連文記冰室

营业中

休息中

lunch 一個人去左食花膠雞，上次食左米線。但花膠雞的精髓在於湯汁，點可以唔摞湯飯索一索個汁。有同事話初初食的時候，湯更加粘稠，不過宜家稀左好多。我覺得還好，花膠都比的幾重手，好幾件大大隻，食落彈彈滑滑，有d爽雞係香滑嫩，同埋唔腥(有可能有人嫌雞清淡左，但我個人覺得好好)。食完好飽btw 佢杯熱奶茶係我最愛，奶香味重，啱我口味。奶茶都不是普通小瓷杯，而是一個高身小小的杯子，鐵做。感覺幾新奇，茶味不算重

其實同同事嚟幫襯不下十次，次次都係食湯米線，湯底係唔錯，份量足。今次因為天氣涼咗嘅關係就點咗個胡椒豬肚雞米線。份量超大，有成四份一隻雞，雞皮唔太厚同肥，雞肉略嫌有啲啲嚡，雞肉味濃。大量酸菜，唔太酸或甜。豬肚都有6-7件，質地唔會太淋亦唔靭，味香唔似食橡膠，算係咁。不過最強同重點就係個胡椒湯底，清香而味濃，濃濃胡椒味又唔會太辣，配上酸菜嘅味道係會一啖一啖唔停咁飲盡個湯為止。其實仲有酸菜魚、花膠雞，雖然我未試過，相信我會去試勻佢啲出名湯底。價錢方面普通米線係正常，其他湯底個價錢會高啲，不過係值得一試！

喺荔枝角返工，食嚟食去都係果幾樣野，但係連文記呢個胡椒豬肚雞米線真係食極都唔厭中午12:10分去到9成吉位，10分鐘之後已經坐滿9成，好快就開始要排隊了。其實除咗米線仲有飯食，瑞士雞髀飯同蔥油豬扒飯都好出名，不過我獨沽一味始終鍾情於胡椒豬肚湯米線雞同豬肚既份量唔少架，仲有酸菜。可以揀大、中、小辣，但係佢每次嘅辣度都會有啲唔一樣㗎，每次我都差不多飲晒啲湯仲有芫荽！如果唔食嘅朋友記得叫佢走青連埋飲品$5612:45我離開嘅時候門口已經大排長龍了

滋補花膠鷄米線🍜＋熱奶茶☕️經朋友介紹所物色在工廈裡的餐廳。同時看了一下其他食評，說味道已大不如前，但對於我第一次吃來說，卻很美味呢。既然初來乍到，當然要一試他們的招牌米線（還有泡飯可供選擇）。滋補花膠鷄米線🍜• 湯底美味，帶有鷄湯獨有的鮮甜；湯底看似很濃郁，但喝起來卻又不感到油膩。• 花膠和鷄的份量很多；花膠基本上偏佈了整個湯碗，同樣鷄也是所給的部位都是啖啖肉。• 鷄肉鮮嫩幼滑，湯的精華所在都滲透了在鷄肉內。

響附近返工，同事極力介紹，幫襯左一年，主要係鍾意食米線，大多數配菜都食過。最初驚為天人，第一次去食花膠菇米線，個個星期幫襯。但近呢幾個月已經覺得啲湯淡左，食午飯時間2:00已經叫乜冇乜，呢間野冇米線重點能夠幫襯？雲吞size得返最初嘅三份一大小，細粒到可憐。同事話碟頭飯果類野，相信係好好食嘅，但係真係唔鍾意食飯冇理由為咗飯而去。曾經係好好，如果你係為咗豬骨雞湯同埋米線想去呢間野，就唔需要再去。成班同事都blacklist左。

相信係附近返工既朋友對於連文記一啲都唔陌生，皆因佢既米線同飯都好好食。 平時為左佢都會特登早啲出去等位食飯。每次去到諗左陣都叫叫花膠雞米線，當然之前都有食過其他，例如口水雞米線，蔥油雞扒飯等等，每樣都幾好食，而且價錢親民最近好多餐廳都會有花膠雞等等哩類我地覺得好背既米線，食過幾間哩個係性價比最高既一間，佢地既花膠林身又滑，雞肉肉質又嫩，整成碗花膠雞米線都好高質。對面個枱食有花菇個隻，聽到佢地講菇都好食，搞到我心思思，下次試下食有菇個隻先。難怪佢咩時段都有好多人去食佢

餐廳入面好有特色好靚，好有香港既味道下午茶乜都有得食!炸雞炸魚，公仔面茶餐夠大份，有面食，仲有埋奄列同埋面包咁先至43蚊大大份好抵食最靚係個碟，食完有驚喜！好靚下!

很久沒有到昌隆工業大廈食午飯，還記得以往有兩間不太吸引的日本餐廳。有一天，一枝公經過舊地，原來開了間冰室。太好了，又多個新選擇！連文記在放飯時間，人龍長得很，曾試過等了十五分鐘才有位。米線湯底是豬骨鮮雞上湯，且不含味精！最近胃不好，米線似乎是好選擇。難怪吸引一定的顧客！-------------滋補花膠雞米線：花膠非常彈牙，份量也多。如此價錢能有此份量，相信是鯰魚花膠有鯰魚恐懼症的朋友要留意。另外，雞脾不錯的。湯底也是鮮甜清淡的。胡椒豬肚湯米線：胡椒湯底非常香辣，胃不好人士切勿食用，會加劇病情，我正是人版豬肚好彈牙，我得喜歡！

再次光顧，果然無令我失望，上次覺得偏咸，寫咗食評，無諗過今次來到改善咗，味道剛剛好，花膠超多仲好厚添，雞今次係雞脾成件上，依然滑潤，泡飯的飯比較硬身，同事覺得太硬，我覺得還好，似係用極熱既湯去將隔夜飯同雞肉整熱，配合得剛剛好再加上芫茜超完美。

昔日的荔枝角區只有工商大廈，但隨著不少中小型廠商搬遷到內地/越南/泰國/緬甸/柬埔寨地地區設廠，不少廠房空置而最後改為各式餐廳，憶利工業大廈就是活生生的例子！今天就去MTR附近覓食，因為MTR出口對正入口處的樓梯，所以就算如今天一樣下大雨也不怕！由於今天是星期六，所以中午時份也不多人，但在平日的午膳時間，通常也要在門外排隊等候！女人👩唔補好易老，所以order 了限量供應的花膠雞米線，以為只有少量花膠，但原來是足料花膠，大大嚿好有口感，雞肉又嫰滑另外也order 了雲吞雞米線，一樣是足料，十分滿意

講真呢間野剛剛營業個時，我好支持的。餸可以自己揀，價錢又合理，當時$3x就可以食到3餸湯飯。當時我1星期會食2-3餐。自從佢變晒指定餸（變相加價仲要焗你食你唔想食ge餸）變到成$50個指定3餸湯飯，升幅大到嚇親寶寶。都算，服務仲要超差。問佢魚腩魚腐米可唔可以走魚腩，俾多少少魚腐，佢話唔得。都算，有次食，佢自己冇魚腩，就話可以俾多d魚腐。有冇咁彈弓手呀？！定個店員咁驚廚房呀？今次食 下午茶雞翼撈麵，問佢雞翼另上。佢又話唔得！另上都唔得？！我第一次聽到另上都唔俾！我話凍檸水走甜少冰，佢放底成杯7成滿冰ge俾我，我問：我要走甜少冰wor店員答：係呀答完仲即走。隔一陣，又拎住杯野飲，問我朋友係凍奶茶我朋友答：我係凍啡少甜少冰佢就放底話係呢杯，飲落，又真係啡！咁做咩要問凍奶茶？食完一肚氣ge飯，再問下同事，原來佢地都中過晒招，又係樓面亂咁黎。食呢間，要好高EQ 呀我就決定一世都唔再食

工作咁辛苦, 為什麼? 當然有好多原因!但為左食好野肯定是頭幾位!今天在荔枝角D2 出口出去時, 偶然發現有條神秘樓梯可以食到碗雞湯米線~咁就上去望望, 原來間野叫連文記.見到都有d 雜誌介紹佢地最出名係花膠雞米線,但見到個menu 就想食雲吞竹笙雞湯米線, 可能自己熱愛上海野的關係. 等10分鐘到, 湯米連杯凍檸檬茶都上到來. 濃烈的雞香味令到自己食慾大增.以為是一般雞件, 但原來是一件件大雞件上碗, 嘩! 我呢個肥仔都覺淨食雞件都有飽肚的感覺!個湯不用多說, 好清. 不算太油膩!令我成碗飲哂.埋單都只係$60 有找, 性價比一流,令我差足電再繼續摶殺!!

同事帶我哋來試新嘢，其實荔枝角由選擇唔多既地方，呢幾年間變得越來越多選擇，呢聽講呢間超多人等位，所以我哋同事提早出來攞位先食到，睇咗openrice好多人都食滋補花膠雞米線，我個人覺得雞湯同泡飯鴿點，所以我㨂花膠雞湯泡飯，份量十足，湯底偏咸，花膠都唔少塊，雞超滑有雞味，大家都覺得超值，套餐連咖啡或茶，不過杯咖啡我唔識形容，總之不過不失，大家都喺度分析佢到底點做到咁滑既雞。我哋走既時候見好多人喺度等位。

嘻~~  首次3人行咁出去食飯, 真心感謝兩位新同事, 你地既加入又讓我有番動力, 動起來!!!!!!!平時都係外賣返公司, 今日難得可以出去閒逛下, 抖抖氣~~~對住啲數字, 文件, 時間耐左真係人都癲癲地其實我地三條友, 根本唔知食乜, 加上玫瑰生日, 我地啱啱先食左件蛋糕, 又唔算好餓, 但必須食野, 條件本來話飲湯架, 但好多食物都沽清, 所以最後我地揀左一間位置唔起眼既餐廳!!!連文記, 味道幾好, 可以ENCOREK胡椒豬肚雞泡飯$56M蕃茄鮮牛肉泡飯$46C雙花米線$69凍飲另加$3蚊

公司附近的一家餐廳，偶爾發現也提供早餐，於是去了試試。早上不算太多人，一個人可以霸張4人桌。點了餐之後很快就有得吃。雪菜肉絲米好大碗，雪菜也不會太咸，好吃😋另配了多士和雙蛋。一個人吃不完。不過多士雖飛邊，但麵包本身質素不好，太軟塌塌，沒有氣體撐起塊麵包。如果用A1你白麵包就會好一點。咖啡我不喜歡這家的口味，太過苦澀。30元一個早餐套餐，捧腹而走😅