郭仔記粥麵專家

营业中

休息中

一向都鍾意食車仔麵嘅我，鍾意周圍試吓唔同嘅車仔麵餐廳，今次經過大埔墟就入去郭仔記試吓。餐廳門口有外賣形式買賣熟食小食，記得呢間鋪頭已經好多年歷史，而且一向多街坊幫襯。座位有卡位同埋中間嘅長枱選擇，去到嘅時候都已經幾乎爆滿，可見非常好生意。點餐以自助形式，首先在枱上面嘅餐紙選擇自己喜好嘅車仔麵配菜同埋麵款，以圈出形式展示比店員，就可以落單。我實在太鍾意食車仔麵啦，當然唔少得揀我最鍾意嘅滷水雞翼、鳳爪、豬大腸、豬紅、紫菜同埋牛孖根等嘅配菜，麵底我就揀咗油麵。賣相非常吸引，好大碗！而且食物非常豐富呀。當中嘅滷水雞翼非常入味，而且肉質鮮嫩，質感非常林。湯底沙嗲汁味道非常濃郁，油麵非常入味，而且有咬口有質感。食完之後真係非常飽啊，而且只係街坊價幾十蚊一碗，真係好抵食。

住開呢頭間唔中都會嚟呢間店食車仔麵，今日就帶埋朋友食下local嘢。呢間舖其實唔係得車仔麵食咁簡單，仲有好多小食，芝士撈公等，款式頗多。車仔麵配埋豬頸肉、豆卜，呢度嘅豬頸肉幾有水準的，食落爽口，大件，又香口，而豆卜入晒湯底腩汁嘅味就唔洗講，而且呢度講到明個湯唔落味精，係熬出嚟，香港地嚟講相當有誠意。碗仔翅，好大碗，主要配料有雞絲、蛋、粉絲，而麻油、胡椒粉、醋係晒枱面，自己落先係最就到份量！魚蛋$10九粒，係街邊食開個款，好地道，而且個醬好香，食到停唔到口。

香港有好多本地人經營嘅街坊食店，唔好睇佢哋雖然冇金碧輝煌嘅裝修，佢哋買嘅係自家用心製作嘅地道食物，今日就嚟到郭記試吓呢一間大埔嘅自家小店。佢哋小食方面都係走香港地道路線，沙嗲牛柏葉同埋沙嗲魷魚呢啲係香港地道車仔麵店一定有嘅！唔好因為睇落似係普通嘅牛柏葉同魷魚，佢哋嘅沙嗲汁係自家用花生碎做提味同10幾種唔同嘅香料令到炮制而成，老闆話淋上去一黎可以食到牛柏葉同埋魷魚本身爽彈嘅口感，但又可以同時食得到沙嗲醬嘅惹味，用最地道嘅方法做到色香味俱全。車仔麵我諗都唔需要向大家多多介紹，呢樣真係老少咸宜嘅香港特色食物，有相片都可以見得到韭菜非常之新鮮，魚蛋係用咗地道嘅陳皮魚蛋，豬紅爽口彈牙，蘿蔔真係一定要食因為佢哋嘅蘿蔔用咗魚湯做湯底令到蘿蔔非常之清甜！作為香港人我就一定係支持返香港本地嘅食物，呢類型嘅食店係香港今年真係買少見少，希望大家多多支持郭記用心既食物！

尋日同細佬、媽咪帶著兩個小人兒去咗大埔舊墟食郭仔記。我地分別試咗腸粉同車仔麵。當然亦唔少得果皮魚蛋啦。小JM媽都好喜歡食果皮魚蛋架。今次我地叫咗兩款腸粉餐同兩款車仔麵餐。1. 腸粉配果皮魚蛋腸粉比較淋身一啲，但仍然好香滑。果皮魚蛋亦都有點淋，變得唔夠爽口，果枝4味亦略嫌有點淡。2. 腸粉配燒賣燒賣還可以，不過不失。3. 大腸蘿蔔豬紅車仔麵牛腩汁湯底大腸、豬紅尚算不錯但蘿蔔味稍為略淡麵身亦不錯，不會太淋或太硬4. 豆卜紅腸牛肚河牛腩汁湯底牛肚味道不錯，亦夠爽口，不會太韌豆卜、紅腸中規中矩整體而言車仔麵算不錯。

大埔買過腐竹後到附近的內街吃晚餐。一個人吃得隨意一點，找來一間車仔麵填肚。從前稱為嗱喳麵，如今不再骯髒改叫車仔麵，恰好這間舖真的有一輪車仔用來煮麵。門外的外賣客主要買燒賣魚蛋腸粉。魚蛋似乎真是勁辣，顏色頗深色。車仔麵沿用舊式點菜紙，簡潔清晰。最少兩餸一麵還不到$30，價錢大眾化。單單是車仔麵配料選擇達46款，湯汁還可以自選。椅子還未坐暖，姐姐很有效率走來下單。初到訪只好叫姐姐等一等，似乎大部分人都是熟客。交了單子給姐姐，大概等候8分鐘食物製作完成。開放式的廚房對向著公園煮食，另加設擋板阻礙塵埃。衛生或食材一目了然，吃得較安心。豬軟骨.芥蘭.雞翼.河 (牛腩汁) $38 芥蘭菜葉沾有油份，做到炒菜的感覺。芥蘭嫩滑無渣，吸收牛腩湯汁後特別好吃。雞翼有兩隻，不算是大隻種。$10有兩隻價錢合理收貨了。滷得入味，皮肉還是呈完整狀態，沒有煲太久以致過淋。豬軟骨帶少量肥調味到位，份量頗多。骨的部分不多但未熬至軟。不多車仔麵提供豬軟骨，可以一試。桌上還有菜脯辣油等等調味料，湯底原味簡單就是最好，好吃的食物不需要加多餘味道。河粉份量不算特別多，以質量取勝。河粉堅挺通透，夾起不曾折斷。浸於濃湯中漸漸吸收味

大埔好多人都話多野食，不過近年就愈來愈多連所餐廳，我就比較鐘意幫襯下自家小店，今日就同朋友去左係大埔既郭仔記粥麵專家。店頭自家經營，我第一眼就留意佢地既車仔面，仲有好多唔同既小食，我就同朋友點左一個沙嗲牛柏葉，沙嗲魷魚，仲有兩碗車仔面。首先講講沙嗲牛柏葉，煮牛柏葉既時間掌握得好好，滾水拉熟爽口彈牙之餘唔會有雪水味同腥味，淋上沙嗲汁同食令到本身滾水拉熟無味既牛柏葉立即變身，沙嗲汁充滿蒜香同蝦米嘅香味，夾到牛柏葉既口感。之後就講講佢個沙嗲魷魚，魷魚就用上大大條原條水魷，特點係多肉彈牙同魷魚鬚大大條，經過老闆自家既處理之後魷魚唔會有雪腥味同鹼水味，保持到彈牙同肥厚既肉質，就算係切開都有一定既長度先可以有口感同賣相，配合埋沙嗲汁真係色香味有齊。到車仔面啦，份量好足一定夠正常男士食得飽！配料份量多之餘品質都好好! 唔好睇佢平民嘅賣相，佢哋嘅魚蛋係用咗陳皮魚蛋爽口彈牙仲有好濃郁嘅魚味同陳皮香，清湯蘿蔔食落口無絲魚湯入晒味，豬紅唔腥仲好有咬口呢樣真係香港無幾多間車仔麵店可以做得到，韭菜拖左油香口得黎慢慢索晒湯既味道！平民小店嘅食物賣相的確未必會有連鎖餐廳咁精緻，但係食物裏頭嘅心思同人情味有時真係連鎖

放假同媽咪入大埔行下食下，就入左呢間車仔麵諗住試下。餐牌選擇好多，有飯，芝士撈公仔麵同車仔麵。叫左三餸麵，有豬腸，魚蛋同雞翼油麵，腩汁湯底，望落個湯都好濃，食落豬腸雞翼都好入味，魚蛋有成八粒，好大碗好足料。媽咪就叫左個四送麵，墨魚丸，腸仔，豆卜，生菜，沙嗲汁，望落都好豐富。炸燒賣跟車仔麵都係跟$8有六粒，都好平，炸得脆脆的，幾好食！腐乳通菜$17，菜都好嫩而且都大大碟。魚肉翅$22大大碗，足料又多魚肉。叫左杯凍豆漿都係$6，好香豆味同夠凍。

​ 今日來到大埔逛一逛餓餓地順便搵檔小食店食下，就入左檔位於大街既郭仔記粥麵專家食。 入到去店員安排了卡位就座，叫左碗車仔麵食， 自選四個送車仔麵，配沙嗲醬，湯底味道好夠， 墨魚丸大大粒夠彈牙，豆卜都有好多件👍🏻 加左杯凍豆漿$6，豆漿都好香滑。 炸燒賣$8炸得剛剛好，咬落好脆口。 魚肉翅$22都係好大碗，多魚肉又夠味。 全部食物都上得好快好有速度，而且熱辣辣大大份好足料。 郭仔記粥麵專家 大埔大榮里42-44號美發大廈地下

餐廳位於大埔，附近好多嘢食，今次想食地道嘢就㨂咗呢間。先睇餐牌，茶記嚟講個餐牌整得好精緻，大部分餐都附有圖片，幾吸引。嚟到梗係要食車仔麵，啲選擇好多，而且都幾抵食嘅。最低消費兩餸一麵，即係最平$28已經食到。另外仲有得加$8有六粒燒賣食。今次我就叫咗四個餸，豆卜、蘿蔔、鹵水雞蛋、豬頸肉配油麵。油麵個麵質唔錯，唔會黏笠，雞蛋鹵得好夠味，而蘿蔔好夠淋又入味。另外叫咗個生菜魚肉，好足料，啲魚肉多到滿瀉咁濟，而魚味幾香，個湯好香甜而間舖標榜無味精，所以都飲得幾安心。

上星期三晚上，放工後，喺大埔墟火車站行過去大明里附近睇吓又有咩好食。剛巧被郭仔記發光嘅招牌吸引咗，見佢都幾多客人坐喺度食，又實在好耐冇食車仔麵，所以決定入去試吓😉枱面放咗佢哋嘅車仔麵Order紙，上面都好多選擇。店長見我望住Order紙好似有少少選擇困難症，就過來推介郭仔記自家製豬軟骨。因此我叫了一碗豬軟骨、魚蛋、貢丸、芽菜米線配上沙嗲醬汁，加一杯凍檸茶。另外由於叫車仔麵，以優惠價$8就可以加一客（6粒）炸燒賣。熱辣辣炸燒賣，有驚喜，真的做到外脆內軟。燒賣皮剛剛炸完，金黃色脆卜卜。沒有炸過火，燒賣裡面依舊保留到魚肉燒賣的煙韌👍🏻車仔麵到了，睇落都幾大碗， 有五件豬軟骨、兩粒大貢丸、六粒魚蛋。豬軟骨果然好入味，軟骨爽脆，豬肉入味，果然冇選擇錯。貢丸方面，有彈牙的口感及香菇豬肉鮮味，不錯😋陳皮魚蛋果然有很香的陳皮味，口感不俗。由於當我點餐時，店長見我有問及辣味魚蛋是否很辣時，所以他送了一粒辣味魚蛋給我試試。辣味魚蛋果然有D辣，辣味有少少蓋過咗陳皮味。其實兩款都好食，如果可以每款一半會更好🤣（有少少貪心）沙嗲汁好香，香香甜甜又辣辣地，越食越開胃，值得推介。米線軟硬適中，加埋吸收了沙嗲汁精華既

星期日陪爸爸媽去大埔買下餸🦐🦑🐟大埔墟街市附近出名多食市同集中媽咪想食車仔麵，所以入咗依間 ‘郭仔記’-👉🏼魚肉碗仔翅 $22一坐低就叫碗魚肉碗仔翅食先🤤但呢度係無小食既餐牌，牆上也沒有貼到。原來要22蚊一碗，見到都幾大碗算啦！😂都有好多魚肉係入面，但係個味道比較淡。叫車仔麵梗係自己畫想食既野啦👓有好多餸可以選擇旁邊有一瓶酸菜脯，可以加落車仔麵度食。😎👉🏼豬紅牛柏葉幼麵+沙嗲汁 $26沙嗲味唔算太濃，有點稀。餸既份量都多，大大粒豬紅👉🏼鮑汁鳯爪五香牛肚牛腩幼麵+牛腩汁 $41（右）我覺得呢個湯底好濃郁😙牛汁味好重✨食麵再飲下湯，都唔會好口渴。

大埔既郭仔記一直都幾出名所以今日特登去試試佢既車仔麵🍜店長大推牛腩 豬軟骨 沙嗲汁🏆所以就叫左紫菜豬軟骨牛腩油麵(沙嗲汁)牛腩同豬軟骨既肉質好嫩口😋分量都好多牛腩同豬軟骨都好重腩汁味又甜甜地好入味🙈加上推介既沙嗲湯底 成個湯底都好豐富🏅值得再回味$41然後就到豆卜鹵水雞蛋雞翼尖魚皮餃幼麵 (翼尖汁)鹹水雞蛋,雞翼尖食得出醃左好耐豆卜浸落啲湯底到吸曬啲翼尖汁好好食 帶有小小甜 $42韮菜蘿蔔魚蛋水魷魚米線沙嗲汁蘿蔔唔會好冧或者好硬同豆卜一樣愈放得耐愈入味😋 啲沙嗲汁俾蘿蔔吸曬 好好食$42總括黎講麵既分量都好多 好抵食同好飽啲餸都有好多選擇👍🏻除左車仔麵之外呢度都好多小食(魚蛋,腸粉,碗仔翅...)見到好多人都有叫腸粉聽店長講呢度既腸粉都好滑 好多客人都好鐘意叫黎食💁🏻‍♀環境方面周遭環境衛生清潔有別於普通嘅車仔店呢度好清潔 一啲都唔污糟店員都好friendly同客人有講有笑😊車仔麵黎講郭仔都算係一間不二之選👍🏻

細個係度讀書一直都好鐘意食郭仔記今日舊地重遊 決定寫篇食評推介俾大家🙈郭仔記主要係食車仔麵 啲餸都好多款選擇👍🏻啲伙記推介左牛腩 豬軟骨 沙嗲汁🏆俾我所以我叫左1️⃣紫菜豬軟骨牛腩油麵(沙嗲汁)啲餸分量都好多牛腩同豬軟骨都好重腩汁味好入味🙈加埋紫菜真係好好食沙嗲汁令到全個湯底層次好豐富甜甜辣辣好好食😋呢個我係真心推介要試2️⃣豆卜鹵水雞蛋雞翼尖魚皮餃幼麵 (翼尖汁)整體冇上面個碗咁好食都係普普通通既車仔麵啲雞翼尖都可以試下因爲都頗入味同樣分量都幾多3️⃣韮菜蘿蔔魚蛋水魷魚米線沙嗲汁整個麵都幾好 分量都好多鐘意飲呢啲湯既朋友可以叫蘿蔔因為佢啲蘿蔔都幾甜同好吸味不過魚蛋太冧唔太建議叫魚蛋郭仔其實都幾好抵食同好飽係大埔黎講都叫做不錯同出名既車仔麵鋪🏅

今次有空去郭仔記吃晚餐，冇吃午餐實在是十分肚餓吃它的芝士烏冬配魚皮餃和漢堡排，服務員也很熱情介紹有什麼特別的好吃。然後點了個小食是三寶有燒賣咖哩魚蛋腸粉。我幾喜歡吃漢堡排。魚皮餃有三隻。芝士味十分濃。大大碗真的十分美味。而且食物很快就來到，速度很快。抬高頭看見郭仔記三個大字的招牌感覺十分有氣勢，大大的郭字。它的咖哩魚蛋也很夠咖哩味，而且十分彈牙。可惜我不能吃太辣，卻未能慢慢享受。還有腸粉混了甜醬麻醬也十分好味，不過有一點不足是腸粉和咖哩魚蛋放在一起，吃腸粉時混了咖哩醬汁。另外，凡惠顧車仔面或其他面叫飲品也有優惠，我就叫了杯豆漿，豆漿不像外面的鋪頭，外面的鋪頭豆漿像開粉的味道。相反，郭仔記的豆漿沒有沖粉開的。而旁邊有很多配料任你選擇要什麼調味， 而我習慣吃燒賣的時候加入豉油。總結而言，這間餐廳還會有機會再來吃。

經過大埔，而又想吃車仔麵，恰巧見到郭仔記粥麵專家好像很多人吃，於是和朋友走了進去吃了！心想那麼多人吃，味道應該也不差吧！首先，點了一碗車仔麵，裏面有豬大腸、通菜、牛孖筋配米線，我看到他說明湯底不會有味精，至少我吃完不會口乾！每一樣配料都很多，份量十足，豬大腸洗得很乾淨，不會有很苦的味道，牛孖筋吃下去十分爽口，很有彈勁，我很喜歡吃，通菜不會太熟，口感不差，以上配料配上湯汁和米線一起吃，真的很滿足！然後，我和朋友分享了郭仔記三寶，裏面有腸粉、魚蛋和燒賣，魚蛋很重咖哩味，值得一試，腸粉很滑，配上醬汁剛剛好！燒賣十分軟，很有口感，值得一試。最後叫了一杯豆漿，甜度剛剛好，重豆味也很香滑。員工見我們選擇了好久。會向我們推薦有甚麼是招牌菜，沒有催過我們要快一點，這是值得一讚！