遊樂 (已結業)

夜晩本身想食TST和花亭.點知X竟然10點半先放.無得食...黑曬面既我就比佢帶左黎依間小店食野.1入到去得我地兩個客.老板係識講少少廣東話既日本人.師傅都係.地方係好細.得10幾個位.但就可以睇曬師傅整野食既過程.打開meau.食物選擇唔太多.以燒餅,小食同埋下酒菜為主.我地叫左豚肉薄餅,手作漢堡扒,煎餃子同埋梅子SODA.20蚊既前菜我覺得已經比出面好.20蚊既誠意我都食得出.煎餃子個皮非常薄.個底都煎得唔錯.但我就覺得個涵用既肥朱太多.無乜口感.豚肉薄餅我地全程睇住師傅整.拎到過黎既時候熱辣辣香噴噴.木魚乾頌係度同你揮緊手好味呀!!!!餅面既燒汁唔會太甜.餅入面既涵都係椰菜絲.但比起"一平安"個個燒餅好味10倍!!最起碼佢有調過味!!舖係面既豚肉.係薄薄一片.好似煙肉咁.成個薄餅浄係睇佢整既過程已經加分不少.而且佢個味道係好好!!我地本身係想叫手作漢堡扒套餐.但係原來夜晚無.漢堡扒1黎到.X就急不及待要据啦.試下先.無"叮"1聲個種好味既感覺.漢堡扒既肉應該係攪碎過兩次以上.因為你咬落去根本唔洗力.你可以話佢有花心思,但對於中意比較有口感既食友.依個漢堡扒就可能滿足唔到你啦.老板

今日, 狼狽的由深圳趕返金鍾上堂, 下課後, 野又未食, 黎到銅鑼灣, 搜, 心中有目標是日本菜.路過這問麻雀小店, 每張檯均可以變身Teppanyaki, 打開一個選擇不算多的Menu, 又日文又中英, 實在有點眼花. 點下一個厚餅同一個送酒小食, 加一罐日本啤. 自己只穿恤衫西褲, 沒有打呔. 坐在呢D彈丸小店, 用小杯飲啤酒食枝豆. 幻想起身在日本, 單身男士的一個典型下班晚餐.個餅來了, 上面鋪滿木魚片, 面層是豚肉, 餅中間是雜菜煎成的餅, 這便是小店的招牌餅. 非常好食. 而且一口啤酒, 一口豆, 再一口餅, 一口說句 "haoshi" 說價錢, 貴左D, 而且被老屈了一碟$20的粉絲..... 不過食得出食物是用心的製作, 慢工出細貨. 用料亦上乘. 遊樂真夠味. 開到4am, 第日同開朋友Bear完, 半醉又想食餐靚的, 不妨這裡.

我係呢度既第一次就畀左呢間野喇~~~真係忍唔住要話返幾句!!!事先係呢度已睇到大家既食評,有哂心理準備要畀前菜費, 同埋冇水冇茶會渴死你~呢D都冇問題, 咪當茶錢LOR~入到去一坐低, 真係好..細!可以話係住BAR台黎, 我地黎到時 明明有4個BAR台位淨, 又唔畀我地2個人坐..迫我地坐左係門口 既二人台叫天不應叫地不聞呀!!叫完野, 等2字先上野飲,杯巨峰乳酸梳打..一D都唔掂!!!上完野飲上前菜...我一心以為係菜絲沙拉啦,點知係一兜雜菜...(好似馬食草咁..) 廿蚊呀!!!(加埋一係廿二蚊)跟住好快咁食完2碟草, 等左好耐好耐好耐...悶到我地不斷搵野出黎講, 問題係.我地好肚餓呀!我諗足足等左25-30MINS先有野食!我地叫左..年糕芝士燒餅 同埋 豚肉, 烏賊,蝦,炒面 燒餅年糕芝士既唔得~冇RICH既感覺都食唔出有CHEESE味..有炒面既好好多~~~~ 呢個就值得一試喇~~總括黎講, 原來我係畀呢度既相吸引去左..亦見到係日本人打理,真係想回味一下係日本食既感覺點知...咪捉虫LOR~.~前菜畀佢呃預左..但原來重要加一...佢有咩服務WOR~坐係門口冇人理, 要

1. 坐低先見到一人二十蚊前菜, 但係得一個豉油碟既粉絲沙律2. 唔好話茶, 水都無杯, 但係收加一3. 就算唔對住個爐都好大油煙4. 食物ok, 但係portion細得可憐5. 門口個定食易拉架寫住"午市暫停供應", 但係晚市又無, 咁放出黎做咩?

上星期經屋企人介紹去試左E間日本人開既薄餅店！我地食午市！所以叫左午餐食！.....但唔太多人.....但入面好細，唔多位！但D野食真係唔錯！個師傅係到即炒即整！豚肉薄燒餅：真係好好食！入面Ｄ芝士仲係溶溶地！漢堡扒：Ｅ個我就覺得一般啦！可能全肉關係啦！口感唔錯既！有酒味架！ＳＡＢＯ：夠特別，用蛋包住Ｄ炒麵，而入面仲有菜,煙肉！我＼見到個師父係到炒野同埋炒好佢都好有心機！

星期一晚, 同女友兩個人係銅鑼灣, 想起呢度有好多笑臉, 就來睇吓, 希望唔使等好耐啦! 點知一去到就有位, 非常幸運之前睇過食評, 知道呢度係無水/茶, 亦要收$20前菜叫咗:1. 燒雞腎2. 煎餃子3. 豚肉雞蛋薄餅4. 豚肉雞蛋芝士泡菜薄餅5. 巨峰乳酸梳打雞腎就一般, 煎餃子好味, 侍應仲好細心教我哋應該落乜醬薄餅就唔使多講, 話明係招牌菜, 兩個都好味, 自己就鍾意"豚肉雞蛋薄餅"多啲, 睇住大廚慢慢整個燒餅出來, 真係好特別不過, 油煙就真係大咗啲......

到sogo購物後, 走黎呢度食個日式燒餅"右京燒". 中學時代很喜歡看漫畫<亂馬>, 漫畫中的右京時常努力不懈地去炮製燒餅, 很可愛. 也使我對這關西風味的小吃有一種情意結.店裡差不多全是日本男性, 一邊不停飲sapporo 生啤和吃燒餅. 我也叫了sapporo 生啤和豚肉燒餅(薄型).前菜是日式芝麻醬沙拉伴火腿. 份量很少. 不過幾惹味.豚肉燒餅有好多木魚絲, 因為熱力像有生命般搖擺不定. 我最喜歡欣賞呢個時刻.桌面上有沙拉醬, 燒汁和紫菜粉任加, 很香口.p.s. 這裡油煙味超勁, 最好不要穿名貴衣服去.

mar 4, 08晚,2人來食dinner,叫咗 :1) 前菜-牆上寫明晚市開始呢碟要收$20 (做功課時已知這個收費)-今次呢個煙鴨胸伴椰菜絲,鴨胸為正常買番嚟嘅貨,而椰菜絲就好新鮮,有d dressing,都好好味,不過咁樣收$20就真喺貴咗d2) 豚肉雞蛋薄餅-面舖咗好多木魚絲-蛋漿部份都幾厚-個燒汁都濃味,但幸好唔會過鹹,所以整體幾惹味3) 炒烏冬-烏冬有d煙韌-ok4) 炒烏賊鬚-烏賊鬚有鮮味,唔知點解直覺喺用乾貨-ok5) 飲品-因無水無茶供應,所以要叫嘢飲-白桃乳酸梳打x 1-青蘋果乳酸梳打x 1- 不過油煙味指數屬中等至偏高

看似這是一間日本人開的店,因為老闆娘是日本人呢(雖然唔知係唔係老闆娘)店內氣氛很好,可能員工都係用日文溝通關係..好似真係去左日本咁!食物方面,選擇唔係好多,主要係燒餅,飯,麵..我今次食既係豚肉雞蛋薄餅,材料豐富,個燒餅好實,無散到,仲好厚吓,味道不錯,係好好食好日本feel嗰隻!特別鍾意d椰菜,好爽好好食!仲要左枝波子水,宵夜可以嚟搵佢!

昨天凌晨又到遊樂,一個新面孔在那鐵板後.由女的肥的變了高的瘦的,依然的熱鬧.依然是無茶水供應(人家寫到明,中英對照)要了札幌啤.要了個豬肉泡菜餅.豬腩肉燒得干了些但椰菜多汁爽脆味道保持. 這裡的前菜永遠的沒大心機.但來這裡吃的多是感覺,那一份致身在日本的雰囲気.對以食物而言像是笨瓜百幾蚊食唔到幾多嘢.但來這裡就是這樣,不高興咪過主啦.

昨天和BABY想去吃宵夜﹐因為之前見過飲食男女介紹﹐就打算試試﹐結果得兩個字: 搵笨!首先坐低﹐無水無茶﹐我問WAITRESS要﹐她話本店不提供茶或水﹐一定要叫飲品。我真係第一次去到間餐廳連水都要俾錢! 你去大家樂有水啦! 我真係無明你俾個客一杯水你會搵少幾多錢! 搵笨之一。BABY無奈叫左杯$28既白桃飲品﹐飲左兩啖就無啦﹐睇真D﹐原來足足有一半係冰! 奉勸各位下次黎叫野飲一定要叫走冰! (不過以呢間鋪既CHEAP程度分分鐘唔俾走)。搵笨之二。最激氣既就係居然硬性要求我地每位加$20前菜費用。請注意﹐我地去既時候已經係夜晚12點﹐又唔係繁忙時間﹐呢種硬加價的方式真係令我覺得好CHEAP啊!! 跟著前菜上左﹐居然係兩片薄薄既類似BACON既野同幾條生既高麗菜伴碟! 甘就要$20﹐搵笨之三。於是我同BABY坐低﹐未食到任何燒餅已經俾屈左$68.....上菜慢呢D野可以忍﹐燒餅味道不過不失﹐比較好食既係年糕芝士蛋糕燒餅。呢度既價錢都算貴﹐平均一個燒餅$60-$80﹐貴既過百都有﹐我地叫左3個餅﹐一杯白桃飲品﹐一樽細水(YES﹐又俾屈多樽水)﹐兩位盛惠$352﹐搵笨!講真﹐甘既價錢﹐甘既服務

佢係一間好細細既店，我o個日咁好彩就係得個淨識日文既招呼我地，一入去就問有無bk，咁我都係咁岩行入去，所以就話得兩位，好在早去，因為佢真係未到而bk左唔知幾點既檯佢都係唔比人入架，O個日仲要係星期三來架，都客滿。我咁岩就坐左o係個鐵板前面，一見到會收$20既前菜竟然係好普通既日本中華SALAD，好失望，不過驚喜在後頭，個師傅O係我地面前煎左個好好味既豚肉SOBA餅，口水都流埋，仲有識旭旭下既木魚絲，上檯既時候仲有個鏟仔比你，個日本FEEL既時BOMB一聲出曬來。我仲叫左個CHESSE年糕，講真有D失望，佢竟然唔係有得拉出來既年糕，佢同上海既年糕口感係一樣，煙UN不過唔彈牙。個CHESSE又唔係好多，味道不太濃郁。見到人地叫左個好似蛋糕既CHEESE OMLETTE，我就決定叫個ICE-CREAM OMLETTE，佢既製法係將EGG打到起曬泡，再將佢慢慢咁厚煎，你放入口O個下真係好似放左BOBBLE入水口，雖然佢既ICE-CREAM都唔知係咩味來架~因為受唔住佢既熱氣，叫左個BEER仲有COKE，真係配佢地正呀!

星期六下午點幾兩點去，竟然冇其他顧客~兩個人叫左一個soba奄列定食同一客豚肉燒餅。即order即整，所以需時比較久。期間瞥見桌前貼了晚上光顧需付20元前菜費，心裡已決定日後再來吃時儘量挑午市。Soba奄列內的拉麵抄得很香，還不算太油膩；豚肉燒餅也十分可口，配上醬料和木魚實在非常美味。還有其他餐牌上的食物想試，下次會再來吃。店子面積不大，還好這次光顧不用輪候。價錢不算便宜，基於食物質素不錯，偶爾光顧一次也行~

遊樂真係好鬼細，如果無數錯全店得15個位，雖然有D晌大阪嘅日式薄餅小店風味，但又真係細咗D！其實之前睇過雜誌介紹覺得幾好，加上再想食番晌大阪食燒餅嘅感受，先至哩試下！星期二8:00pm哩到，好彩啱啱有人準備走，等咗一陣就有位，仲係我覺得係全場最好嗰果兩個位，因為坐晌Bar枱得哩，但唔係對正鐵板爐嗰兩個位，係隔離嗰兩個，睇到師傅整餅一連串動作利落之餘又相對無咁食正D油煙。打開餐牌都好多選擇，但唔係樣樣嘢都有中文翻譯，不過，有D日文有漢字，都明明哋，仲未明，問師傅，因為早晚兩更個師傅係香港人，聽佢講到夜D至深宵更就由D日本師傅負責。除咗餐牌，佢哋有D人氣榜，睇完揀咗個SOBA奄列（$78），另外要多個蝦、烏賊、豚肉雞蛋薄餅（$88），餐牌內食物嘅價錢我覺得都OK，不過，計埋得3舊仔蘿蔔、魚蛋之類嘅前菜（$20，7:00pm後必須收取每人一碟，貴過酒樓D茶芥，仲要入到去至會見到），以及無清水供應，食煎炒嘢無可能唔飲水，最平要支烏龍茶都收你$18（唔好以為咩日本正嘢烏龍茶，只係道地嘅膠樽裝），再加埋一，結果埋單兩舊半，咁就真係唔抵食！講番個SOBA奄列同個雞蛋燒餅，全部即叫即做，但就要等好耐，

星期二晚, 男朋介紹我到這小店一試.之前他已經和同事黎食過lunch, 各人都讚不絕口!一入到裹面, 店面小小的, 加上微黃的燈光, 好像到了日本一樣. 店員都是用簡單的英語和你溝通的. (除非係日本人/你識講日文) 他們會介紹招牌菜和一些配合的小菜, 最後order了:1)前菜(送的)蘿蔔+獅子狗蘿蔔很諗, 入味, 但份量少, 而且每份要20蚊ga!!75分2)煎餃子又熱又香, 加上店員幫你調的餃子汁, 不錯!75分3)漢堡扒+cheese感覺有點像紅燒獅子頭, haha醬汁配合半溶的cheese, 很美味!!送飯更好!!~75分4)豚肉薄燒餅top 5 的其中一樣, 果然美味!外脆內軟, 燒餅汁野味, 正!!但size不大85分5)海鮮炒sabo(?)sabo(?)其實係麵, 味不太濃, 少油, 但炒得很香.可能太好味了, 所以覺得份量太少. 85分由於店面細, 所以訂位較安全, 可以不用等.在你身邊+店員都是日本人, 令你有到日本旅行的感覺...食物等候時間較長, 但我已經約了幾位好朋友下次再來~ 值得再去推薦!!