醉潮館

营业中

休息中

作為一個潮洲妹，其實我就甚少喺香港食潮州菜，因為我驚有比較有傷害。而今日揀左呢間餐廳係因為佢嘅裝修同啲餐牌好特別，佢好古代客棧嘅感覺。見佢有個專係湯嘅餐牌，我諗炖湯係佢嘅招牌，所以嗌左一個試下。一佢盅有四碗碗仔，所以夠兩個飲，我地試左佢個花膠枸杞炖雞湯，好足料，好甜，好好飲。另外嗌左個香辣魚仔炒蟶子，佢啲辣係嚟自啲魚仔，好惹味，而個蟶子真係好好食，佢好大隻好鮮甜，後悔淨係嗌左兩隻。潮洲菜點炒得嗌蠔餅呢，佢炸到脆卜卜，好乾身得嚟唔會好油，如果蠔仔可以多小小就好啦。然後仲有佢另一個招牌菜，冬菜粉絲蒸九肚魚，九肚魚入口即溶，一放入口啲肉自動滑入喉嚨，啲粉絲索晒味。最後仲有個沙嗲牛肉炒芥蘭，呢兩樣嘢都係潮州常見食材，只係重點係沙茶醬，呢隻係港式沙嗲，所以唔同嘅。但都好夠味，符合香港人口味。

琴日我哋一家人又出去荃灣食飯，上次我嚟食過呢間醉潮館，覺得味道唔錯，所以今次再嚟試過。今次我決定叫啲新嘅嘢食，試吓其他唔同嘅嘢食。我哋叫咗個花膠金湯翅，幾個小菜。呢個係鐵板跳跳豆腐，顧名思義即係係鐵板上面跳舞咁，所以一嚟到就已經聽到鐵板上面嘅吱吱聲，味道好香，雖然係咁高溫下，但係豆腐仍然保持到鮮嫩。呢個就係豉油王蝦，佢炒得好香，而且蝦亦好新鮮，肉質好爽口彈牙，好夠獲氣。呢個就係花膠金湯翅，係有成個鍋咁多嘅，底下仲有個火爐坐熱住，入面仲有雞喺度，所以好濃郁嘅雞湯味，飲咗之後成身暖曬。

今日天氣麻麻地 熱辣辣 大家都無咩胃口就決定一齊去食幾個小菜 飲返杯啤酒 爽一爽先🍻荃灣區美食多就大家都知 估唔到都有隱世打冷之選店鋪裝修鮮明簡潔 衛生情況好好 絕對無平時麻甩佬打冷既感覺🥳Menu選擇花多眼亂 除左平時滷水有得揀之外 仲有d香口炸既食物 小菜 之類侍應亦都好貼心 女仔怕坐風口位 主動問下洗唔洗調位 🥰食物方面 「鴨蛋煎蠔餅」打冷必備鴨蛋增加口感 蠔餅炸得鬆脆 蠔仔極多香口菜 送酒🍺一流🥳「混醬雙雞煲」 係田雞 同 雞肉 二種「雞」肉所煮醬汁好惹味 帶有微辣調味雞煲形式上枱 上枱時能夠保持溫度小炒味十足👍🏻「雪裡紅蝦乾芥蘭煲」分量相當之多 雪裡紅係指蝦乾蝦乾十分大隻 鮮味十足鑊氣十足🔥打冷唔炒得飲返二杯 點左支冰凍啤酒🍻同朋友飲啤酒 吹吹水 爽到震😍

星期六，要做無飯主婦，平時買餸會路過，見到已經好吸引，今次放假唔煮飯終於有理由入去品嚐下內𥚃裝修好雅致，古色古香，感覺好有古舊風味連餐牌都好有心思，分咗兩本，一本小菜的，一本湯品的小菜價錢由＄68起～我地兩個人叫咗四樣食物，先來的係招牌款式～傳統鴨蛋煎蠔烙，蠔烙即是蠔餅，這個蠔烙超級脆，而且鴨蛋味濃，咬下＂卡卡＂聲，煎到炸咁嘅效果，而且煎得乾身之餘，也不會令D蠔仔縮水變乾。又大粒又嫩口，而且一D都唔腥添第二道菜是椒鹽魷魚，＄78嚟講好夠份量，而且炸好熱辣辣即食好好味，魷魚外脆內軟，炸得恰到好處，帶有微微的咸香味，而且嚿嚿都好大件嫁當然唔小得愛人的至愛～蜜桃咕嚕肉，也是大大一碟，夠酸夠入味，值得一提係~雖叫咕嚕肉，但更像厚切豬頸肉，係爽口的，炸粉也只是沾了薄薄一浸，而且每件大小相約，仲無骨添～啖啖肉有肉，當然要有菜調劑一下，簡單一道蒜蓉椒絲炒通菜，炒得青翠鮮綠，嫩滑好味其實這間餐館除小菜外，仲有潮式打冷丶湯品同特式菜色提供，除味道好食外，仲無味精，而且好大碟。4碟餸菜已經夠四個人吃飽，是回頭率極高的食店~

餐廳呢裝修相當光亮，同隔離大排檔相比明顯比較新，先睇下餐牌，除了一啲典型嘅潮州菜，還有一些特別的菜式。另外值得一提，餐牌設計用心，如有一本本草湯目設計得像一本武功書一樣；至於裝修，餐廳樓底幾高，加上當日人流不多，所以整個感覺幾舒服。牙簽雞 ($58)味道非常之唔錯，香口，好脆，配合泰式辣醬的味道，酸酸辣辣。作為第一款菜，實在十分開胃口，實質口感有點和kfc的脆辣雞粒，不過這道是新鮮炸起的，味道更好。砂鍋卜卜蜆煲 (細) ($168)勁足料蜆多到滿哂，送到後用猛火煲到蜆都逐隻打開，蜆都入滿了味，逐隻打開，既吃到蜆肉的鮮味道，也有些湯底的味道。除此之外，蘿蔔和粟米都非常入味，值得推薦，必食！紅燒籠中bb鵨子 ($58)乳鴿比想像中的細隻，但是打卡效果十足。這道菜更適合打卡！鵨的味道其實不錯，不算太鹹；肉質不算突出，不過幾入味！椒鹽鮮魷 ($78)椒鹽鮮魷送時熱辣辣。魷魚外脆內熱，食落少少辣 ，感覺好有風味，真的會吃個不停！份量十足，這價錢抵食！總結餐廳價錢相宜，而且味道相當不錯，環境尚算舒適，如果與三五知己黎食下野更佳，可以吃更多的小菜！

識我嘅人都知道我勁鍾意食大排檔小炒，以前係外國嘅時候幫襯中餐館，都好鍾意叫小炒，但外國野始終唔及中國野 所以返到香港都去唔同嘅小炒店炒餸食，包括咩...陳xx同愛xx... 等 但係朋友竟然推介話荃灣有間小炒都好夠鑊氣 好啦一於黎try try , 呢間餐廳嘅格局唔係大排檔，係有裝修嘅餐廳，餐牌價錢唔貴 ，幾抵食 叫左幾個小炒 蜜桃柚子骨（$82）呢個菜平時好少地方有，我好中意食酸酸甜甜既小菜，叫到黎果然好正，外脆內軟，加左個汁都卜卜脆。椒鹽9肚魚（$78）炸粉夠晒脆，亦唔會太鹹，好好食，椒鹽炸野好要技巧，呢間真係好食！鴨蛋煎蠔餅（$88）睇樣都知道炸得好出色，蠔仔勁多，蠔餅唔會太多粉，最緊要唔會油淋淋！鐵板一口牛（$108）牛肉真係好貴，其他小菜平均都唔使$100，呢個都抵食既，不過略嫌太過份量多蒜蓉椒絲炒通菜（$68）講起小炒點可以少左炒菜，呢間炒得岩岩好。呢家極度推薦，價錢平，坐得好，地方又方便 下次有機會要再黎食。

2019.8.15今日收工同事話約食飯，有人推介呢間小菜咁就試下啦，附近都好多間大排擋小菜，同事推介得都應該好食既，點知仲喜出望外tim😂黎打冷緊係要食鵝啦，肉質唔錯夠入味，蠔餅好正想叫多碟🙈不過都係試多d新野好九肚魚 牛柳粒 同蜜桃骨都好好食 份量又足呢三碟都係我下次黎必點仲有而家出面好小有得食既涼拌魚皮，真係好好食，仲有叫個小米餃試下，幾特別既，仲有大大碟椒絲腐乳通飽到差d食唔唒食咁多都係二百一個人好抵下次就試埋個海膽

荃灣三陂坊成條街都係打冷今次是但搵左一間入去食。估唔到性價比好高 又夠火喉！.點左胡椒蝦同亂棍打死豬八戒無諗過胡椒蝦148係咁大碟之前係出面食只會得5-6隻但呢度既係13-14隻全部用上大頭蝦 煮得入味 肉質爽口彈牙雖然唔係隻隻都大大隻 但已經比相像中高質.亂棍打死豬八戒其實係豆角炒豬肉一上枱已感受到好有鑊氣 香口之餘啲豆角仲好爽口 唔會淋到一pat咁 仲好入味.仲點左個凍盤 上上籤無骨鳳爪再浸係秘製辣汁入面非常開胃 配料有青瓜絲同洋蔥絲 一樣咁好食呢！.走既時候見到隔離枱叫左大大條凌波魚好吸引 下次都要試下！

荃灣三陂坊絕對係我嘅青少年回憶。以前細個係機舖打機，打完成日都會同朋友過嚟食打冷小菜。今日就同男朋友嚟咗呢度回味一下。呢一間醉潮館係街尾，佢裝修係比其他幾間睇落乾淨新潮啲。但係當晚都坐滿晒，等左15分鐘先入座。未入前係出面睇左menu，所以入到去就即刻嗌得，佢個本本草湯目係燉湯menu黎，幾搞笑。咕嚕肉基本上同男朋友食親小菜，呢一味餸係一定必點嘅。呢間都做得唔錯，值得一讚嘅係咕嚕肉嘅皮炸得好脆，調味亦都酸甜適中。鐵板跳跳豆腐呢一個10分推介俾大家，首先佢係好大碟嘅，我哋兩個人係完全食唔晒。佢個醬汁有少少似魚香茄子，充滿鹹香味，同本身冇乜味嘅玉子豆腐係絕配。又係好啱送飯，而且佢鐵板上所以就算個餸去到好後期都仲係熱。花膠雞燉湯呢個係我今餐最期待嘅，亦都冇令我失望。湯係好足料既，花膠同雞都落得唔孤寒。另外我以為$68嘅價錢只係for一位，但原來盅雞湯足足夠兩個人每人飲一碗，咁呢個價錢喺香港又算係好抵喎名爐烏頭食潮州嘢就真係唔少得一條烏頭魚啦。條魚算新鮮，size兩個人食岩岩好，個湯底酸酸辣辣咁，有少少似淡味版酸菜魚。埋單total $424，兩個人叫咗三餸一湯同嘢飲，印象中10年前喺呢個地區

一大班人最岩就係食大牌檔同打冷架啦配下啤酒chill下的確唔錯~今次係荃灣搵食 見到呢度門面幾靚 好有古早味氣息 就決定一試！結果朋友都大讚呢度啲嘢食好夠鑊氣 價格相宜而且大碟！.我地叫左椒鹽九肚魚 鐵板跳跳豆腐同咕嚕肉鐵板跳跳豆腐一上枱即刻明白曬點解佢叫呢個名名符其實熱到係鐵板上跳下跳下 香氣撲鼻豆腐香軟嫩滑 味道濃郁 配白飯就最一流仲有啲肉碎添 用黎拌飯好正！.椒鹽九肚魚肉質無比嫩滑 口感外脆內軟點左醬汁味道更佳 而且會無咁熱氣呢！呢個菜係我最愛 好難得仲keep到咁juicy!.咕嚕肉係加左蜜桃黎炒 有別於一般既店用菠蘿估唔到都幾出色 咕嚕肉完全無骨架 啖啖肉新鮮炸起 好香脆 醬汁都唔會過酸 食到一件不留！推介！.估唔到誤打誤撞都會搵到間高質打冷下次同friend gathering 有著落了！

今日同屋企人係荃灣搵到間潮州打冷既餐廳～食物款式好多，小菜同海鮮都好出色！首先有鹵水拼盤 ($138)拼盤有好多款食物，鹵水蛋，豬耳，豬腸，紅腸，鹵豆腐都有～全部都好入味！重口味既我好中意食啊🤭🥳撈飯一流！黑松露蟹膏蒸水蛋 ($88)依個蒸蛋係令我好驚喜既菜式！黑松露同蟹膏係絕配，無腥味，而且蒸蛋蒸得好似燉蛋咁滑，入口即溶🤭好好食！鐵板黑椒豬仔脾 ($98)上枱時仲係熱辣辣新鮮煮好，小心辣口！黑椒汁帶微辣會有少少咸，食得清淡d既可以抹走d汁，因為豬仔脾本身已經醃得好夠味！豬仔脾肉質好嫩好淋身吾會好韌架👍🏻砂鍋卜卜蜆 ($168)我地得4個人就叫左個小既，睇住佢滾起d蜆逐隻打開好治癒啊！食到最後每隻都開哂証明好新鮮啊！湯底帶d胡椒味清清地，吾會遮左蜆既鮮味，蘿蔔同粟米都好入味好清甜🥰

是日與好友又到醉潮館晚餐，個人喜歡呢度係因為可以飲湯，餸菜又夠鑊氣，而且價錢都幾經濟，如果三五知己走去食就更好，因為可以點多幾樣小菜😋😋 醬滷鵝 $128，好友的至愛，佢今次仲爭曬來食，搞到我食得好少，真心講d肉係幾入味~~~勝瓜鮮甜白蜆湯 $68，飲落感覺個湯的鮮甜，蜆肉倒不少，裡面有粉絲，喜歡吃粉絲的我當然唔會放過啦！勝瓜配搭出來的湯係白色，蜆湯正常唔會自己變色架，我諗應該有落少少薑，因為唔覺有海鮮的腥味~~~潮式炒飯 $78，落咗菜、蝦乾、菜脯和冬菇，食落夠鑊氣又好食~~~椒鹽鮮魷 $78，呢個上碟時熱辣辣，魷魚軟熟，外表香脆，食落有微辣，感覺真係好正

👍🏻環境:餐廳乾淨企理，環境佈置同餐牌也充滿中國風，餐廳會播放音樂，同出面其他打冷舖很不一樣，富有特色又舒服。👍🏻服務:侍應細心態度有善，桌上放在成盒紙巾牙籤，如果有埋濕紙巾更好。[👍🏻紅燒籠中BB鴿子$58]籠中鴿打卡必叫，圖中係一隻份量，隻乳鴿好大隻58蚊好扺食，入口肉嫩多汁、皮脆香口。[👍🏻潮洲炒飯$78]炒飯好夠鑊氣，鹹度適中，口感豐富，配料多樣化有鹹肉、蛋、鴨舌、冬菇。[👍🏻鐵板黑椒豬仔脾$98]中意啖啖肉人士必叫，豬仔脾每件都大大舊，肉質嫩滑，黑椒汁帶少少甜，脾包錫紙方便食。[👍🏻牙籤雞$58]牙籤雞皮有粒粒脆米，一定要趁熱食，炸到好香口，用牙籤篤住雞肉，好方便食用，好有特色。[👌🏻花膠螺頭炖雞$68]湯好足料，依個湯係滋陰首選，老火湯的味道，用左好多雞所以油份較重。打冷舖黎講乾淨企理，環境舒服。

黎到荃灣....多人就最好試下中式菜啦...又可以叫多幾個餸.....煎炒煮炸都十分齊全....！👍🏻👍🏻👍🏻圖文並茂.....不錯！ 通常是被照片吸引....哈哈... 上菜了....出色鐵板牛柳粒.......好有鑊氣👍🏻👍🏻一看便知道新鮮吧.....！炒蜆....好惹味喔.......！環境尚算可以.....不會坐得太迫........而且也很旺場....不會冷清清....但款式都多....下次試別的菜！

嚟到荃灣，多嘢食個個都知，但係又有冇人知潮州嘢又可以幾咁啱後生仔女嘅口味呢，呢一間就啱晒我哋呢啲後生仔啦。首先一入到去，你會見到佢嘅裝修風格都幾古代下，好似去咗拍古裝片咁，都幾有特色，另外，呢度嘅侍應，都係一班後生仔女，而佢哋嘅服務態度，都十分之友善。打開餐牌一睇，有各式各樣嘅唔同嘢食，都幾特別下，而今次我哋就叫咗以下嘅食物。蝦蟹粥：個粥底都幾唔錯，係會食到蝦蟹嘅甜味，而啲蝦佢依一度就十分之細心先將啲蝦開晒邊，令到你食嘅時候好容易就食倒啲蝦肉，個殼就好容易剝番出嚟。豬油渣菜心：豬油渣呢個詞語已經買少見少，所以我一見到呢一個菜式就即刻叫，年青人其實最需要食多啲菜，呢一度嘅菜，同出面一啲都唔同，佢呢一度嘅一碟菜，根本就足夠三至四個人食，對比下個價錢，真係非常之價廉物美，物超所值。花膠螺頭燉雞：呢一個燉湯，真係十級為大家推介，佢呢一個燉湯十分之入味，同屋企嘅落重料燉湯比較，真係不相伯仲，另外，花膠同埋響螺頭仲有雞肉，佢都幾足料下。