鄧記川菜

营业中

休息中

一直都好鍾意K11musea嘅裝修，而且亦都係中高級嘅商場，咁啱我哋book咗中菜，估唔到喺呢啲高級商場都可以食到川菜，可惜真係太遲book啦book唔到海景，佢個海景位真係無敵。我哋嗌左個小食係蒜泥白肉，佢呢個蒜泥白肉同我哋平時食嘅真係零捨唔同，薄薄嘅白肉包住濃濃嘅蒜蓉。另外就嗌咗個豉椒炒蟶子，蟶子隻隻都係啖啖肉，而且係非常鮮甜非常彈牙，個調味較得啱啱好。 而杏香沙律蝦球，係我全晚至愛，蝦球微微炸過，配上沙律醬另外仲有杏仁片，一啖咬落去，爽口彈牙不特止加埋師傅秘製嘅沙律醬真係好好味。香煎蓮藕餅亦都係一個驚喜水準，食得出好足料之餘仲有一層好薄嘅蓮藕片包住，煎香之後，送飯一流。最後最後不得不提就係佢個魚蝦蟹炒飯，呢個炒飯真係物超所值，呢個米應該係絲苗米，好細緻，炒得非常之入味，而且魚肉蝦肉蟹肉全部都食得到，中間仲放埋啲蟹子，口感非常多，最後食埋個精緻嘅雷沙湯丸份量啱啱好。

建议看到我这条评论的人快跑，千万别来这家店！！菜量很一般，上菜很慢，价格偏高，性价比低！点完菜之后还对了菜品在最后还是少上了两样！我第一次知道水煮牛肉是用肥牛片，肉感很不新鲜，菜品像是微波炉热出来的！结账后单据还有错误，但最后还是改正了（大家要注意有没有给你们上小食）不是很理解这家店为什么会被评为米其林推荐，完全不值得来吃的程度。总之想找正宗川味的别来（喝酒的话没有点酒品不予置评，以上）附上菜品照片

慕名而來，酸菜魚湯底味道可，魚有腥味，不值。一位侍應姐姐全程黑面，本是兩位用餐，面對面坐，侍應姐姐直接將兩隻碗甩在一邊位走人。也冇人主動加茶。標榜精緻中菜，如此服務和菜品質素，不可再來。

四川菜不是經常食，因為怕辣。今晚食嚟間又幾好喎，辣嘅程度我可接受。菜館環境非常好，窗口位可望維港景色，也有梳化座，寬躺舒服。醬香桃仁聽聞是四川名物，歷史悠久。醬香濃郁，桃仁酥脆，甜味突出。香酥冰梅骨肉質軟腍，夠入味，甜甜蜜蜜，好味。老壇子大閘蟹原本嘅膏蟹沒有貨，取代的是大閘蟹。大閘蟹可能時令己接近尾聲，蟹膏不多。這道菜式採用老壇子泡菜加泡菜汁，辣椒…等餚製而成。味道少少辣，惹味十足，鴨血都吸收醬汁精華，滋味。成都擔擔麵平時食開的擔擔麵偏甜和花生味重。呢個味道有點似拌麵，比起平常的濃味，感覺呢款比較喜歡。冰粉食過重口味的菜餚，清甜的冰粉是最佳甜品，清清味蕾。

咁耐以來都未正式搵過餐廳食川菜呢排聽朋友介紹呢間鄧記川菜，決定同屋企人嚟試一試餐廳都幾大間，有海景位，出面仲有露台可以睇到維港海景，好浪漫一行4人嚟到，叫咗幾個餸share食醬香合桃合桃好酥脆，而且帶有d甜甜地既味道係一道幾好嘅前菜花膠燉湯雖然價錢唔平，但係真材實料有一大塊花膠，而且個湯燉得好清完全食得出食材嘅鮮味紅燒皇子鴿乳鴿炸得十分香口，而且色澤均勻內裏好多汁，肉質鮮嫩而且厚肉最後仲encore左一隻老壇子大閘蟹大閘蟹十分肥美而且好鮮，配有鴨血作配菜侍應話係有用泡菜嚟整呢道菜係幾特別嘅配搭味道帶啲酸辣，但係好開胃魚蝦蟹炒飯飯炒得好乾身，粒粒分明成個飯充滿着鮮味上湯燴蘆筍，蘆筍十分鮮嫩，而且吸收晒上湯味道嘅精華好滿足嘅晚餐，啱晒一家大細嚟食

提早做冬，今晚黎左食川菜，聽朋友介紹鄧記川菜，於是就book左同屋企人食！鄧記川菜係k11 musea ,出面有個露台望海景好正，先食個前菜，醬香合桃$68，好酥脆，合桃被甜甜既醬汁包圍住，好濃郁食落好開胃！四川口水雞$108，去左骨既雞十分嫩滑，配上帶少少微辣既麻辣汁，好惹味好香！椒鹽豆腐粒$88，其實呢味餸好考工夫，要做到外脆內軟而且炸粉要薄一點都唔容易，但我十分滿意呢道菜，可以食到豆腐既嫩滑，而且外層好薄同好脆，值得推介！老壇子大閘蟹$680，大閘蟹十分肥美，呢道菜係用左泡菜加鴨血去整，吃起上黎有酸辣既味道，好開胃！最後當然要食埋甜品，擂沙湯丸，外皮好煙韌，而內餡就香甜滑溜，為今晚既晚餐畫上完美既句號！

每次諗起四川菜，麻辣火鍋即刻係我腦海浮現。不過原來四川菜係味道同款式上可以做到百變效果，今日同朋友嚟到鄧記川菜見識一下😎餐廳裝潢比起一般中菜餐廳更加時尚，吊燈同木板牆身最能突出時尚既一面。鄧記亦設有室外座位，客人可以飽覽維港景色。不過今日太凍，加上自己著唔夠衫所以無坐到室外🥲。餐廳另一邊係酒吧，餐牌上可以見到中西合壁既酒類飲品。- 醬香桃仁平時我對於合桃微微苦澀既味道麻麻。不過加左甜醬再炒，甜味十足，口感更加酥脆，令人停唔到口。- 老壇子膏蟹香港人做蟹有特別多既做法，包括呢道用四川泡菜整成既老壇子膏蟹。大閘蟹本身蟹肉唔多，但蟹膏非常鮮甜，加入泡菜令人越食越開胃。入面仲有爽口嘅鴨血，味道變得酸酸辣辣。- 紅燒羊肉煲紅燒羊肉煲係餐廳十二月精選既菜式，鄧記既羊肉係我食過最軟稔，而且滲透岀一陣麻辣味，另外一啲羶味都無😍。蘿蔔都好好味！- 成都擔擔麵整體口味唔算太麻辣，花生醬亦唔會太搶，鄧記既口味對我嚟講啱啱好。麵條亦非常細滑，不過份量真係好少🤣紅燒羊肉煲同老壇子膏蟹最出色，而九月至十一月係食蟹既最佳季節，所以非試不可！

今次同朋友去左呢間位於K11 Musea嘅鄧記川菜食飯，餐廳嘅前身係蜀客，改左名後餐牌都冇太大嘅改變。餐廳嘅環境高雅舒適，燈光偏氛暗，窗邊位置遠眺維港景色，氣氛相當唔錯。菜式方面選擇非常多，我同朋友因此都揀左一段時間🤣最後都係試下佢地嘅推薦菜式為主。✨燒椒茄子（$88）涼菜方面我地揀左平時比較少見嘅燒椒茄子。茄子經過蒸熟後放涼，上面加滿左姜蒜蓉，食落口感清涼而香味都足夠。✨酸菜桂魚（$448）呢度嘅酸菜魚對我黎講口味都係偏清淡，麻味同酸味都唔算突出，勝在桂魚魚肉夠滑而且冇骨。除左魚肉外入面仲加左大量酸菜、薯粉同冬瓜，都幾豐富。✨香酥冰梅骨（$168）冰梅骨都算係我比較少食嘅一道菜，呢度嘅冰梅骨新鮮做起，味道方面有少少似食緊糖酥排骨，但甜味比酸味更突出，我同朋友都幾鍾意。✨香辣雞軟骨（$98）雞軟骨都算係唔錯，食落非常香口🤤✨樟茶鴨（$238半隻）樟茶鴨肉質偏瘦，微帶咸熏香，但外皮冇想飲中脆，鴨肉亦冇想像中嫩，如果茶香更為突出會更佳。

作為中國四大菜系之一，四川菜除了以麻辣享譽盛名外，其實川菜是有二十四種味型，大致分為麻辣、辛香、鹹鮮酸甜。掌舵人鄧華東師傅，入廚接近半個世紀，菜式配合不同的材料和調味，從而演繹出千變萬化的誘人川式味道。鄧記川菜座落於尖沙咀K11 MUSEA, 坐享無敵璀璨的維港景色，還有舞動的音樂噴泉 “Water of Stars” 滙演，在這裡一邊用餐，一邊欣賞維港風景，簡直是嘗心樂事。醬香桃仁（HK$68)這款醬香桃仁屬於廿四味型中的醬香味型，桃仁先炸，加入甜醬料上色上味，最後在糖霜中翻炒至均匀。桃仁香酥鬆化，醬香濃郁，甜味突出。陳皮牛肉（HK$98)俗語有云：一兩陳皮一兩金，這款頭盤涼菜陳皮牛肉屬於川菜的陳皮味型，特意選用了川陳皮，氣味相對廣陳皮清新，配合辣椒和花椒，味道麻香惹味。老壇子大閘蟹（HK$589/2隻）這款大閘蟹並非一般清蒸或油鹽焗，由鄧華東師傅自創，用上了四川老壇子酸菜，加入四川鴨血，酸中帶辣的味道更能勾出大閘蟹的鮮甜的美味。毛血旺（HK$288)毛血旺的材料十分豐富，有鴨血、毛肚、百葉、八爪魚仔、午餐肉、黃鱔等。麻辣鮮香的濃湯，香辣誘人，四味俱全。四川冰粉（免費）吃完一輪麻辣的

究竟呢間鄧記川菜同灣仔那間鄧記有冇關係？！？滿心歡喜諗住食鄧記，見K11 musea 開左鄧記川菜。一心去試…. 結果個餐牌係蜀客個餐牌！！！ 講番蜀客先， 佢剛開張時有幫襯過，係ok 的。但之後再食就水準就keep 唔到， 已經係唔值得encore。即係今次佢改左個名，昆左我去食蜀客講番今次食物欖菜肉鬆四季豆 ： 淡而冇味酸菜魚：正常，用桂花魚，ok 的辣子雞：正常偏少水煮牛肉：好味糖醋里脊：正常Anyway, 換湯唔換藥，我唔會再來

中國菜四大菜系入面我最鐘意就係川菜，味道又麻又辣，非常開胃，尖沙咀呢間川菜有名廚坐鎮，味道正宗，而且環境寬敞又有格調，仲有無敵海景，非常值得一試👍🏻老壇子膏蟹 $680膏蟹用左泡菜同埋浸泡過嘅二荊條辣椒等，放入一個壇入面去醃製，食落去有啲酸又有啲辣，隻蟹都夠晒斤兩，食落啖啖肉又夠晒鮮味，完全唔會俾酸辣味蓋過😋肝腰合炒 $188豬肝、豬腰呢兩種食材都好考廚師嘅功架，煮時間唔夠就會腥，但耐得滯又會老同鞋口，呢度嘅豬肝同豬腰都炒得好好，豬肝夠香，豬腰夠脆😆滕椒牛展 $88藤椒牛肉同平時食開嘅麻辣牛肉完全唔同，因為佢唔單止有麻辣鮮香，仲多左一股藤椒嘅獨特香氣，辣味嘅層次更加豐富🤪醬香桃仁 $68雖然桃仁係經過油炸而成，但係完全冇油益味，食落香酥化渣，甜味突出，回味帶咸😙成都擔擔麵 $48紅糖糍粑 $68酒釀湯丸 $38

最近同朋友黎開K11,見到呢間中菜好吸引所以就決定試一試❤️❤️❤️❤️❤️❤️❤️招牌嘅膏蟹超級多膏，同幾個朋友一齊share都得，而且底下嘅鴨血超級入味，令人一試難忘🥳🥳🥳🥳🥳🥳🥳🥳小米粥唔到比較清淡，啱晒小朋友同老人家食，一家人來食飯的話必叫🙃😜😜😜😜😜😜😜😜😜😜😜😜醬開桃仁甜甜地，加上食落卜卜脆，口感得意😋😋😋😋😋😋😋😋😋😋😛

Sake Moment 於K11 Musea的《鄧記川菜》大搞Sake paring dinner。這家鄧記前身為《蜀客》，同是川菜，小的試過覺得味道不錯不過菜式辣度甚高，非人人受得了。為了迎合大眾，這次菜式捨棄辛辣刺激，和洋中菜三結合，盡展日本清酒搭配不同美食之多樣性，為食客開啟了一道滋味的旅程。七時入席六點恭候，不過由於老伴公務纏身小的先行到達。入場發現主人家滿場飛，忙得不可開交也不好意思打擾，遂靜靜地自顧自欣賞佳釀。是晚清酒配餐全為「九平次」出產的作品，歡迎酒是山田錦的大吟釀。唎酒師老闆仔表示山田錦的米種能呈現出較多的香氣，對著酒杯深吸一口，果然香氣撲鼻而來，充滿蘋果、梨子與桃的香味。入口頗甜其中卻帶有絲絲的酸味，平衡得宜。頭盤的北海道蟹腳大蝦沙律以「彼地」作配，這枝美酒繼續採用山田錦米釀造，其中添加了許多洋酒的色彩，清新果香與淡雅的海鮮類菜式甚為相襯。這支揉合和洋風味的美酒更成為許多米芝蓮星級餐廳的御用清酒。第二道菜為鵝肝鮮鮑甫拌野菌，鮑魚醬汁豐富與味道濃郁的鵝肝互相揮映。鵝肝雖只薄薄的一小片，其火喉與食材質素卻是甚佳，惹味非常。如廝重口味的菜式當然要以同樣層次豐富風格獨特的雄

1.椒燒茄子，超級地道超級正，有煙燻嘅味道 。2.海鮮匯，好新鮮，鮮甜 。3.家常豆腐送飯超級配，味道都唔錯 。4.我嘅最愛口水雞，都係必點之一 。5.紅油抄手太細粒，有改進空間😂6. 牛柏葉好嫩口「蒜泥毛肚」。我同佢哋喺呢度欣賞為港嘅夜景真係所向披靡 ，影相真係一流 ，我同四個朋友嚟食，佢哋都話呢度景色超級正 。我哋食之前喺隔離K bar飲咗杯野，再去食嘢，真係冇得頂，因為個景色好靚～我哋嗰晚好開心，直落到11點。哈哈！

今日同朋友嚟食，第一次食呢間川菜，覺得唔差。因為朋友介紹話呢間唔錯，主要係環境舒適，所以就嚟咗試食下。見到佢裏便啲裝修，同環境都唔錯，不過冷氣有少少涼。我哋坐咗喺卡位，兩個人坐，好夠。本身想食口水雞，但係想試吓其他菜，所以我叫咗三款前菜，撈汁青瓜，醬香桃仁，煳辣熊貓筍，覺得味道都唔錯 。青瓜覺得甜甜地，酸酸地 ，有少少辣椒。個桃仁好脆，唔硬。比起其他地方食，佢都算排第一 。熊貓筍第一次食，感覺唔老，好好味。