郎田日本料理 (已結業)

本身咁耐ge 事都費事再提，不過最近打算約同學仔gathering，行經呢頭，唔抵得頸又要彈下呢間野～親戚請我同大佬去食聖誕大餐。事先已經book 左７位午餐buffet，但去到安排我地坐卡位，係ok 迫下ge。基於同班親戚冇乜兩咀ge 關係，落order 佢地堅持各有各叫，咁咪一次遞幾張order 畀個waiter 囉。點知個waiter 用【訓話ge 口吻】同我地講：「你地寫埋響同一張度啦，咪我地師傅唔同你做ga」我同大佬都好明白寫埋同一張係環保又方便人，但你咪建議下囉，使唔使咁話Ｄ客呀～跟住我班親戚即時發難（呢個我都覺得班親戚反應過火左少少，呢點要對當時果位女經理致歉～）本身以為都係果一個污點je，點知正如樓下各位所言，【水又唔加，Ｄ魚生真係冇味ge，壽司上面件刺身細得可憐】，都唔知係咪想用飯夾硬塞飽我地算數。一路食一路落單，【好多野都冇黎】，最後食左好幾個鍋、好幾串串燒、幾件刺身、好幾件壽司。坐咁耐攤長黎食咁耐，都差唔多飽ge 時候，【佢突然將之前漏單ge 壽司一鋪過擺晒上黎，足足黎左三幾盤，食唔晒佢又話罰錢wor】，結果我地幾個幾辛苦先食完Ｄ壽司，直情食到胃唔舒服。我地已經唔

好耐冇食過放題, 本來想食一生, 但因為聽到好多劣評, 又食過咁多次, 所以今次就試o下依間成日賣廣告的郎田la.9:30後90多款食物比早場少d, 但都算係咁la, 好食的東西如下:1. 三文魚: 都算係新鮮, 有時係邊位就差d, 食o左10幾件2. 鰻魚sushi: 好少可有得食, 食o左10件3. 串燒: 係熱騰騰的, 牛肉好味好嫩, 少少辣; 雞腎都ok; 雞翼同粟米就淡口d4. 炸物: 真係超熱, 感覺到會好熱氣. 炸蝦, 南瓜, 冬菇天婦羅都ok, 薯餅有咖哩味5. 蟹肉鮮菇豆腐: 豆腐好滑6. 牛油煙肉粟米: 好味, 自己一個食o左一碗7. 金菇牛肉卷比較差d係佢d沙律lor, 吞拿魚都好多根, 其他都冇話特別難食, 炸物又真係太油了一點.最後送的coffee ice-cream唔錯.

昨日一行8人去(之前已經book了8位), 但係我地都是要坐d細台, 個個要腳貼腳, 好唔舒服.位細都算啦, 想叫他們開大少少冷氣, 因為他們有兩台沒有開, 點知個沒有禮貌waiter話已經開了中央冷氣.點知想去搵經理講位又唔俾轉, 冷氣都唔開. 我可以選擇吃唔吃, 個waiter黎了啦, 講到自己諗吓先, 之後還大大聲講:火到黎.無野講, 拉隊去人.

同學聚會,相約左幾個舊同學仔食飯,因之前去過呢間郎田食過,覺得ok,所以我就提議食"郎田日本料理"了。首先,我之前明明book左五個人,但唔明點解俾左四人台我地,另加一張椅就算了,坐得真的不太舒服..咁之前book定台有什麼意思呢?其次,d waiters係唔識加茶架囉..次次飲完,都要叫左好幾次先有人加茶,人手真係唔夠,真係要改善下..仲有,當我地叫第三round野食時,寫好哂紙,遞左俾waiter,等左好耐都無黎囉,我地諗住搵個waiter問下都無人理我地,咁我地唯有寫多次紙啦,今次遞左之後,d野食都無黎到,真係有點過份囉!!!之後我地話寫多一次再唔黎就唔食了.當我地寫完第三次紙遞俾個waiter時都已同佢講如果有d食物無哂,麻煩通知我地.最後d野食都有黎到,但當中有三樣無哂了..之前係呢間食過兩三次,覺得服務都無咁差,事隔左一段時間再黎食過,就覺得呢度既服務真係唔得囉!!今時今日既服務態度........真係要改善了!!!

星期五約好人去珍x 食野早到, 便係附近行下, 行下行下入左信和, 見到有匯豐Promotion. 裡面既環境唔錯, 問左有位就叫班同事轉地頭雖然要坐門口加位, 但難得自成一角, 好Private選擇多, 魚生算係新鮮但有D 顯然好細粒(不過自助餐任叫, 算啦)唔似俾平野你食果D 小日本自助餐廳

男友常踊踴我去試，話廣告吸引，而事實上大家都知廣告嘢係幾咁名不符實....見到食評咁差真係唔想去，但昨日男支生日話要去，咁冇計啦，唯有去試吓，結果連佢都食到把鬼火！魚生真係一啲都唔新鮮之餘，我都未見過魚生會有雪...點解會咁....侍應態度奇差，十問九唔應...咁算點先？其他食物....真係唔想講，有啲怪味有啲就冇但又唔話人知，就一如其他評家一樣，我都費事再講咁多。價錢係唔貴，但我寧願俾多啲錢食好啲，話晒係我男友生日，佢都食得唔開心，好彩有份生日禮物補番數！

係今時今日推廣劉華服務精神而同業競争對手和民D報務員會踎低至同客人視線水平才落單o既時候, 佢D報務員可以你在眾裏尋到佢o既視線後, 做客人o既要就埋佢"黎"轉個頭同佢講o野. 飲品要問到先比. 當兩杯都係差唔多色o既忌廉同雪碧(因用紅板杯裝又多冰)到枱, 我地唯有用自己o既嗅覺去分辨啦.食物方面就真係唔好提la

其實, 這已經是一段時間的事. 一直沒有時間寫它的食評, 但見不斷有人像我因它的廣告而嘗試, 忍無可忍, 忙得不可開交也要寫一寫1. 入座時冇話有Last Call, 只知可以食到10pm. 到9:00pm, 侍應話9:15pm Last Call...嘩!!! 9個字時間冇咗. 仲有N咁多樣嘢未嚟, 又唔係多人, 坐唔夠1/3, 又叫我們Order last call.2. 啲嘢勁難食, 魚生勁唔新鮮. 3. 服務態度勁差, 冇禮貌. 又唔係多人, 眼睛都可以只看着空枱, 每次都要我出聲才\"發現\"我們的存在4. 最離譜係信和門口的廣告例了很多菜色, 魚生, 點知坐埋枱先發現點菜紙有一半是删掉. 點了的, 隔了大半個才跟我們說賣晒. 不是一樣, 而是幾樣都賣晒. 我們點菜時才得3-4張枱, 不要騙我賣晒吧(記住: 我們還不知道有Last Call)5. 9:30pm, 跟我們說幾樣Last Call點的東西賣晒, @#!@R@#!$!$! 咁更係同經理講. 經理同我們道歉, 然後提議用燒秋都魚代替. 咁諗住是但食飽就算, 已經對這店沒有任何期望. 點知, 一試就發現條魚是凍的!!凍

第一次係呢度write comment!!因為真係太差了.....係一生等唔到位食野,唯有去第2度食啦,見到呢間野,見平平地,又任食,諗住試下啦!!入到去坐低,佢話任飲,都知lai野啦!!$109任食仲任有.....太肚餓之下,咩都叫d黎食!!魚生唔好食....壽c仲差!!個個瀨尿蝦壽c真係...好難食...串燒ok,不過好重味!!10:45 last order,叫左面食,點知聽到汁邊一對情侶ge對話,女仔叫個男仔:你食埋d面佢啦,個男仔相當不願意咁夾起少少,之後同個女仔講,真係好難食啵....最係都係放返低....到我地果d黎到ge時候,一試之下....十分難食!!唯一可以的是.........可樂!!

成九點, 見li間野某credit card有promotion, 燒夜時段再有折先去試下.裝修ok, 不過d野食真係好好好好難食.我地兩個人食左d壽司, 刺身同串燒.先講壽司, d板壓壽司極恐怖, 唔食得人, 有一塊只有0.1mm既野(?三文魚)係舊正方形實飯上面. 另外有叫和牛壽司, 係一塊有d硬既牛肉. (不是平時食既薄牛肉).馬刀貝超腥.d蟹子壽司既蟹子極細粒.甜蝦壽司得一隻蝦舊飯極大舊.唯一有一款燒三文魚腩係真係幾好食既.刺身方面, 本身已經少選擇, 點知連八爪魚都無, 無又唔講, 要追先知. 仲有d唔知乜野吞拿魚粒, 好腥好古怪.串燒係可以入口,所以我地都勁叫. 幾多款簡. 有雞皮,雞心, 雞軟骨,八爪魚同多款蔬菜. 味偏咸.不過唔似自家料理, 有d雪味.overall:飽肚,無要求,可以一吃. 食下三文魚, 串燒. 熟食ok. 壽司千奇唔好食(除了燒三文魚腩).唔好當慶祝飯, 會好唔開心的.你可以講我俾唔夠一百蚊cwb日本野唔可以咁多要求,但係我覺得真係可以既話加多$50已經有多好多選擇.

平日lunch因為太遠，所以星期六放假黎左試，之前一直好好奇一向唔太鐘意食日本野既佢，竟然大力推薦呢度。而家終於知道點解啦！雖然而家hsbc credit card做緊promotion，任食都係唔知80定90蚊，不過大家都唔係食得之人，都係試返佢既set lunch啦！set lunch一律36元(未計加一)，可以選擇2款食物，都好多選擇ga，有剌身飯、剌身、炸物、串燒、拉面...而最奇怪係，佢唔會限你一定要選擇一個小食一個飯/面，於是，我地就選擇左一個三文魚親子飯、一個雜錦魚生粒飯、一個雞肉棒雞頸肉串燒同一個地獄拉面。首先黎既係面鼓湯2碗，ok啦，冇咩特別，之後黎左2碗飯，佢個三文魚親子飯係一層薄既三文魚碎，份量係絕對合格，而好驚喜既係我個雜錦魚生粒飯，嘩！d魚生係多到佈滿整個碗，色澤亦好似好新鮮，試後亦真係好新鮮，反之佢極力推介既地獄拉面，據聞今次失準，所以我覺得一般，唔夠辣味，個串燒我覺得好味wo，好惹味！最後有雪糕作為甜品，非常滿足！一定會再黎食！

昨晚六行人晚巿光顧此食肆，任點任食，由於八點入座，所以沒有時間限制。我們差不多點了紙上大半食物：燒雞翼很好吃，香口入味；燒帶子略嫌乾身；蒜片牛柳很"林"，多汁；韓式泡菜青口不好，得個辣字；雞粥，朋友說好味；天婦羅蝦、炸餃子、炸軟殼蟹也很香口，不太油；壽司類的飯有點硬，赤之卷還可以；剌身普通貨色，馬刀貝及魚較好...還點了很多其他，未能盡錄。經理很細心，安排了我們坐卡位，所以位置舒適；但侍應生反應有點慢，可改進。$139，銅鑼灣，任點任食，晚巿，沒有加一，沒有肚屙，良朋歡聚算是不錯的了。

昨晚一行9人黎呢度試下, 8點後入座$139/位(免加一), 見個任飲任食的食物都ok, 不過全都係普通野. 一開始梗係黎一round刺身啦, 不過刺身入面無甜蝦><, 刺身都新鮮. 壽司方面, 有板壓, 同普通壽司, 手卷, 嘩~佢地d壽司飯, 尤其板壓, d刺身薄到成張紙咁, d飯又大又實到一舊舊, 真係食飯都塞飽人, 一d都唔好食, 之後試埋個花之戀, 入面舊飯都好實, 好似擺左好多風乾咁...唉~其他熱食味道都幾好, 但無咩特別野.最慘就係食完返到屋企, 又疴又嘔, 可能d飯連d刺身擺得太耐關係, 好彩疴完都無事, 一定唔會再黎呢間, 大久保質數仲好過呢間.

郎田出名做日式自助餐，價錢實惠。它們的魚生一向都麻麻地，只有一點點鮮魚肉應有的光澤，可想而知，並不是上等貨色，當然，任叫任食，不能有太大的期望，所以雖然是任吃，通常我都是不吃它們的魚生和魚生壽司的。公平一點說，它們一向的燒烤頗有水準，包括鹽燒牛俐和多春魚，尤其是雞翼，片開後將兩截雞翼中斷橫放叉起來，燒至金黃色，跟高級日式餐廳也差不遠。可是數天前再去，好的是晚餐時段下半段的價格再降，不好的是郎田連最好的都退步了。多春魚縮小，廋到不得了。牛俐切得有厚有薄，很難燒得火候平均。雞翼也大縮水，燒工差多了，有時燒得過香，有時又好像不夠熟，已經找不到燒至金黃色的雞翼。也嘗過兩塊鮑魚壽司。鮑魚是一貫罐頭水準，當然沒有退步。壽司飯以前是很理想結實一團而一進口便一粒粒米飯分得開，現在的有點太酸，而且飯也太黏，入口不散，不好吃。進食當中，還有插曲，突然有人很大聲說話，望去聲音來源，原來兩位燒烤司傅在鬧交，鬧了五分鐘，經理也不知在哪里。如果下次再來，好可能會只能叫拉麵和素菜。

假日要去causeway bay shopping, 先去醫肚, 原先打算去大久保, 成年無去, 昨天先發現執了. 唯有在附近逛, 記得見過朗田在報紙,雜誌登的廣告, 又加上匯豐咭有優惠, 79一位, 12:xx 至3:15 任吃. 雖然都1:30了, 但我們都只吃個多鐘, 便決定等位試下. 只雖幾分鐘便有位, 汽水是送的, waitress一放低汽水,我便遞第一張燒物order, 所以幾分鐘後便有得吃. 魚生ok喎, 不過沙咀魚有少少雪味, 其他以任食來講都ok. 特別是燒物, 燒軟骨,腎,雞翼,多春魚,冬菇,我們order了三次. 全場爆滿,除了門口張二人枱無人很坐. 眼見得四,五個侍應, 實漏單啦, 我們遞了幾次order紙, 試到臨2:30後落的order先有效, 便再重覆再落,無謂浪費時間揾侍應跟之前的order, 3:00前已last order, 不過last order 的食物質數差小小, 無之前order的好, 例如三文魚會細件左及連小小魚皮.整體都ok,值得一試.