避風塘興記

营业中

休息中

貴得離譜，服務態度差，以后都不會去叫了四様嘢，埋單三四千。濑尿虾1700四隻。蟶子又老又多沙。打电话去的时候已经态度好差。 位置又窄。食物都放不下。隔离台把蟶子送回頭

有朋友係外國黎香港語想食正宗避風港炒野， 咁就搵到呢間。 一上去 招呼都無句 手上拎住雞蛋仔 話唔可以帶外來野食 要食就50$/1位！ 過份！ 到 點菜時態度更惡劣， 句句串住晒， 問佢野真係話好食嫁 必點， 係食呢d嫁啦 。 未食晒問都唔問就收。 而且好貴... ！！！ 而且都唔係好好食 爆炒完無晒海鮮味。打電話去訂位又話先到先得 自帶酒水又要問你帶咩酒 唔同酒唔同價錢. 態度真係好差。以為米芝連 多明星去大晒。 點解要200字先可以評分？ 咩理由！

兩個friend加埋我，三個人都好掛住佢隻蟹。首先，講下服務先啦，我地唔係熟客仔，就梗係冇服務可言啦！一座低，唔夠三秒，個阿姐已經走埋嚟問食咩，又唔係介紹，我地簡直dead air...朋友仔就同佢講睇睇先，阿姐就黑面走開左。我們開始時點左海哲、兩碟韮菜花、三隻蟶子、三碗泥鯭粥。海哲&韮菜花味道ok蟶子蒸得太耐啦⋯⋯"un" "鞋"泥鯭粥碗粥一啲鮮甜味都冇，朋友話上次食好甜的等等等。。。食晒以上既野，隻蟹仲未嚟😩所以，咪諗住加單叫其他餸lor...由於阿姐實在太兇，我地問完隻蟹，就問可唔可以加野食。結果加左炒蜆，炒芥蘭......究竟係炒蜆殻定係...🤔殻多過肉😩🐦🐦🐦食完加單既炒蜆，隻蟹都仲未嚟😅等多陣，終於等到。。。好彩，都仲keep到水準嚟興記食，除非你好想食佢隻蟹，仲要自己係預左俾錢受少少氣既，咁就會食得開心啲😝

第一次寫食評，第一次遇到咁嘅態度，如果唔係因爲台灣朋友一定要食呢間，我諗我一定即走唔食。訂位一定要人齊準時，遲左無留位（明白規則係老闆定，客人有責任準時）但我真係無諗過入到黎，位都未坐好比人問左幾次飲咩，坐低要幾耐，不停吹，無飲品餐牌唔梗要，唔好唸口簧咁一輪嘴係咁講有咩飲，聽唔到up咩之餘態度可其差，大聲到好似爭佢錢無還咁，迫到好似唔叫唔得。待應係落單過程黑哂口面，好唔耐煩企係到，由於我真係無聽過亦無黎過呢間野，真係唔知有咩好食，有幾出名，待應完全無介紹，同樓下7 仔亞姐一樣，食唔食（東風螺，聖子王..xxxxx........)無禮貌之餘令到我唔想再問佢野，想即走。但真係無計，朋友想食，忍x住我：就呢5樣，唔該。佢：下，你地5個人，夠食嫁嗱我：我想叫左先，唔夠再叫。佢：我唔係話你叫得少，你地無錢叫，但你之後再叫會等得耐囉😡好唔好食我一直都無係open rice 到寫食評，口味真係見人見致.但其實最想反映嘅係，咩叫服務業，最基本嘅服務呢到係無嫁，對客人嘅態度差到咁，狗眼看人低，直頭係無禮貌。🔺上網search 原來個待應係就老闆。作為客人，理得你係待應定老闆，理得你有幾多明星富豪食過，

想叫一碗鴨比米粉, 只有鴨絲Ok la俾咗會鴨骨河收我鴨比嘅價錢仲要扮我叫錯仲要話啲鴨骨好特別所以係收最貴認真無理取鬧味道越嚟越差調味料也收起真係唔想再嚟幫襯態度質素全部都不合格

減肥減到一個樽頸位、減極都唔落磅、學人斷食法、連續兩日只飲水冇食嘢、仲同朋友去睇show、朋友見到我都暈暈地、帶咗我去興記食消夜、就係甘、我個斷食又失敗啦⋯⋯本來我淨係食緊韭菜花、我都忍唔住係咁食佢啲海蜇每次來興記都一定要食燒鴨河粉、仲要多蔥減肥又失敗了.........

食咗差不多10年每年都來幾次。但今天真的失望。不但招牌河粉味道變了，蟹也細咗好多。一隻冇湯匙咁大的蟹竟然話有2.5斤😓可能成本貴咗好多也可能這幾年自由行唔計較但有必要嗎？

3個人，响圓方睇完戲，一直行出來搵宵夜吃。成幾年無去過興記。除咗土魷比較硬之外，其他還可以。再外叫咗二碗燒鴨湯河，河底十分夠味！不過要$48 及$60 一碗。埋單$330超級貴！

每一碟餸都好好食，恰到好處。六小福 - 每次都要叫呢個做頭盤，d海踅，魷魚好爽，豬肚，豬腸 超好食 !!! 其實係佢 d soy sauce超好食。東風螺 !! 新鮮 .久菜 - 係甜既，菜既甜味。加埋 d soy sauce真係好好食。蒸聖子 - 大大隻，又新鮮，又夠多蒜，最正係幫你起埋殼 上碟食，超方便。蒸泥孟 - 好鮮，仲要 d果皮好香 !!! 薑蔥炒蜆 - 有 d薑蔥蠔 feel. 椒鹽中蝦 - 連殼食，好野味，但係有 d鹹，飲返佢 d蔗水岩岩好。蒸鮑魚 - 蒸到岩岩好，唔會過嫩或過老。d果皮又係好香。d炸蒜 超香 夠乾身 唔會油 .. 次次都會打包走

飯堂其中之一就係呢一間，如果想食海鮮，蟹同蝦之類就係呢一間食，又係鬧市嘅中心點，不過就好多遊客來食。今次點左每人一碗鴨絲湯河，份量都比較少。湯底好惹味，再加埋佢本身每枱一份嘅辣椒，加入湯底好好味，而且辣椒唔太辣，好想再叫多一碗。再叫多一隻大蟹，但係只蟹唔夠肥美同新鮮，比較瘦少少，下次都係要叫店員攞隻蟹來俾我哋睇左先至落去煮，會穩陣啲！

劉德華名句，今時今曰的服務態度再不能這樣子。沒想到仍在尖沙咀興記避風塘食店存在。台湾朋友農曆年前在台致電訂初三晚六時半十二位。六時十五分已有七位到達也不準入座，理論一翻才可入座。要馬上下單，二小時還台。我明白地租昻貴，大家配合，但語氣態度不好令我這港人丢臉，食物素材平平，價錢偏高，服務態度低劣。大家能接受嗎！海外旅客，本地食客要慎思，我永遠不去。

我第一次食完一間餐廳忍唔住上黎寫食評！上到去因為唔知有咩好食所以就叫佢介紹，佢就介紹我地食賴尿蝦，我問價錢，佢就話300倒啦，咁听完覺得好便就話要一碟，我冇留意到佢冇講300係1隻，我地三個人就上左3隻，感覺唔多入味。之後佢話一定要食蟹，係第度食唔到咁好食，食完除左咸我冇第二個感覺，好彩蟹上左1隻冇上3隻，我地每人食左一舊都冇食。仲有一個炒蜆就有沙既，我已經好失望，不過果時味知價錢所以都算唔同佢地計較。不過個河粉都真係幾好食，稍為令我得到安慰，諗住食左個好味河粉都叫做冇浪費左時間。另外仲有碟菜同半隻鵝，依兩樣就普通茶餐廳味道，冇咩特別。到埋單2700我即刻話咁既野收2700？個侍應即刻用一副睇黑衣既表情望我，我唯有埋單啦。埋完心情好差，原來香港有依種餐廳有依種人，我對食一向唔小氣，但都要值先得嫁。奉勸唔係有錢人唔好去，費是俾果度啲人睇黑衣咁睇啦哈哈

My friend brought me to this restaurant and I was told it is very famous for its great food and more famous for their bad service. We first arrived and had to wait in a very small crowded area with 90% being Chinese tourists. Our friend hasn't arrived, so we weren't allowed to sit first even though we already made a booking. Friend arrives and we are seated, lets eat!The lady who took our order was very impatient and kept rushing us, it didn't feel good to be rushed like that. We each ordered a

服務超差，個炒蟹要大辣，一d都不辣。超級咸。無下次，服務態度好差。以後都不去。食了兩只大賴尿蝦。一隻椒鹽，一隻鹽水，避風塘炒蟹（垃圾）。一碟生菜，一細碟魷魚，一細碟豬肚。鹽水蜆。買單1600幾，感覺我被生宰。其實豬肚和魷魚不錯。仲有他們一碟辣椒收10蚊。

看鋪果幾隻阿姐，正狗乸，見大陸人見錢就搖哂尾，我哋兩個香港女仔，叫千零蚊野，好聲好氣笑哂問「瀨尿蝦幾錢？」即刻一副「睇你都無錢食架啦」咁答我哋。個炒蜆黎度又乾又咸，仲要殻多過肉，擺明呃錢賣炒蜆殼，後來嘢都未食完就同我哋收錢。但班大陸客呢？兩個人笑住輪流招呼，又倒茶換碟，係香港人就有骨氣咪去！