農米莊 (厚福街)

营业中

休息中

朋友話想食呢間雞湯米好耐啦~ 又去開附近，就同佢入嚟食下啦當日我地都拎住好多野，但正值午飯時間，午餐人數較多，店員先安排我地坐卡位的單邊，對面有正在午餐的食客，台上還有一塊放在中間的隔板心知不妙了，仲邊有位置食野😥 慶幸店員十分細心，看到我們拎太多野，數分鐘後就安排我們調到另外一張卡位 舒服曬看過餐牌，真係花多眼亂，有太多的選擇，例如椰子雞，花膠雞，龍蝦雞等等，但我最後還是被懷舊藥膳雞吸引住了紅棗的甜味再加上雞的鮮味,令整個湯飯提升了有紅棗杞子蟲草花木耳，令湯飯食嘅時候感覺很豐富雞件正常味道，不太嫩也不太老。如果未試過的，都是值得一試的

心血來潮今日好想食米線，咁啱今日出開尖沙咀做嘢…..行過厚福街見到一間米線店，標榜可以連湯都飲埋，吊緊米線癮嘅我，二話不說就入咗去試吓，店舖裝修環境比較簡潔，原來這店主打鮮雞湯米線，款式種類繁多，主打養生有椰子雞湯米線，黑蒜雞湯米線，同懷舊藥膳雞湯米線，龍蝦雞湯米線，花膠雞湯米線同普通米線店都會有嘅酸辣米線，種類真係好多都唔知食邊樣好？🤔我諗第一次食應該食主打嘅應該穩陣啲， 最終選擇咗椰子雞湯米線，落咗單大約等5至6分鐘，就有得食…都算快！碗米缐一到已經有一陣陣嘅椰香味，估唔到個湯底真係超甜…好好飲！下次可以試埋其他湯底！真係一個字（正）😋

叫咗三碗米線，完全勁難食，湯底冇味，湯底同米線味道分離，真係食唔落冇食到走咗，唔會再嚟食！從未寫過食評，今次真係忍唔住要寫，一個字「差」！冇諗過厚福街成條食街，真係超級差！

近日聽到尖沙咀農米莊好多人话D野食麻麻，我其實一星期都有一至二次去食，有個白頭佬老细次次都好搞笑，我見佢好留以D客人食剩D食物好關心是否好唔好食同有咩問題，好贴地關心人客，但都有一D伙記态度惡劣，飲食方面，我十分欣想佢地用心製作，軟殼蟹用避風塘做發，感覺好似食緊避風塘炒蟹一樣🦀，醬油雞飯係本店靈魂，但係尖沙咀先有得食😅，酸菜魚我男朋友最喜愛知選，爆芝魚餅非食不可，卖相讓人食欲大增，但咖哩猪扒飯真的失准，一系就非常辣，一系就味淡，一系就咸😣，大致上所有食物都oK，佢哋主打係雞湯米線，湯底真係可以連湯都飲晒，我同事次次都叫花膠米線，湯都飲得一干二淨🥹，所以我地都係覺得妳最好😋😋😋。系啦！近日還出咗新野食，花雕鴨舌，有十隻咁多，好入味，好好食！

《尖沙咀Lunch time之選系列》📍農米莊 🌟尖沙咀🔸椰子雞湯米線👅8.7/10椰絲+椰子湯底 成碗米線都充滿住勁濃既椰香味❗️ 雞肉滑Lulu 懷疑自己食緊海南雞咁滑😂 米線都好彈牙 分量十足 配料都有好多 豆卜、冬菇、雲耳、腐竹 食到好飽🤤

今日早放工約咗朋友去尖沙咀行街食少少嘢，諗起厚福街，呢條小巷都幾多小店，最後揀咗呢間米線店。雖然係下午茶時間，亦可以有午巿套餐，不過我哋比雞湯米線嘅餐牌吸引，點咗兩碗唔同湯底嘅米線同一個小食。食物味道方面有少少失望，雞好多都係雞脾部份但唔算滑亦無咩雞味，可能啲相太吸引，期望有啲大。軟殼蟹(原隻)，都幾大隻，新鮮炸起。黑蒜雞湯米線，呢個湯底比較濃。椰子雞湯米線(+$4轉薯粉)，相對湯比較清淡，其實都幾好飲，不過唔似椰子煲雞嘅味。+$12浪漫熱情果。+$9凍檸茶。

又一家不斷返轉頭嘅米線店1點鐘左右，等了5分鐘左右就能入座必點的椰子雞湯米線（$48），湯底夠晒椰香和椰子的甜味，有一隻雞腿肉和2件雞胸，配有冬菇、豆卜、腐皮和生菜，份量十足！加$5可配凍飲🥤老公點的咖哩牛腩飯（$52），賣相麻麻，幾香，但幾辣🌶🌶🌶不吃辣的要小心黑金雞翼（$28/3隻），黑蒜味濃而偏甜，濕身的，味道一般爆芝紫薯餅（$30/4件），所謂的爆芝不是芝心，而是面頭淋上了芝士，味道普普通通總括而言，識食一定食米線😂，米線以外的食品都普普通通，不特別推薦座位較迫，冷氣較凍，怕凍的話最好多帶一件薄外套☺️

夜麻麻同朋友飲完酒有點肚餓，就搵吓附近有咩嘢好食？見到有間米線店仲開緊…心諗是但啦求其搵啲嘢食，見到門口標明連湯都飲埋嘅米線，就睇吓係唔係咁好食先？原來佢哋主打係雞湯米線，分別有椰子雞湯米線，藥膳雞湯米線，同出面少有嘅黑赫雞湯米線，聽講黑蒜係可以抗氧化同好高營養價值，最適合啱啱飲完酒嘅我保保佢先，大約等咗10分鐘到，碗米線就送到….湯底黑黑的同我平時食開嘅黑蒜公仔麵略有不同，黑蒜嘅味道好濃….個湯底完全唔係hey你，食完嘅感覺充滿能量咁，啲雞好滑！一定有下次👍🏼

打風行過有開，叫左雞湯酸辣米線，肉燥雞翼溏心蛋雞翼飯。兩個小食，鹽燒豬頸肉同埋黑松露墨魚餅。酸辣米線味精同水一樣🥲已經叫咗小辣都冇反應，豬頸肉好似燒煙肉咁🥲又光又爛咬，最慘連個飯普通雞翼都係冇味🤦🏻‍♀️ 飲品方面叫左凍檸茶走甜都唔掂🥶得澀味 服務態度都唔見好得去邊😳 問佢可唔可以較細啲個冷氣，佢話23已經係最高溫度，但係個冷氣寫住21😕 叫野叫幾次先聽到。 都係冇下次

我一向都係米線控，這家店行健康路線，標榜自己係一碗可以連湯都飲晒嘅米線，令我都有點期待。我叫左椰子雞湯米線，一上菜當然係要試一試個湯頭，點知。。。。。。超乎我想像，完全唔係其他食評所講嘅清甜，得啲好假嘅甜味，又有啲椰奶味，個甜味怪到不得了，唔知點溝出嚟，同米線完全唔夾，我唔係嚟食甜米線，連米線都有陣味，完全唔掛湯，仲要灑啲椰絲係面，我真係唔知食左啲咩，浪費金錢。椰子雞湯湯底絕對唔係咁樣，希望不要再有人中伏！

之前食過一次藥膳米線但感覺好一般，所以之後都冇食過，今次經同事一番推介所以就決定試多次，但今次試左個麻辣雞米線，意外地幾好食✨米線可能因為外賣緣故硬左小小，整體上都可以～

米線食得多…來來去去都係雲南米線，酸辣麻辣果啲，今日約咗好多年冇見嘅朋友出去食飯，佢話帶我去一間好有特色嘅米線餐廳食米線，我心諗🤔️有幾有特色吖..嚟嚟去去咪又係嗰啲味，都係食米線啫⋯⋯😂原來係一間主打食雞湯米線嘅米線舖，有椰子雞湯米線，藥膳雞湯米線，同黑蒜雞湯米線主打健康，仲有好多不同口味，芫荽湯底 喇沙湯底同醉雞湯底，仲有好多米線店基本有嘅麻辣酸辣都有，淨係湯底都有10幾20款，叫人點揀啫😂每日試一款都要試十幾二十日😂最終揀咗椰子雞湯米線，碗米線一聞落去有好香嘅椰子清香味食落去估唔到超好食😋死啦….我諗我真係要起到食10幾20日先試得晒😂

星期一同女友一齊次次都話食米線，男人唔食飯邊有力氣做野，這次去了農米莊有飯食，飯，我女友又食醬油雞飯，咖喱豬扒好食到一字形容()，我女友都打包一個攞反家，醬油雞飯都回味無窮，直得一提咖喱香濃加多碗飯

今日中午去咗尖沙咀買嘢同食晏，我去咗厚福街搵嘢食，貪佢選擇多。唔係好肚餓想食碗麵，就揀咗食農米莊，之前經過都想試，但門面冇乜特別，所以多數都揀咗第間。依度出名食雞湯米線，雞湯底有差唔多成10款選擇，我試咗沙嗲雞湯，老實講沙嗲味就麻麻哋，但反而雞湯本身就幾出色。雞湯米線本身已經包左雞肉，所以我覺得唔使加餸。雞胸有成排，好抵食，而且味道都OK，唔會太鞋。佢另外仲有腐皮冬菇同菜，整體感覺唔錯。想食米線都唔一定要去連鎖店。加埋凍檸茶都係40幾蚊可以埋單，喺尖沙咀來講算抵食啦。題外話，餐廳入面播啲廣東歌，而且仲有無間道，在座食客聽見精神為之一振，成個場面好搞笑😆。

今日又嚟到農米莊，鐘意食芫荽嘅我，想再食芫荽雞湯米線，雞件好嫩滑…呢度仲有好多口味嘅米線，藥膳雞湯，椰子雞湯👍🏻👍🏻注重健康嘅米線等咗冇耐一碗熱辣辣嘅米線就送到我面前，服務員態度亦非常友善，抵讚👍🏻👍🏻，途中發生咗一件小插曲，我隔離枱同樣食芫荽米線，冇意中聽到佢同侍應講「好難食」，我就認為個個人口味都唔一樣，呢位客人態度都很惡劣，不過我仍然覺得芫荽雞湯係最好味😋😋😋下次會再嚟！