醉潮館

营业中

休息中

因為最近香港變得不平靜，已有三星期沒有假日外出用膳，星期日晚決定出外走走，被在open rice內找到這間餐廳的食物照片所吸引，這餐廳位於荃灣的三陂坊，附近食店林立，餐廳內整潔舒適，進店內服務員態度殷勤，替我們推介了幾款食物，我們決定食好D，order了陳年果皮蒸鮮鮑魚，鮑魚用陳皮絲來蒸,每客有六隻，帶有很甘香的味道，烹調的時間剛剛好！令鮑魚不會變硬！另外蒜蓉椒絲炒通菜，份量很多,亦很夠鑊氣，味道剛剛好不會過咸！還有椒鹽鮮魷，是一款邪惡的美食，另人一囗接一囗的！非常鮮味！咕嚕肉，難得的入囗仍然保留香脆，而調味令人非常開胃！整碟一掃光！這間餐廳值得推薦，因為調味控制得很好，而食物和食材亦毫不吝嗇，份量夠！希望大家也能支持一下香港的飲食業！尤其有質素的餐廳！

今次又黎返小胖女帶過我黎食既呢間醉潮館,貪佢抵食又多花款雖然返桌,點都要試下新野既,叫左幾個小菜同白飯,首先椒鹽鮮魷,炸到卜卜脆鮮魷又好爽口,送飯一流,仲有係小胖女炒小菜一定必叫既蜜桃咕嚕肉同埋欖菜肉碎四季豆,咕嚕肉份量好多,加埋新鮮蜜桃,口感特別甜,肉碎四季豆就係送飯正品,好彩份量好多,可以夠哂掃左成碗飯,之後再叫左兩款小食小米餃同埋牙籤雞,小米餃個感覺好似食緊迷你粉果咁樣,個皮好煙韌,好有咬口,而牙籤雞就一定係送酒良品,基本每台都會叫,整體黎講又抵食又大件,味道又有水準

椒鹽九肚魚 ($78)九肚魚肉好鬆化，蒜香味好夠，又唔會炸到油林林，食落熱辣辣脆卜卜，好正 ☺芥末牛仔粒 ($108)每粒牛肉都鋪滿甜甜地既蜜汁，上面又鋪左芥末醬，D牛肉冇醃到lar到林晒，仲好有肉既質感。好味 🥰雪裏紅蝦干通菜煲 ($88)小菜唔少得叫個煲啦，D菜好新鮮，大大條但又唔會硬，葉都keep到有D口感，食到底唔覺油，而家菜汁。佢加左D雪菜同肉碎，令成個菜煲層次再提升左，送飯一流 😆加返枝藍妹 😎 perfect match

今日經過荃灣三阪坊有間潮式菜店 裝修古色古香 木枱木椅 非常有心思 今日我就叫左 三道菜式 分別乳鴿王 豬油渣炒芥蘭 麻辣無骨鳳爪 💁🏼‍♀️首先講吓乳鴿王 係一個鳥籠嘅擺設盛著乳鴿 非常之特別 同埋炸到個乳鴿啱啱好唔會過左火 仲有脆口嘅感覺 肉質都非常之嫩滑 亦都唔同出邊嗰啲鋪頭有鞋口既感動👍🏻下次再嚟都一定會叫 必點菜式 另外豬油渣炒芥蘭 我平時都係食清炒芥蘭好少會落豬油渣去炒 所以我今次叫黎你試吓 點知真係有新嘅驚喜✨ 豬油渣鹹鹹香香 炒左落啲芥蘭到 味道冇諗過可以咁夾🙇‍♀️加上又唔會好肥 同唔會好油 我都幾鍾意呢個菜式👍🏻最後係麻辣無骨鳳爪 多數我食開係酸辣鳳爪 冇諗過可以做到麻辣 食落去即係有麻比舌頭嘅感覺 因為我係一個好食得辣嘅人 所以就覺得唔係好辣 同埋要好似我咁懶嘅人 食無骨鳳爪係最好 唔使咬骨好方便

醬鹵拼盤 ($138) 有五花八門既鹵水野，豬耳、魷魚、紅腸、豆腐、豬腸、腩肉、韭菜、鴨蛋，超豐富呀! 鋪到密麻麻，超抵食 ☺香辣魚仔炒花甲王 ($108)花甲唔辣，但食D魚仔真係要小心 😎 係刺激味蕾既超辣魚。花甲好新鮮，又大隻，全部開晒口，好味 👍🏻蜜桃咕嚕肉 ($72)極品! 普蒂既一碟蜜桃咕嚕肉都可以令我地讚不絕口，D肉大大舊，炸粉好薄，多肉冇骨，醬汁收水唔會漏，蜜桃同豬肉比例岩岩好，D椒唔大陣椒味果下真係 💯

看似一間普普通通既中菜館但係係暗藏驚喜😲😲😲😲呢間有燉湯 價錢相宜 值得一試仲有好多特色既菜 岩哂我鐘意有新野先黎一碟涼拌蔥脆魚皮 另配一碟魚生豉油加wasabi 另類食法 出面一般都唔會點呢隻醬油但魚皮爽脆得黎再點wasabi 真係好食既🤪看似普普通通咕嚕肉 但係係有心機既出品因為肉 唔會太大舊 一d都唔難咬開 肉質細嫩 👍👍👍👍同時配上果肉同青椒加黃椒 酸酸甜甜非常開胃SA.....熱騰騰既鐵板豆腐 估你唔到既 外脆內軟豆腐 就算唔撈飯都好👌🏻 因爲唔會太咸卜卜蜆煲 細既細既都好大煲呀⋯⋯兩個人食係好夠食份量真係好多 $168 係好抵食而且裡面仲有粉絲同栗米 個湯仲可以飲 辣辣地 好好飲真心一間好有心既食店 每樣野都好用心煮我下次會再來 食其他菜式

上一次黎食係同爸爸慶祝生日～因為上次覺得都唔錯～今次同友人再黎試下其他菜式～當日6點到～人未係好多～但過左7點就勁多人爆滿～今次叫左一盅燉湯，一碟小食同兩碟小菜～花膠螺頭炖雞湯真係好足料～花膠都好林～雞湯唔會好油～仲幾清甜～螺頭都好大舊～仲有啲杞子可以明目～養顏必選紅燒籠中BB乳鴿乳鴿都燒得幾香口～肉質都算唔錯～其實唔點醬都好夠味～但如果再大隻啲會更好～鐵板黑椒豬仔髀放左一陣仲係熱辣辣～剛黎到個鐵板咋咋聲～黑椒味好出～加埋啲豬仔髀肉食～呢道菜真係好適合送酒～砂煲盤龍膳 （半條）上次試過覺得好好食～今次都係再叫～問題我係唔多鐘意食魚～魚頭位置啲肉好滑～魚身就好紮實～不同口感～真心推介～P.S.再次光顧都沒有令我失望～

今日去左荃灣行街，行到肚餓就去揾食。本身我朋友想食小炒，所以黎左呢條街，好多大排檔，行到最尾見到間裝修好靚，有啲似古代茶樓既感覺，見到梗係即刻入去啦。我地坐低見到個餐牌都好精緻好有心思，另一本寫住本草湯目既入面介紹左好多唔同既湯。我地叫左個招牌砂鍋卜卜蜆煲，花膠螺頭鈍雞，同埋個牙籤雞。首先黎既係鈍湯，我超級鍾意，佢係好足料，鈍得好夠時間好夠味，一大盅咁，兩個人夠哂飲呀。之後黎既就係牙籤雞，外脆內軟，一枝牙籤插住一粒，岩岩好一口一粒，超方便，仲要岩岩炸起，熱辣辣，加埋個啤酒就岩岩好！最後就叫左個卜卜蜆煲，果然係招牌呀，叫左個細既都超大煲超夠料，隻隻蜆肉都肥嘟嘟，又好新鮮有海水既味道，好滋味呀！呢度仲有有好多款都好想試，下次會再黎食！

今日去咗荃灣探朋友，然後去咗三坡坊食飯，朋友話呢間舖頭好有人氣，要早啲去，最好預先訂位。我哋乖乖的六點就去到，已經有幾枱客人坐响度，未夠7點已經爆滿。餐牌同餐具都好有特色，湯水都有一本獨立餐牌，自然要叫個飲滋潤一下啦。花膠螺頭炖雞$68湯料有花膠、螺頭、雞腳、杞子、雞肉、豬肉， 湯水大約有三碗份量，炖湯唔油， 味道香濃，養顏又滋潤呀！麻辣田螺大腸煲$98好耐無食過田螺嘞，見到有就即刻叫嚟食，送來時香噴噴熱辣辣，店員細心提醒唔好掂個煲，見佢過咗好耐啲汁仲滾緊。除咗田螺同大腸，仲有大蒜、香芹、辣椒乾。田螺香辣惹味，大腸乾淨無異味，又腍又有咬口，辣辣哋，好好味。食辣嘢，飲罐蘋果醋就最夾！雪裡紅蝦乾芥蘭煲$88雪裡紅就即係雪菜，青綠芥蘭爽口無渣，加埋蝦乾雪菜香鮮惹味，正呀！白果胡椒豬肚湯$88配料有白果同排骨，湯水胡椒香味濃郁，入口微辛，飲落順喉暖胃。豬肚乾淨無異味，軟腍有咬口，好味！潮州舖唔單止可以食打冷嘢，仲有靚湯、惹味小炒、街坊小菜，真係幾潮喎。

呢間潮州菜係荃灣好出名，星期日晚多人食到到出面都開多張枱，佢同一般打冷好唔同，裝修走中國古典風，環境好雅緻乾淨，餐廳除咗有好多唔同嘅潮州菜，仲有多款老火炖湯，梗有一款啱你心水椒鹽鮮魷 ($78)鮮魷爽脆彈牙，唔會過韌，炸粉啱啱好，入口完全唔粉，配埋蒜頭、乾蔥、指天椒等等嘅調味料，好惹味呀雪裡紅蝦乾通菜煲 ($88)蝦乾咸香味好濃郁，通菜爽口嫩滑，新鮮無渣，食到最後都冇變黃，加埋蝦乾同蒜頭，非常惹味水煮牛肉 ($88)牛肉爽口嫩滑，麻香十足，唔會過辣，加埋好吸味嘅粉絲，送飯一流花膠螺頭炖雞湯 ($68)呢個湯好推介女士們飲，花膠可以補充膠原蛋白，螺頭滋陰養顏，枸杞明目，非常滋補，湯水面層睇落有唔少油份，但入口清澈唔油膩，香甜舒服

喺荃灣啲小巷內街， 除咗大排檔之外，發現一間小菜館 - 醉潮館晚飯時間尚早，六點幾入去仲未有好多客人。睇得到呢度裝修好似舊式茶樓咁。我地兩個人叫咗三個小菜， 每一碟分量都超多。。其實見佢d湯品都幾多人推介， 但我哋實在太飽食唔落，唯有留返下次再試過😂😍首先係 芥末牛仔粒畀我感覺好清新，芥末味中和咗本身牛仔粒 嘅醬汁味道，變得冇咁重味，仲好岩送飯食! 肉多配料少，真係啖啖肉!其次係 雪裏紅蝦乾通菜煲其實係想食蔬菜又畀佢呢個名吸引到😂 邊食就有食極都食唔完嘅感覺， 分量超多! 味道適中唔會話太鹹， 而且入面蝦乾都幾大粒下!😍唔想叫白飯咁dry，就試下佢講 潮式炒飯好多配料，食落幾香口，有冬菇粒，肉粒，蝦乾。。。一啲都唔“寡“。味道唔會太重，配埋其他重味道嘅餸就啱啱好。👍

呢間位於三坡坊的潮醉館，裝修古色古香，木枱木椅，和附近的一般打冷舖唔同，唔少人放工過黎食個小炒。呢日既重點係食潮汕砂鍋粥，可自由配搭材料，送粥底， 為咗滿足最低消費嘅200蚊，我地揀左花甲王（$60）鮮蜆（$40）2隻象拔蚌仔（$30/隻）同埋一隻蟶子皇（$40）,全海鮮！料多過粥，幾新鮮大隻，粥底好有海鮮味！ 除咗象拔蚌仔要咬多幾口之外，其他都不錯鮮嫩。-傳統鴨蛋煎蠔烙（$88）略薄，脆身既。炒左個蒜蓉椒絲炒通菜（$68）都幾香，油足鑊氣足。呢度仲有唔少名菜，見到四圍每枱都叫得好豐富，仲有好多嘢想下次再試 ！

椒鹽魷魚新鮮即炸熱辣辣好好味，魷魚外皮脆入面軟，食落有微辣，而且嚿嚿都好大件不過椒鹽魷魚熱食就好食，凍左外皮就變得稔而且油膩所以記住要趁熱食先好另外叫左個白果豬肚胡椒湯，湯好足料，入面有唔少豬肚我就鐘意飲湯多D，每啖湯都有好濃胡椒味，好正沙爹牛肉炒芥蘭，牛肉大大塊，沙爹味亦都夠濃， 芥蘭切得細細方便夾，成個菜分量好多，不過芡汁略嫌有啲咸，唔係就會更加好味潮式炒飯材料有鹹肉、蛋、蝦乾、菜脯和冬菇，口感相當豐富。炒飯炒得好夠鑊氣而且有咬口，可以食到一粒粒米飯。

比個肚休息左成個月今日終於出唻搵食！今日簡左荃灣既醉潮館, 先唻叫左半隻霸王雞, 超級滑又又好夠味, 個湯我地簡左白果豬肚胡椒湯, 連平日唔食豬肚既老公都話啖湯好香, 好濃胡椒味！最後叫左咕嚕肉同bb乳鴿, 咕嚕肉肥瘦適中, bb乳鴿就瘦左少少, 不過味道都係唔錯架！餐廳既上菜速度好快, 而且裝修都睇得出好花心機, 最可惜係餐廳位置有少少入, 可能平時行街唔會行到入去, 但依次用餐之後我一定會再去幫襯, 好既餐廳係值得花時間去食架！

上次食完潮州菜之後，一直想再同屋企人再食，今次帶媽咪去荃灣食呢間醉潮館，諗住近近地夠方便。呢間醉潮館係三坡坊，附近有好多大排檔餐館，我地8點幾去到，都仲見好多人食緊，要出面等位，睇黎都好受歡迎。入面細細間，裝修中式風格，佢既menu都好有特色，成本秘笈咁好似穿越返古代。而且碗筷係印左醉潮館既招牌，都相當用心。我同媽咪2個人唔想叫太多野食，叫左個小份既潮州粥，佢係200蚊起，可以自選配料，送粥底。我地叫左花甲王、蠔仔、牛肉、響螺片，仲共210蚊。上黎個陣，發覺都唔算少，而且好足料。花甲勁大隻、數量都唔少接近成10隻。而且加埋好多隻蠔仔好鮮味。每個人都有成3碗幾粥，2個人絕對夠食。另外，我地都叫左個鹵水拼盤，有墨魚、紅腸、豆腐、大腸、雞蛋同腩肉，本身以為係冷盤，上黎先發覺係熱食，而且大大碟，好入味，如果送飯就一流。因為我地叫左粥就無另外叫飯，但就叫左一罐天地一號，佢其實係蘋果醋，用黎解滯或者配重口味既野就剛好。埋單總共食左403蚊，價錢中等，份量都大份，總括黎講都算幾高質，唔怪得咁多人等位都要一試。