連文記冰室

营业中

休息中

出名胡椒豬肚湯底，叫咗個胡椒豬肚雞湯飯湯底好香好濃胡椒豬骨味，豬肚算乾淨無異味 但同時無味雞肉似係浸雞，肉唔老，但唔算滑，重雞味飯粒比較爛，唔夠一粒粒 總結：湯底可取，其他可能因午市爭啲

今日好難得過到嚟長沙灣，睇食評話依間嘅胡椒雞米線好食，見時間咁早應該唔駛等位，咁就一於去試吓啦😆我叫咗一個胡椒雞豬肚米線，豬肚同雞嘅份量都好多，係味道方面,啲雞食得出有雞味，唔係好似其他舖頭咁無曬味，豬肚個尺寸切得啱啱好，味道仲好好味，唔會有陣怪味😌酸菜都唔會話太鹹，所以都好好味😍湯底方面胡椒味重，一路食一路都見到好多胡椒粒🤩最重要食完唔會話覺得頸渴😍 仲有最估唔到嘅係依間舖頭嘅人情味，知道我要外賣拎好遠，特登拎個環保袋嚟同我裝好D，唔使話返到去整瀉晒🥰🥰🥰知我趕時間仲搞埋我點搭巴士走☺️所以總體來講值得推介😚

🥢望番最近啲post 大魚大肉咗好耐 都係介紹番一啲清淡啲嘅嘢🥢連文記係一間係荔枝角都出名嘅米線 但一至六都係開到5點 星期日休息 所以只有星期六中午先食到🥢都好多人食而且會賣晒 所以唔好太晏去 我嗰日等左十分鐘就入到🐔胡椒豬肚雞米線 $58湯底超香胡椒味 好多酸菜 但唔會太酸 係可以不停飲嘅湯底雞份量都多 大大件 仲有隻翼 不過就真雞件 有骨的😂我會怕麻煩 豬肚都大件 鐘意胡椒豬肚湯嘅必點🍄雙花米線 （花菇加花膠）$69呢個湯底係豬骨鮮雞上湯 比較清淡 又係飲晒d湯都無問題花膠同花菇都係呢到嘅招牌菜花膠同花菇都好大舊不過花菇有少少酸 米線黎講有少少貴 不過係花膠花菇 所以都還可以接受 仲包埋熱飲🥢除左米線 仲可以轉米粉 泡飯 🥢其實連文記都係一間茶記 有常餐 早餐 下午餐 蔥油雞扒飯 等 🥢整體黎講胡椒豬肚雞比較出色 值得一試 但未去到要排好耐食 食得譚仔太多都可以轉下口味

連文記係樓上店，位置都幾隱蔽，但好近MTR，天氣熱都唔怕，12點半左右到，已經大排長龍，限住二人一台，所以都要等半個鐘先入到座。不過等咁耐都係值得架！！第一次食胡椒豬肚雞米線已經愛上，雞有好幾件，而且好入味，湯既胡椒味比想像中濃，好好飲，差唔多飲咗半碗，豬肚比較爽而且大件，抵食！鍾意胡椒湯既朋友唔好錯過！！

之前都聽過人講呢間餐廳，不過未食過，今日特登黎試下，差不多12點黎到，但要齊人先入得餐廳都唔算大，而且限住二人一台，所以中午時間都要等一陣位食物選擇唔算多，不過黎親既都係食米線多點左個花膠雞米線，花膠細細塊，都多既，雞都幾多件，而且都幾滑，都ok另一個係胡椒豬肚雞米線，呢個個胡椒味無想像中咁濃，而且豬肚唔係好淋，雞就幾滑兩個米線都包飲品，熱咖啡同熱奶茶都正正常常，不過味道唔係太深刻，短期內未必會再食

 胡椒豬肚牛肉米粉 💰$58呢間咁隱蔽既樓上店出名食花膠雞米線同胡椒豬肚雞米線，💁🏼‍♀️本身中意胡椒味就當然係揀胡椒豬肚湯啦。但咁岩米線賣哂只好轉米粉了😶(平時係屋企飲得多雞湯&湯渣，所以呢次轉左鮮牛肉，冇食到雞）😇好香好重胡椒味，見到勁多胡椒碎，豬肚都算多唔會韌，牛肉片就正正常常啦。👁‍🗨中意胡椒湯/老火湯底既話都可以試下😌

👍🏻胡椒豬肚雞米線 (包嘢飲) $58湯底胡椒味勁重勁濃郁，仲見到有白胡椒粒🤪飲落好勁胡椒既辣味，好好飲呀🤩👍🏻👍🏻👍🏻豬肚厚身大舊，彈牙偏腍身😋唔係韌到咬唔開個種，亦無臭味雞俾左雞全翼同雞背，雞味香濃🤤不過肉質就老左少少配菜有大量津白同酸菜，吸哂湯勁正🤪！米線偏腍唔夠彈牙，但份量超多，食唔哂🤰🏻下次再去我會嗌多湯少米😆😆整體湯底好高質，係勁濃郁既胡椒豬肚湯正到飲哂個湯🤤😙味道：9/10性價比：9/10-📍#連文記冰室荔枝角長義街10號昌隆工業大廈1樓A舖

呢間已經食過好多次, 多數星期六食, 因為佢地只營業到下午5點, 放工後無可能趕得切去食。而每次食都是點同一樣食物 - 招牌花膠雞米線。暫時只係食過兩間花膠雞湯麵 - 連文記冰室同樂湯雞麵館。我認為連文記各方面都比樂湯雞優勝。首先, 可能地點的關係, 連文記賣$69一碗, 而樂湯雞賣$88。然後, 雖然連文記的餐牌沒有清楚說明, 但我每一次幫襯, 佢地都係供應🍗雞髀, 肉質嫩滑又好入味。而樂湯雞就睇彩數, 同埋佢地無事先醃過D雞肉, 扣分。再黎個湯底, 連文記的花膠雞湯好好飲, 鮮味濃郁, 滿滿骨膠原的感覺, 不過要留意一點就是有少少油膩, 我想是因為佢地用雞髀去煲個湯底吧。而樂湯雞的湯底無論雞味和膠質都唔重, 較清淡。另外, 連文記除左雞件, 花膠同菜既份量都好多, 飽肚同味道同時兼顧。對連文記冰室無論價錢, 味道, 份量都十分滿意, 推介。                     

一到下午食飯嘅時間人流不絕，大概正午12點好彩早咗少少到餐廳，否則就要派隊等位。一坐低就猶豫不決叫咗好想試嘅胡椒豬肚雞米線（≧∇≦）▧ 胡椒豬肚雞米線呢度最出名嘅其中一款米線就係呢一款胡椒豬肚雞米線，名副其實非常香胡椒味，夠晒香濃！而家都非常之滑同新鮮，冇雪藏味。▧ 口水雞米線口水雞就一般，始終唔係主打菜，雞同口水汁嘅味道分開。

經YOUTUBER 介紹才知道這家小店，今日LUNCH 來試試，地點在荔枝角OFFICE 區，近D2 PLACE。聽說LUNCH TIME 12點多便開始要等位，所以建議大家12點前來到。今次我大約11:45來到，是第二個客人，可以自己選座位。之前YOUTUBER 介紹的是胡椒豬肚雞米線，套餐配上飲品一杯。上枱賣相吸引，先嚐一口湯，超級濃郁胡椒味和雞味，配上大量酸菜，感覺很足料又不是味精湯，湯底100分! 配上我最愛的米線吃一流! 豬肚份量很多，雞肉也算不少，味道不錯，不是很滑但雞味算足，還有一些菜，感覺健康。吃完有超滿足的感覺，不過因為胡椒有一點辣，起完會流汗 (大約3月份還不是很熱的日子)。聽說花膠雞米線和飯類也不錯，大大份，一定會再光顧。

花膠雞米線 $69好闊佬既花膠，一碗大嘅有三至四舊，仲要有兩大舊雞，我食過都兩次中雞髀，雞好滑，香濃既雞湯，食完完全唔會口渴，超滿足🥰葱油豬扒飯 $47有兩大塊豬扒，煎得非常香脆而且好juicy，葱油都好香，你會不知不覺間食晒成碟飯👍🏻唔食葱既朋友表示相當感動，落單姐姐好貼心咁將我嘅要求打左四次😂味道:★★★★★性價比:★★★★★🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #米線 #荔枝角 #荔枝角美食 #食評 #走䓤呀唔該 #養生 #花膠雞 #連文記 #香港米線關注組

好味道 胡椒豬肚雞米，雞份量有差不多5份1隻雞，豬肚幾舊，有調味過非常好，胡椒湯底味夠濃，花膠大大細細有成4至5舊，配雞脾，雞湯底 煮及調味亦好。。會再幫襯。由荔枝角港鐵 D2 出口，到路面向左邊後轉，工廠大廈內，入口比較隱蔽，及需要行樓梯上一樓，工廠大廈飯堂牌照，門口寫只招待工廠大廈人員，😁😁當然係。。無人理。但注意店舖，只做星期一至六，假期休息，上午7點至5點，下午4點半截單，花膠雞，胡椒豬肚雞，11點後先供應。

呢間茶餐廳喺地鐵站隔離非常方便😋今次已經係第三次再幫襯啦🥰嗌咗個爽口花菇雞米線🍜冬菇超級肥大，而且仲好入味好淋，喺嗰啲海味舖都未必見到咁大隻🍄另外食過幾次都係比雞髀，間唔中有啲雞件係雞胸，但都唔會鞋口🐥唯一係自己本人嘅口味比較重，所以會落啲鹽，佢亦都好細心咁每張枱都放咗一樽🧂佢個湯底係雞湯味，食完唔會好頸渴，唔似有落好多味精🙈另外多青好抵讚，叫咗多青就真係成個匙羹都係🥄環境方面都算闊落，服務都算係咁，幾有禮貌普通茶記水準☕️

之前睇過YouTuber介紹，一直心思思想試但又怕等好耐位。咁啱見到外賣網有得落柯打，於是試下啦雖然貴左點 $65+ $25外賣費不過味道真係好滿意，湯係飲哂咁款雞都夠足，如果豬肚畀多少少就仲開心☺️下次，一定要堂食 更新鮮熱辣☺️☺️

疫情再次來襲，唯有選擇外賣，來到平日荔枝角叫好叫座的連文記一試，外賣速度快，這點值得稱讚，但外賣的質素真是強差人意，讓人卻步。叫了店內出名的蔥油雞排飯，滿心歡喜，點知打開一看，整塊雞排像中了輻射一樣，全塊也是燶的，咬走面頭的燶邊後，底面的也是燶的，一塊雞排也可煎到如此，真是垃圾。燶也不在話下，連肉也燶到硬，一點肉汁也沒有，像是咬一塊硬膠。之於蔥油得一個鹹字，一點也不香，差到不敢再次光顧，失望之極！