邊敘邊醉

营业中

休息中

第一次幫襯呢間店，初進店時無乜人，店內只有1枱客，店員只有1位，非常寧靜！食物種類不多，海鮮類每人只可選3款，手機點餐，飲品有酸梅湯、汽水、竹蔗水。一開始感覺餐廳裝潢都唔錯，加上環境清靜，等緊個火鍋來都有打下卡留念，跟住等下15分鐘，湯底未到⋯再等多10分鐘⋯又未到，最後等咗30分鐘火鍋終於來了！店員送湯底時都有說「唔好意思」補返15分鐘比你哋，我即時反應就是應該半小時喎、店員最後都答應補回半小時給我們！之後都多了一位店員出來，客人都多了1-2枱但是⋯提早45分鐘就說last order😮‍💨食得真係好趕！總括來說，我覺得食物不過不失，非好出眾，尚可接受，只是店內的女人店員實在太緊張，又怕人浪費食物，每次唔會比多份量你的，時間也計到盡！

之前機緣巧合下見到呢一間午市有任食打邊爐，睇評價幾好，仲有手工餃❤️,所以朋友聚餐就約係呢度。星期六日$168加1，如果要飲品再加20元。我地幾個女仔為免降低咗戰鬥力（本身都唔高）所以冇叫飲品。一入餐廳，所有裝修同設備物品都好靚有detail位有心機，細至牙籤圍裙，大致店嘅裝修仲有特色牆，全部都係打卡位好靚。去到食物，選擇種類都多既，海鮮同手工餃，原來每人得一件，其他50幾種就任叫。前菜好食，牛肉還可，豚肉好食，仲有菜，丸，面類(第一次自己煮薯粉)另外每人仲有雪糕一球。其實大致上用餐都開心滿意，幾個朋友出嚟聚一聚相當好。可能個位置比較偏僻，星期六午市只有三枱🥺好擔心捱唔住。另外限時90分鐘，店員真係好準時叫我地還枱，但係個場又無客….而我地仲食緊最後既雪糕球，職員仲要催多次夠鐘要離開啦，呢個算係呢餐嘅敗筆。香港餐廳係各方面，特別係服務，都要加把勁啦。

🥢鴨血！滑嫩細膩的經典之選講到火鍋，就梗係唔少得鴨血啦！鴨血喺香港火鍋界可能唔算最熱門，但對於我嚟講絕對係一個低調又實力強勁嘅選擇。呢間店嘅鴨血質地非常滑嫩，一上枱就見到佢切成厚厚一塊塊，每塊都均勻完整。一放入湯底煮幾分鐘，就會吸滿湯汁，再夾起嚟食嗰陣，果然冇令我失望。🥢騸牯牛頸脊：牛肉中的極品今次我哋揀咗騸牯牛頸脊，可以話係全晚最令人驚喜嘅亮點之一。騸牯牛頸脊其實係牛隻肩膀附近部位，肉質特別嫩滑，而且帶有適量脂肪，所以煮完之後入口即溶，但又唔會過於油膩。呢間店選用嘅騸牯牛頸脊切片厚薄適中，每片都有均勻分布嘅油花。一放入滾燙湯底輕輕涮幾秒，就可以即刻夾起嚟食。嗰種濃郁又鮮甜嘅牛肉味真係令人難以抗拒！配埋少少醬油或者沙茶醬更加提升層次感，我朋友甚至話可以單靠呢個騸牯牛頸脊就已經值回票價。🥢海中蝦：新鮮多汁的海鮮之王最後當然要講吓海中蝦啦！火鍋入面點蝦可以話係必備項目，而呢間店提供嘅海中蝦真心新鮮，每隻都大大隻，而且殼上仲見到啲光澤，一睇就知啱啱送貨過嚟。我哋將蝦放入湯底煮咗大約1分鐘左右，等到蝦殼變成橙紅色，就可以即刻夾起嚟食。剝開殼之後見到啲蝦肉晶瑩剔透，一咬落去果然彈牙多汁，而且仲帶

都食過好多間火鍋店打邊爐佢仲有埋刺身拼盤仲要好新鮮外觀超級勁爆靚（以為好貴但實際上都還可以接受價錢）象拔蚌刺身，造型勁靚跟住牛肉拼盤都好靚當然主要係食牛，牛都唔係一般嘅肥牛咁都好厚身咁係幾有牛肉味嘅，今日嘅湯底呢就係麻辣湯底同埋沙嗲湯底仲有黃金炸魚皮都OK好食嘅，而且餃子都好有質素啦有呢個醉雞餃子同埋呢個黑松露餃子🥟唔同出面一般包嘅餃子同埋佢個甜品都好好味四個人食咗都二千蚊有找嘅我覺得都抵食既，因為香港食嘅打邊爐都唔平啦咁佢用呢個價錢食到刺身同埋靚牛肉我又覺得係物超所值嘅

之前路過見到已經覺得鋪面好有feel 好eyecatching😋bookmark左屋企gathering嚟食湯底都幾多選擇 每一款都好有特色 不過照顧返屋企人口味 嗌左個啤酒胡椒豬肚雞湯底 齋飲湯底有淡淡嘅酒味 豬肚同雞都好食 易咬開👍🏻嗌左唔少野食 但最鍾意真係個皮蛋小食 個麻辣汁好正 屋企人都爭住嚟食海鮮、牛每樣都有嗌少少 睇落去都新鮮 擺盤都幾靚 啲餸上曬再打卡睇落去都幾豐富😝下次會再嚟👍🏻👍🏻👍🏻

朋友生日 約左黎呢間火鍋餐廳試下由門口到入去座低 見到佢地既裝修設計都唔錯既座低左之後我地先點左個小食之後就落單揀配料個啲其實當日人數真係唔多但出菜好慢 之後仲要好似催我地走咁但係我想講野既 你野食唔係特別好食招呼又唔好 仲要一啲都唔便囉湯底：椰子雞湯火鍋配料：脆鯇魚腩，珊瑚蚌，鴨血，蜆，鵝腸，牛頸脊，飲品：偏酸既檸檬茶大概就係咁，成餐都唔個食左咩落肚🥲

之前有同朋友嚟食過，佢嘅服務同埋食物質素都十分之有水準，香港真係好少搵到啲咁有服務嘅舖頭，而且你係感覺到店員真係好想去幫你令你好舒服，我哋叫咗椒鹽墨魚咀，比之前嚟食更加好食，無論調味同個炸粉都唔會覺得好油膩，湯底方面佢個椰子雞真係好好味，用佢嚟煮其他嘢食，都仍然有濃濃嘅香味，麻辣就一般正常。蟹柳亦都係比較靚少少，似係用嚟整壽司嗰啲，鴨血都好食，口感味道都有台灣feel，因為我本身唔係食好肥，我哋叫咗牛頸脊，有少少油花，有牛味，擺盤同埋切得都好平均，醉雞餃子同埋黑松露餃仍然係好好食。如果鍾意食醉醃製品，下次可以試吓係個醉海鮮，應該會好好食。丸類我覺得失色少少。唔係好食得出手打嗰啲感覺，今日杯生啤，十分之酸，個人唔係好接受到。另外有朋友仔今日生日，臨走店家print咗張相俾佢做留念，我覺得呢啲小貼心位，令我好滿意。

深水埗高質火鍋店「邊敍邊醉」聽講這間牛肉🐂出名高質，今次過來試皮蛋芫茜鍋 $138豆腐好滑也比較多，如芫茜再多少少會味道更出， 整體湯底比較清手切牛特级(三拼) $388牛小排🐂牛頸脊🐂封門柳🐂整體所有肉好新鮮，味道好正。我們也覺得最好食是封門柳👍邊敘五寶丸(10粒) $108有手打白魚蛋， 墨魚丸，鮮蝦丸，棍打牛筋丸，香茹貢丸🦐鮮蝦丸十分好食， 口感好爽好新鮮,出面比較少吃到👍自家醬料/名茶(每位)@$18火鍋店有2層，內部裝修好新和潔淨。Welcome Drink 好窩心因為我們之前吃左少少野不太肚餓，今次叫左這些巳好飽了，下次再叫多些美食📍深水埗海壇街205號海珀地下及1樓A號舖

難得因為打風早放工，同埋班朋友一齊打個邊爐咁啱網上見到呢間有開，咪去試下環境舒適，坐得舒服，周圍都有打卡位，啲員工仲好好服務，好識話頭醒尾小食好味，試左個醉三鮮，佢地話係新出個蝦好大隻，而且好有酒味叫左個花膠雞湯底，幾足料，飲完唔覺口渴啲員工話全因冇味精，正！而且叫左封門柳同生蠔，生蠔勁大隻，牛肉勁新鮮，淥幾下就食得，好有牛味成餐飯又海鮮又牛又酒，勁豐富，仲要冇樣係伏呢間雖然有啲遠，但真係幾驚喜，所以我地都話會有下次

同住喺新界嘅朋友慶祝生日，用左的士乘車津貼，喺旺角搭過嚟可以抵消返車程。環境舒適，我個friend平時要求高都好滿意食物好食，食物新鮮，牛肉有牛味，唔似出面咁特別我個friend好鍾意飲胡椒豬肚湯，佢試完覺得冇介紹錯😂 佢係咁飲湯而且湯底冇味精又足料，好似飲緊住家湯嘅感覺，夠晒健康，但好味。而我最鍾意飲佢哋啲飲品😂 同埋呢度有雞尾酒嗌，都幾特別😍 好岩我哋呢啲慶祝用，可以小酌一下另外加分位係廁所，我地入去都嘩咗聲，乾淨又靚成個用餐感覺好滿意

Dive into the world of culinary treasures with Hong Kong style seafood hotpot – a symphony of fresh ingredients and flavorful broth. This iconic dish showcases a vibrant array of seafood delicacies like succulent prawns, plump scallops, and tender fish slices, simmering in a fragrant broth seasoned with aromatic spices and herbs. The communal dining experience of cooking your own ingredients at the table adds an interactive and social element to the meal. Embark on a gastronomic adventure as you

孕婦都食得，冇味精湯底！本來見到佢有母親節優惠，四人海鮮餐，有刺身有肉都係二千零蚊，但係因為我哋得三個人，驚食唔晒，所以嗌咗個二人餐，九百幾蚊，包咗海鮮同肉，都夠食，我哋加錢轉咗個湯底做花膠雞湯。湯一滾嘅時候即刻飲咗兩碗先，同埋食咗啲花膠先個餐有嘅海鮮：龍蝦、帶子、蠔、青口、蝦、花甲 。龍蝦都幾大隻，好多肉，爽口蛋呀冇得頂。隻蠔鮮味重，無重金屬味 。青口正常蝦就一般，花甲好鮮甜。個餐嘅牛包咗牛頸脊，好好味🥹🥹🥹脂肪比例好好，又唔太漏 。仲有豚肉、丸、手工餸、菜盤同烏冬，仲包左2杯酸梅湯或者竹蔗茅根 。我地3個女仔其實都好夠食 。呢度深水埗好難泊車，只要你提早打嚟有得預先預留車位俾你。

這邊有四個很有名的酒底火鍋😆這次我們就點了啤酒胡椒豬肚雞鍋🍺因為有小朋友的關係～我們另外也點了一個椰子鮮雞鍋～下菜前必須要先喝一碗湯😆真的好鮮甜好好喝～胡椒豬肚雞湯喝完也很暖身🥰這邊的手工餃也很出色～我最喜歡的是自創花雕醉雞餃🥰沒想到裡面醉雞的味道也真的蠻濃的🤪另外黑松露鮑魚餃也很好吃😋手打鮮蝦丸也不錯！還有必點的龍蝦🦞很鮮甜🥰前菜的黃金脆炸魚皮也超好吃😋其實我們也點了炸雞軟骨跟皮蛋也很不錯👍🏻不過因為當天腳受傷 無法喝酒所以就沒機會試到這邊的調酒🥲下次再試試看吧🥲

於2023年12月30日進食晚餐。店舖改的名很有趣，邊相敍就當然要有酒陪伴，餐廳有幾個主打火鍋湯底都是以酒入饌。餐廳裝潢色調以孔雀青和橙色為主，一組對比色令人感覺和諧且生動。細心留意，更會發現餐廳牆上高高放着一列酒瓶。小吃 椒鹽墨魚嘴🦑很少在火鍋店會點熟食，但由於朋友遲到，我又肚餓就點了一份侍應推薦的墨魚嘴小吃。它的粉醬不會很厚，且炸到金黃色，上面撒了椒鹽和炸蒜，香口惹味，墨魚嘴也新鮮爽口。小吃 蝦多士🍤麵包有很多層，就像千層酥，層次感十足。廚師控制火力和時間剛好，多士脆口，且蝦味突出。紅酒蕃茄牛尾鍋🍷侍應會在我們面前倒一壺紅酒於湯底。淡淡的酒味配上足料又無味精的牛尾湯，很溫暖且不會愈煲愈失去味道，我臨走前再喝碗湯仍是鮮甜。餃子拼盤🥟有黑松露鮑魚餃、花雕醉雞餃、鳳城餃子及韭菜豚肉餃。我覺得花雕醉雞餃最有驚喜，花雕酒味濃烈、皮薄多汁，口感像小籠包；味道最好是黑松露鮑魚餃，味道絕配，且口感彈牙。手切牛🥩侍應細心解釋牛小排、牛頸脊和封門柳食的先後次序。兩個人來算，份量都有點多，當日牛的質素是中上，略嫌不夠香滑。南澳龍蝦🦞這是一個贈送的產品，原本都沒什麼大期望，但見侍應在處理它前，拿了過來給我

點心界嘅“隱世寶藏”發現了！今次揀嗰間小店，啱啱坐低就感受到一種悠閒嘅氛圍。🌼店內裝潢簡單但帶有温馨嘅感覺，色彩繽紛嘅壁畫好得意，令人心情放鬆。首先係招牌燒賣，咬落去呢，彈牙嘅肉質、鮮甜嘅蝦仁夾帶住一啲啲黑菌嘅香味，叫我不禁連食三粒！😋接落來食腸粉，滑溜溜嘅米皮包住嘅不單止係蔬菜，佢哋個汁嘅調味，簡直可以用“啱嘴”嚟形容，既唔會太淡，又唔會蓋過去料嘅鮮味。嗰啲肉丸，外面微微一層香脆，入口即溶，一啲點咸咸地，正啊！飲茶嘅時候點少得蛋撻呢，啱啱出爐嘅蛋撻，外酥內滑，啖啖蛋香，真係得滾！要講味道，佢哋間店嘅點心真係做得細心，每一款都夠味，仲非常適合同屋企人或者朋友一齊來個慵懶嘅下午茶時間，開開心心啖好西，實在夠晒口福。飲品方面我試嘅豆漿好純正，飲落去係真材實料嗰種。同埋飲嗰杯凍檸茶，酸酸甜甜，清新解渴！總括嚟講，呢間店賣嘅係家常味道，唔係好高大上嘅水準，但係你想要一個舒服，得閒飲杯茶打個卡拉OK都得嘅地方，絕對可以考慮。哎吔，食得咁開心，寫到呢啲，我都肚餓返喇！🥢🍵