轉角‧見

营业中

休息中

轉角‧見 (荃灣)-想試好耐嘅一間漢堡包🍔 但因為之前成日見多人，同埋排隊方面冇得攞飛要就咁排隊，所以就依家先食了🥺 -🔍 芝士蘑菇漢堡🔍 型男漢堡🔍 Cookies milkshake 🔍 抹茶鮮奶而家叫🍔再加正價嘢飲會送細薯條🍟 漢堡係吸引嘅，名不虛傳😍 肉夠juicy, 而且亦都好吸晴😍 cookie milkshake 唔會太漏，配漢堡一流😍 不過杯抹茶鮮奶就有待改善，睇落去係抹茶，但飲落去其實冇咩抹茶味😐-📍轉角‧見 (荃灣)荃灣西樓角路202-216號荃昌中心昌寧大廈地下66號舖

呢間位於荃灣嘅黃店cafe, 雖然冇咩打卡位，但係食物嘅質素唔錯，仲好抵食添！💛芝士蘑菇漢堡🍔 $58個🍔大大份，唔會驚唔夠飽，而且煎得啱啱好，肉質juicy,仲有少少粉紅，再配埋d蘑菇唔會太膩！💛💛薯條🍟🍔有得揀緊薯條或沙律🥗，好彩冇揀錯！薯條炸得外脆內軟，令人忍住唔住食哂！💛💛💛熱玫瑰latte $28相對於玫瑰味，咖啡味會重d, 普普通通啦！整體💛💛💛CP值💛💛💛💛

呢間cafe出名嘅係burger，見到隔離枱叫嘅burgers賣相好似都唔錯咁，仲要每枱都有一碟burger😂但一個人嘅午餐，唔想食得咁heavy，見kitchen’s corner deluxe個個all day breakfast都幾豐富咁，又應該唔會太飽濟，所以就揀左佢。煙三文魚同Parma ham，我揀左我鍾意食多啲嘅煙三文魚😋個蒜蓉包有驚喜，我以為會係硬身，但點知除左包邊脆之外，成舊包都好軟熟。蒜蓉牛油味夠哂重，啱我呢啲重口味嘅人🤫🥚炒得好滑同埋個份量都幾多。煙肉、蘑菇、焗蕃茄都正正常常，無特別難食/好食個腸原來係最頂肚，食完就飽哂。飲品就揀左latte，照正價減$12。味道係正常latte味。呢餐就$97埋單，價錢就都ok嘅，對比起百幾蚊一碟嘅all day breakfast，食物質素就不過不失。下次有機會黎試埋佢嘅burger，應該會有驚喜嘅。

有幾次經過，都好想試，但太肚餓，排不了。今次終於比平時早到，都坐滿一半人。聽到隔離枱話薯條同雞翼好好味，但我地就叫唔到咁多，只係叫左一個all day breakfast 同burger。呢個價錢，食到咁有水準嘅，真係好抵。連個burger 嘅包身都係脆，唔係炸個種脆，係香口嘅爽脆唔熱氣。我食完個Breakfast 先食burger都仲有肉汁，仲好温暖，正。而個breakfast 都係好正，性價比超高，唔洗100蚊，有咁多野，個mushrooms 係最好食，好香濃，個蒜蓉包又唔會脆到界咀！係個蕃茄燶左少少。除左見到嘅，其實仲有Parma Ham, 係影唔到姐。而我地只係叫左一杯檸檬綠茶，個飲品就偏少甜，啱晒香港人口味。而且，servers 都係年青妹妹，好有禮貌，又有甜美笑容。服務態度一流。

呢間 轉角·見 已經食過幾次~就係因為食過幾次，佢都保持到水準，所以想介紹俾大家🤗今次分別嗌左:❤️ 型男漢堡 $64🧡 經典牛堡 $58💛 特濃花生奶昔 $38💚 抹茶奶昔 $38❤️型男漢堡呢個漢堡最特別就係佢有紅菜頭同流心蛋~出面唔係好多餐廳有呢種配搭，佢既配料加埋個source 真係好好味。$64黎講 個漢堡絕對係好足料 加上牛肉大大舊又好juice，絕對係呢間餐廳既招牌burger~ 另外值得一提就係薯條，係好脆、好有薯仔味~之前有試過burger伴沙律，但係我覺得薯條好味d~🧡經典牛堡呢個入面係classic burger配料~都okay既 但係就冇型男漢堡咁特別。呢個burger令我驚喜既係入面既pickles~食親pickles 都好怕食d好酸既，但經典牛堡入面既pickles 酸味啱啱好，夾埋牛肉食都好好味架！💛特濃花生奶昔個奶昔係好有驚喜，個口感好rich，仲要有飲落有粒粒花生粒😋 但係飲完之後都幾飽肚😂💚抹茶奶昔相對起黎就冇特濃花生奶昔既口感咁rich, 佢係有淡淡既抹茶香，都一樣好好味😋🔹環境:位置寧靜，放假去食下野都幾relax，有室外同室內既坐位選擇。

今日和友人打羽毛球前，試試這間餐廳。我們去到六點，已經有人排隊等位。室外位不用等，所以我們選了室外位，大家留意室外位會有人吸煙，幸好位置距離都遠，嗅不到煙味。今日有33度，因為是黃昏時候，都不算很熱。我們還見到有人帶狗狗一齊來食野。我們食芝士磨菇漢堡和沙嗲雞堡。芝士磨菇漢堡比沙嗲雞堡好味，牛肉本來與漢堡都比較夾。個芝士味道淡淡的，混合牛肉都好好味。沙嗲雞堡個味道似烤沙嗲雞串燒，哈哈，個沙嗲汁好濃，都不錯。這裡環境好舒服，和朋友過來食tea 休息一下，是不錯的選擇。

想知一間餐廳好唔好食, 睇佢等入座既人龍就知當然啦, 人龍既出現會可能係餐廳太細座位太少又或者有d無同理心, 飲一杯野要傾幾個鐘duck住張檯既食客我之前黎過2次, 但人龍真嚇怕我所以就專誠星期6等佢開門, 做第一批食客我同男朋友好準時11:30am就到達, 我地係第一個顧客呀見佢都係準備緊開門,  所以我地就坐響門口等一等, 大約5分鐘就被安排入坐店鋪小小, 大約得20個位, 所以我地坐低左無耐已經full左,只係前後爭15分鐘, 出面既人龍又出現喇我地都拿拿聲叫野食先~~登登~~~我地今次就叫左呢d叫飲品送薯條/沙律, 所以叫左個latte香同濃係爭d既,  但都ok丫, 唔會水new new, 淡茂茂跟飲品送既薯條...好食呀每條都係脆身, 但又唔會過火硬到掟死狗, 食到最後都仲脆架漢堡 +10轉左做impossible meat包有用心機時間慢慢烘過, 所以入口係外脆內軟餡料非常澎湃,  啖啖都係滿足, 相信徒手食會相當呢hea塊impossible  meat同我之前去green common比, 佢更加鬆軟濕潤, 除左小左陣牛肉既香, 除此之外都做到同牛漢堡好相似呢個小食真

係朋友介紹呢間店，不過唔係朋友介紹都唔識黎，因為位置係商場唔起眼既角落。朋友食過好味既食物係推介炸魚薯條🍟為必點之選，炸魚外表夠硬邦邦，，同入面既魚肉形成強烈外脆內軟。佢既漢堡包🍔既牛肉唔會太熟所以食落都鎖住肉汁，連薯條都好出色。佢既蝦多士都唔同茶餐廳所食開既蝦多士，其實都好味，不過你唔講係蝦多士未必覺得似蝦多士，因為佢既蝦多士外層好多芝麻，唔知點解我個人口味食落入面有少少鹹味又似似地三文魚既口味。基本上佢既食物都好滿意。只係座位真係少，同埋要快有位都係坐出店外，所以黎食既朋友要有耐性等下位，因為都幾多人黎食。🍼仲有飲品方面都係有佢既特色。佢呢間花生醬奶昔就係令我好驚喜，好大杯之餘好處係無大大粒既冰。佢既花生奶昔有少少花生既渣滓，飲完好飽既感覺。

有時候做人好簡單，約到一個想見嘅人就可以好開心。我好好彩，今日約到一個荃灣人，真心佢係約唔易約，佢話要近佢喎咁咪近啲去荃灣食飯囉。其實小編都好少去荃灣嗰邊食飯。所以都抱住個開放嘅態度去試吓荃灣有啲乜嘢正餐廳。而呢個荃灣人就介紹咗呢間近期好Hit嘅——轉角•見。因為近期佢哋咁Hit，所以去到都排下隊。好彩當日高枱唔駛等好耐。等咗10分鐘企喺門口吹吓水就可以入去啦。呢度係以漢堡包出名，漢堡包當然最緊要係個漢堡扒啦。我就叫咗“型男”漢堡。呢度嘅漢堡扒新鮮牛肉製造，（唔食牛嘅朋友仔其實都仲有其他選擇，到時睇餐牌啦）廚師煎牛扒嘅時候火候啱啱好唔會太過乾肉汁嚟到枱面嘅時候依然保持到！配菜方面佢哋有沙律同埋厚切薯條。除咗漢堡包，作為一間做漢堡包主打的餐廳，其中最重要嘅元素就係奶昔！佢嘅？的”花生醬奶昔”我都試咗。奶昔有濃郁嘅花生味道，我初初都好驚又咸又甜會唔會好怪。但係飲落去一啲都唔會好怪嘅感覺 ，反而配漢堡包口感一流。同埋奶昔除咗花生味之外仲有一粒粒細粒嘅花生係入面。所以無論口感同味道都非常好丫！

今天約了朋友lunch, 佢帶了我來這裡。食物選擇很少, 只有burger/salad, 恰巧今天胃有點不舒服, 也只好點簡單一點的burger。等待時間非常長, 長的令人不耐煩,burger我明白, 亦了解需要等待,但只少先把飲料上桌, 座上的人等上菜送餐時間無聊的玩手指實在是尷尬,這是餐廳上招待上的缺失。等了20-25分鐘, 餐點終於上桌了,salad, burger的蔬菜很新鮮,很可口漢堡扒牛騷味很重, 也有點乾,沒辦法吃完。點了蜂蜜綠茶, 綠茶有微微香氣, 覺得舒服的(不是香死人的假死人香精味)不算貴, 但也沒有很值得推薦要來對了, 店裡人員雖然沒什麼笑容,但其實服務很好,很幫忙的。

說真的，從開店就來吃到現在，除了前幾個月很不錯⋯之後每來一次就失望一次。不能訂位，不能排位，人到齊才能入坐。但店員的態度很差，座位調度的智慧是零。不管客人等了多久，也是黑臉的說「出面等」每一次再來，態度就再差一點。每一次都失望一次。進來之後，常常聽到廚房和外場嘻鬧，大笑。那等待的客人是欠你的嗎？不值得一個微笑嗎？非必要，肯定是不會再來的了。食物的部份，還是可以的，但可能是開放式廚房，油煙味的部份就無可避免。

喺朋友間成日俾人叫做吃貨，聲稱由我每次挑選餐廳都總冇失敗，亦建議我試下寫OpenRice食評。其實我都心郁郁諗過，但由於太懶嘅關係拖下拖下講咗幾年，幾年後嘅今日終於捨得開始，希望可以堅持到！第一篇就由黃店開始。荃灣Cafe話少唔少，總有一間喺左近。而轉角見周不時會經過，但每次見大排長龍都總不期然行過。而今次朋友話想食，終於有個理由比自己去排隊。雖然條隊依舊排到轉晒彎，但室內同室外加埋都有十幾張枱，空間算大，最後排隊只用了半小時就有枱，花費既時間比想像中短得多。我哋叫咗大蒜鱈魚意粉、芝士蘑菇漢堡跟薯條、經典牛堡跟沙律（依兩個都加咗$10轉埋素肉），同埋熱玫瑰咖啡。首先講大蒜鱈魚意粉，鱈魚分成一粒粒，口感偏硬身有質感，唔會一入口就散晒，配搭黑椒同小蕃茄去炒，如果想食比較開胃嘢味既意粉，呢個係唔錯嘅選擇。然後到兩個漢堡，兩個配菜: 薯條係屬粗身類，炸得香脆；而沙律配搭咗芝麻醬，亦清新開胃。最為驚訝係兩個牛肉漢堡轉為素肉後，味道仍然好像有肉味，口感也像剁過嘅肉排似的，整體不比真的牛肉差。如果未食過素肉漢堡，呢個絕對值得一試！最後到rose latte ，由於自己偏愛飲玫瑰，所以要求都比較高少少

第一次寫評語，因為體驗實在太差。聽聞呢間漢堡好出名，一行3人諗住去食個下午茶，食物質素係ok，但係點知食到一肚氣。等左超過一個鐘位，其實等位冇問題，不過店員態度奇差，而且分配位置好差，明明有枱，都唔編排下就比左後面2人枱，有outdoor 位又唔問下人想唔想坐，等左咁耐終於入得去，入去果陣探熱又唔講野，一野隊到勁埋，跟住落單呀送餐全程黑口黑面，體驗極差。知道你生意好好，唔休做都唔係咁做生意，一間食物好嘅餐廳比服務態度拖垮。如果大家唔介意服務態度非常差，係可以幫襯。

首先，要讚下間店衛生意識強👍🏻一黎到見間店坐得都幾空，諗住直接入去坐，但店員話要等位...我先留意到要隔枱坐～唔會為咗做多啲生意就由得d客痴埋坐。叫左個經典漢堡餐～食落味道就無咩特別，不過食材feel到係好新鮮，同埋我覺得個burger入面既酸青瓜好好味😂 如果個burger係熱熱哋甘上枱..我會開心啲，因為黎到係常溫～ 薯條不過不失～個all day breakfast每樣食材都好食～ 洋腸唔會太咸，有淡淡既香料味～ 磨菇、蕃茄、蛋...每樣料都好食到食材本身既原味，再配上簡單調味即可～所以我覺得間店既廚師都幾識簡靚食材～ 成件事雖然簡單但好食叫左個混醬雞翼～食落好有驚喜，外脆內嫩，炸雞都可以肉質甘嫩滑，真係好amazing佢點做到🤔哈哈～好中意間店既靚靚壁畫💕 岩曬港女們做打卡點☺️總括，餐廳位置有少少難搵，而坐位空間感舒適，環境美觀，食物味道水準中等，價格合理又好坐～

本來朋友再加上食評介紹 黃色小店就算地點唔就腳 都諗住去撐下場點知一去到就俾兩位唔休做既後生女黑面叫你出去排隊 入面枱已經唔多 後生女安排一個男人坐四人枱 輪到我同朋友既時候 朋友大住個肚 安排坐bar 枱 多口問一句 可唔可以同個位男人調一調後生女竟然 理都唔理 咁你地等下一張 然後問後面排隊既人坐bar 枱🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️咁既態度 黃店又點 好食又點?結果我地放棄 唔想受氣