郭仔記車仔麵 昌運中心

营业中

休息中

大埔區出名多平民美食，今次就嚟試下大埔郭仔記車仔麵，店面一眼睇到就諗起以往舊式推車仔，不同嘅牌仔顯示了不同的配菜店內環境是乾淨版嘅茶餐廳，有卡位，坐落都舒服入到坐底見到好多選擇，可以配合唔同人嘅口味，只係麵款已經有9款，有經典嘅陳皮魚蛋、雞翼&各種丸類，牛肉、肥牛、豬扒雞扒咩都齊，睇到我有選擇困難症🤣今次就揀左牛肚、陳皮魚蛋、墨魚丸沙爹幼麵，另外叫左瑞士雞中翼&腐乳通菜瑞士雞翼入味嫩滑，香味十足又唔會太鹹，腐乳通菜炒得翠綠，唔會黑蚊蚊車仔麵每樣配菜都足分量，陳皮魚蛋粒粒爽口彈牙，陳皮味突出。牛肚好易咬，睇得出有心機清洗乾淨，炆嘅時間岩岩好，墨魚丸一樣彈牙，沙嗲汁惹味，麵軟硬度不錯食咁多嘢唔使$100，性價比唔錯

食得多西式日式，有時都好掛住港式車仔麵嘅味道🤤車仔麵真係又平又豐富💁🏻‍♀️呢道除咗可以自選配料外，仲有套餐可以選擇📝選擇困難症嘅我揀咗好耐，最後都係揀咗套餐A1😂而家人就自選配搭☺️套餐A1 : 招牌麵 ➖💲45套餐有冷熱飲品，配料有時菜,蘿蔔,魚蛋,牛筋腩，仲送雞翼尖🐔成碗好豐富，加咁沙嗲汁好惹味！陳皮魚蛋好香，有嚼口。牛筋腩好入味，肉質嫩滑，牛筋彈牙。蘿白清甜夠口。米粉底好大份，一啲都唔吝嗇！食完真係好飽🥰自選三餸一麵 ➖ 約💲48麵底是米線加鮑汁，配料選擇了牛肚,水魷魚,流心蛋🥚。原隻瑞士流心蛋好入味，好香甜。水魷尤好彈牙，有嚼勁。牛肚鹵得入味，香軟。炸魚皮 ➖ 💲13魚皮厚身，浸一浸湯，吸收充足上湯。一片炸魚皮集香脆，軟溜，軟腍於一身。【 #郭仔記車仔麵 】📌 #大埔安慈路4號昌運中心地下86-87號舖

好耐冇食過車仔麵，呢間車仔麵選擇多、餸大概40款選擇，而且價錢唔貴。每人叫一碗加個腐乳通菜、飲品。▶️咖喱魚蛋、豬紅、金錢牛肚 沙嗲汁米線咖哩魚蛋有六粒，好夠味！鍾意佢係陳皮魚蛋，口感彈牙！牛肚都非常入味、豬紅夠滑。好食鍾意佢沙嗲汁，辣辣地好香！▶️豬皮、豬腸、手打鯪魚肉 鮑汁粗麵手打鯪魚肉好好食😋豬皮豬腸夠乾淨，估唔到爆汁都幾好食，粗麵口感唔錯！腐乳通菜，腐乳夠鹹香又辣辣地！飲品揀咗鹹檸七，酸酸甜甜非常解渴！

💂🏻‍♀️《三餸車仔麵+凍飲》$48郭仔記以前係喺大埔墟，中學讀書嗰陣已經成日食，而家轉左嚟昌運後面嘅位，都係咁啱有日食大榮華先見到個位置唔算好起眼～中午時間去食都非常爆場，我就叫左個三餸嘅車仔麵，試咗佢哋嘅雞翼牛丸同埋紫菜牛丸就得兩粒比較少，不過振興牛丸係冇得輸河粉嘅份量就真係好多，三餸嚟講係唔係好食得晒腩汁底，河粉同紫菜都索晒啲湯，唔錯！另外杯凍檸茶嘅調味都啱啱好，有茶味亦都有酸味，又唔會太甜，亦都唔會大半杯都係冰頒發軍階：上將🎖🎖🎖🎖

襯天氣涼涼又唔係好凍去左行山，由荃灣城門水塘行去大埔，足足行左差唔多4個鐘。行山既途中不斷話想食車仔麵，就上網睇吓大埔有無抵食車仔麵，發現大埔昌運中心有間「郭仔記車仔麵」。淨係見到餐牌已經好吸引，餸菜款式種類多，有選擇困難嘅你可以選擇食套餐。每一張枱都有醬料和菜脯，小編同朋友仔食了三份一菜脯，帶少少辣味，很好吃。麵底選擇了幼麵$11，醬汁選擇了沙嗲汁。餸有豬軟骨$13，墨魚丸$9、豬紅$9、炸雞扒$13和炸豬扒$13。麵底爽口，沙嗲汁夠香濃，味道帶少少辣。豬軟骨紋得很淋夠入味，豬紅入味又有口感，墨魚丸夠彈牙，整體來說達100分😍😍炸豬扒和炸雞扒同樣都很出色，炸得香脆可口，肉質嫩滑多汁，而且夠入味。牛三寶麵+送魚蛋 $52選擇了麵底為幼麵，醬汁為牛腩汁。餸菜有時菜，牛丸、金錢牛肚和牛筋腩。牛丸爽口彈牙，魚蛋米陳皮魚蛋夠煙銀，牛肚吃起來軟嫩爽口，富有嚼勁。牛筋腩煮得夠淋入味。整體來說95分😍真係食得好滿足！係時候又要做運動😂😂

搬咗入大埔差唔多一年，成日都去大埔街市買餸時候都會經過呢間郭仔記車仔麵🍜，次次都會聞到好香，次次都趕住買餸唔得閒食，終於有時間坐定定試一試佢😋叫咗個三餸粗麵🍜豬紅、咖喱魚蛋、牛筋腩，加秘製醬汁中辣🌶豬紅夠入味又唔會散，牛筋腩炆得夠晒淋，最緊要係個湯底，叫咗秘制醬汁，夠香辣🌶配埋辣菜甫超級正👍🏻冇味精，食完唔會好口渴！每款餸都係$8-13,又夠多款選擇，性價比十分高，除咗車仔麵，仲有生菜魚肉、碗仔翅、瑞士雞翼尖、炸魚皮………下次要試埋先得！

位於大埔昌運中心地下既郭仔記車仔麵當然係香港人嘅名物😳相信人人一定食過😏雖然用嘅食材環境唔係頂級嘅享受😎但係郭仔記做到嘅係性價比高而且質素唔錯嘅一間車仔麵檔◉‿◉普遍如果揀食三個餸一個面底大約$50內就有交易 豐儉由人當然20幾蚊都可以有一個高質車仔麵食佢下午茶先26蚊🤪😛裏面光線充足有大概5至6枱卡位—————————————————————首先1️⃣2️⃣3️⃣👀叫咗個1️⃣雞中翼炸豬扒飯配滷水汁 2️⃣沙嗲汁韭菜生炸雞扒幼麵 3️⃣豬大腸牛腩油麵一杯豆漿一罐Coke Zero1️⃣ 呢個飯雖然唔係話咩貴 特別食材 不過整得好食 簡簡單單 滷水汁雞翼 夠哂入味 豬扒炸得香脆2️⃣ 幼麵嘅質感啱啱好唔會太硬 韭菜足夠 生炸雞扒e之棒3️⃣ 牛腩大大嚿 豬大腸都唔失禮 👀👍🏻👍🏻

今日出大埔辨年貨，途經昌運中心有一間郭仔記車仔麵店舖令我緬懷昔日和父母辨完年貨後一齊吃車仔麵歡樂時光。今日我和伴侶走進一間由1994年創辦郭仔記車仔麵郭仔記乾淨程度一定遠超班過60年代街邊車仔麵啦!我嗌2欵套餐*牛三寶麵～時菜、牛丸、金錢牛肚、牛筋腩加送陳皮鱼蛋👍牛丸爽口彈牙，金錢牛肚和牛筋腩又淋又入味😋奉送冷熱飲品$52👍*八寶麵~時菜、豬皮、豬紅、魚蛋、雞翼尖、豆卜、蘿蔔、紅腸加送雞中翼，對我心多多的人樣樣齊，是快靚正就是最好選擇$48👍蘿蔔淋甜豬皮貫滿酸辣湯的味度豬紅好入味又滑，陳皮魚蛋好香陳皮味豆卜豆美香又入味雞中翼嫩滑而且還有免費清湯提升酸辣湯店主温馨提示不夠辣可以再加辣，對無辣不歡的我絕對是"正"呀🤣👍

今日本身打算去大埔海濱行下，出發前係郭仔記車仔麵食個lunch先，餐廳位於昌運中心，都幾容易搵到😉🌟八寶麵 $48 🍜有成8個餸，菜心、豆卜、蘿蔔、豬紅、豬皮、雞翼尖、紅腸、魚旦，仲送一隻雞翼，蘿蔔最正，煮到好淋好入味，雞翼係鹵水底，又幾好食，麵底簡左幼麵，份量都幾多咖，湯底可簡沙嗲汁、清湯、鮑汁、咖哩汁、秘制辣汁同牛腩汁。$48有咁多個餸，又大碗，仲送埋飲品，性價比極高！👍🏻🤩加$4可轉特飲，簡左奶茶紅豆冰，茶味濃郁，紅豆煮得好淋，幾好飲🤤另一碗我地就簡左自選車仔麵，叫左酸齋、炸豬扒、貢丸，腩汁、河粉，豬扒同酸齋分開上，唔會浸到淋晒，豬扒醃到好入味，炸到好香脆，好好味😋🌟碗仔翅 $20碗仔翅都幾大碗，有蛋花、冬菇、木耳、豬肉絲，味道唔錯，自己加埋醋同胡椒粉就更加惹味🤪📍郭仔記車仔麵 昌運中心 (大埔)大埔安慈路4號昌運中心地下86-87號舖

友人想食齋嘅車仔麵，鍾意呢度d餸整得好到位，就連簡單嘅冬菇、蘿蔔都用心整，就咁食都夠！我就揀其他小食，都好好味。碗仔翅實在太鍾意呢度嘅碗仔翅，有圖有真相：足料又夠份量😁應有嘅碗仔翅材料都有：蛋絲、肉絲、粉絲、冬菇、木耳；未食已經香氣撲鼻😙特別想講呢度d冬菇真係整得好好食，又滑、又厚肉，平時食車仔麵都要嗌嚟試吓。瑞士雞中翼因為友人碗麵無肉，特登叫個淨雞翼☺️呢度d雞翼又係唔使講，睇樣就知好食。滷水入味，似乎瑞士汁以外，仲有加咗d秘密材料～雞翼又滑身同埋大隻，讚！凍檸茶每次嚟都要飲，個茶底真係好得！一定要飲😬

嚟到大埔食滷味就食得多，車仔麵都係第一次，今次就嚟到郭仔記試吓呢度出名嘅車仔麵。門口已經見到車仔麵嘅價錢唔算貴，招牌面仲做緊特價。餐廳位置整潔，用具、醬料擺放有序，不過除咗有唔同嘅車仔麵套餐之外，亦都有單點嘅自選車仔麵。見到個個材料咁豐富，又想食晒唔同嘅材料，我哋今次就冇揀到車仔麵套餐，反而係嗌咗兩個唔同嘅麵。油麵 - 豬紅、牛筋腩、滷蛋油麵 - 生炸豬扒、瑞士雞翼、咖喱魚蛋一上碟見到車仔麵分量十足，油麵嘅口感同其他舖頭唔同，稍為幼身但係麵條較滑，豬紅唔易碎、無腥味，牛筋腩非常入味唔會硬骨骨。瑞士雞翼值得一讚，內外都充滿咗瑞士汁嘅味道，生炸豬扒口感鬆軟，唔會炸完就乾晒。意外驚喜係檸檬茶同奶茶嘅茶底，味道仲正過啲茶餐廳嘅味道，唔知道係檸檬新鮮定係茶底新鮮呢？🍋食完兩碗車仔麵之後我哋兩個都意猶未盡，仲嗌左小食添- $18一碗碗仔翅，分量相當大，同車仔麵湯碗相若！食到最後都捧住個肚走，如果食完晚飯唔夠飽嘅話，大埔嘅街坊見不妨落嚟買下小食，又多一個食車仔麵嘅好選擇啦！喜愛程度：🍜🍜🍜🍜🍜

之前喺附近跳舞，所以成日都會經過到呢間車仔面。呢間不嬲都出名又平又大份又足料，今次咁難得返返來大埔，當然要食返回憶中的味道！舖面裝修乾淨企理餐牌都算多選擇最鍾意佢會有好多醬汁同菜圃佢周不時都會搞啲優惠，趁11月最後嗰幾日，叫返個牛三寶先！加多個鮑汁雞翼尖！一個人都好夠啦😌😌一睇個色就知雞翼尖被鮑汁包裹住，十分入味，燜得勁冧勁好食牛三寶足料豐富，仲送埋陳皮魚蛋牛肚爽口彈牙牛筋有咬口！唔會係冧到一Pat嘢嗰種。牛丸應該就係冰鮮嘅，似係超級市場嗰種，不過不失～成個配搭加埋濃濃嘅牛腩汁真係無得輸。完全係回憶中的味道～🥺🥺🥺食完咁濃味，加杯清清地嘅熱檸水！滿足～

當諗唔到想食啲咩嘅時候車仔麵就成為左一個非常之好嘅選擇，肚餓嘅時候揀多幾個餸；唔肚餓嘅時候又可以唔需要面底淨係食餸一樣咁滋味，最重要當然就係千變萬化又夠晒百搭😎😎😎😎山長水遠去到大埔，除咗行超級城之外當然都要四圍獵食，咁啱碰着唔知食啲咩好，眼見郭仔記呢一間車仔麵人來人往，相信總有佢嘅原因，加上喺出面都聞到淡淡嘅餸菜味，睇嚟都可以一試🔥🔥🔥呢間車仔麵最近亦都做優惠，牛三寶面或者八寶麵都會送額外嘅魚蛋同埋飲品，又抵食有，飲品確係幾吸引，牛魔王嘅我當然要咗牛三寶，食車仔麵嘅靈魂絕對係油面，配埋秘製辣汁做湯底絕對係精華所在牛三寶油面- 所謂嘅牛三寶就係牛丸牛肚同埋牛筋腩，三款都係車仔麵入面備受矚目嘅牛類。牛筋腩已經比腩汁完美入味，除咗唔眼之外更釋出牛筋嘅軟滑。熬製得越來越食得出骨膠原嘅味道。至於牛肚當然要越大越好，同樣已經朔晒啲腩汁喺入面所以零瀉入味🔥😙 牛丸反而係焦點，咬落去亦會發出吱吱聲，呢啲就係手打牛丸獨有嘅聲音，彈牙而且味道夠晒濃郁，呢三個牛嘅配搭真係令到車仔麵嘅精華更加畫龍點睛。 至於油面除咗係車仔麵嘅元祖之外，更加可以感受到又滑又有蛋香味😛碗仔翅- 即使係一間食車仔麵嘅餐廳但呢一度

呢排多咗係大埔出沒，朋友就帶我去食呢間車仔麵。因為大約40蚊有3送麵幾抵食。車仔麵豐儉由人，幾多送咩麵都悉隨尊便朋友話既性價比係大碗麵餐。想講食完覺得個辣菜莆好正，卜卜脆脆咁放係麵上面好有錦上添花既味道豬紅+豬軟骨+雞翼（沙嗲汁+秘製辣汁）（麵底：河粉）河粉出奇地幼滑唔會碎濕濕，一碗入面有6件豬血，豬紅無異味。雞翼都十分入味，但單食會咸少少重口味少少🤏豬軟骨就已經炆到好林，但味道可以濃少少朋友就叫咗牛三寶米線（牛肚+牛筋腩+牛丸）仲送陳皮魚蛋幾粒，米線彈牙有質感唔會煮過頭。牛腩出色，如果牛肚大件厚身少少就好兩碗沙嗲湯底味道好濃郁惹味，中意食辣既朋友可以加辣汁另外加咗腐乳通菜，十份十足，菜都就當造唔老兩個人一人一碗麵+菜+兩杯飲品人均60左右，同埋好味道好地道～細心位：檸茶既冰好碎，更加凍入心透心涼～

作為一個專業嘅食貨客，我嘅使命就係要捐窿捐罅去搵好嘢食，所以我都好鐘意去大埔搵野食，大埔好野食嘅小店真係好多，今日我就來大埔昌運中心「郭仔記車仔麵」來試下係米真係咁正。我就叫左烏冬配牛筋腩、豬軟骨、振興墨魚丸及酸齋，加腩汁及辣汁。腩汁香濃加上自家製辣汁好滋味，牛筋腩炆得香濃入味同埋夠諗👍🏻👍🏻👍🏻。另一個車仔麵就叫左河粉配冬菇、雞翼尖、菜心及豬紅，醬汁就要沙嗲汁加辣汁，沙嗲湯底香加上滷水雞翼尖好入味，豬紅好味😋。