農米莊 (豉油街)

营业中

休息中

正確價錢我吾肯定啊~第一次食藥膳米線 好多選擇 二話不說就揀椰子雞湯 湯底非常香甜 雞件嫰滑 不過斬得有啲碎 食既時間要小心碎骨🦴仲有珍珠豆卜吸湯 絕對會再食💕記得要食下啲湯！

本人十分喜燒食雞，見到呢雞專食雞 就入去試下。裡面有好多款雞米線，亦有湯飯。但由於我唔食得辣，最後叫左椰子雞米線，真係有椰子雞湯味，雞都好多肉，都幾大碗，平民價，值得再試！！

今日去旺角行街， 諗唔到食咩～ 係openrice shearch 到呢間米線都幾多食評， 就選擇左呢間主打養生米線既小店二個人 x 藥膳雞湯米線+秘製醬油雞飯醬油雞飯醬汁其實味道唔錯建議： 1 )飯 同 雞 應該分開上，因為醬汁其實比較咸， 飯浸哂落醬汁入面， 太咸了，不過飯都夠軟滑。。。2) 雞係好滑，不過都係建議醬汁可以減少鹽分。。。 雞既分量都比較少， 食哂d雞仲有飯剩~藥膳雞湯米線~一上枱， 都幾大碗建議： 1) 藥膳味係有，但唔係太重， 湯底比較油2) 雞既分量唔多，但味道唔錯。總括黎講，今餐不過不失

🔥椰子雞湯米線 $58🔥湯底一入口，係嘩一聲，好濃嘅椰子雞味！同時又係好清新嘅椰子湯底，唔會過份油膩。從相睇到好清澈嘅純白湯色🤤🔥雞就咁啱係雞上脾位，想唔嫩都難🤣🔥豆腐卜盡吸湯底變左爽口椰子豆腐🤣🔥米線就正常，唔會過腍。🔥配料加左年糕芝士魚蛋 $8 一份兩粒，加左兩份！🔥一次過滿足你三個願望！三重口感，外係魚蛋，中係年糕，內係流心芝士。彈牙又會再有煙韌，幾特別，好味！🔥爆芝松露墨魚餅 $36🔥墨魚餅彈牙，爆芝不在話下，爆埋黑松露醬😂幾乎蓋過墨魚味，同略帶油膩，不過都可以接受~🔥總括黎講，椰子雞湯一流，已經值得回頭！Feast Level: 🔥🔥🔥🔥/5

話說都經常黎呢到食 .佢湯底同小食都出色既.一向都知濃妝侍應態度極度惡劣，永遠對人都係呼呼渴渴 .不過反正我黎食又唔係受佢氣 咁就由佢啦，見都係半個至一個鐘姐.今日食米線到尾聲既時候 見到碗入面有隻昆蟲浮浮下 我就叫濃妝侍應埋黎同佢講個情況啦 點知佢竟然夠膽答我 隻昆蟲係岩岩飛落我隻碗到 下一句仲問我想點？咩態度先？首先我出於好心同你講聲並無打算追究任何野無打算佔你便宜攞你折頭. 你最基本安撫客人都無啵 .仲要全程黑口黑面好似我有心屈你咁既樣 小姐 我比錢黎消費 我雖然食餐飯三百幾蚊 係你眼中可能係小數目 或者你根本睇我唔起 其實我係客人我每次都有同你講聲唔該呀 我都識尊重你 你呢？

好難做到咁差嘅米線米線夠碎、碎到一粒粒，仲要夠晒腍、夠哂發脹，真係未見過咁様狀態嘅米線無味精雞湯，我諗做餐牌打多左個「精」字，其實應該係「無味雞湯」，唔講唔知係雞湯，完全無味罐頭椰漿加雞湯就話係椰子雞湯成間鋪主打係雞同埋雞湯，雞湯無味已經好難接受；而另一主角雞肉都係無味就更加難得今時今日香港食米線嘅鋪頭多不勝數，但今日食到依間鋪頭嘅米線我真係嘆為觀止，原來一碗米線係真係可以咁難食，原來雞湯同雞要整到佢有雞味係咁難嫁真係好難得食到咁差嘅米線佩服萬分

之前吃過一次芫荽湯米線，印象中整碗湯都是翠綠色，湯中滿滿是芫荽的香味，芫荽控的我自然大滿足。是日心血來潮突然想再吃一次，所以就一個人到農米莊，由於只有我一位，故被安排搭枱。斜對面的食客都是叫芫荽湯，可見芫荽真係有粉絲🤣今次再試芫荽湯米線，跟上次吃到的不同，湯底一點也不翠綠，只是清湯上面放了一大埋芫荽，吃芫荽才有芫荽味，湯底是無芫荽味的，而且雞件也是很清淡，淡到食唔到雞味，結論是比之前退步了很多，真係令我失望，但我會再俾次機會，幾個月後再來。

昨日宵夜時段來到旺角 收工諗住搵啲嘢醫肚 由於之前曾經去到尖沙咀農米莊食嘢 覺得 啲嘢食同服務態度都唔錯所以就直接入咗去 旺角裝修畀尖沙咀闊落 而且餐牌種類比較多 尖沙咀冇咁多小食睇到眼花繚亂 一個menu有三十幾款小食 主'食就有十幾款 都係以雞湯為主 我哋個叫咗一款 米線 分別係 黑蒜雞湯底米線同四寶米線加一份雞件 黑蒜湯底 黑蒜同雞嘅味非常夾 而且雞肉嫩滑 另外四寶 分別係龍蝦丸貢丸墨魚丸 同埋魚蛋口感一般蛋雞湯味非常 雞湯味非常濃郁這次和朋友沒有吃小食是因為那些小食大部分都是辣的因為朋友完全唔食得辣 所以冇機會試這裏的服務態度一般人手比較少 我去到嘅時間只有兩個人做到非常踢腳而且客人越夜越多 但這裏的位置 有卡位算闊落坐得比較舒服整體上評分都算中上不上尖沙咀

呢間餐廳係旺角新寶戲院旁邊，位置方面，亦唔洗等位！呢間餐廳標榜藥膳米線，其實我本身就麻麻，但女朋友好想食，唯有焗住要同佢一齊食🤷🏻‍♂️🐔芫荽雞湯米線 - $58👉🏾超重芫荽味，成碗都係芫荽，所以鍾意食芫荽嘅朋友必定要食呢碗👉🏾食得出雞味，但肉質好冰鮮雞嘅感覺👉🏾份量亦唔算好足，男仔未必夠食🍲藥膳雞湯米線 - $58👉🏾食材相當豐富，而且的確有啲藥材味，入口味道還可以，追求健康嘅朋友可以一試總括黎講，呢個價錢算係有啲貴，但味道唔算非常好，所以都係食一次就算

我同女朋友都好鍾意食米線，經常都會去好出名嘅嗰間譚X食，不過再好食食得多都會厭，所以今次就轉下口味，試吓呢間聲稱湯底都可以飲晒嘅米線。餐廳面積唔大，座位都比較擠迫，拉開椅子想坐低嘅時候都好容易會整到地氈而跌親，要格外小心。有一個職員好抵讚，佢見到有個客係拎拐杖，所以都安排一個闊落啲既卡位比佢坐。但有另外一個職員態度就比較差，佢見到有一台年青客人食完，就話外邊有人等位，想佢哋快啲離開，我就覺得咁樣唔係好禮貌。食物方面，我叫咗一個最多人食嘅懷舊藥膳雞湯米線，女朋友就叫左一個麻辣雞湯米線。女朋友好慘，佢個碗好多都係骨，而我個碗就好多都係雞肉😂雞肉係滑嘅，亦都有雞味，但我就覺得個湯底好淡，可能健康嘅藥膳都係咁卦😂

行到嚟旺角唔知食乜，突然間諗起朋友以前有推介過呢間農米莊，話佢嘅湯底唔係一般嘅味精湯，仲係可以成碗飲晒既。見到佢價錢又唔貴，一於同男朋友試下！室內裝修就不過不失，不過座位好擠迫，而且拉椅子嘅時候好容易會kick到地氈，所以要好小心。而且店員態度都唔係咁好，我嘅右手邊坐咗一台年輕人，佢哋食完之後店員就即刻趕佢哋走，話出面有好多人等位，我就覺得咁樣好冇禮貌😥講返食物男朋友叫咗個懷舊藥膳雞湯米線，無辣不歡的我就叫咗個麻辣雞湯米線，男朋友話佢嗰個味道比較淡，而我嘅麻辣雞湯米線就冇乜特別，不過啲雞係好滑既。我見我男朋友果碗同坐我對面果2個女仔嘅米線啲雞都係好多肉，而我嗰碗就好多骨😓所以我覺得呢間米線真係好普通。

一般後生仔女出街食米線，多去《譚仔》或是《南記》。之前聽過新寶戲院樓下，有家《農米莊》好食的，尤其椰子雞湯米線為鎮店之寶。米線種類繁多，性價比都算高留意米線份量都幾多，毋須點客小食也飽。飲品選擇頗多，但熱飲只加$4、凍飲$8、特飲$12，好似米線配紅豆冰都不過份椰子雞湯米線 $58滿滿都是椰子湯香味，確是一碗可飲的湯。配料都相當豐富，豆卜、雲耳、支竹等，為米線添上色彩雞件都夠足料，似乎許多雞翼且雞件吸收椰子湯味，相當可口。黑蒜雞湯米線 $59同樣地，配料和雞件多多，尤其生菜，夠健康。黑蒜湯底夠養生，雞件經時間浸淫，都有陣黑蒜味以前食黑蒜多配拉麵，這次配米線有種新鮮感；況且米線煮得彈牙，值得下次Encore

星期六中午想食碗麵🍜,咁就試下🐔🍜店舖細細但都坐滿不少人。叫了個藥膳雞湯米🥣,餸豐富嘅有,蟲草花,雞件,紅棗,紀子,當歸,可惜雞沒有雞味湯底又不夠熱,個藥膳湯有當歸味及紅棗味,道味常可接受。

星期日晚上我跟媽媽外出覓食，來到想試很久的農米莊食米線。時間已經是八點幾差不多九點，餐廳九成滿。我們被安排坐在唯一有空位的卡位，坐了一會卻發現頭頂的冷氣機經常向著我們噴煙冒的水氣，還吹著頭頂，難怪沒有人坐由於冷風不斷吹著頭頂很不舒服，我們要求調位，幸好剛有客人用膳完畢離開，我們要求下某男職員也樂意幫我們調位。我要了一碗可以說是招牌的椰子雞湯米線($58)。很香的椰子味，湯面的白色是椰絲，或者說是椰子粉末，加強椰子的味道。飲下去有點香香甜甜的椰子味，跟米線一起食讓人不自覺飲了很多。米線裡面有些不同的配料，例如有冬菇仔，枝竹等，還有當然是雞件，不過就沒有甚麼特別，湯底比較吸引。媽媽見我要椰子雞湯，她就點了懷舊藥膳雞湯米線($58)。送上菜很香，吃下去更香濃，有藥材味，卻容易入口，頗有驚喜。兩碗米線份量普通，男仔或者肚餓的就未必夠飽。我們還點了一客小食。太極鴛鴦皮蛋($25)就是有普通的黑色皮蛋，配黃色的皮蛋。皮蛋帶少許糖心，醬汁偏辣十分惹味，除了份量較少之外都不錯，可以試試。店鋪座位較逼，某中年服務員的態度和行為較差，也沒用甚麼禮貌。地方狹窄，我把電話放在單據上，那位店員沒有詢問，直接拿起

呢間農米莊我已經食咗好多次㗎啦😋😋😋😋第一次食係因為有一個好朋友介紹😆😆😆😆😆佢話呢度嘅椰子雞湯真係好好飲😃😃😃😃嚟過呢度咁多次都試咗好多唔同款🙆🏻🙆🏻🙆🏻🙆🏻🦞但係我最鍾意嘅係藥膳雞湯米線😍😍😍😍😍因為佢個藥膳湯真係好正😋😋😋😋😋唔會太濃濃到好似中藥咁但係藥膳味都好濃好香佢個湯底係真係好足料㗎👍🏻👍🏻👍🏻👍🏻👍🏻同埋飲落唔係好覺落咗好多味精啲雞都好嫩滑😋😋😋😋😋之前都有嚟試過呢度嘅黑蒜雞翼幾特別平時好小食黑蒜嘅嘢食呢度嘅黑蒜雞翼都幾好食同埋隻雞翼都大大隻💕💕💕💕