影片
不时都想食车仔面，想揾间正常车仔面都唔容易，好多食开既唔系质素下降，就系执埋🥲呢间面档都算保持到水准，汤底唔错，萝卜、牛肚都够入味又唔系死咸。另外佢既鱼蛋肠粉都ok，可以一试。
继续阅读
大埔老字号「郭仔记」一向出名车仔面面店，位于大埔安慈路4号昌运中心地下86-87号舖。这天趁著悠闲假期特地前往。店内装潢简朴，却人头涌涌，座无虚席，可见人气之盛。我点的牛三宝面料足味丰，牛丸弹牙有嚼劲，金钱牛肚软嫩可口，牛筋腩则油香四溢。选用的幼面煮得恰到好处，配上店家特制辣汁和菜脯，层次丰富。太太的餐盘四宝各有特色，尤其振兴墨鱼饼外脆内嫩，手打鲮鱼肉新鲜弹牙，猪肠清甜不腻，水鱿鱼入口爽滑。两杯冻柠茶清爽解腻，甜度适中，为这顿地道港式小食画上完美句点。难怪店内常见街坊熟客，这样实在的味道，确实值得专程前来。
继续阅读
🔹咖哩鱼蛋金黄色咖哩汁香气四溢，咬落鱼蛋弹牙，咖哩味道浓郁，带有一点微辣，整个口感非常滑顺，热辣辣咖哩汁够哂入味！🔹碗仔翅街头小食点少得碗仔翅！有齐爽脆木耳、软嫩肉丝同埋够哂爽口既粉丝，配上适量胡椒粉、浙醋再加入麻油等调味料，更可提升味道层次！入口先有酸香味，夹杂麻油香，口感弹牙，汤又够浓稠，汤配料丰富，分明层次感令人回味～🔹柠底可乐食完两款街头小食，即刻叫返杯柠底可乐，饮落去酸酸甜甜，清新又解腻，最岩就系食完重口味野食再饮返啖，完美组合～郭仔记车仔面✨地址：大埔安慈路4号昌运中心地下86-87号舖
继续阅读
我食车仔面，平时食车仔面最怕落单𠮶刻，要谂好耐，但有时又谂唔到，搞到要再谂。呢间郭仔记就好方便，扫个 QR Code 就可以安心点餐。我呢个懒人真系好满意可以选择，面可以淋啲，咩都可以加，最紧要有简单选择。我简咗少汤，加咗小辣、清甜萝卜同埋美国肥牛。萝卜清甜，冇渣，肥牛又唔韧。整体味道岩女仔食。如果你钟意食浓味，可以试下我朋友加嘅鲍鱼汁同埋辣汁，咁就系两重口味。柠檬茶真系少甜，味道好正！之后我叫咗个下午茶餐：净𩠌加特饮。南乳猪手够淋，唔太咸，酸斋酸甜，软硬适中，萝卜清甜无渣，陈皮鱼蛋大小适中，凤爪索汁，生菜爽口，菜甫任食辣辣地配幼面一流。另外必推：🩷🩷咖啡红豆冰🩷🩷走甜少冰，红豆够粉，同冰咖啡超夹。平时行过都可以点番杯😋👍🏼
继续阅读
生意无分地区性，而且远近必达。由于公司接咗单比较大嘅生意喺大埔区，所以今日就算千里迢迢都要揸车入去，虽然地点位于市区，但对于九龙人嚟讲都算系一个旅程，不过新界果然好地方，环境同空气都清新啲。喺大埔超级城同个客倾完工程后就各散东西，呢个时候又系化身孤独的美食家，上网睇下附近有啲咩嘢好介绍，就咁打「大埔区美食」就已经出咗几样我钟意嘅食品，其中一款当然系鸡髀，而第二款亦都系我好喜爱嘅港式车仔面，因为中午时间相信鸡髀满足唔到我嘅胃口，而且地方亦比较远，所以最后决定就选择咗喺昌运中心嘅郭仔记车仔面。铺头位处商场外面，就咁睇门面比较简约，但入到去发现已经有好多顾客，真系揾个位都唔系咁易，最后等咗一阵都好快安排到座位。入座后第一时间望下个餐牌， 见到除咗招牌车仔面之外亦都有快餐选择，但对我而言一定要试下个招牌啦，除咗车仔面之外仲有比较特别嘅叫掺掺面，起初唔系好明白系咩嘢，但系见到其他食客都食紧类似嘅嘢，原来掺掺面即系捞面!!! 车仔面嘅𩠌菜款式都比较多，而且都几有特色，例如：秘制猪软骨、咸菜猪肚丝、猪润、猪手等，基本上喺普通嘅车仔面舖未必有，所以吸引好多食客选择。最后，睇咗一阵间决定好啦，𩠌菜上选择咗秘制猪软骨、瑞士鸡中翼同陈皮鱼蛋，另外加杯冻柠茶。由于系手机落单，所以都好方便，面底拣选咗要爽口啲嘅油面，另外配个沙嗲汁（多汁），所有嘢都可以按照自己意愿选择，未上枱都已经流晒口水。等咗大约几分钟已经上枱啦~ 由于呢个餐包咗一碗紫菜汤，所以上枱时候已经令我好意外，因为真系好多年无饮过紫菜汤，我都急不及待饮返几啖，呢度嘅紫菜份量一啲都唔吝啬，份量非常多而汤底好清甜，每啖紫菜汤都好新鲜而且洗得好干净，完全没有任何沉淀物质素相当高。饮品方面冻柠茶少甜，份量好足够而且入口非常冰冻又消暑。饮到一半嘅时候，主菜终于都上埋枱啦~ 见到佢碗面份量相当大，𩠌菜摆盘精美有层次，完全为打卡而设。打完卡后就用迅雷不及嘅速度捞好个面就开餐啦。首先，佢呢个油面底好爽口，完全唔淋身入口烟烟靭靭，配合沙嗲汁味道相当好。及后𩠌菜上陈皮鱼蛋，陈皮鱼蛋喺香港已经有好多年历史，同坊间唔同嘅系入口有陈皮味，而且每粒烟韧弹牙，细细粒容易食，非常吸引。到秘制猪软骨，佢嘅猪软骨都系一件一口，女士们都可以食得好有仪态。佢嘅猪软骨好入味而且非常淋，除咗有猪香之外亦有酱汁嘅加持，味道有层次。最后到瑞士鸡翼，就咁睇卖相已经非常入味，每一只鸡翼好饱满，所有𩠌菜好足料。正当我享受紧嘅时候，见到枱面上有樽辣菜脯而且真系唔系间间舖有，我都唔执输加埋落油面食，辣菜脯好爽脆而且同油面好夹，真系一绝。食到尾声饮埋个紫菜汤，成件事好完满。由于愈来愈多学生加入，所以我都快手埋单走人，呢餐饭$70蚊唔驶，有完整嘅捞面及饮品，再配合一大碗紫菜汤，性价比相当高，又一次证明大埔环境好、大埔人质素高之外，食物亦都有返咁上下，下次再过嚟开会都会介绍俾同事一齐试下。
继续阅读