郭仔記車仔麵

营业中

休息中

車仔麵一直是我最喜愛的食物， 見屋企附近最近新開咗一間老字號郭仔記車仔麵， 放假專誠來試一試。郭仔記新開張， 裝修新淨光猛， 卡位坐得舒適， 阿姐招呼幾親切。 有新張優惠， 招牌八寶麵只係38蚊連飲品。 八寶麵非常足料，有雞翼尖、豬紅、豬皮、蘿蔔、魚蛋、豆卜、紅腸和生菜。 雞翼尖醃得十分入味， 入口十分軟滑， 滿口是鹵水汁的香味。豬紅軟熟入味帶蒜香。 魚蛋豬皮夠爽口。 蘿蔔清甜多汁，入口完全冇渣。 豆卜吸收了湯底牛腩汁的精華， 十分惹味。 麵質軟硬適中，份量頗足， 食完感覺十分滿足。