郭仔記粥麵專家

营业中

休息中

住開呢頭間唔中都會嚟呢間店食車仔麵，今日就帶埋朋友食下local嘢。呢間舖其實唔係得車仔麵食咁簡單，仲有好多小食，芝士撈公等，款式頗多。車仔麵配埋豬頸肉、豆卜，呢度嘅豬頸肉幾有水準的，食落爽口，大件，又香口，而豆卜入晒湯底腩汁嘅味就唔洗講，而且呢度講到明個湯唔落味精，係熬出嚟，香港地嚟講相當有誠意。碗仔翅，好大碗，主要配料有雞絲、蛋、粉絲，而麻油、胡椒粉、醋係晒枱面，自己落先係最就到份量！魚蛋$10九粒，係街邊食開個款，好地道，而且個醬好香，食到停唔到口。