邊敘邊醉

营业中

休息中

私心推介：騸牯牛肉、手打鮮蝦丸、自創花雕醉雞餃、黑松露鮑魚餃、自家製白松露雪糕-【餐前小食】▸ 冰鎮南非鮑魚 - 鮑魚彈牙，而且煮得好入味▸ 蝦多士、椒鹽墨魚咀 - 兩款炸物都唔錯，送酒一流【啤酒胡椒豬肚雞鍋】▸ 呢個鍋好足料，有豬肚、鮮雞件同蜆！而且仲有大量胡椒，夠辣，好惹味！加埋啤酒仲將成個湯底嘅味道昇華咗添！啤酒會分兩次加入，真係食到尾都仲有淡淡啤酒香～【新鮮騸牯牛肉】—— 肉味濃！▸ 牛腩包 - 肉質軟嫩，鮮甜▸ 牛頸脊 - 油脂分布平均，充滿油香【手打鮮蝦、墨魚丸】▸ 兩款丸都好足料，我就特別推介鮮蝦丸，有勁多蝦肉又非常彈牙，好耐冇食過咁出色嘅蝦丸！【手工餃】—— 必試花雕醉雞餃&黑松露鮑魚餃！▸ 花雕醉雞餃 - 多湯汁，酒味夠濃▸ 黑松露鮑魚餃 - 超濃黑松露味，餡料內含鮮鮑粒，好正▸ 鮮蝦雲吞、黑豚肉韭菜餃 - 正常水準，都好足料，但我個人就鍾意另外兩款特色餃多啲【新鮮蔬菜拼盤】▸ 拼盤包含咗好多款式嘅蔬菜，除咗菜之外，仲有金菇、蕃茄、粟米，好滿足🤣【甜品】▸ 自家製白松露雪糕 - 超濃郁白松露味，好creamy，配埋脆脆食好夾，個味道令人好難忘🤤 呢款口味好似做到六月咋

見到屋企附近呢間新開既打邊爐 一開始被外圍靚裝修吸引 之後上嚟望下食評就決定揾日要試下同屋企人4個人打 所以店內職員都超有禮貌誠懇 特別食材例如牛肉、龍蝦、手工餃 全部都有教需時同幫你整埋 怕大家over cook 影響食物質素Welcome drink 有小杯酸梅湯 味道剛好唔甜叫咗牛拼盤 3款牛都高質 juicy 一定要試醉雞餃 超好味 出面未食過既餃所有食材非常新鮮 整體100分廁所乾淨 提供居酒屋的牙韱漱口水特別提醒有泊車位 唔洗擔心冇位泊車

新年同成班朋友敘舊，有個住深水埗嘅朋友就介紹咗間新開嘅火鍋。嗰陣餐廳仲係試業期，但係佢話裝修咁靚，一於入嚟試吓 🤠 紅酒蕃茄牛美鍋 $288港式蕃茄牛尾湯 😃 鍋入面除咗配菜，有好幾舊牛尾，食落好滑一d都唔鞋，同埋feel到無落味精。同班朋友一人飲幾碗都冇咗半煲湯 🫣 呢度仲有好多款特色湯底揀，等下次試。醉牛展拼牛筋 $78牛展夠嫩，牛津爽口，正！麻辣青瓜伴木耳 $68不嬲都鍾意食啲酸味味嘅嘢，但係呢啲呢碟青瓜木耳真係要大贊，食材新鮮爽脆之餘，少少麻香令到成件事好開胃 🤠冰鎮南非鮮鮑魚 $58隻呢個價錢食到入味又爽口嘅鮑魚，唔錯 👍🏻騸牯牛 $498我哋問師傅邊種牛好食，於是就介紹咗呢隻騸牯牛，脂肪唔多但係食落口好淋，肉味都好重。最尾班食肉獸frd encore 左 🤣手打鮮蝦滑 $98蝦滑真係冇得輸，只可以話真材實料，淡淡蝦肉 🤤🤤🤤脆炸響鈴 $68超正，其他嘢都好食但係分分鐘因為個響鈴再嚟多幾次。應該係新鮮即炸，大大條超脆，可以好似平時咁烚兩下食，但係點沙律醬食都係另一番風味 🤭自家製Oreo雪糕 $38，楊枝甘露 $48個Oreo雪糕係自家製，幾好食。其他甜品水準都唔錯，個人鍾意

上星期和父親慶祝生日，一家人來到深水埗試試這間精品火鍋。點了日本清酒海鮮鍋，和啤酒胡椒豬肚雞鍋。湯底鮮味，湯料的海鮮，豬肚和雞肉也很充足，我們中間都喝了幾次湯。👍前菜的花雕醉花螺和辣魷魚夠辣和入味。今晚叫了一盤加拿大象拔蚌刺身，還有蘇格蘭蟶子皇、龍躉斑片、台海脆鱔片。花雕醉雞餃和黑松露鮑魚餃很有口感，醉雞和黑松露的香味好出。店員也推介了騸牯牛皇，更有牛味，和手切牛頸脊各有特色。💖 我們還試了墨魚滑、烏冬、菜拼盤，響鈴、酸梅湯、雪梨水飲品等。甜品方面，我們點了紅糖冰粉，自家制雪糕和楊枝甘露😋。整體來說，食材有質素，湯底有驚喜，環境裝修也很有新意。一家人都很滿意，下次要再來試下其他的酒味湯底。😄😄日本清酒海鮮鍋，內有很多不同海鮮，定期加清酒，湯底好喝👍加拿大象拔蚌，新鮮美味花雕醉花螺龍躉斑片蘇格蘭蟶子皇騸牯牛皇手切牛頸脊花雕醉雞餃黑松露鮑魚餃台海脆鱔片紅糖冰粉洗手間都裝修得好別緻

年初八聚會，天氣凍凍地大家諗住打邊爐！咁就選咗呢一間試一試，點知道大家都話好有驚喜！很喜歡他們除咗打邊爐之外，仲可以有小食、刺身、甜品供應，秘製湯底是紅酒蕃茄牛尾鍋，好足料好好飲，打邊爐的材料係非常新鮮呢一點係最吸引架！我囡囡就很喜歡牛小排，好有牛味，牛舌心、牛爽肉都不是間間打邊爐有既，所以都點左👍🏻，當日點左「鱆紅魚刺身」，我們都是第一次食，大家都很喜歡💕，新鮮又彈口，刺身師傅還到場介紹一番非常熱情，大大隻的蘇格蘭聖子皇好鮮好鮮😋還有他們的響鈴是即時製作的，我們仲encore左第二碟，酸梅湯超正，食左太多嘢啦！都未能一一詳述，睇相啦🤪😋。