邁爵斯 (福華街)

营业中

休息中

次次黎呢到食野，都好有一種大胃王挑戰賽既感覺，真心唔誇張，個意粉係意粉山黎架，感覺師傅係一碟意粉放晒一盒意粉咁cp值超高，$40幾就咁大碟意粉，強烈建議，兩個人食一碟意粉，胃口好既可以加多一個小食一人一杯野飲，如果你係想打包for第二日番工帶飯既，係可以叫多一碟，試多個味道，絕對係會裝滿個錫紙兜的，好似係一個正常外賣。今次叫左個新菜式，牛肝菌意粉，超好食，好濃濃牛肝菌味丫，亦勁多菌菌，意粉整得岩岩好，唔會好淋，時間岩岩好。兩個人都食得好開心丫，又平又好食PS.杯野飲係貢茶大杯既size,但價錢都係$28-30左右，個人喜愛抹茶鮮奶，唔會好甜又香抹茶味，好好飲呢！小食呢，好推薦薯條and薯角薯條係粗薯條，落單先炸，熱辣辣外脆內軟薯角係甜甜的因為佢有落蜜糖的，如果係好愛薯仔配蜜糖既呢個必試喔PS.如果兩個人一碟意粉加一個小食就岩岩好啦

同fd去太子食好西❤️～三文魚菠菜忌廉汁意大利飯 $68呢個係我見過性價比最高嘅意大利飯🥹🥹三文魚唔會腥臭唔會唔新鮮🌟菠菜量幾高‼️所以絕對唔會膩由於本人比較大食🥰🤤所以飯量可以再多啲🥰🥰～香烤鴨胸墨西哥捲餅 $29咬入口塊餅唔會碎到一地都係🌟鴨胸唔會鹹到食唔落口‼️非常脆香可口❤️❤️食過會想再食❤️❤️❤️

是咁的H先生當年仲係MK仔嘅時候學校放lunch就去嗰度食妟原因係走嘅時候可以takeaway杯紅茶成為一個拎住杯偽Starbucks嘅中學雞每次入校門都迎來校工姨姨羡慕嘅眼光 Σ( ° △ °|||)︴.OK收隊！！落正題！！事關我感受到後面有殺氣(▼ヘ▼#).經典卡邦尼意粉($43)望幅圖就知鋪頭對白汁嘅濃郁程度始終如一就係濃烈到炸裂💥💥(我真係好鍾意呢啲形容詞)仲有落埋香草碎同芝士粉估唔到無想像中咁膩唔會黐埋一嚿嘅意粉🍝🍝配埋足料嘅煙肉同洋蔥恭喜佢成為我哋第一碟清盤嘅嘢食👏👏.芝士肉醬意粉($39)當時我老友 龍先生二話不說落咗單我當堂嚇一跳😱😱 爭啲又得啖笑 點知原來唔係伏野 (冇得怪我架嘛，點估到咁多款佢會揀肉醬意😌) 份量冇以前咁震撼 順帶一提個肉醬係牛肉 雖然啖味但係勝在分量多 佢嘅肉醬嘅比例 睇落都滿意 綜合評語就係不過不失.炸水牛芝士波($28)呢啲少女嘅小食🎀🎀我差啲就不屑一顧真係估佢唔到 最後要好似比武招親咁爭最後一粒應該啱啱炸起冇耐 上到枱嘅時候 竟然撞正左嘅最佳溫度熱辣辣得嚟 又入到口 入口0⃣油膩 一咬開入邊啲芝士味香到一個點有比較有傷害 好味過以前嗰個芝士薯

卡邦尼意粉，我覺得比較濕，如果鍾意食乾身啲嘅朋友，可能未必啱。炸雞：新鮮出爐 外脆內軟都好近地鐵站，係解決晏晝嘅不二之選，性價比好高，兜意粉好大一定食得飽。新年快樂

1.香蒜白酒蜆肉意粉（💰$38）今次去食發現佢嘅份量又多返，所以兩個人食係真係夠晒飽，意粉多之餘，蜆肉都一樣係好多，我之前食卡邦尼意粉，同樣地份量都係好足夠，只係佢太多味精，食完之後就成日都好想飲水😝😝2.炭燒雞腿串燒5串（💰$29）最近新出嘅一個小食，其實就冇咩特別，個汁係甜嘅，完全就係買返黎整熱就即刻出得嘅嘢食🤣🤣所以唔推介食呢個小食‼️‼️3.趣味薯角🍟（💰$29）薯角太大，同埋唔啱打卡😂一炸完就用個碟裝再加啲蜂蜜就出，所以我麻麻地（其實呢個係我哥想食先點，唔關我事🫠）4.汽水（💰$12）好似係冇跟餐，所有罐裝汽水都係12蚊，其他飲品我之前都有試過飲，乳酪係推介嘅，真心好飲👍

比朋友叫做大胃王嘅我終於揾到岩曬我哋嘅平價西餐！份量大份之外都keep到味道(´▽｀)今次真係要沖去試下！-芝士焗流心蛋大啡菇配薯蓉 （$45）一切開大啡菇啲蛋液流出曬嚟，薯蓉好香牛油仲有淡淡嘅奶味，入口幼滑份量就正常，唔會話多到好滯！切開之後啲蛋液同啡菇好夾！勁香蛋味(((o(*ﾟ▽ﾟ*)o)))推薦指數:✨✨✨✨✨-炸水牛芝士波（$28）一咬開芝士融化咗喺個口度，勁香芝士味28蚊有10粒，份量其實真係好多！芝士波一定要趁熱食，如果唔係好快凍咗就變實的的！推薦指數:✨✨✨✨-芝士肉醬意粉（$39）最驚喜一定係肉醬意粉，雖然一早已經知道邁爵斯嘅份量好多，實際上見到都會覺得2個人有機會食唔曬！芝士有另外燒融，唔會凍曬係面頭肉醬就不過不失，唔會好酸但係都好香蕃茄味覺得佢落左好多肉🥰🥰😋😋，食到最後一啖意粉都仲有肉！意粉唔會好淋！煮得岩岩好～推薦指數:✨✨✨✨✨-蜜桃酸尾尾（$29）士多啤梨乳酪加上益力多爆爆珠呢個組合真係好夾(˶‾᷄ ⁻̫ ‾᷅˵)咬開益力多爆爆珠有酸尾尾嘅口感加埋士多啤梨乳酪酸尾尾好開胃～～～～好鐘意呢杯野飲唔會太甜！推薦指數:✨✨✨✨✨-因為我哋下午茶時間先去食，鋪頭唔係好多

適逢聖誕節又要搵聖誕大餐嘅時候而家度度都加價，咁唯有去一間可能平啲嘅帶埋屋企人一齊去又可以食得飽，而且啲食物質素又高，所以選擇左你呢一間今次係我第三次過嚟呢度幫襯，價錢好平，雖然冇做咩聖誕大餐，但係勝在嘢食品種夠多，而且好平三個大人四個小朋友消費大約只係五百幾蚊相比，真係同出邊一個人都已經唔止呢個價啦我哋嗌咗一個三文魚扒忌廉菠菜汁配白飯，卡邦尼意粉，薯蓉配吉列炸蠔，仲有三個趣味薯角，炸芝士波波，飲品方面叫咗三杯乳酪特飲，去咗啲爆爆珠，真係好正中國呢一餐飯都食得好開心，因為無限時間，所以我哋都慢慢食

晏晝時段買咗個外賣肉醬意粉，打開嘅時候啲肉醬嘅顏色同以往嘅爭好遠，仲係偏紅色未熟，啲意粉林得滯，記得以前都係買外賣嗰陣都唔係咁，完全keep唔到以前係又平又好味，而家係得個平字

幫襯左一段時間見邁爵斯有新嘅餐牌出所以今日同同事請先過嚟試一試睇吓會係點樣，因為見到有意大利飯價錢同埋都好抵😬😬😬我同同事叫咗一個lunch set E 係黑松露雜菌，意大利飯，先至$52。而且仲送飲品真係勁抵另外一個就係lunch set D 係日式牛扒沙律配意粉，係$48 都另外有送到飲品呢個時勢做呢個價錢個lunch真係好抵食仲有叫咗一個lunch set A 蔥花牛肉飯，$38元牛肉好多，而且都好惹味佢係配一個珍珠米所以鍾意食日本米嘅朋友一定係要你試吓🫥🫥🤭另外我哋仲有追加多一個叫香芋番薯丸，呢個真係炸得好香脆好食，紫色一粒粒，不過可惜忘記咗影相我哋惠顧左$200另外仲加送左一隻七周年嘅幾年，真係好窩心，原來開咗有七年了

以前已經周不時都會嚟食呢間，今次返嚟發覺好似轉左老細😂😂每次嚟到都一定係會叫個香蒜白酒蜆肉意粉。一見到個意粉真係會嘩一聲！佢個份量大碟到真係兩個人先食得晒，如果唔係食得多嘅就記住帶多個朋友嚟先好食啦。而且佢嘅就只係賣緊$38一碟，唔通真係搞手只求打個和🤘🏻佢嘅配料好足夠，食極都唔厭，不過食到最尾會感覺有少少油膩。如果下次嚟到會煮得乾身返少少就更加完美啦！👍🏻另外我仲叫咗一個趣味薯角，表面唔會搽咗大量嘅蜜糖。不過聽老闆講因為轉左薯仔入貨嘅品種，所以呢種食落薯仔感覺上比較硬身啲冇咁脆口。在我而言就有少少失望，希望佢會入返以前嗰隻薯仔啦🥲

已經食過唔止一次 但竟然覺得一次比一次好食🥹蜆肉意粉🍝 (評分:⭐️⭐️⭐️⭐️⭐️/5)特別係個意粉 超級多意外都算 仲超多蜆肉 食極都仲有 每啖都可以有蜆肉同意粉一齊食！-趣味薯仔🥔 (評分:⭐️⭐️⭐️⭐️/5)其次都好好味嘅係趣味薯仔😋其實就係蜜糖炸薯仔 $28 竟然有咁大兜😧 又係食極都食唔完另外薯仔炸得好好味！-黑松露薯條🍟 (評分:⭐️⭐️⭐️/5)原本prefer係黑松露醬 所以四十幾貴過一個意粉蚊都嗌結果係真係黑松露(碎)加炸薯條其實如果係其他餐廳$42有咁量同炸得咁脆嘅薯條已經稱得上好味加掋食不過 下次再食嘅話 我會拎$42試其他嘢因為對比起前2個 佢CP值冇咁高而且平凡少少2個人食到飽到痴咗線 先108蚊🥹又平又好食仲咁大分 而且又唔收咩加一服務費人撚除返開先$54 平過大家樂大快活嘅晚餐所以真係勁掋😆！ 雖然的確啲枱 餐具有啲油油地嘅感覺不過其實可接受 抹下就ok 本身覺得出街食係咁 有時只係你冇見到污糟所以本次體驗非常好整體評分:⭐️⭐️⭐️⭐️⭐️/5

性價比超超超超超超級高❣️真心講個句你話好好食就絕對唔係但真係勁勁勁大抵又勁抵大份都嚇死 個人認為唔叫其他野食淨意粉都很可以因為性價比太高 所以排一陣都值啊~🌟香蒜白酒蜆肉意粉$35咁大抵真係要求唔可以多多窮人之選🤣😂

有一天經過這間小店門口發現有很多人排隊，所以就跟着排隊起來了。攞一張餐牌看了看，發現價錢真的很優惠你一般的西餐反而便宜很多，難怪這麼多人排隊因為價錢都是三十幾到七十幾元這次我惠顧了一個意粉和一個牛角酥，另外點了一杯朱古力裏面有兩款珍珠配合，首先講一下意粉我點了一個香辣海鮮意粉，這個海鮮意粉十分之嘢味而且不會很辣味道剛剛好有一種像是泰式的感覺。然後蛋沙律牛角酥不過不失 但未豐富而且鹹了10分多所以是10分的抵食而朱古力珍珠的珍珠剛剛好不會太硬 總括來說是有認真的用心製作所以這個價錢這種質素我覺得我會再來惠顧。

某日睇完脊醫之後，偶然走過對面馬路，見到一間特色的小店，主打意粉、墨西哥捲餅、炸雞、仲有特飲，特別推介榛子朱古力，玫瑰雞翼，炸雞，忌廉菠菜汁青口意粉，炸水牛芝士波，滋味洋蔥圈，趣味薯角………..，太多太多美食，一時真的難以盡錄真心覺得每樣食物都超水準仲要係平民化價錢，晚餐時間要排隊入座的，不單止是年輕人最愛，我覺得只要你食過一次，便會一試難忘，好快又會掛住它的味道大家記得啦，行過路過，千萬唔好錯過了

呢間2年前都已經食緊，到今年再來試，價錢都係咁平，份量都係咁多，食物質素都唔錯👍🏻👍🏻😍。不過略嫌較差就係衞生。😐食到一半，有隻蚊仔飛左落我地碟野。🥲不過整體我都俾好高分。我超鍾意食佢個香辣海鮮意粉同埋趣味薯角。係每次來都必食。😀意粉辣味好過癮，雖然海鮮份量唔算多，但絕對對得住個價錢。😁趣味薯角就超脆，配左蜜糖漿，係幾特別幾好食，薯仔味都好突出。😋每次都必叫另外叫左個凍既三文魚長通粉，都不錯。飲品就中規中矩，呢個價錢可以做好小小。💪🏻整體都係唔錯，性價比夠高，絕對可以再戰，只係衞生差左小小，但還可接受！