影片
更多
2009-06-14
47 浏览
繼續、到主菜篇：順德人碌鵝：每枱半隻、鵝件頭不大、鵝肉偏肥、半隻只算剛好夠食、味道都唔錯、套用一句說話是鵝有鵝味、作為招牌菜無失禮、鋪底的酸蘿蔔正好可化解鵝的肥膩、配搭算不錯、有人話兩者不是一起煮、有些失望、但一齊煮反而破壞了食味呢、也沒有了解膩的作用！可惜敗筆卻在個“獻”、需知鵝肉本身都夠味、兼幾肥美、加個咁多油的獻、對食味貢獻不大、卻令鋪底的蘿蔔索晒的油…真的畫蛇添足！秘制芭蕉骨：這道菜是推動我寫這篇食評的動力…曾經食過道粉蒸骨、新鮮排骨用米粒包著蒸、米飯吸收了肉汁、肉也因被包裹而保持了軟滑…真可說是其味無窮、如果再用芭蕉葉包裹、讓兩者再加上芭蕉葉的香味、該是讓人垂涎三尺！可惜是日卻棄蒸而炸、結果是肉炸熟了、米飯卻因而變成又乾又硬、若然將米飯炸到像飯焦一樣卜卜脆、入面舊肉肯定未熟！結果呢、套用美x廚房一句話：就是舊肉是熟概囉！貪快從來無好結果、如果非炸不可、不如索性做椒鹽骨之類好過、肯定好食先、個廚連這點智慧都無…煎釀土鯪魚：獻醜不如臧拙的菜式、鯪魚雖大條、可惜食落有骨、重是不止一條、好彩本人不怕食魚骨…連骨都未除淨！的魚肉食落同平日飲茶食的鯪魚球無乜分別。土城炆腩仔：食落無乜特別
順德人碌鵝：每枱半隻、鵝件頭不大、鵝肉偏肥、半隻只算剛好夠食、味道都唔錯、套用一句說話是鵝有鵝味、作為招牌菜無失禮、鋪底的酸蘿蔔正好可化解鵝的肥膩、配搭算不錯、有人話兩者不是一起煮、有些失望、但一齊煮反而破壞了食味呢、也沒有了解膩的作用！可惜敗筆卻在個“獻”、需知鵝肉本身都夠味、兼幾肥美、加個咁多油的獻、對食味貢獻不大、卻令鋪底的蘿蔔索晒的油…真的畫蛇添足！
秘制芭蕉骨：這道菜是推動我寫這篇食評的動力…曾經食過道粉蒸骨、新鮮排骨用米粒包著蒸、米飯吸收了肉汁、肉也因被包裹而保持了軟滑…真可說是其味無窮、如果再用芭蕉葉包裹、讓兩者再加上芭蕉葉的香味、該是讓人垂涎三尺！可惜是日卻棄蒸而炸、結果是肉炸熟了、米飯卻因而變成又乾又硬、若然將米飯炸到像飯焦一樣卜卜脆、入面舊肉肯定未熟！結果呢、套用美x廚房一句話：就是舊肉是熟概囉！貪快從來無好結果、如果非炸不可、不如索性做椒鹽骨之類好過、肯定好食先、個廚連這點智慧都無…
煎釀土鯪魚：獻醜不如臧拙的菜式、鯪魚雖大條、可惜食落有骨、重是不止一條、好彩本人不怕食魚骨…連骨都未除淨！的魚肉食落同平日飲茶食的鯪魚球無乜分別。
土城炆腩仔：食落無乜特別、炆耐的會好的。
粥水浸土雞：好有沙田雞粥feel的一道菜、唔知點解要玩堂弄、食就食得出是新鮮雞、不過食落同一般的浸雞分別不大、係叫做的肉好似嫩滑的咁…
農家四寶：是上面的臘肉幾得意、送飯一流；下面的排骨呀、百頁結呀、筍呀、菜呀全部都貌合神離、各有各煮熟然後放埋一齊、完全欠缺應有的化學作用。
翡翠豆腐：食咗咁多樣、終於有味是自己覺得好食的、話之它是否落了師父！話時話、若然炸豆腐都唔好食就真是死得人！
其餘單尾部份一般喇、雖然我都知呢餐飯價錢有限、但我們食的亦只是大路食材、享用的是廚師的功架、而非名貴菜式。
但食完都食唔出大廚的撚手菜是邊味？
不過樓面的招呼拉回不少分數、廚房出品叫做不過不失、所以計落算叫做ok、但就唔值得專程去食。
始終它俾我感覺都是一間普通的酒樓。
张贴
