郭仔記車仔麵

营业中

休息中

元朗巴士站有一間新開嘅車仔麵店，環境唔錯，座無虛席，今日經過就入去試下餐牌除左車仔麵外，仲有粉、麵、飯和小食，講求快靚正嘅香港人，梗係要試咗車仔麵先款式真係好多下！下午茶時間叫三餸一麵或者四餸都有飲品送，坐低問店員有咩好介紹，店員就介紹一個新張優惠有八個餸既八寶麵仲送飲品，由52元減到38元，真係幾吸引😍😍😍不過剛巧我唔餓又唔食豬紅，所以最後齋叫餸揀左豬皮、鯪魚肉、牛柏葉、金錢肚之外，仲揀咗比較特別嘅酸齋同埋鮑汁鳳爪通常酸齋係齋舖食，鮑汁鳳爪喺酒樓食，估唔到車仔麵都食到，別有一番風味。豬皮、金錢肚同鳳爪都炆得好淋，夠哂入味，牛柏葉同鯪魚肉就比較有口感，加埋香味濃郁既沙嗲汁真係好好味。酸齋同齋舖食嘅味道一樣，不過混合埋沙爹汁嘅香味，味道更加濃郁惹味。 另外店員在上菜的時候再畀多一隻碗我，係用嚟放鳳爪骨的，好貼心👍🏻👍🏻餐飲叫咗杯熱檸茶，茶餐廳水準，唔錯。享用這個美味下午茶餐，只係花左半個鐘，啱哂高效率既香港人

有時喺元朗真係唔知有乜好食,今日一落巴士就見到有車仔麵舖新開張,叫<郭仔記車仔麵>,平平地又一餐即刻同個friend入去試下。晏晝點零鐘鋪頭入面都擠滿咗人客,好彩有張卡位啱啱離座,我地兩個可以唔洗搭枱啦yeah~自選車仔麵畫紙落單,價錢分類做得好清晰,除咗啲招牌款式之外都仲有好多款特色小食,價錢公道都好大眾。而家仲有啲新張優惠,八寶麵只係賣緊$38蚊,仲要送埋嘢飲添。我朋友叫咗碗油麵,佢揀咗呢幾款餸：新鮮豬腸+鮑汁鳳爪+魚皮餃+通菜,另外加秘制辣汁。佢話啲新鮮豬腸好正,洗得好乾淨,一啲白色肥膏都冇,鮑汁鳳爪我就不敢恭為喇,我一向都唔鍾意食腳趾其他餸菜都正正常常,魚皮餃有三隻,通菜好鮮綠,夠爽口。而我就叫咗碗幼麵,餸就揀咗魷魚+咖哩魚蛋+豬皮+蘿蔔同埋紫菜,落咖哩汁。最正就係啲蘿蔔,煮得好夠腍,冇渣又清甜,豬皮仲好食,吸晒啲咖哩汁...啱哂重口味人士,咖喱陳皮魚蛋係我嘅至愛,口感豐富夠哂濃味,另外魷魚都夠彈牙,唔錯唔錯

一落巴士就見到新開張"郭仔記車仔麵"見未食午餐就入去試下當日假日下午一點多，鋪頭入面都幾乎滿座，幸好剛好有張卡位走，我地先唔洗搭枱見大部分人都食車仔麵，我地都點左2碗唔同餸既來試下價錢分類做得幾清晰👍新張優惠，八寶麵只係$38，仲要送飲品叫了一碗油麵，新鮮豬腸+鮑汁鳳爪+魚皮餃+通菜加了秘制辣汁新鮮豬腸好正，洗得好乾淨，完全唔會食到白色肥膏鮑汁鳳爪比較似酒樓入面既點心鳳爪通菜是旱通菜，比較幼身，顏色深綠，口感嫩滑另一碗點了幼麵，魷魚+咖哩魚蛋+豬皮+蘿蔔+紫菜加了咖哩汁蘿蔔大讚，無渣又清甜豬皮吸晒咖哩汁😍咖喱陳皮魚蛋同魷魚，夠晒彈牙而且咖喱味超香濃

今日出街做野咁啱經過呢頭，見到呢間食車仔麵既鋪頭都幾大間，裝修好新，而且門口貼出嚟既價錢牌都好平下，所以就入去試下喇！我叫左個招牌麵送飲品$38，凍飲唔使加錢，入面有3個餸，包括魚蛋、牛腩及蘿蔔，牛腩炆得好稔好入味，蘿蔔係非常甜好多水份，食落口一d渣都無，我本身叫左秘制辣汁，有大、中、小辣，我點左小辣 ，所以成碗湯都好惹味，辣味又剛好，枱面有辣菜脯及辣油提供，我加落去碗麵度， 提升左成碗麵既層次。另外我叫左個小食係炸鯪魚球，即叩即炸熱辣辣好正，$29有六大粒好抵食，魚肉彈牙無腥味，真係食唔停口，下次會再幫襯。

經過朋友介紹元朗有間又平又好食既郭仔記車仔麵，今日得閒終於入黎同朋友試下。去到鋪頭是下午2:45。呢段時間鋪頭𥚃面都有幾枱客人，環境都幾乾凈。其實下午3點有個下午茶車仔麵優惠，但無叫到，因為望見個餐牌有好多更加吸引我既美食。首先我地點個新店優惠既八寶麵同埋招牌麵，另加小食瑞士汁雞中亦和酥炸鯪魚球。等左大約十分鐘就到齊所有美食，首先試下八寶麵，原來裡面係有（豬紅，紅腸，雞亦尖，豆卜，羅白、豬皮、魚蛋、菜）組成，湯底係用佢地店舖秘製沙爹汁。嘗試了一啖好有沙嗲味，咬落麵質都好彈牙。之後就試食其他餸，都幾好味。反而令我驚喜係羅白，入口清甜及咬落去無渣令到我食到好滋味。小食方面瑞士汁雞亦係29蚊有6隻，價錢平而且隻隻都好大隻並相當入味，最後係鯪魚球配甜酸醬，都係29蚊有6粒，咬落去名乎其實係外脆內軟不需要點醬也相當好味。總括本人覺得呢間舖既食物係抵食及大碗，味道也不錯。

呢間餐廳，對我o黎講又算係新又算唔係好新，因為好似無耐前先食過佢o既前身，原來已經易o左手了。但內裡o既裝潢同一d 細節o野感覺上又好同出一脈，所以可能只係改o左名唔出奇。anyway，最緊要係d o野好唔好食o架o者~ 今日o黎，食個late breakfast。早餐時段只有港式早餐，車仔麵o個類要11 點後先有得食，不過早餐o既粉麵都可以叫到部份車仔麵特有o既餸，好似豬潤呢d。我點o左個B2 早餐($38)，麵包menu 上寫住「全件」，實物有兩塊咁多，而且係厚麵包o黎，感覺大件夾盛惠。試過o係其他地方食d 厚麵包唔太新鮮，好硬仲要食夠兩大塊真係死得，不過呢度o既麵包就夠晒軟熟。三選一o既扒類我揀o左香脆雞扒，唔算話極之脆，但都ok o既，肉質唔會實ding ding 咁，有時都驚d 餐廳煎得耐得滯。火腿腸無乜特別唔講喇，但呢個餐有一樣好特別o既o野，就係跟餐會連埋一舊吉列紫薯餅。裡面軟滑而鮮甜o既薯蓉，蘸上麵包糠再炸得甘香，食多件都仲得呀！至於友人就叫o左個B1 餐($34)，佢配多士，唔使加錢o既，又係有兩塊……佢個餐有粉麵，就係試o左那個豬潤——薑絲豬潤。好多人叫，點解我知﹖

車仔麵一直是我最喜愛的食物， 見屋企附近最近新開咗一間老字號郭仔記車仔麵， 放假專誠來試一試。郭仔記新開張， 裝修新淨光猛， 卡位坐得舒適， 阿姐招呼幾親切。 有新張優惠， 招牌八寶麵只係38蚊連飲品。 八寶麵非常足料，有雞翼尖、豬紅、豬皮、蘿蔔、魚蛋、豆卜、紅腸和生菜。 雞翼尖醃得十分入味， 入口十分軟滑， 滿口是鹵水汁的香味。豬紅軟熟入味帶蒜香。 魚蛋豬皮夠爽口。 蘿蔔清甜多汁，入口完全冇渣。 豆卜吸收了湯底牛腩汁的精華， 十分惹味。 麵質軟硬適中，份量頗足， 食完感覺十分滿足。

元朗不嬲係美食天堂， 見巴士總站附近新開咗一間郭記車仔麵， 而且是來自大埔的老字號， 當然要試一試啦。郭仔記新張優惠， 好幾款招牌麵食都是三十多元連飲品， 感覺幾抵食。招牌麵($39 連飲品) 配料有牛腩、蘿蔔和魚蛋， 配腩汁和河粉。 牛腩用特製醬料炮製， 醃得十分入味。 牛腩肉質軟腍，充滿柱侯醬味， 十分惹味。 蘿蔔大大塊， 十分清甜爽口。 魚蛋爽口彈牙。 河粉軟硬適中， 配上牛腩汁湯底， 味道一絕。郭仔記仲有秘製酸辣菜可以任加， 酸菜上加上秘製辣椒油。 配上麵食十分開胃惹味。

車仔快，係香港人的口味。原本以為開多一間有多個選擇，今日午餐即刻去試。叫佐一碗招牌麵，魚旦口感好粉，無彈牙感覺。麵質軟，牛腩未夠入味，幸好蘿蔔清甜。總括來講，無下次，寧願去隔離食許祥昌，飲返杯紅豆涼粉。

是日午餐見到有人大叫新張優惠全單9折，我就抱住一試的心態入內光顧~~~呢間小店跟上一手的好麵棧的裝潢完全一樣，只係有數幅食物圖貼上郭仔記的字眼，有部份好麵棧字眼的海報仍在，服務員姐姐的衫都係寫住好麵棧，令我想起「舊酒新瓶」呢個字眼見到海報話八寶麵$38包飲品，咁抵食冇理由唔試吓！八寶有生菜、紅腸、雞翼尖、豬皮、魚蛋、豬紅和豆卜，最後的係我點的米線麵底，味道感覺ok，雞翼尖明顯食到有鹵水味~~~最後埋單仲有9折，折實$34，呢個新張推廣做到呢個星期，咁我應該呢幾日要好好幫襯，因為可以八達通找數