚魚好脆，好夠味，魚肉好滑！雖然多骨，但都易入口。滷水拼盤超入味，啲豬腸同腩肉同豆腐好鬼正，仲有韭菜！啫啫通菜煲熱辣辣，調味適中卜卜蜆好大兜！但係大家都食到停唔到口，係咁夾，仲有粉絲，入晒味，超正！