農米莊 (厚福街)

营业中

休息中

- ¨̮♡︎ It gave me headache again choosing what to have for lunch. We walked to Hau Fook Street and I just decided to go into the first restaurant that we passed by. It was a maxian shop with dim lighting. A huge menu with wide variety of options, I felt tired reading through it so just go for one of its signature bowls - rice noodles in chicken herbal soup🤤The bowl of maxian came to table at light speed, I could smell the strong herbal aroma from afar. There are boneless chicken, shiitake mushroom

去完The One睇Lulu豬就周圍行吓 行到農米莊 見個餐牌🧾幾吸引 寫住「湯底都飲得曬嘅米線」咁就入去食埋嘢先番屋企🔹️椰子雞湯米線係有椰味 但唔係椰子清甜味 偏淡但啲雞係夠滑嘅 🔹️黑蒜雞湯米線黎到見到成pat醬喺面🤔撈勻咗再試啖湯有黑蒜味嘅 但有陣咸味（⁉️）2碗米線嘅湯底未到會想飲個湯嘅程度😶😶😶🔹️墨魚餅無墨魚味 淨係覺得食咗件炸腐皮加幾粒蔥咁 唔彈牙❌噱頭嘅嘢真係唔好信 😔😔😔成餐都好失望唯一就係夠大碗

#尖沙咀美食 #旺角美食 #太子美食 #窮人恩物 之平價 #米線 🍜糧尾啦頂埋佢呀🥲今次三個人嗌兩碗米線同一個小食 但都飽到上心口💟椰子雞湯米線：味道相當淡啲 但都飲到半碗湯😆懷舊雞湯米線：啲雞好嫩滑 重有蟲草花😯爆芝松露墨魚餅：成pat芝士撻上去勁拉絲 松露都唔吝嗇🤲🏻米線份量真係好足 我哋三個人share都重食淨🫣 #抵食📍 農米莊旺角豉油街68號地舖尖沙咀厚福街2號地舖太子通菜街154號地舖#尖沙咀美食 #旺角美食 #太子美食 #尖沙咀美食推介 #hkig #hkfoodie #hkfood #eat #food #米線關注組 #尖沙咀食極唔肥 #米線控 #抵食

如標題，食完當晚仲搞肚痛，懷疑食物唔乾淨整體用餐經驗唔太良好，食食下無端端停電，聽隔離枱保安講前一日都係咁，餐廳管理有待改善⋯⋯另外，侍應服務態度亦都幾差下，感覺做到好唔耐煩，嘢食都係掉比客咁。至於評點下嘢食質素，我份人就好均真嘅，硬件做得唔好，軟件掂嘅話都可以補救。（抱住聽聞不錯的心態來試）藥膳雞湯米線 $59 +$9 凍飲上餐速度奇快，比人感覺有啲求其。賣相係無問題嘅，但啲豆卜一擺落口就知，湯都冇索過滴，嚟手抌落去趕住出餐成碗米線最值得欣賞係雞件夠滑，合格有餘，而且配菜款多，營養頗豐富。麵煮到好淋，呢個就視乎個人喜好。湯底真係唔掂，好失望。有人工的藥材甘味，味道單一，連基本嘅紅棗甜味都帶唔出第一次對碗米線有咁多意見🫠P.S. 只收現金，大家睇路同帶錢啦

今日約咗三五知己去尖沙咀行街睇戲，熱辣辣，最好就係行商場有冷氣嘅地方，行到咁上下睇完戲，突然覺得肚餓….但天氣咁熱又冇乜食慾，又唔想食煎炸嘢，行過厚福街見到一間養生米線，喺門口見到有個新出品芫茜皮蛋魚片湯米線，好似好正咁…🤔就入去試吓，本身我都好鍾意飲芫荽皮蛋湯，呢個米線做要有魚片，我就決定揀佢，碗米線一到我第一時間就試吓個湯先，果然好清甜嘅魚湯皮蛋芫茜味，夏天熱辣辣食呢個米線湯真係好匹配！超級正….😋

小c妹同朋友仔到夜晚 想揾啲無咁heavy既野食咁岩見到呢間傳聞連湯底都飲得曬既米線🤔就確定入去試下啦 睇下佢係咪真係咁正🤫椰子雞湯米線 💰59湯底實在有啲普通🫣係幾清 但清得嚟有啲啖 無咩味咁😗加左椰絲係多左啲甜味 但確定係湯底都飲得曬？🤨比起味道本身 佢既宣傳有啲太超過了吧🤔切雞係幾滑既 可惜雞既部位應該都係睇運氣🤦🏻‍♀️朋友仔就投訴佢碗嘅雞全部都係啲三尖八角既部位 無咩肉可以食🤫意大利芝士餅紅豆冰(跟餐) 💰12小c妹第一見就比呢個名吸引左✨本身仲好期待紅豆冰上面係咪真係會有舊意大利芝士餅🤩事實係 果然小c妹真係太年輕了🙃就好似菠蘿包無菠蘿 老婆餅無老婆咁呢杯係一杯無意大利芝士餅既意大利芝士餅紅豆冰🙅🏻‍♀️仲要超爆甜 啲奶好重雲呢拿雪糕(?)味🍨飲幾啖懷疑已經糖尿超標 各位豬仔留意⚠️

喺油尖旺區屹立咁多年呢間平靚正恩物嘅米線舖都幾犀利本身主打雞湯米線同特色小食後來加咗早餐同客飯套餐明白要百貨應百客先撐得住但我每次去都淨係會食雞湯米線😆基本上每次都可以飲半碗湯特別係椰子雞湯同黑蒜雞湯兩款好少係其他地方見到同其他四川或小鍋米線唔同呢間湯底好清食完唔會口渴而且米線嘅質地唔會好淋所以我都幾鍾意唔知係咪好彩定係正常每次去都有雞胸加雞髀位各幾舊所以好少加嗌其他餸因為雞件嘅份量都幾多仲有幾舊雲耳腐竹豆卜都算豐富不過小食方面認真一般去食碗米線嘅話係唔錯嘅🤎

咁岩要黎尖沙咀上課途經呢度看似不錯就入左 叫左個酸菜魚雞湯米線索價88蚊 凍飲加5蚊一心想呢個價應該會唔錯一黎到好大碗，但個樣好似清湯米線 ，個豆腐卜硬好似無乜煮過，個湯好淡 又唔酸又唔辣 又無雞湯味清水咁 米線本身已經無乜味 再配無味既湯真係好淡好淡⋯勁失望！魚無魚味，又唔嫩 又好多魚骨 完全唔係個回事本身我已經係垃圾口，但我都覺得好唔正宗 好無味， 或許叫其他既米線會好食d ⋯⋯⋯午餐都要88 真心貴 又唔好食唔會再有下次了

農米莊 (厚福街)網址: https://s.openrice.com/QrbS0eEK800~ujLoTBA地址: 尖沙咀厚福街2號地舖電話: 35967908=====================麻辣嫩鴨血雞湯米線 ($68) (跟農米雞件)湯底唔止麻辣夠味，仲有啲微微甜味，令味道更加豐富。米線煮得恰到好處，唔會太腍或太硬，啱啱好。鴨血同雞件都好嫩滑，入口即化，真係好有彈性。賣相方面，湯色鮮艷，配料豐富，好吸引人。芫荽雞湯米線(跟農米雞件) ($59)湯底都好鮮甜，加上啲芫荽香味，味道真係好豐富！啲雞件同米線都好夠料，$59嘅價錢都好實惠，而且賣相都好靚啊！真係一碗好正嘅芫荽雞湯米線，值得推介！~~~~~~~~~~~~~~~~~~~~~~~~~~~~

上星期妟晝去尖沙咀農米莊食lunch 但係食物質素對比起之前幾次真係令人大失所望😮‍💨 米線同碗湯都吾熱 最令人失望就係個小食黑金雞翼同埋羊架 啲雞翼又乾 羊架又冇味 之前食過幾次都冇咩大問題，但係今次我食物質素真係令人嘆為觀止😮‍💨

員工服務態度好差，跟樓面員工叫左3次需要落單，有位女士員工短頭髮的，跟我對眼，但都照行照過，完全沒有理會我…..希望你地服務態出度能有改善，如果有非常急的事情需要處理，希望都能回應一句，轉頭後，完全沒理會客人，請改善。

周末十一點左右到達尖沙咀厚福街，只有寥寥可數的餐廳營業，所以就選擇了掛滿雜誌推介的農米莊試一下。餐廳大部分位置都有卡位，都尚算坐得闊落。待應服務態度不過不失，大多目無表情，可能太早未起身吧。🤣我點了一碗懷舊藥膳雞湯米線，轉烏冬加4蚊，再加12蚊要一杯涼粉紅豆冰特飲。要讚一讚啲雞好滑嫩，湯底絕對可以飲，唔算多味精，不過個人保守都係飲一，兩啖算。烏冬應該係噹噹，不過不失，成碗最好食應該係個雞。蟲草花得幾條同紅棗得一，兩粒，唔算係襯到個名，如果係養生麵，唔會推介呢一間。涼粉紅豆冰，涼粉幾好，紅豆應該加左糖水浸左好耐，食落淋身，整體還可以既。

米線就食得多，有幾可會連個湯底都飲得曬呢🥰農米莊就系主打健康米線既路線～🍜椰子雞湯米線 （$59）米線本身就有好多配料，有雞件、椰子絲、冬菇、雲耳、支竹、豆卜、芽菜。湯底系偏重椰絲味果種，而唔系椰子水果一種🙈，但都好清甜食完唔會口渴。雞件份量多，肉質滑唔會‘鞋’，米線就偏淋。📍農米莊-尖沙咀厚福街2號地舖-旺角豉油街68號地舖#香港美食 #美食 #美食推介 #foodie #hkfoodie #食好西 #hkfood #hongkong #推介#香港米線 #米線 #米線關注組 #農米莊 #尖沙咀美食 #湯麵

作為米線控嘅我 希望可以試匀晒全香港嘅米線🍜 呢間位於尖沙咀嘅米線店 我都幫襯過幾次 覺得佢幾好食 今次入去嘅時候就嗌咗鮮茄炸龍脷柳米線🐟佢一上碟嘅時候我就俾佢炸魚柳嘅份量嚇親😍佢條魚柳足足有成隻手板咁大咁長 原本我以為佢只會比炸魚塊兩三嚿 點知係成條上 令到我覺得好有驚喜🫣 而且佢炸得好好食 佢一半脆一半軟的口感 令到可以濕潤魚柳之餘 由保留返佢炸嘢嘅口感 而且帶有淡淡嘅蕃茄香🍅 唔需要額外再調味都好好食 米線方面都煮得幾淋身 唔似出邊嗰啲連鎖舖頭咁樣過一過水就算硬骨骨 配料方面都有誠意 有少少生菜腐竹豆卜同兩粒鮮冬菇🍄 分量方面我覺得佢比得好足 而且個蕃茄湯底係鹹蕃茄湯 而唔係落咗茄膏嗰種甜湯 所以同個米線都幾夾而且佢小食都有好多種類 為食嘅我梗係唔可以放過 叫咗個泡椒鳳爪 佢小貴$32只有呢度少少 不過佢熱到非常之入味 👍🏼令到個雞腳非常好食 不過佢唔係去骨鳳爪 所以佢啲肉唔係太多 而且芹菜會連根擺埋落去醃 😅

食厭左譚仔又想食個快餐，農米莊係個唔錯既選擇。-酸辣雞米線完全唔辣，但食到好重酸味，爆多酸菜。雞肉發揮正常，冇話好似海南雞咁滑，但未去到雞胸肉咁鞋。-椰子雞米線（$48）雖然同我平身expected 既椰子雞湯有少少分別，但整體味道上都合格有多，雞湯帶有微甜同椰絲既清香。冇打錯，係椰絲。米線軟硬適中，而雞塊有五舊左右。