遊樂 (已結業)

要找一處地方吃餐飯，說了要吃日本料理，心想吃關西菜最穩陣。一談起關西菜，不知怎的，okonomiyaki都是頭幾樣會想起來的，可能也是九州的關係吧！剛醒起這裡有一間新開的舖子，幾正宗地道的，就冒著大雨，來了幫襯。店子也是燒餅店的樣子，牆上貼滿各式食物的相片，舖面不大，大部份的座位也是吧檯位。選了靠近鐵板的位置坐下，順手跟女大將打聲招呼。吃御好燒，選擇也很簡單，要吃飽一點，就要加了拉麵的，如果真的要再豐富的，就要加隻煎蛋吧！剛剛練習完畢，肚子很餓，就要了個「天下之大道」，即豬肉、拉麵及煎蛋都落齊的。師傅則簡單一點，來個ika-tamago-yaki，即魷魚加蛋的御好燒。只見主理人下椰菜、打蛋、下粉漿，再煎豬肉，加麵，再焗成燒餅，最後唧上大量的燒汁及沙律醬，再在上面放上一堆木魚絲，見其戰戰兢兢的用鐵鏟切兩刀，燒餅已然完成。過程不算一氣呵成，嚴格上來說，是有點兒雞手鴨腳，技術有待磨練。需知在鐵板上賣的食物，師傅的烹調也很重要，希望遲些師傅會有所改善。燒餅材料豐富，雖然御好燒是個人而言比較不喜歡吃的日本料理，但味道也可以。燒汁味帶甜，跟沙律醬幾配合，令燒餅吃起來也沒有那般膩。而魷魚蛋餅也不錯，

Came here at 3am because we were sick of Tsui Wah and kebabs, had to look hard to find the tiny entrance, to get inside this pigeon hole of a restaurant... sit at the counter like we did when it's packed and there'ld be elbowing abound...Ordered fried udon, fried tofu with pork and of course the okinomiyaki. Food was good, not salty, and it's fun watching the chef cook, except the smoke and smell will get to your hair, your clothes, your handbag... not that we were smelling great at that time of

曾幾何時, 吃過此店一位日本男孩的手勢, 感覺是不錯的。在想不到吃什麼的時候, 決定再光顧這家店。今次獲分派到例邊的自閉位, 說是自閉位, 因為平時是沒有人過來理你, 又看不到精彩的製作過程的, 坐在吧檯較interesting。order了4份食物, 分別為墨魚內藏麵豉湯, 蛋包soba, 墨魚腩肉煎餅及蔥煎餅。在這裡看到不少不好的comment, 都是有關等得耐同前菜每位廿蚊。前菜費在很多日本餐館都有收, 個人都認為問題不太大, 不過這裡的前菜又真係揸流攤之作。所謂前菜只係一人一隻豉油碟, 裝住幾條染色海草(所謂中華沙律)同埋通心粉沙律, 味道是跟supermarket 十多元100gram的一樣, 分量是最多三箸吃得完! 採用外來貨仲收人廿蚊三啖, 真係賺到笑! 收得人錢麻煩俾少少誠意啦!日本男孩不見了, 上次吃過揸揸地流攤果位叔叔反而健在。那件煎餅味道水汪汪, 外面燒得太焦, 沒有那份驚喜。soba跟蛋是很好的配合, 可惜前者味道太淡, 要自加醬汁調味。那碗四十元的麵豉湯是整晚最好, 很自家製, 吃到魷魚腳幾得意。最後蔥煎餅姍姍來遲, 我仲以為漏單添, 是很多燒焦的蔥再灑上新鮮

星期六晚10點幾同朋友兩個黎食鋪頭有點隔涉, 不過泊車容易原本預算今晚會比較難有位, 但只有5,6個客人, 而且都算坐得舒服兩個人食, 點了豚肉+雞蛋燒餅, 手造漢堡扒, 日式餃子日式餃子不錯, 應該是自家包的, 皮很薄, 涵也有肉味豚肉+雞蛋燒餅好食, 菜夠多, 炒得結實唔散, 配醬汁食, 好飽肚漢堡扒跟蘿蔔醋汁, 肉夠新鮮, 不過入面太水, 濕左D可乾身一些炒餅既係日本女人, 幾好禮貌, 現場仲有d日本食客同佢邊食邊傾價錢有點貴, 而且前菜要加20per head, 但只係兩件玉子豆腐, 有點奇怪最後要注意, 就係間鋪抽油煙有限, 要預左食完全身都籠罩住一陣鐵板燒既味道

尋日同個朋友一心去試下。差不多7:00pm到後見到個女侍應，問佢開未，佢係完全無表情跟住開舖，都無答過你。入到去坐低睇menu，坐咗好耐都無人會理你。要我地大叫唔該先有人理。最大問題係該店係無水供應，飲品最少$18一枝未計加一，但一入去已經係要硬收每位$20前菜錢，個碟前菜細細碟。我同個fd講係咪入咗黑店？？？d嘢食一般，無想像中咁好食，比較偏咸。我同個fd講如果唔咸點叫你要叫嘢飲呢？我地一共叫咗3樣嘢, 豚肉燒餅、soka奄列、薯仔沙律。

半夜十二點鐘過D,想食少少宵夜,和女友去到這間小店,諗住食個日式燒餅.店真的夠小,全店座位加起來,大約只有十四個位.二人枱及四人枱各一,BAR枱有八個位,可看到個日本女廚師做燒餅.去到時未滿座,坐在門口的二人枱,點了一個蝦燒餅,燒烏賊鬚,枝豆及兩罐COKE LIGHT.落單後不久,走了幾個日本客入來.等了半小時後,開始不耐煩,問一問全店唯一的女待應,她答我話整緊.再十分鐘,見到比我們遲來的幾個日本客,已經開始有野食,但我們除了COKE LIGHT外,什麽也沒來,再問問個女待應,佢又話整緊.又十分鐘,我兩罐汽水都差不多飲完,但見到那幾個日本客,來完一碟又一碟,我終於忍不住,諗住同佢講不要食物了,我淨係俾兩罐汽水的錢.走出去才見到,那個整燒餅的鐵板,完全是空空如也.又見到他們剛剛從雪櫃,取出冷藏的枝豆,諗住整俾我.嘩!咁之前個女待應同我講左兩次整緊,咪即係吹水.我講我不要了,但跟住有個似係老闆的男人同我講,話依家整喇,依家整喇,完全沒有意識同我埋單.個男人又同我講對唔住,話係因為個女待應漏了單.我番埋位,好谷氣.個男人之後來,話個女待應漏了單,雖然同個日本女廚師講了,叫話整我們張單先,但個

夜晚8點幾去食, 岩岩只剩最近門口果枱, 睇唔到師傅手勢有少少失望.叫左一碟海鮮抄soba, 一碟豚肉薄餅. 叫完15分鐘先黎左碟soba, 味道偏淡, 有住家菜feel, 但份量太少.點知食完呢碟就等....等左起碼半個鐘先黎件餅..雖然好味..但呆坐咁耐, 冷氣又唔多夠, 真係等到冇咩心機食. 仲有果個服務生, 見佢由order, 送菜, 埋單到執枱都可以唔出聲, 木口木面咁...佩服!!

一向不喜歡たこ焼き、又一直以為這又等同大阪燒.原來錯了.那天由中環游落銅鑼灣熱死辣辣見到乜都唔多想食.最後停了在以前友禾同現時e-house的十字路口.記得風評不叫大好的遊樂--無人(1450),但還有定食叫.要了個日替...奄列麵60元,有個湯有杯水給妳..算係咁.下午是位男士給你炒,請幻想一下那年beachboys 反町給你送上....椰菜,三片煙肉油麵的合成物. ------------------------------------------------------------------------------------------------昨夜又到來宵夜,今次要了個餅イカ玉,可樂要了我一百元....氣氛不同了,大炒家也變了妳們在雜誌上看過那位女士.,人是健談的...問她這裡開到幾點她說正常四點,但週六曾開到七點早上.又想起always中的酒屋老闆---小雪,但點解差咁遠.餅的咬口很好椰菜理所當然的爽脆,個汁不算太甜.怕死章魚燒那滿口糊的感覺好在這裡不是.問她何時是rushhours,她說7-10...晚上,和2-4凌晨問何解？原來是樓上日式club的客人飲完酒下來醫肚

事先聲明 (本人都係做日本餐)早兩日係飲x男女搵下有冇新野試下啦!點知就睇到呢間日式燒餅店!丫...!!諗住冇死啦.可以一嘗我恨左好耐既正宗燒餅究竟係咩味啦!咁終於就約埋d同事一齊去試下咁啦!入到去.........得兩個字!! << 後悔>>小弟其實一路都覺得本身做呢行(仲要係同一區),就唔好對其他同行有意見,大家有苦自己知丫ma!但係呢次真係火大囉!感覺仲衰過出左名臭檔既文輝魚旦粉!果日四個人,有幾位女士,總共食左三個厚既燒餅!幾杯野飲,$500埋單....發現同我所知既知識入面係天同地囉!裝修同環境我唔講,老闆娘其實好有誠意<--睇得出架!但係唔知係咪想只係做日本人生意啦?事關果晚食食下有幾位架仔同賓妹入黎食野!! 哇...好有大和風味!招呼周到,侍應無微不至(咁窄位都做到呢個效果--勁)要一讚呢個女侍應,但係點解我地入去果陣佢又大濃面燒餅呢?我冇理啦,照坐...吹咩!咁攞個menu埋黎仲頂,小姐你已經好黑,仲要濃面<---完全唔係我既知識範疇入面完全唔明(你唔識劉華咩!

其實嚴格來講呢篇唔算係食評，不過服務都係出外食飯的重要一環，就比大家參考一下...我係周六晚飯時間去試ge，因為知道遊樂係近來的人氣熱店，所以七點未到就去到店門口等它營業(晚上七時開業)．當時有位四眼男士都等緊佢開門．半開的店閘中溜了一位女侍應，閃到旁邊的大廈內，一路無出來...裡面連燈都未開齊．七時過了數分鐘，店仍然未開，打電話問個究竟，是一名男子接聽：我：請問你地今日開唔開?"男：開ga"我：幾點開?"男："七點"我："過左七點啦bor，點解度閘仲未開ge？d人企晒係出面啦wor..."男："未，未到七點！等多陣啦"聽到呢個回答，心裡打左個突，不過大家唔係用同一個時鐘，好難爭辯，或者店員用日本時間計算卦??在天又熱對街又有部抽油煙機噴住ge情況下又等了數分鐘，然後終於開了門，當時已有約七八個客人等，然後大家好有默契咁排起隊來，男店員仍然不放人入內，係門前慢慢整理宣傳用的易拉架...因為人多雜亂，我和友人由第二變成排第三，我心想裡面十幾個位都夠坐啦...點知原來只剩兩桌共5個位，排第一的四眼仔霸了三人桌，一對遲來的男女又佔了二人桌，其餘全部reserved！對想食的網友，強烈建議訂位

雖然店內全面禁"煙", 始終她店子太小及窄而抽風不強既關係! 建議吃完飯整個人連衣服"必須要"送入洗衣機沖洗..吃了一個手造漢堡及omelet soba，淡淡蛋味與soba混在一起不錯, 麵夠彈性, 加埋簡單沙津醬, 不錯. 手造漢堡肉夠原，但不夠juicy, 還有小小粒粒骨.同意大部份食家言，等食物送來的時間很長，不過總好過要排隊企在街過幾鐘頭，可以一試!!!飲品要另叫, 最低的can coke都要$18, 好覺得好貴.

薄餅做得不錯, 蛋包炒麵也很出色, 燒雞腎幾香, 但略嫌有點鹹. 三樣食物另加一罐啤酒, 兩個人買單二百六, 不能說便宜, 加上店子細, 只一條走廊, 又熱, 吃來不大舒服. 看來只此一次了.

一走進去，在店裡鐵皮後站著一個日本婦人，似乎她不懂丁點廣東話，但還是一臉笑容的對我們說日語。我們只好努力地找一個懂廣東話的服務生。<br />那店的面積小得離譜。由於當晚的位子都被預約，我和男友被編到離鐵板最遠的一張桌。<br />也許\是福氣，不容受鐵板的熱氣，可是室內冷氣還是不足，加上我看見數隻蚊子飛來飛去，還咬了我幾口。<br />不過，食物毫不令我失望。<br />芝士omelette芝味濃而不滯，加上蛋味香而滑，的確好味。<br />大阪燒餅體積小，但吃來卻很飽肚。日本婦人來收碟時熱心地問﹝日文﹞：「好味？大丈夫？」我們也微笑回答。<br />如果這裡不是那麼熱，就好了~~<br />

一直想來，復活節前發覺樓下食友大力推薦，怕這裡遲早要排隊，結果倉卒之下，反而成事。六時許到達，但原來店開七時。再回頭，只剩下鐵板前的座位（是熟客的經驗嗎？）。點了Soba omelette、手造漢堡配Demiglace sauce 及大阪燒（基本玉）。是晚師傅是香港人。一開工，做的第一份就是Soba omelette，卻弄破了，希望沒影響他的心情。即使能看師傅即席表演，也還是覺得很熱，是真的，雖然外面只十五度，雖然開了抽油煙機和冷氣。等了廿來分鐘，又熱又餓又食物賣相又有瑕疵，（這第一份就是Soba omelette就是我的）但沒影響我與友人的心情。麵條還有柔軟度還有彈性也不算很膩口（下了油炒的鐵板炒麵說沒油是騙人），連沙律醬同吃，味道不錯，比崇光的匹工房秀吉好吃太多了，當然這裡的價錢也高不少。手造漢堡就有點失望：未煮以前那免治肉餅本該是粉紅色的一半表面變得灰暗啞紅，煮熟了，咬下去卻沒有牛肉的香氣及味道；Demiglace sauc沒有過濾好，也沒啥味道，不單救不了這頭垂死的牛，甚至對搭單同行的葱和芽菜也無力提攜。葱有點老，有渣，沒多少葱味。吃完這個，我們決定不再追加食物，留肚到外面吃甜

同朋友二人深夜一點入去食,其實我地剛從東京回來三個禮拜,好掛住涉谷呀!!入到呢間舖其實真係好似去左日本咁,可能真係因為全日本人嘅關係..打開餐牌,發覺可揀嘅食物唔多,不過最緊要好食就係好舖..點左焼餅,牛肉飯同啤酒一枝,燒餅味道唔錯,特別鍾意隻旦!牛肉飯真係好普通,無味,都幾貴..總括來說,味道普普通通,但老闆娘都幾有誠意做生意,希望好快會改變得好d..