影片
更多
2007-07-15
半夜十二點鐘過D,想食少少宵夜,和女友去到這間小店,諗住食個日式燒餅.店真的夠小,全店座位加起來,大約只有十四個位.二人枱及四人枱各一,BAR枱有八個位,可看到個日本女廚師做燒餅.去到時未滿座,坐在門口的二人枱,點了一個蝦燒餅,燒烏賊鬚,枝豆及兩罐COKE LIGHT.落單後不久,走了幾個日本客入來.等了半小時後,開始不耐煩,問一問全店唯一的女待應,她答我話整緊.再十分鐘,見到比我們遲來的幾個日本客,已經開始有野食,但我們除了COKE LIGHT外,什麽也沒來,再問問個女待應,佢又話整緊.又十分鐘,我兩罐汽水都差不多飲完,但見到那幾個日本客,來完一碟又一碟,我終於忍不住,諗住同佢講不要食物了,我淨係俾兩罐汽水的錢.走出去才見到,那個整燒餅的鐵板,完全是空空如也.又見到他們剛剛從雪櫃,取出冷藏的枝豆,諗住整俾我.嘩!咁之前個女待應同我講左兩次整緊,咪即係吹水.我講我不要了,但跟住有個似係老闆的男人同我講,話依家整喇,依家整喇,完全沒有意識同我埋單.個男人又同我講對唔住,話係因為個女待應漏了單.我番埋位,好谷氣.個男人之後來,話個女待應漏了單,雖然同個日本女廚師講了,叫話整我們張單先,但個
店真的夠小,全店座位加起來,大約只有十四個位.二人枱及四人枱各一,BAR枱有八個位,可看到個日本女廚師做燒餅.去到時未滿座,坐在門口的二人枱,點了一個蝦燒餅,燒烏賊鬚,枝豆及兩罐COKE LIGHT.
落單後不久,走了幾個日本客入來.等了半小時後,開始不耐煩,問一問全店唯一的女待應,她答我話整緊.
再十分鐘,見到比我們遲來的幾個日本客,已經開始有野食,但我們除了COKE LIGHT外,什麽也沒來,再問問個女待應,佢又話整緊.
又十分鐘,我兩罐汽水都差不多飲完,但見到那幾個日本客,來完一碟又一碟,我終於忍不住,諗住同佢講不要食物了,我淨係俾兩罐汽水的錢.走出去才見到,那個整燒餅的鐵板,完全是空空如也.又見到他們剛剛從雪櫃,取出冷藏的枝豆,諗住整俾我.嘩!咁之前個女待應同我講左兩次整緊,咪即係吹水.
我講我不要了,但跟住有個似係老闆的男人同我講,話依家整喇,依家整喇,完全沒有意識同我埋單.個男人又同我講對唔住,話係因為個女待應漏了單.
我番埋位,好谷氣.個男人之後來,話個女待應漏了單,雖然同個日本女廚師講了,叫話整我們張單先,但個女廚師都係做晒D日本客張單,才做我們的食物.
我覺得好唔合理,首先女待應漏了單,我問了她兩次,她都不同我講漏單,只係話整緊,但其實又完全未整,只係同我追過,又追唔到.個日本女廚師,又好似完全不理我張單,我不知是不是那幾個日本客是否較為重要,定係同鄉三分親.枝豆呢D小食,簡單野,應該一落單就攪啦,唔駛等到我話要走,才拿出來.而那個大鐡板,絕對可以同時整多於一樣食物,你做那枱日本客的同時,沒理由不能照顧另一枱,分明那個日本女廚師,大細超.
那個似老闆的男人,後來送了一罐COKE LIGHT給我,他頼晒係個女待應同個女廚師,但他唔係老闆都係管理層,其實責無旁貸,間餐廳咁細,員工又唔多,都完全管唔掂.
D食物最終是在個多小時後才來.唔好問我好唔好食,因為食之無味!!!!
終審裁決......死刑!!!
张贴