郎田日本料理 (已結業)

我幾個星期前剪下印花去的,因有4個大人,所以有2個細路唔使錢,我地ttl有4大3細,除返開1大1細都係175..咁價錢都唔知去邊度食得到^^食物都可以(可能我地6點半去到,所以d食物好快好齊)佢都好多野食,羊架都ok ar..d細路都食得好開心..我地幾個大人都覺得十分平....maybe下次會再去

剛剛同十個朋友去左郎田食放題未食之前上黎睇下食評，足足有22個喊面睇埋落去，大部分的意見都係服務差，漏單，野食唔美味等所以去之前都冇咩期望。但食完，我又覺得唔係大家講得差咋喎老實講，百幾蚊任食日本野，攞d食物質素同百幾蚊幾碟的貴野比實在唔係好公道食物質素我覺得真係唔錯，牛肉火煱好好味串燒咸左少少但都好惹味sushi有埋火炙三文魚同火炙牛肉，味道又唔錯刺身的選擇有超過十款，三文魚就唔好攞黎同一百蚊得十塊個d黎比啦，但對於我黎講都幾好味同埋個甜品，綠茶雪糕真係超好食。據其中一個朋友，此雪糕甜度適中，不會過分地甜，而且有一陣淡淡的綠茶味，加上其難以形容的質感。雖不是貴野都感到無比的幸福~~至於服務，我真係要幫佢大平反上面都講過，叫佢地跟單個時態度都好好但最好唔係哩樣話說我地響last call個時先叫個牛油粟米。點知黎到時，我同友人都講得好好味，於是就問佢地可唔可以再比多兩客我地食。冇say no不單止，仲二話不說就攞左碗超大碗ge 牛油粟米比我地。雖然牛油粟米唔係咩貴野，但佢地咁爽快又豪爽的作風令我非常欣賞。到食甜品個時，我同友人們覺得佢d綠茶雪糕好好味，於是我們就問waiter可否再比多

食完先至上黎呢度睇下間食店, 嘩! 竟然咁多喊臉, 真係有少少嚇親喎; 不過既然師傅已經食左, 所以冇咩好驚啦! 臨別秋波, 所以成添人黎左呢度午餐, 由於師傅都係第一次, 所以心情都幾緊張!坐底後即刻睇下有咩好食啦, 原來呢度個午餐係有成三十幾四十款任揀兩款, 睇左一陣師傅就決定柯打炸餃子同埋咖哩吉列豬扒飯, 而餐飲可以揀汽水或麵豉湯, 而師傅當然揀左汽水啦!等左一陣就有得食, 炸餃子一客有五隻, 餃子炸得好硬, 而且唔脆, 口感麻麻, 五隻咁多, 都唔知食好定唔食好呀? 而咖哩豬扒飯就冇咩特別, 咖哩都幾香帶少少辣, 而吉列豬扒就炸得幾乾身, 不過勝在唔韌, 可以啦!總括黎講食物質素好一般, 環境都合格, 而服務就一般, 價位就三十九蚊位再加一, 埋單四十二; 呢間食店行嘅係大堆頭政策, 總言之就係sell三十幾四十款任揀, 如果係咁樣你仲想點呀? 笑臉一定冇不過又喊唔出喎, 下次就真係未必會再黎!

又開飯今日星期一好肚餓...唔知幾多點都入左去...之前都幾食過幾次...好彩今次唔係坐入面...唔洗比晒d野食人地...因為上次有張咭可以平d 145蚊...但可以食到11點半...2個人張木台係細d嫁啦...放左幾碟野都唔夠位啦叫左好多野食...剌身都算新鮮不過比我裝到整個個偷食三文魚....哈哈朋友勁食劍魚 不過都ok呀反而三文魚比個近魚尾我地....有根....不嬲都覺得雞亦係最好味 不過今次過火左少少...魷魚同天婦羅好多粉呀...所以麻麻地真係今日星期一..但唔知做咩咁多人..可能放假未到9點半已經成條龍係出面等緊...d waiter同waitress好忙...不過都無咩走單...算係咁囉今次飽到食唔到雪糕..哈哈

個晚同朋友7點35分到~佢話可以坐個半鐘頭,任食放題咁樣啦~咁我地覺得OK WO~咪入去坐LO~跟住,原來張臺好細張Lo~我地2個都坐得好辛苦,張臺窄到連擺把遮ge位都冇lo~!都算啦~之後,d食物又5好食~自助餐係咁嫁啦~點知佢8點3就話last order~話夠鐘要埋單~我地隔離個臺仲慘,遲過我地入,但都是同我地一齊耍埋單~又話個半鐘~點知都未夠一個鐘就叫我地埋單lo~!!搞錯~~埋單又要每個百6蚊~超唔抵lo~以後一定唔會再去~!!!

尋晚去食dinner 放題 ，一次過落左十幾款東西，等左成粒鍾，先有四，五樣野黎。叫佢攞 wasabi又叫左三四個人先有，叫佢check order, 又等左十幾分鐘先同我講唔見有我D order!!!! 真係要叫劉德華出黎--"今時今日咁gee務態度，係唔得......"D 野又唔好食，我估路邊餐廳仔都好過佢!!!!下次就算俾錢我都唔去!!!

服務超級差，漏單又唔幫你跟，落左單後半個鍾，有部分野食都未黎，於是叫waiter 跟下la，但係前後催左四，五個waiter，d 野食都唔黎，一味話:「幫你跟。」 而且唔係我地個檯係咁，放眼見四周不斷有人舉手催waiter，成個場好似記者會咁係人都舉手。最離譜係送果個雪糕球係融ga，容乜易食壞人。野食耐，埋單亦耐，叫埋單後成十分鐘都冇人送張單黎，不知所謂。原本40蚊任擇兩樣野食都唔期望太高，但服務真係超級差!!!!!

女同學踴我去試，話廣告吸引 咁冇計. 唯有去食啦. 我地6人去.要坐d細台, 個個要腳貼腳, 好唔舒服 Ｄ野黎得慢.我等左好耐都無黎囉.諗住搵個waiter問下都無人理我地, 侍應態度奇差，十問九唔應. 串燒, 味偏咸.不過唔似自家料理, 有d雪味. .野熱食味道都幾好, 但無咩特別野.都係普通 壽司好難食可能d飯連d刺身擺得太耐關係,

環境OK! 因為剪報紙有coupons, 所以優惠價 再 8 送1. 味道有進步, 環境OK!不過唔會再去食... 刺身 + 壽司 : 款唔算多, 但都新鮮...卷物 + 軍艦 + 手卷 : 一般, 太慳皮, 用飯填飽你...蟹粥 : 好鬼正, 真係有蟹0既鮮味!牛肉窩 : 湯夠濃, 牛肉鮮!燒物 : 都OK, 唔會燒得太乾.炸物天婦羅 : 麻麻0地...烏冬 : 唔得, 湯低唔掂!汁煮鴨胸 : 幾好味!

星期五同朋友去食, 6:00pm去到, 一坐低侍應哥哥就講番今日價錢,信用咭優惠同枱號, 幾好禮貌, 跟住全程都有留意佢地有冇玩同講粗口, 因之前d人post話佢地咁樣, 所以都有留意下, 見唔到有咁既情況一黎就叫左野飲, 一個蟹粥同coupon送既網燒和牛&沙律, 仲諗住個蟹粥好似澳門d水蟹粥咁, 原黎好唔同, 佢用長腳蟹腳整+埋紫菜碎, 鮮味一般, 味道ok, 唔難食但冇咩驚喜, 和牛好快黎左, 都幾好食, 沙律冇咩特別, d菜冇黃冇黑, 咁既價$$唔要求得咁多....跟住叫左下面呢d野食刺身: 等得比較耐,三文魚、魷魚、鮑魚、八爪魚、白玉豚.....-------新鮮但唔多選擇, 冇我中意食既甜蝦, 佢壽司果part先有,自己唔食吞拿所以唔知天婦羅&吉列:黎得最快既一項, 天婦羅基本上好食,南瓜、蕃薯、蝦、菇...., 但d吉列野就唔多掂, 好油.....好辛苦先"捱"得晒佢串燒:大致上都ok, 牛脷、海蝦(好細隻)、帶子、茄子、粟米、雞軟骨...但係雞翼好咸壽司:象拔蚌有驚喜(好爽脆), 鰻魚好味, 原隻鎗魷魚、甜蝦ok, 帶子唔掂(超細唔新鮮)....其他一般, 不過最唔好係

同另外3個朋友黎食夜晚buffet，好似好多野食咁...但我覺得比起其他日本料理就麻麻地...佢sushi同刺身，佢cut到勁細塊，得個半隻手指公...sushi又好mini size wo.....所以後尾一叫就寫左30塊三文魚刺身，先俾得人地出面其他鋪頭ge10塊lor...串燒麻麻地...肉類個d燒得太耐，有d乾爭爭，個汁底又咸...天婦羅一般，太多粉啦...食得多都怕肥...手卷都好細件，得兩隻手指咁大到，d料又小，而且紫菜好快林其他熟食會好食D，豬軟骨、什菌蟹肉豆腐、炒什菜...同堆好多時落左單之後佢會miss左，因為有成7,8張紙俾你掂...寫得多又唔係真係俾咁多你...唉....

有coupn,等到9:30可以優惠$109再加一因為冇book檯所以要坐bar檯,其實bar檯唔錯,at least遞紙佢即刻見到,開始叫左4塊三文魚試....原來幾好食,可以放膽咁order,串燒....本人不嬲都覺得係最好食的,兩個人一口氣食了十幾串,不過廣告又過有牛舌.....呃人既......試埋蝦天婦羅同牛肉鍋,如下面食家所說:好食!!!!!!!之後去試新野,就係蒜蓉炒魷魚鬚,汁煮鴨胸肉同和風刺身沙律...真係唔知點形容既難食!!!蒜蓉炒魷魚鬚煮得太熟,好乾身,搞到d味好怪!!!汁煮鴨胸肉係就咁將鴨胸肉"恰"熟佢,然後加d蠔油物體....好難食!!和風刺身沙律,d蝦都未去腸,仲有d菜好濕仲有d苦......服務有面都唔expect佢地有幾好,真係一如其他食家所講成日傾計,仲要爆晒粗果隻.....總之野食黎得快同齊,我都覺得可以接受既.....如果唔爆粗就好D啦....埋單一個人$120到,幾平,如果你唔食一品料理同沙律,呢間有係一間幾好既平價buffet

夜晚和3個朋友黎食放題，我地前一日已經book左......去到就有位啦，去到的時候都有7成客到............一坐得侍應第一時間問你飲咩，汽水任飲喎.........見到幾張唔同款的點野食紙，真係好多唔同的食物揀......刺身都有好多款，每樣都好新鮮呀............壽司和手卷賣相好靚，d飯唔會大大舊，食幾舊就飽死你，而且d款式又多，所以我試左好多款壽司....炸物，有蝦or海蝦天婦羅，帶子天婦羅，魚餅，番薯等等，每樣食物都炸到金黃色，食落去唔會成舊紛，唔會好以出面有d店的天婦羅的粉漿厚到呀，入面的料就小得可憐........串燒都唔錯，睇個樣好以燒到乾哂，但食落去仲有肉汁，不過燒雞翼唔係好夠味......熟食方面，唔係好記得食左邊樣，因為食左太多啦，只記得每樣都唔錯.......好搞笑，試過有幾樣食物點的份量係4，但黎到的份量係5，6囉.......總括黎講，真係食得過................環境方面:佈置幾靚，地方唔算大，但放左好多，d位幾迫下....服務方面:人手好足夠，但都要叫幾次先應你，因為有d侍應係到傾計和玩.....埋單唔記得每位係$160

要補友人和預祝友人生日 中午決戰放題早一日book左位, 但原來lunch 係無人食ge =0=$109一個刺身六款, 三文魚, 吞拿魚, 白吞拿魚, 魷魚, 仲有兩隻忘了汽水任飲其實無乜野食揀不過有個小姐幾好禮貌, last call時,仲主動同我地講hsbc咭有九折

先講餐具，覺得隻碟有ｄ　ｄｉｒｔｙ，用紙都沬唔甩ｄ漬食物，可以話幾一般，魚生，壽司都係一般．．．野飲得汽水同熱綠茶，仲要ｄ汽水係用杯"針"，如果係罐裝或支裝都叫做好ｄ熱食覺得佢ｄ拉面同烏冬都幾好味，串燒亦ｏｋ侍應態度都ｏｋ，唔太差不過廚房經常漏ｏｒｄｅｒ，每次叫野梗有ｄ野無黎到咁有ｄ野無叫佢又係咁黎，碟茄子唔知點解無叫都黎左兩次同埋最後一個鐘就ｌａｓｔ　ｏｒｄｅｒ有ｄ奇怪，好似驚蝕比你咁