鄧記川菜

营业中

休息中

已向openrice買套餐， 但當值職員不懂使用， 反而侮辱本人是否已給錢， 好彩給予支付寶有證據買套餐的錢， 擾攘約十分鐘 才可order. 套餐價錢， 看似便宜， 但食物十分垃圾 ， 蝦餃蒸至骨肉分離， 酸菜魚得5片， 最難忍受的時炒菜， 使是用油浸的。 通知當值職員完全冇反應， 垃圾食物不值得再去。

走過店外，被午市酸菜魚套餐的宣傳廣告吸引。走進店內，裝潢簡約舒適，部分座位還可看到美麗海景。侍應很有禮貌，為我們寫了菜。四川口水雞：不太辣，醬汁很香味道很好，好吃得停不了口。香辣桂花魚骹：有少許辣，魚骹炸得香脆，也好吃。酸菜桂魚：點菜時說了要減辣，上菜時也告訴我們已減辣，吃的時候還是覺得比較辣，適合很愛吃辣的朋友。魚肉很多也很鮮嫩，如果可以再減點辣，我會愛上它。鮮炒時蔬：沒什麼特別。擔擔麵：味道不錯，可惜麵有點太軟。黃糖豆腐花：侍應說這是店家推介，我們卻覺得不太特別。我覺得這店食物環境服務都不錯，套餐價錢$298本來也不貴，但加上小食（酸蘿蔔）$25，茶位每人$20，還有服務費等合起來，卻變成了四百元，有點意料之外，還有這是三人套餐，不過我們二人吃，只剩了一碗豆腐花外帶，若是3人同吃，可能份量不太夠。

今日同朋友一齊去咗尖沙咀行街 行完之後見到呢間鄧記川菜 朋友就話想食因為貪佢夠惹味 咁我就捨命陪君子一齊入去食飯啦首先叫咗個前菜 朋友叫咗個醬香桃仁 甘香嘅核桃肉炸咗之後加上甜甜嘅醬汁 係今餐裏面小數唔辣嘅菜式川爆黃鱔 鱔糊可能大家都食得多 呢個四川式嘅黃鱔炒得幾乾身 加上麻子同埋辣椒 非常惹味 送到好多碗飯老壇子膏蟹 蟹非常多膏 頂曬角 蟹味鮮甜幼滑 加上四川嘅獨特香料同辣味 令到成個菜式又香口又惹味香烤牛肋骨 牛肋骨係原條上 非常得體 加上肉都好多 牛肉味重 油脂甘香可口紅糖糍粑 唔太甜但口感煙韌可口 加上富豆味嘅黃豆粉 為今餐劃上完美句號

今日同媽媽食生日飯帶佢嚟到k11 musea嘅呢間鄧記川菜 可惜冇預先book枱冇得坐望到維港景嘅窗口位 餐廳裝修十分典雅 燈光昏暗好有氣氛 係少有靚靚裝修嘅川菜餐廳醬香桃仁 好特別嘅一個前菜 外皮甜甜地加上芝麻十分香口四川口水雞 醬汁味道適中雞肉嫩滑成都擔擔麵 老壇子膏蟹 份量超大 膏蟹真係勁多膏 配上酸酸辣辣嘅醬汁 食到停唔到口樟茶鴨 個皮非常脆卜卜而且有淡淡嘅茶香氣 略嫌肉質較乾乾鍋茶樹菇 醬汁惹味配上清淡嘅茶樹菇 送飯一流香烤牛肋骨 原條牛肋骨都幾震撼 醬汁非常入味 肉質軟淋肥瘦適中紅糖糍粑 外皮炸得香脆 入面煙煙韌韌 加上甜甜地嘅紅糖同黃豆分滿足

以前呢到都係食川菜，跟住而家改了名，又係食川菜，唔知兩間有咩關係呢？唔好理啦，繼續慶祝生日，繼續試餐廳！我係好鐘意食酸菜魚，但係又唔食得辣....經常用熱水浸洗下先食到🤣🤣乳鴿-皮脆肉嫩喔意料之外，做得唔錯，唔會太鹹我的最愛酸菜魚份量幾多，兩個人係食唔曬，裡面仲有薯粉底，酸辣適中，D魚塊好厚，正肝腰合炒簡直係超級驚喜😍😍首先香港無咩地方食到，然後呢到又炒得好好食阿🤩🤩🤩份量大，無異味，味道濃郁手撕包菜正常發揮

前身為蜀客，而家改左名嘅鄧記川菜，平日夜晚到來都有唔少人，今次我哋2個人被安排咗坐高身枱，食中菜黎講比較唔方便，但呢度嘅裝修分成2邊，有中菜設計之餘另一邊都有啲西式fushion元素。醬香桃仁：食落甜甜地，醬香濃郁，夠晒脆口，作為前菜嚟講真係好出色，越食越肚餓。最怕食到啲合桃帶益味，但呢度就冇，仲好香脆、新鮮！煳辣牛肉：大量芽菜墊底，配埋少少麻，多多甜嘅醬汁，令牛肉嘅味道豐富咗唔少，送飯正！小米粥泡桂花魚片，食落其實似魚片粥，但呢度嘅米粒更綿滑細膩，而且用上新鮮桂花魚片同薑絲製成，味道夠鮮又濃郁。重頭戲老壇子大閘蟹係鄧華東師傅自創的菜式，食落味道酸酸地帶小辣，因為用咗大量酸菜同泡菜汁，再加鴨血，味道好夾。大閘蟹都算多膏大隻，第一次嘗試酸菜配大閘蟹，感覺到幾新穎。

平安夜晚好多餐廳都爆滿我哋就試吓呢間川菜點知好有驚喜 仲好好味下次lunch過嚟再試下先！店舖位置好闊落唔會比人哋聽到我哋講嘢私隱度高聽講仲有維港景！！！但係要訂位先有得坐服務都算好殷勤可能新開啦價錢正常 唔會話勁貴但係又唔係平有少少唔開心嘅係呢度茶位$20一位然後小食又係一碟$20淨係坐低都唔見$100咁劑大家要有心理準備先好去我哋叫咗胡辣熊貓筍 （$98）：8.5/10雖然係細碟咗少少但係佢真係家鄉的味道我細細個返鄉下食嘅荀就真係呢一種味道食落去真係好懷念扣分位就真係細碟咗啲 再嚟嘅係香酥冰梅骨 （$168）：8.5/10 哇呢個冰梅骨大大碟 好多舊仲要係好夠熱 夠鬆脆同埋我鍾意佢夠甜不過就唔係好重肉味俾啲甜遮住曬我哋冇叫飯就覺得漏咗啲但係送飯就一流再嚟嘅係紅油抄手 （$68）：8/10佢既紅油抄手唔係真係出面嗰啲雲吞係自己包嘅入面個餡呢雖然細細粒但係個皮呢就好有口感所以真係睇吓你鍾意食咩風味但係我就覺得幾好食扣分位係唔夠辣同埋細粒咗少少到主角麻辣豬手煲 （$168）：9/10 $168佢都算抵食㗎啦都有成7，8舊入面下面仲有個火，暖住個煲好有誠意豬手唔算好淋 好有口感調味都好啱香

對川菜沒有抵抗力，尤其特別有一番情調的，更是更為嚮往。挑選了K11 Musea 的鄧記川菜，餐廳裝潢極時尚，加上有室外座位，可飽覽維港景色，中西合壁給人一種新鮮感。 —醬香桃仁受魯菜啟發的四川名物，不同於一般合桃味道，此口感鬆化酥脆，配以醬香濃郁，甜味突出，下酒菜推介—熊貓筍乾爽脆而充滿麻香味，絲絲分明，可單吃而不覺油膩—煳辣牛肉於水煮牛肉上改良而成，味型從麻辣味轉爲煳辣味；牛肉味極香，配上煳麻醬料，辣度溫和，酸辣回甜，糊辣香濃厚。—老壇大閘蟹是鄧華東師傅自創的菜式，呢道菜以老壇子泡菜加上泡菜汁，以及泡過的二荊條辣椒等，放在壇子內，再加上口感潤滑的鴨血，配合大閘蟹，帶酸辣又爽口。大閘蟹蟹膏滿鴻，蟹身盡吸老壇酸菜酸辣汁，非常好味—回鍋肉炒包菜麻辣味完美覆蓋包心菜，回鍋肉雖不算多但嫩口好搭配，非常過癮最後再來主食一個拌麵及甜品冰粉作結，滿足矣！

<Hong Kong🇭🇰•Tsim Sha Tsui>“咬我唷！老壇子膏蟹”若然你說不吃辣，我會陪你看維港夜景吃不辣的川菜，好嗎？食川菜可以咁咁溫和！唔係淨係麻辣火鍋、水煮魚、酸菜魚咁簡單！而且店內環境比一般中菜餐廳更加時尚高檔，一邊食一邊望住維港夜景，你話係咪好寫意！▪️ 老壇子膏蟹平時食蟹通常係清蒸或者薑蔥炒蟹，呢度就更加特別佢哋係用四川泡菜整成 老壇子膏蟹，大閘蟹本身蟹膏多肉少，而且蟹膏非常之香甜，配上老壇子泡菜醬汁，特別惹味！裏面總會有爽滑嘅鴨血，沾滿醬汁，非常入味！送飯一流，齋食就會有啲鹹唷 嘿嘿▪️紅燒皇子鴿紅燒鴿子皮脆肉滑，兩人食一隻，好似唔係好夠喉🙈▪️香煎蓮藕餅蓮藕厚薄剛好，中層夾住肉滑，外層爽口香脆，內層肉香彈牙，味道唔錯。▪️成都擔擔麵成都擔擔麵份量比平時遇到嘅更精緻，配上香辣肉粒，麵條細滑，味道帶有少少辣，風味十足。▪️醬香桃仁合桃仁以甜醬油炒香，表層起糖沙，入口酥脆酥脆，甜甜地，真係會一啖接一啖！▪️成都冰粉無論食辣定唔辣，都可以食返碗成都冰粉降降溫，清甜解渴食完透心涼！......#chantaljj尖沙咀 #chantaljj四川菜 #尖沙咀川菜 #尖

📌尖沙咀♨️鄧記川菜尖沙咀梳士巴利道18號 Dockside K11 musea 4樓412-413號鋪@dengg.hongkong ❤️衝住個seaview入去食lunch，入到去話窗邊位已closed, 咁都唯有照食吧，環境都唔錯的，茶位$40/位，前菜另計及加一，又唔放seaview位，立即覺得唔抵🤣📍前菜：四川口水雞🌶📍前菜：夫妻肺片兩個前菜都好味，但得豉油碟咁大碟，真係珍貴🤣📍綿陽豬腸米線🌶豬腸夠爽夠滑又辣辣地，正📍清湯水餃麵水餃麵正正常常📍甜品：四川冰粉好似食涼粉咁好得意📍甜品：紅糖糍粑呢個甜品好味不過太少，一啖食晒🤣食物：8/10抵食：7/10環境：8.5/10。。。#食在尖沙咀 #尖沙咀美食 #tsimshatsuifood #香港美食 #美食日記 #美食推薦 #香港美食指南 #川菜 #辣 #食到出汗 #hkig #hkigfood #hkfoodie #hkfood #foodhk #hkrestaurant #k11musea #k11musea美食 #foodie #foodiehk #hkfoodieblogger #hkfoodielife #foodielif

同朋友去到K11睇戲，睇戲前打算醫肚，去到呢間主打川菜嘅鄧記，裝修不錯，坐得幾舒服咁，仲有窗邊位可以欣賞維港景色。可惜天氣比較凍，加上窗邊位已被預訂，只好留待下次。餐牌上非常豐富，真係花多眼亂，一於叫套餐，可以食多幾款，滿足貪心嘅胃口。醬香桃仁，食落香口酥脆，仲有濃郁醬香，帶有甜味，忍唔住越食越多。夫妻肺片，牛肚同牛展都好爽口，帶有少少麻辣，涼拌嘅醬汁恰到好處。陳醋黑木耳，醋香甜甜酸酸好開胃，黑木耳爽口得嚟好滑。鮮椒海鮮滙，非常有驚喜，用左八爪魚仔、帶子、蝦仁拌蔬菜，食落少少辣但海鮮好爽口，好鮮味，非常開胃。淮杞響螺燉老雞，湯燉得好清但好香，飲落好滋潤，雞一啲都唔油。宮保蝦球，椒麻香同辣椒嘅辣味剛好，蝦球好大粒，爽口彈牙，辣得過癮。水煮桂魚，店家用上桂花魚片加薯粉水煮，魚肉同薯粉都吸收左香辣味，好香嘅辣椒同花椒，魚片肉質滑嫩，好惹味，辣得嚟好過癮。四川辣子雞，廚師將雞肉切粒，混合大量炸左嘅乾辣油椒及腰果， 整得非常香口，辛辣刺激，雞肉炸得好脆，非常唔錯。乾鍋手撕包菜，今餐相對清新嘅菜，但炒得好有鑊氣，吸收曬醬汁，幾香！豬腸綿陽米粉，豬腸預先滷好，入味得嚟好淋，側邊嘅配菜同米粉吸收曬湯汁

最近香港的疫情雖然平穩，但是世界各地疫情嚴峻，通關冇期，也十分之懷念過往旅行的日子，今日一於嘗試一下正宗的川菜，嘗試各式各樣的口味.餐廳環境佈置十分之有氣氛，加上在大商場內，因此無論食物環境也十分之高質素.這個桃仁，十分之香脆，入口即溶，送酒也是最美好的配搭.這個四川擔擔麵十分之有風味，有少少辣，加上香辣的肉碎，細滑的麵條，l令這一碗擔擔麵充滿了水準，令人十分之回味.到了這個老壇子膏蟹的份量十足，加上香濃蟹膏，令人感受到幸福，加上配菜利用了酸菜，令蟹肉鮮味提升了不少，大家一定要嘗試一下.這個紅油抄手，配上香辣的辣油，拎餃子十分之好味道.

唔食得辣嘅我表示呢間川菜都唔差🤭-👉🏻老壇子膏蟹🦀💲680用老壇子泡菜加上泡菜汁加埋泡過嘅二荊條辣椒係一個壇子內煮。入面仲有泡菜同鴨血😗雖然過咗食蟹嘅季節個佢都有好多膏蟹！整體味道有啲酸酸辣辣🌶-👉🏻小米粥泡桂花魚片💲288相比之下呢碟味道清清地中和返個蟹 魚一啲都唔腥仲好大片架！-👉🏻成都擔擔麵💲48唔好睇佢細細碟個都幾好食😋夠味得嚟唔會好油-👉🏻醬香桃仁💲68桃仁好酥脆 醬味都濃郁 食落甜甜地啱晒中和辣嘢！-係musea我諗唔洗我講都做到環境幾好坐得舒服又乾淨😗主菜都幾大碟 建議4人以上去🤣佢menu超多嘢食架唔食得辣嘅都會有其他小菜啱食👍🏻〰️〰️〰️〰️〰️〰️〰️〰️〰️鄧記川菜 (尖沙咀)📍尖沙咀梳士巴利道18號Victoria Dockside K11 Musea 4樓412-413號舖

川菜我鐘意食，由其佢在12月份有個生日套餐優惠，4人同行一人免費，我12月出世，緊係要試吓，佢嘅套餐先有4小碟，好正(每款各有特色)跟住有個燉湯，可以大碗d就更好😁酸菜魚d魚肉好滑，窩內除了酸菜佢重有一片片的東瓜片，又幾好食喎！牛肋骨好入味，肉質好滑，花椰菜炒得好爽脆，擔擔麵同埋冰粉都食晒，後來我重叫左糖醋里脊肉（用左新鮮菠蘿）好食呀！😋回鍋肉炒飯又係要食，回鍋肉唔鹹，食晒啦⋯⋯好有滿足感，我下次黎，就會食埋其他野，到時再講你哋知。

好一陣之前幫襯過兩次，分別為午餐和晚餐，水準和服務態度都幾好！星期六去Musea 又想食中菜，見餐廳唔駛等，就決定再幫襯下。首先，帶位個同事（阿姐）黑口黑面，又唔俾茶又冇menu, 要再問另外位同事先有！一張高既長檯分四張二人對坐 （我地坐中間既位）好迫，連waiter 上菜我都要側身讓位！☹️ 揮手埋單個陣，個個阿姐 （mentioned above) 見到都扮睇唔到！食物水準比以前差好多，吾知係唔係轉左廚師？其中兩個主菜，宮保雞丁同埋手撕包菜，又油淋淋同濕身。似未炒完就上菜，同以前落差太大！！！Very disappointing, 唔會再去！