達摩元祖麵屋 (已結業)

尖沙咀抵食拉麵🍜優惠加$20就有90分鐘任食餃子🥟同埋雞翼.餃子好脆 足足食左3round雞翼都脆 但就冇乜味 所以all in餃子.誠意推薦🍛咖哩味拉麵！！！真係好正 差不多飲哂成碗濃得黎唔會話太咸/辣叉燒有成4款揀 豚角煮最正厚切之餘好滑 🤤仲有油脂.豬骨湯🐖就冇乜特別 可能揀黑蒜油會好啲叉燒揀左豚腩 都係好滑 好食過風雲丸同霸嗎蛋係流心 幾滑 不過冇咩味 得少少酒香麵都有2款揀 個人偏愛粗啲 呢個優錢不能要求太多 哈哈哈.見到梳打樽身好靚 忍唔住叫左枝達摩係檸檬味 招財貓就係蜜糖.呢度lunch set免加一 包野飲 好抵相信之後會吸引好多上班族 學生光顧另外裝潢都好有心思 打卡都不錯

之前經過呢間野都感覺正，咁岩經開尖沙咀就去試下😆都有幾多款唔同拉面🍜有北海道牛奶，都有豚肉個啲！我就叫左黑蒜油，個friend叫左雞💁🏾‍♀️再加左兩個白桃梳打☺️舖頭好乾淨，都幾寬敞～叫左幼面，係我中意個種面嘅質地！唔會太淋好好，最驚啲面太淋，硬啲好食啲！黑蒜油好香但又唔會太濃好okay🤗啲肉又夠淋喎煮得！個friend個雞湯望落都正，佢都話好食! 本身想再叫餃子🥟但驚食唔哂最後無叫🙈

平日放工同男朋友去食，覺得佢拉麵選擇挺多，又特別，所以就想試下。叫左個雞骨醬油味同北海道3.6牛乳味，雞骨醬油唔郁得來不會太鹹，3.6牛乳有淡淡的忌廉味，幾香。另外仲貪得意叫左個清酒生蠔刺身，諗住可以食到生蠔既鮮味，點知唔夠新鮮有啲腥🤢🥵又食唔到清酒味，不推。自己踩落個伏度🤦🏻‍♀️可能都係燒蠔好啲？星期三晚去的，都不算多人，但佢都要我坐雙人枱。我覺得可以坐得再鬆動啲都無所謂呀~另一樣野好就係拉麵價錢算平，60-88食到咁嘅質素真係唔錯佢地仲有晚飯加小食set，同埋30蚊無限任添配料，好似幾正，不過今次就冇試啦

在尖沙咀收工，見到呢間達摩拉麵🍜，決定同朋友兩個去試試。每人點左一個拉麵、一杯飲品。朋友嗜辣，點左姫達摩:辛辣湯拉麵，佢話非常夠辣，辣道勁，味道都幾濃，但唔會覺得太漏。我喜歡特別嘅，所以點左白河達摩:北海道3.6牛乳湯拉麵，飲得出好有奶味，不過同樣唔洗勁太漏，因為湯底係清清地，唔會蘇。每碗麵都配有日本產嘅雞蛋半隻同棗塊紫菜，夠哂均真！麵嘅粗度有兩個選擇，而叉燒都有四款揀，第一次食拉麵有多款叉燒揀😱至於飲品，我地二人今晚都冇點酒，反而點左soda,朋友嘅係蜜糖味，招財貓好可愛。我點左白桃的，都不錯👍🏻

好耐冇食拉麵 ，今日正好路經一間日式拉麵舖 ，門口有個超大型達摩神像 ，十分搶眼，路過的人都禁不住停下多望兩眼，更有遊客在門前打卡。同朋友註足門前研究了一輪餐牌 ，便決定一試。餐牌上共有九款湯底以供選擇，我選了味道較濃烈的黑蒜油湯拉麵，麵底揀了幼麵，除了基本配菜便沒有再追加，因為主要想試下湯底如何。配料主要有豚肩叉燒、蛋、筍條等等；叉燒遍肥，流心蛋唔錯，湯底算唔算，飲得出有猪骨餚湯的甜味，而黑蒜油湯底蒜味其實可以再濃一點 ；幼麵份量算多，稍腍，但仍算彈牙，可是當筷子夾起整束麵時， 總是掛不到多少湯汁，好像湯還湯， 麵還麵的送住口裏一樣。牛油炒露筍露筍炒得剛剛好，很嫩，有牛油香, 好味石鍋清酒煮蜆味醂似乎多了點，清酒味被覆蓋，整個汁遍甜；蜆肉大隻，無沙明太子雞翼燒得好靚，表面有少少明太子作點綴裝飾，雞翼內塞滿用明太子做的餡料，微辣，十分香口野味。富士蘋果茶( 兩位用 )頗有紅茶味 ，帶點蘋果汁清香 ，真係好好飲餐廳服務員態度好，坐位又舒適，所以如果再有機我會再來試一試招牌3.6北海道牛乳拉麵，並且試配粗曲麵，希望會有驚喜

間店位於尖沙咀 寶勒巷都幾易搵 門面好日本風 好易認比佢+$30任食叉燒吸引左去 但最終都無加到 因為女仔一碗都夠食 叫左個黑蒜油拉麵 味道唔錯唔太咸 黑蒜油味就唔算太濃叉燒都好食 唔會太鞋整體來說 係滿意既

落堂之後因為太累想食d好野食補償下經過寶勒行比門口個公仔吸引到！！入到去店長就遞上點餐紙～仲好熱情咁介紹今日既特飲同+30任食既優惠同一般既日式拉面店一樣都係自己填湯底同配料，特別既係叉燒可以揀部位，有少少肥肉既豚腩﹑瘦既豚肩﹑豬軟骨同好似肥瘦雙間既豚角煮。我點了豚骨湯底配粗曲麵粗曲麵有D似韓國既辛辣麵，不過彈牙d如果好似我咁唔鍾意食太林既麵，可以試下粗曲麵～豚骨湯底味夠濃唔會好咸，好岩疲倦既我。仲有每碗都會附上兩塊紫菜同半隻溏心蛋，好滿足！值得一讚既係叉燒係好大塊同厚切，CP值好高！！

朋友推薦我去尖沙咀的話就可以去試試達摩元祖拉麵，今日剛好會在尖沙咀！於是便去試試，餐廳門口就已經有一個很大的達摩在外面！十分可愛。裏面的裝修都好有日本風情。我叫左一個達摩辛辣拉麵，和無花果梳打，友人就點了櫻花蝦拉麵和檸檬梳打。拉麵的粗幼配菜等等全部都有得按照個人口味選擇。達摩辛辣湯拉麵：拉麵分量很足夠，首先有配菜的豬軟骨和溫泉蛋，豬軟骨軟霖美味配合少辣的湯底更是開胃！溫泉蛋的生熟程度剛剛好，十分滑溜而且蛋黃是流心的，還很甜。湯底辛辣的我選了最低程度的小辣！湯底不會很鹹也不會很辣，味道剛剛好。櫻花蝦拉麵：拉麵上鋪滿了日本的櫻花蝦，令到湯底變得鮮甜，雖然友人選擇了粗麵，但麵條依然挂湯！吸收到湯底的精華。無花果梳打：味道很清新，無花果的味道幾出，而且不會很甜！好中意。檸檬梳打：梳打味道酸酸甜甜很刺激食欲，會令人很開胃，而且食完拉麵後更能幫組消化。如果夏天喝一定會更爽。

有日路經赫德道，見到一間拉麵店門前有一個巨大日本達摩公仔裝飾，相當創眼，所以對於此舖旳印象十分深刻。剛好有朋友想食日本拉麵，我便提議來試一試。餐廳以深木頭色系傢俬為主，配合昏黃燈光 ，頗有居酒屋味道，座位亦相當寛敞。湯底:有九款之多麵底可以揀 : 幼麵  / 粗曲麵叉燒有四種 : 豚腩叉燒、豚肩叉燒 、、豚角煮其他  : 筍, 蒜蓉,  蔥 ( 要與不要可自行決定)拉麵配料 : 可續款配料按價追加  或 另加 $30 蛟限時一小時內無限追加拉麵配料( 詳情見圖 )我門同時都選了幼麵 < 麵質爽口, 分量也多 ；流心蛋可說是一碗拉麵的重要配料之一, 這裏的出品不錯，好味黑蒜油湯拉麵 $ 82本人十分喜歡黑蒜油，第一次幫襯，多數會點黑蒜油湯底。今次配上豚肩叉燒，半肥瘦、薄切叉燒十分入味；烏黑色的黑蒜油充斥著湯表面，老實說單看賣相其實有點駭人，不過當你嘗一口那濃濃的黑蒜油配上傳統風味的豚骨湯底，那種獨特的味道實在太香濃豐腴，令人不禁要喝多幾口。雞骨醬油湯拉麵 $78湯底好正，真係勁重雞骨鮮味，膠質很重，入面仲有一大嚿，骨軟肉腍；鮮味叫人難忘富士蘋果茶$58 (二位用)蘋果味與茶味比

尖沙咀寶勒巷中再尋食 看到門口有很大的達摩像和內部裝修都很有特色 被吸引了剛過了午飯 沒有什麼人他的午餐套餐挺抵吃 拉麵加飲料55再加個小吃才70=辛辣湯豚腩拉麵=選了小辣 每一啖湯都有濃濃的辣味 可口美味上面鋪了肉碎 麵質不錯有咬口 =黑蒜油湯豚腩拉麵= 有紫菜糖心蛋 湯底味濃而不膩 半生熟的蛋黃 伴着湯底一起喝很香=煎餃子=煎得很香脆啲餃子配上醬汁更佳=接骨木花梳打/無花果梳打=梳打的味道都很不錯 也不會很甜先喝一口感覺比較清新吃了拉麵後再喝 接骨木花和無花果的味道更什

除左去日本旅行，平時都好少食拉麵，好似冇咩拉麵店吸引到我去試。終於俾我留意到達摩，門面實在太日本啦，就係咁決定一試。原來餐廳佈置都好有驚喜，濃濃既居酒屋風，店仔細細，但感覺舒服。除左拉麵，仲有飯同小食可選擇，午市精選都好抵食。透明果杯係接骨木花梳打，甜甜地，淡淡既接骨木花味。另一杯係荔枝梳打，唔會太甜，最重要係超大杯。魷魚鬚串，鹽燒原隻BB魷魚鬚，爽口煙韌，送酒一流。豚肩燒，望落好似好瘦咁，食落又唔會喎，肉質夠軟，肉汁有香濃既豚肉味。櫻花蝦湯豚腩拉麵，濃郁既湯底，拉麵軟硬適中，櫻花蝦咸咸香香，溏芯蛋都好有水準。辛辣湯豚腩拉麵，我叫左小辣，辣味剛剛好，唔會搶過本身湯底既味道，荀絲爽甜，豚腩滲滿微辣既湯汁，非常惹味。發現左好抵既生啤優惠，啤酒又係超大杯，2碟小食剛好可以慢慢送酒。蜜糖味生啤真係有蜜糖味喎，甜甜地，好易入口，都幾得意。不過我比較鍾意蘋果味，入口好清新，好爽。

食拉麵，最重要一定係湯底，所以好多拉麵店都會研發獨家嘅湯底，務求留得住每個食客嘅胃，而呢間位於尖沙咀寶勒巷嘅達摩元祖麵屋，仲有成9款唔同湯底，包括：鈴川達摩(味噌湯拉麵)、松川達摩(豚骨醬油湯拉麵)、雪達摩(櫻花蝦味噌湯拉麵)、高崎達摩(豚骨湯拉麵)、松川達摩(雞骨醬油湯拉麵)、越谷達摩(日式咖哩湯拉麵)、姬達摩(辛辣湯拉麵)、玄端達摩(黑蒜油湯拉麵)同白河達摩(北海道3.6牛乳湯拉麵)，真係食足9日都唔會重覆呀。玄端達摩黑蒜油拉麵黑蒜油湯底好香濃而唔油鹹，最重要係黑蒜油可以補充人體優質脂肪，真係可以飲晒個湯底。叉燒半肥瘦，豬肉味夠甘香，拉麵仲附送半隻流心蛋、蔥、蒜蓉、紫菜同筍。而香濃嘅蒜香滿滿咁掛上拉麵，好滿足呀。越谷達摩日式咖哩湯拉麵日式咖哩湯香而不辣，咖哩味濃厚，而我就點咗粗曲麵，爽口有口感，掛湯一流。當然仲有附送半隻流心蛋、蔥、蒜蓉、紫菜同筍。而厚切嘅豚肩叉燒肉質鮮嫩，相當唔錯。自家製特飲喺達摩元祖麵屋有唔同嘅自家製特飲，我哋就叫咗接骨木花梳打同青檸無花果梳打，食飽拉麵，再叫多2杯同M佬慢慢嘆：檸檬特飲同奇異果薑特飲。

「日本文化中...達摩寓意永不跌倒、永不言敗的精神...」(MENU節錄)地點：尖沙咀寶勒巷29號寶昌商業大廈地舖 舖港鐵尖沙咀/尖東站 P3 出口, 步行約3分鐘 寶勒巷附近真係好多野食大大話話和不同好友黎搵飯食都十次八次一來近我做Facial啦…成日經過呢間餐廳外型已經夠靚仔有特色...環境：氣氛、座位好舒服；中間一張大枱，圍住坐足十人都無問題服務：店員熱誠好客，會同客人講多幾句食物：兩款拉麵、兩杯特飲（附上：午市餐牌）平日呢間麵屋Lunch時間好多人食何解呢？！因為以尖沙咀地區的定位$70午餐套餐就有齊拉麵小食加多一杯飲品CP值非常高出面單叫一個拉麵好可能已經高過呢度一仲套餐的價錢啦好勒！講返我餐晚餐先填紙揀拉麵先我都好想試下拉麵配料放題呀有得無限任食真係好吸引加$30就有啦不過今晚我仲有下場地方要去...唔食得太飽了姫達摩豚肩叉燒粗曲麵（辛）$82我就心思思想試下小辣食拉麵當然先試一試個湯底小辣原來已經好辣加上粗麵掛湯真係辣上加辣愈食愈吸引豚肩叉燒鹵得既入味又軟滑肥瘦適中另一碗就試左白河達摩（北海道3.6牛乳湯） $88因為來自牛乳入口清爽香甜好滑滑...可以整碗都飲呢個厚切豚

其實係被門面個咁巨大既達摩吸引左入去食的，結果出乎意料地好食。用啲麻繩吊落來做燈都幾特別，幾復古feel。野飲叫左兩款唔同梳打味，左邊完熟芒果，右邊有個招財貓-蜜糖味梳打個招財貓玻璃樽真係好靚玄端達摩-黑蒜油湯拉麵。香濃既豚骨湯作湯底，加入大量黑蒜油，聞到香濃蒜香。配以四選一既豬軟骨(其餘可選三種分別豚腩叉燒，豚肩叉燒和豚角煮)，傳統配料蔥花，甘筍可選要不要。黑蒜油浮晒係蛋，豬軟骨，拉麵既表面，可想言之味道多濃郁，鍾意蒜果種味既朋友應該會好愛喱個湯底，飲一啖，味蕾被蒜香同豚骨湯兩種濃烈味道衝擊，好有層次。雖然冇賣相，但係好食就足夠友人叫左白河達摩，北海道3.6牛乳湯拉麵。3.6牛乳其實代表牛奶中既乳脂含量，數字越高味道愈濃厚。用牛乳豚骨作湯底，配搭京蔥，甘筍，蟹子，洋蔥，蒜，肉質鮮嫩的豚腩叉燒，重奶味得黎帶有淡淡甜味，感覺特別。

之前和媽媽到日本旅行，她十分喜歡拉麵，卻喜歡沒那麼膩的湯底，於是，我見有牛奶湯底，所以便想和她來試試。我點了新出的無花果檸檬梳打，感覺非常清爽！而且，底部還有點點無花果籽，真材實料！我點了豬軟骨黑蒜油湯粗曲麵，果然沒有失望，麵頭十分有咬勁，而且是滿滿的蒜油，正！我還加了木耳和粟米，份量也不少！抵！媽媽的北海道3.6 牛乳湯底也是充滿奶香，媽媽表示非常高興！而且有蟹籽，口感特別。最後，再點了富士蘋果茶，有濃濃蘋果香，我們也十分喜歡。