農米莊 (厚福街)

营业中

休息中

農米莊已經唔係第一次食…..佢哋嘅湯底，真係多到，每次食親都唔知食邊款好？食辣嘅有酸辣，有麻辣，黃椒,喇沙，冬陰功等等…. 又有韓式泡菜，小食超過40款，所以每次揀親都可以食啲唔同嘅嘢！但係我最想講嘅，我差唔多試過晒，佢哋嘅湯底…..本人覺得始終最正嘅都係藥膳雞湯米線😋真係冇得輸⋯⋯佢唔同出邊嘅藥膳，出邊嗰啲有啲係好苦藥材味，完全同米線或者麵食唔夾，有啲就談到完全唔似藥材味，呢度嘅藥膳米線，藥材同雞湯味我覺得配搭到天衣無縫，配米線一流👍🏼試個晒所有味道，我諗我以後都會淨係食藥膳雞湯米線😂

近排天氣轉涼，最好食返啲暖笠笠嘅嘢….今日嚟開尖沙咀做嘢，做完之後到夜晚了，一到夜晚天氣更加凍，即刻好想食返一碗暖笠笠嘅湯麵，咁啱腦海入面….就諗起農米莊尖沙咀都有分店，佢哋主打養生雞湯米線，真係啱晒我，平時天氣冇咁凍，我多數食黑蒜雞湯米線，呢個湯底好特別，食完之後覺得個人充滿能量同營養，但今日天氣咁凍梗係要食藥膳米線啦！可能啱啱就嚟到食晚飯時間，餐廳開始多人，幸好快可以入到去，碗藥膳雞湯米線未埋到枱已經聞到好大浸藥材味😋，仲有蟲草花添….啲雞仲要超滑😋食完之後超級滿足！一個字（正）

平民價雞湯麵餐廳地理位置好方便 好近尖沙咀地鐵站 行過去5分鐘好方便 平日6:00鬆啲去到唔使等位 嘢食好快就上 花膠雞湯麵好好味 唔會好咸 但係雞味好重 鍾意食雞嘅人就啱晒 整體非常足料 值得返單👍🏻👍🏻

自2017年以黎 睇media訪問 已經幫襯過好多次 雖然聲稱冇味精 滑雞件 但我諗真係符合宣傳嘅只係得頭一次 每次黎到嘅黑蒜雞湯米線/椰子雞湯米線 啲雞件全部都係鞋拾拾 冇完整肉塊啲雞件 同埋成碗湯好多碎骨 椰子湯完全冇味 同個米線完全獨立咁之前試過同fd黎食叫咗翠玉瓜芝士小食 個翠玉瓜係苦嘅 淨係得芝士嗰層擺到入口 真係不了🤡 另外要highlight吓員工ss極奇惡劣嘅態度一開始搵人落單 有個30-40歲男伙記企左喺度禁電話 咁我同fd以為佢唔係幫手落單 跟住就搵左隔離個戴紅框眼鏡嘅女人幫手落單 點知個女人又指返個男人示意係個男人幫我地手落單 個男人就厲實我地示意我地嗌得餸未 去到野食黎到 我想喺個櫃筒搵筷子嘅時候 個男人又無喇喇走黎禁住我個袋 跟住話要收我地每人廿蚊服務費 嗰下真係當堂打個突之前仲有次試過嗌小食 另一個員工落錯單 野食黎度怪返我地轉頭話我地係叫黎到個樣野食 真心貼錢買難受 相信如果用同樣價錢會有更好嘅選擇 之後我都唔會貪方便幫襯呢間野 大家想食啲冇味嘅就黎喇 同埋衛生都係非常差 唔會再俾機會 bye

經過tst 搵間平d 既餐廳食個tea環境裝修一般，但都算坐得闊落點左墨魚花枝丸雞湯米佢配有枝竹豆卜冬菇墨魚花枝丸係好食，其他餸就一般最緊要個湯底係好淡，冇雞湯味，米線都唔入味，但至少飲完唔頸渴呢個地段呢個價錢都算放得入口又夠飽但幫襯多次我又唔太會😂相比至少5年前另一分店第一次食，個湯底明顯差左都幾多

呢間米線其實食過無限次每次基本上都係點同一樣嘢曾經試過食過椰子雞湯同黑蒜雞湯米線到最後都係點返懷舊藥膳雞湯米線首先米線本身已經跟咗6-7件農米雞件，件件都咁滑配菜有冬菇、雲耳、杞子、紅棗、 川穹、冬草花同時菜配菜超級多樣化，本身自己都唔係特別好呢類型嘅配菜，但加上佢哋個湯，每次想食得健康啲，一定會諗起佢！食完一啲都唔邪惡，好有健康嘅感覺！

食物比以前差，員工態度衰到一個點，好似得罪佢咁，食物同飲品上枱時，啲水飛晒出嚟，搞到我黐立立，然後想洗手，員工叫我用消毒液洗。然後攞杯熱到出煙嘅水過嚟，個樣成個黑面神咁。我食咗都背脊骨落。

食過幾次呢間餐廳嘅旺角分店，食完唔覺口渴，湯底好飲，最鍾意佢嘅藥膳雞湯麵。亦鍾意佢上菜快，唔怕餓太耐。今次行過呢間農米莊分店，見到個menu又心思思想食。不過，今次係試咗佢嘅喇沙味湯底雞麵。湯底可能佢始終主打藥膳或者其他味道，喇沙味就麻麻哋啦，個味食落似咖喱湯，比較稀。不過唔難食，食食吓又慶幸佢唔喊，食完一啖又一啖，係有驚喜嘅。雞肉雞肉一如既往都係禁滑米線今次啲米線會痴埋一舊，似乎呢間分店做得比較心急呢。

我不嬲都無酒不歡，所以醉雞麵都係我最鍾意食嘅嘢之一，呢排天氣開始涼啦，食返碗醉雞麵暖下身就最好啦，今次繼續嚟左厚福街搵食，見到menu有醉雞麵就入去試下佢啦花雕醉雞湯米線上到枱即刻飲咗啖湯先，不過有少少失望，因為個湯只係暖唔係熱，個湯冇乜花雕味，不過係幾清甜幾有雞味，雞件都算多，有6，7件，仲有啲腐皮豆卜冬菇同埋雲耳跟埋，不過成碗米線我都覺得普普通通中規中矩，唔使等位貪快食完飽肚都ok嘅，但就唔會特登好想食多次啦#foodie #尖沙咀美食 #厚福街 #醉雞麵 #醉雞麵系列 #hkig #hkfoodieblogger #hongkonger #foodblogger

🇭🇰農米莊·呢間我同我啲同事lunch time成日黎食 因為佢超多唔同湯底 而且價錢都唔錯😈 不過佢呢間水準係有啲參差嘅 啲雞唔係成日都好食🫢·喇沙雞湯米線$45我自己之前一路都係食開佢個椰子雞湯既 佢係行清甜風既 我自己幾鍾意🥥不過我之前有朋友試過話覺得佢唔夠椰 唔夠奶🙊我今次嗌嘅呢個喇沙湯底都幾有驚喜 佢唔係好正宗嗰啲泰國喇沙嚟嘅 係有少少沙嗲 少少喇沙咁既雞湯 但係我覺得都幾好味 而且好索湯🇹🇭而且今次佢俾左雞髀我 好滑 份量仲好多🐤😚·📍尖沙咀厚福街2號地舖📍旺角豉油街68號地舖📍太子通菜街154號地舖

今日去開尖沙咀，然後就去咗農米莊食米線，特別今日開始天氣都慢轉冷，所以叫咗一個藥膳雞湯米線，希望可以補一下。呢個藥膳雞湯米線都幾足料，我自己都好鍾意食，啲雞件都夠嫩，唔會住得過熟，因此不會令到佢太難咬。另外仲有好多唔同嘅藥膳配料。另外個湯底都好夠味，雖然我唔肯定佢係落咗味精，定還是係真係用雞去整個湯底，但係好入味。食米線食到最後你會好想飲埋啲湯佢。只不過，個地下有少少黐立立，所以衛生嗰部份扣咗少少分。總括嚟講我都幾鍾意食農米莊。

今日約咗啲舊同學睇戲食飯傾吓計，原先諗住去旺角睇，但係冇位….見到尖沙咀the one 有位，就轉地點去咗尖沙咀睇戲，睇完戲已經八點幾，同幾個同學仔就搵地方食嘢！就行去傳統食街厚福街睇吓有咩食先？😋唔先諗住搵個地方舒舒服服打吓邊爐傾吓偈但係又驚太夜….居然有個同學提議食米線，佢建議食農米莊….話好好食又坐得舒服，我見又未食過就試吓啦⋯⋯雲南米線食得多，主打健康米線真係第一次….呢間米線舖款式，真係多到唔知揀乜好？🤔有成十幾二十款，真係花多眼亂😂健康嘅又有平時食開嘅麻辣酸辣又有，大多數以雞湯為主，最終我就揀咗個藥膳雞湯米線，落單大約等咗10分鐘就到，未食已經聞到陣陣嘅藥才香味，計件好話….估唔到配米線係真係又幾好食😋我見到佢哋標榜話連湯都可以飲埋，最終我真係飲晒……果然冇介紹錯👍🏼

一入去 個黑色衫男待應大約20-30歲左右 叫我入座係用腳指個位 唔係用手指比你睇 同埋只係掛住同自己朋友傾計 對其他顧客態度超差凶惡 落單求其 其實唔想做就唔好做 希望店主正視一下員工態度 請人時都睇下係咩人先請 相信店主應該都知係邊個員工 唔該炒左佢

今日去開尖沙咀買嘢游水，一直喺度諗究竟有咩好食，又簡簡單單，經過見到農米莊，上一次食好似都幾年前，不過就喺旺角分店，嗰時第一次食覺得湯底真係幾好飲，咁當然果次叫嘅湯係比較簡單，好似係藥膳雞湯，但今次我叫嘅係想滋潤啲嘅椰子雞湯，一上台的確係有一陣好香嘅椰子味，但係似乎係有點人工味的椰子香，因為你會飲飲下唔想飲，而且今次的米線都煮得非常之爛，米線本身我都鍾意食少少軟，但唔係軟到爛嘅感覺，然後雞肉骨比較多，另外加錢的墨魚餅，第一次食，但勢估唔到竟然會加芫荽喺裏面，唔食芫荽嘅人真係俾佢伏親～ 下一次食可能有係幾年後lu，如果仲喺度嘅話，哈哈

朋友話想食呢間雞湯米好耐啦~ 又去開附近，就同佢入嚟食下啦當日我地都拎住好多野，但正值午飯時間，午餐人數較多，店員先安排我地坐卡位的單邊，對面有正在午餐的食客，台上還有一塊放在中間的隔板心知不妙了，仲邊有位置食野😥 慶幸店員十分細心，看到我們拎太多野，數分鐘後就安排我們調到另外一張卡位 舒服曬看過餐牌，真係花多眼亂，有太多的選擇，例如椰子雞，花膠雞，龍蝦雞等等，但我最後還是被懷舊藥膳雞吸引住了紅棗的甜味再加上雞的鮮味,令整個湯飯提升了有紅棗杞子蟲草花木耳，令湯飯食嘅時候感覺很豐富雞件正常味道，不太嫩也不太老。如果未試過的，都是值得一試的