郭仔記車仔麵

营业中

休息中

講到香港經典平民美食，點少得車仔麵！我本身好鍾意食車仔麵，貪佢靈活多變，豐富嘅配料、特色湯底、秘製辣汁，就成為一碗經典港式美食。呢間郭仔記除咗有車仔麵之外，仲有飯供應，迎合埋一班「米飯兵團」！陳皮魚蛋陳皮魚蛋簡直係我嘅至愛，但而家真係越嚟越罕見…新鮮魚肉搭上甘甜嘅陳皮味，真材實料，口感結實彈牙，好有香港街頭小食風味！車仔麵一碗嗌咗淨餸，配料點咗蘿蔔、貢丸、豬腸同埋豬扒，配上腩汁加上秘製辣汁。蘿蔔清甜無渣，豬腸入味有𡁻頭，加埋秘製辣汁，惹味又開胃，唔錯！另一碗就揀咗米線、金菇、鳳爪、冬菇同埋金錢肚，並以鮑汁為湯底！鳳爪軟淋入味，口感一流；冬菇大而厚身，渾圓飽滿；金錢肚滷得夠味，炆得夠腍…椰汁紅豆冰紅豆大大粒，軟綿鬆化，椰汁飄香撲鼻，而且唔太甜，啱晒我口味！整體味道唔錯，而且每樣配料都炆得非常入味！另外，鍾意食辣嘅一定要加佢個辣汁，真係好惹味，非常推薦！

呢日心血來潮想食車仔麵，經過郭仔記見到環境ok仲有卡位坐就入去試下.來到嘩左一聲真心好大碗超多配料！幼麵好有咬口幾好食，點了牛腩汁正！最喜歡瑞士雞翼同牛腩好淋好入味，豬腸又無個種壓味又爽口，魚皮脆卜卜，好耐無食過豬紅同港式車仔麵大滿足🥰.老公點了薯粉都話好好食，中辣佢話辣得幾爽😂值得一讚呢到d姐姐好好人，jo點奶茶忘記叫少甜竟然換過一杯俾我，仲會主動俾紙巾我，超好！.元朗人一定要來試下，朗屏站一出天橋底好方便，價錢親民埋單只係$119，份量夠多又好食又坐得幾好姐姐人又好，jo完全無得挑剔勁推介👍🏻

講到香港地道美食，除咗燒賣魚蛋之外，仲有好多，其中一個我最鍾意嘅就係車仔麵，因為想食咩就可以自己加，今日我就嚟到元朗嘅郭仔記，試吓正唔正先！好，坐低睇吓有咩好食先！呢度平均一個餸都係十蚊，都幾抵食。食車仔麵一定要嗌油麵，油麵唔會煮過龍，而佢啲餸就食得出有用心整，豬軟骨炆得入味，金錢牛肚就好冧，食得出香料味，瑞士雞中翼大大隻，豬皮就爽口彈牙，唔錯！河粉索湯，加少少佢嘅自制辣椒醬，刺激味蕾，正！牛筋腩充滿骨膠原，牛筋入口即化，肥牛牛味濃郁，值得一提嘅係佢嘅酸菜，入口嗰刻酸酸地，之後就有微微嘅甜味，最後就有辣味。椰汁紅豆冰，椰汁味濃，飲落甜甜地，紅豆唔會太冧，食得出一粒粒紅豆，正！

有個朋友仔成日叫呢間外賣平台嘅車仔麵 仲話大辣食唔到 真係笑死我 😂（我係食過一次但今次再帶第二個朋友過嚟食）上次食過大辣 覺得冇料到 再叫姐姐比多左一匙辣醬我 可能因為上次係清湯 所以依然都係唔係好辣今次就叫咗腩汁依然都係大辣😂 初頭落漏咗大辣 後尾加返 但係都係唔係好辣嘅～下次要大大大大辣啦😁但佢呢間舖頭辣係健康 舒服既辣 唔係「媽呀！好辣嗰隻」✨叫咗牛筋腩、蘿蔔、魷魚佢嘅魚蛋好食 不過我計過 ！係叫小食嘅咖喱魚蛋更加抵食嘻嘻😁😁配埋杯凍奶茶走甜就Perfect🤗牛筋腩軟唸 入味 蘿蔔清甜 魷魚就普普通通✨朋友就叫豬大腸、香煎雞扒、+1隻煎蛋朋友10分鍾意豬大腸！覺得好新鮮 洗得好乾淨但係好貴呀😮‍💨得個四小舊 雞扒好食 🍳煎蛋仲係流心～都好食呢間車仔麵餸全部都OK幾好食嘅！同埋啲姐姐都好Nice同埋食完之後都唔覺得好頸渴👍🏼👍🏼

下午，係元朗見客，傾完生意先覺得個肚有點餓，突然醒起朋友話大埔間車仔麵好好食，喺元朗都開左1間，所以，上網查吓，發現原來就喺附近，咪去試吓囉。我叫左個豬皮，魚皮餃，貢丸油麵。先講豬皮，非常入味，超正，而且仲處理得好乾淨。魚皮餃本身就喺我至愛，貢丸是採用振興品牌，絕對無得輸啦！咁好味，一個點夠呀！所以，我再叫左一碗韮菜，豬紅，豬腸。豬腸好正，無肥膏，洗得好乾淨，煮得超入味。真心要俾個讚佢😍😍😍韮菜同豬紅都不失水準。仲有，你可以見到圖片，每個餸份量都不少的，唔會好似出面咁，淨喺俾2，3舊，就當一個餸。所以，真係性價比高的一間車仔麵檔。仲有，我想讚吓呢度個辣椒醬，好味。👍👍👍因為食油麵或粗麵，唔加辣椒醬，會好失色。如果你鐘意食菜脯，呢度亦有提供。總括而言，呢間鋪頭食物，一個字“正”。🌟🌟🌟🌟🌟

平時好鍾意食車仔麵，因為覺得好港式，代表到香港，二來有好多餸可以揀，自己鍾意食乜就加乜，所以不嬲對車仔麵都有一個情意結今次嚟到呢一間郭仔記車仔麵，元朗第一分店，另外喺大埔都有另一間分店，一於試吓佢嘅車仔麵啦。一睇個Menu，有好多餸可以揀，醬汁亦都係自家調配，睇落就已經好吸引，好想樣樣都食晒，但係奈何我地個胃好細，所以要揀啲好想食嘅嘢嚟食如果揀唔到嘅話，都可以試吓佢嘅招牌面，牛三寶面，豬三寶面，同埋八寶面，都好似好好食咁。嘢飲叫咗兩杯，一支凍豆漿，同埋一杯凍檸檬茶，我覺得食車仔麵配凍豆漿真係好夾。小食叫咗呢一個咖喱魷魚， $29大大碟，兩個引來分享啱晒，咖喱味好出，而每一條魷魚都好爽，配埋個咖喱汁食真係好好食，呢一個真係極度推薦。呢一個面就叫咗豬腸，蘿蔔配米線，個汁嘅湯底係咖喱汁，辣道適中，好啱一啲唔係好食得辣嘅人食另一個面就叫咗炸雞扒，冬菇，同埋咖喱魚蛋，再配一個中辣，個粉就揀咗米粉，哇個雞扒真係好好食，啲冬菇好夠味，同埋啲咖喱魚蛋真係好地道，重點係個辣汁，個辣汁真係好辣，所以佢專登用第二個匙羹嚟不起佢，費事你辣都食唔到啦，呢樣野真係做得好好呀，如果你鍾意食辣一定要黎試吓佢個辣汁，真

牛肚、魚肉、芝士腸、翼尖、陳皮魚旦、生腸、豬皮等等，兩個人食咗8、9個餸，再加多個魚皮叫得好開心，好滿足，已經食第二次黎，元朗多了呢間車仔麵選擇，真好！唔係講少，真係每款餸都好好味，佢個碗又大大個，唔會話因為你叫4，5，6拼會每樣餸比少啲你，所以真係好值得多拼。其中好鍾意魚肉、豬皮、牛肚，豬腸，樣樣都好入味，牛肚豬腸唔覺肥膩。麵底我哋叫油麵同米粉，都唔錯呀！其實仲有好多款餸未叫，一定有下下下下次想信佢係一間食不厭既車仔麵！

我會形容佢為超特色車仔麵，因為除咗平時食開既車仔餸，佢竟然有酒樓點心正中鳳爪（好好味）、煎何包旦（咁都得😄）、蠔汁炆冬菇（做節咁好味），種類已令我surprise, 味道仲非常得，認真度超高，如果鐘意食呢類美食真係要點，佢份量都多㗎，好味又抵食，唔係講笑！😋當然佢既正路車仔餸都好正，我哋叫翼尖、豬腸、牛肋腩、豬皮、芝士腸、牛丸、肥牛等，各種都保持到原味（好多車仔餸都係一個味），所以我大力推介呢間車仔麵👍

大家都知我成日係喺元朗搵嘢食～不過今次如果唔係同事今日帶我去食，都唔知原來有間車仔麵店係元朗廣場隔離嘅巴士站附近～最鍾意卡位食店夠寬落～一入店內坐低，睇睇餐牌～見到有d一早set好嘅車仔麵麵料套餐～好抵食！但今日堅想食豬紅、魚旦、魷魚～所以索性自己配搭～寫紙叫餸好方便，價錢一目了然～想食幾多叫幾多～大食細食都照顧到！我揀左車仔麵嘅必點配搭，豬紅、陳皮魚旦、咖喱魷魚、蘿蔔跟油麵底～同事揀左秘製牛肋腩、豬扒、炸魚皮跟油麵底～碟炸魚皮好大碟！我地大家交換餸食～可以每款餸都試下～食完之後，都一致贊同每款餸都好好食！會再翻兜！同事話佢嘅秘製牛肋腩好稔夠入味！搞到我都想下次試埋佢嘅牛三寶麵！而我最愛佢嘅蘿蔔，甜而無渣好好味！仲有咖哩喱魷魚同陳皮魚旦，完全係車仔麵嘅精髓！下次要再食過！加左錢飲奶茶紅豆冰，紅豆超綿，好好味！如果茶味更濃就更正，比多次機會佢，下次再點過～

隨住愈來愈少人出街食飯我繼續嘗試元朗既車仔面今次黎到呢間8點入到去得一台客猶疑左一下係咪準備關門原來唔係坐底前都要量體溫黎到食車仔面面底當然選擇油面餸我就揀豬紅牛腩同陳皮魚蛋陳皮魚蛋係我由細到大最鍾意食既魚蛋黎另外選擇左秘製辣汁既小辣叫一碗面加$9 有涷/熱飲坐左5 分鐘碗面就到左湯底加上辣汁 唔會太咸但亦唔濃味個比例啱啱好辣度就同大型連鎖米線既小辣差唔多牛腩蚊得夠淋 唔會咬唔開豬紅無特別咁烹調只食到豬紅味陳皮魚蛋好食飽就唔算飽但整體黎講還好未試過都可以試下

我近日唔使返工，行行吓去咗968巴士總站對開一個車仔麵，叫郭仔記在順發大廈。一心諗住求其食啲嘢，點知超驚喜🥳，尤其係佢啲蘿蔔 ... 甜到呢😋！車仔麵小店好難得有如此水準，店主更細心，自家製辣菜莆，令到碗車仔麵😱😱 ... 更加正。

今日年三十晚一入到元1朗 已經四點幾啦又未到 食飯 時間， 所以就食個下午茶先諗住又 食米線， 大已經收爐， 得一間車仔麵 還開所以入去試一下啦。貢丸，豬軟骨，沙嗲汁米粉加豆漿。 賣相一般， 但係個汁真係幾好 夠濃郁 牛筋🐮，豬皮🐖，通菜，秘製咖哩汁，粗麵， 咖哩汁 惹味濃沃牛筋爽口

本人都幾鐘意食車仔麵，因為可以睇當當時的心情去選擇食乜餸，配搭自由度好高。住係元朗，車仔麵檔都算幾多，今次食一次食郭記，感覺上裝修幾新，位都算闊好坐，今次要左三個餸，瑞士雞翼，咖喱尤魚，咖喱魚蛋，當中有我最鐘意食的咖喱尤魚，因為一般車仔麵檔都只會有尤魚，但卻係最失望，同我想像中有d出入，佢唔係用咖喱汁奄到入味，只係尤魚溝咖喱汁係碗麵入面，咖喱汁已經同湯溶到一體而尤魚就變返普通尤魚，而另外試的二個餸都唔錯，瑞士雞翼同咖喱魚蛋都入味，魚蛋有咬口，唔會淋。另外比較欣賞的係佢湯底選擇算多。而特飲 紅豆奶茶中規中矩。整體嚟講呢間鋪都算啱食

郭仔記雖然是一家車仔麵店但依家係店門口增加左一個小食車仔檔有魚蛋燒賣等小吃售賣今次去到 我地就試左其中四款小食同一碗麵食-----------------A2牛三寶河粉 沙嗲汁和其他車仔麵店一樣可自選車仔麵的配料 麵底和汁它們亦會有配會好的選項可供選擇有些會一個價錢也包一杯飲品。小食則點了生菜魚肉 魚蛋 燒賣 及腸粉最特別既係個生菜魚肉如果可以食得辣既人 可以自行加辣菜莆除左可以令味道更豐富之外 仲可以增加口感架

我點了一碗秘製牛腩, 貢丸, 雞翼尖, 公仔麵來吃...來到已經嗅到湯底有燶味, 好難食...貢丸又唔彈牙...雞翼尖沒味...牛腩還可以不過重香料味...整體來說超難食